蠔站 (諾士佛臺)

营业中

休息中

早前問咗朋友邊間生蠔好食因為想同朋友慶祝生日，然後佢就推介喺尖沙咀諾士佛台呢間舖頭～由於要8:30之後先會有折扣優惠所以我哋直接Walk in上咗去一入到去嘅環境係唔錯嘅環境都幾乾淨而且會有啲音樂聽吓睇完menu之後就帶咗一個刺身拼盤（包8隻生蠔)，同埋火腿拼蜜瓜，再加黃金軟殼蟹扁意粉刺身同埋生蠔嘅質素都非常之唔錯，好新鮮另外都加嗌咗兩隻特價嘅生蠔，特價黎講品質都叫做不過不失啦食完拼盤無耐之後，侍應就會問你想唔想再加單啊～我哋都見價錢平所以都加咗幾隻特價生蠔再食嘅軟殼蟹扁意粉其實幾好食嘅，但係個軟殼蟹就冇乜味兼且落太多炸粉，略嫌失望提一提大家如果想要飲品嘅話 其實可以嗌啲梳打特飲特飲一jar嘅話其實都幾大杯而且都幾鍾意佢梳打係冇另外再落糖相比起出邊一啲餐廳落好多糖嘅梳打會令你食到好濟滿意的生日飯

首先講吓最抵食嘅$10/1隻生蠔真係超抵食一打都係$120雖然係$10/1隻但係都唔錯嫁淡淡嘅海水味食到生蠔嘅鮮味我地叫左打半冇一隻唔新鮮👍🏻其他熟食仲有炭燒肉眼牛扒都幾好食我哋嗌左五成熟啱啱好👏🏻另外佢嘅香辣蒜片蜆肉扁意粉每次去親我都會叫呢個意粉食真係好味😋仲有一個炭燒西班牙極黑豬，呢個係厚切豬扒平時食豬會覺得好粗，但係呢個豬啲肉係勁軟熟真心好味😋約埋三五知己飲下酒嘆吓生蠔傾吓計真係唔錯，因為嗰度地方氣氛唔錯音樂聽亦都唔會太大聲唔會阻住大家傾偈如果係OpenRice book位仲會有折扣優惠埋單嘅時候記得睇單有冇比discount你因為職員可能會忘記咗俾返discount你提番佢地就可以喇😊

真係好難食。小食叫左香炸魷魚 & 啤酒味薯條炸魷魚一上枱就已經淋曬🙃🙃🙃啤酒味薯條一啲啤酒味都冇🙃🙃🙃又係淋既刺身三文魚&赤貝正常味唔算新鮮，赤貝有d腥👎🏻主食黑松露野菌意大利飯外貌正常，一食落口真係想講粗口d飯個口感好似隔夜飯咁款真係劣👎🏻美國USDA CAB肉眼扒👎🏻牛無牛味🙂🙂旁邊嘅蔬菜難食過中學訂飯嘅菜～重有陣怪味舊粟米係個d即食粟米🤦🏻‍♀️生蠔👎🏻好腥。幾多檸檬汁同醬都搞唔掂大家真係唔好貪佢$10 一隻蠔而去食不過以前食過將軍澳嗰間分店係幾好食嘅。尖沙咀呢間就真係不了🤮🤮

🦁✅ 生蠔 ($10/隻)抵食嘅生蠔 每人10隻係基本！ size 正正常常 都新鮮同埋夠凍 加埋黑魚子鮮味仲出🦁❎ 德國鹹豬手 ($278)應該係食過最難食嘅豬手。個名叫「脆炸」鹹豬手 但係個皮完全唔脆 超級韌 d肉勁多筋 咬到牙軟 完全唔推薦！🦁➡️ 黃金軟殼蟹扁意粉 ($138)普普通通 軟殼蟹鹹蛋味唔夠重 意粉汁唔太夠🦁➡️ 炭燒西班牙黑豬 ($278)正常 個青蘋果醬令個肉加分依間餐廳食過幾次 蠔既質素好穩定 熟食就次次都麻麻😂 所以都係推介黎淨係瘋狂食蠔！

聽朋友介紹有個地方10蚊隻生蠔質素又唔差~於是就試試佢! 一去到就試下先~ 先試左一打~ size唔係話算太大, 但10蚊黎講算ok, 蠔既味道算係creamy 同埋唔太重海水味! 所以enocre 多一打😍其實佢就唔只10蚊生蠔仲有其他款既生蠔嫁😍而蠔站既軟殼蟹意粉係屬於偏乾身, 冇醬汁既意粉黎😌 蒜香味幾出~~另外仲有個咸豬手~ 肉係軟熟既,但個皮真係有d 硬😂我就唔係好咬到...要交比我朋友處理佢地😂😆

突然想好食生蠔就嚟到呢間尖沙咀諾士佛臺試吓呢間一直好想試嘅$10生蠔🦪-一坐低就嗌左一打$10生蠔原本呢個價錢都唔係有太大期望但食落又有驚喜！雖然唔算好大隻 但每隻好creamy 又好新鮮$10一隻真係好抵食 即刻想再嗌多打-食完生蠔就試吓佢嘅主菜我哋兩個人叫咗啤酒薯條、豬手同比目魚豬手個皮燒到脆卜卜 咬落好香脆不過配嘅汁就有啲甜甜地 唔算太夾啤酒薯條就食唔出有啤酒味食落同普通薯條差唔多～應該都係gimmick多-總括嚟講 生蠔好抵食 其他主菜都值得一試但價錢偏高如果只係主力為咗食生蠔嘅話呢間絕對係超值之選-環境：4/5服務：3/5抵食：3.5/5

當日係我同老公結婚14週年日，本想二人世界，食餐好嘅，去之前本想改變主意去第二間，但老公堅持話book咗就去啦！咁我當然好聽話照去啦！入到餐廳感覺係舒服嘅，但waiter嘅態度好不親切，不過又未到好黑人憎令到我想掉頭走。咁就照坐底，落order叫了兩個扒，生蠔和魚生。過程完全係無人理我哋兩公婆架。都會唸可能疫情關係要保持距離嘛。我真係好阿Q精神架。先黎個湯，其實個湯好味，但次序錯晒，應該先比生蠔同魚生我哋先，再到這個好味又濃嘅湯，啲生蠔刺身咁清嘅味道，幾鮮都因為飲咗個超級濃嘅湯影響曬。厲害嘅時刻到了，兩個扒🤦🏻‍♀️，又硬又凍又無味。真係切兩下，我就已經放底把刀仔。完全放棄。心唸搞咩呀！邊有可能差成咁。可以讚嘅只有個湯同啲蠔囉，真係無言。

🇮🇹蠔站🇮🇹 |平食生蠔之選|整體評分: 👍🏼👍🏼👍🏼(5分為滿分)除了生蠔 其他主菜略貴生蠔 $10/pc⭐️⭐️⭐️全間餐廳最大賣點絕對是十蚊生蠔生蠔應該是Prime grade size味道鮮甜 帶點海水味 性價比極高

本身間唔時都會黎食蠔D野食都ok咁我今次同另一半就叫左個main+小食+一打$10生蠔+6隻貴少少既蠔 一個金毛同我地落單既問都冇問過就上左小食同main先有冇咁趕時間 係既都應該通知聲啦食完俾錢仲搞笑叫左埋單 條友有應“轉頭幫你” 呢條就睇落大個d既咁ok 我等下 見佢忙緊問last order等左陣見都繼續上菜 佢都企左係機前 仲未有得埋單咁我地再叫多次埋單 又係轉頭幫我我再等又係咁到個金毛問我地係咪食完咁我地就順便再叫埋單今次終於可以俾錢部credit card機壞左 得cash同ae 好彩身上夠cash想話等佢找錢 等唔到囉完全唔再見有人埋部機 上菜既上菜個幾蚊唔係我孤寒 係就算我要唔要都應該問聲我地掛真心勁嬲囉

今次係第一次黎依到，都係聽朋友介紹過，所以上黎試下。個環境幾暗幾有feel，但冷氣有Ｄ勁。本身想坐窗邊，點知話多booking，所以無得坐，咁都無所謂既。見到枱上面有個牌仔寫住$10一隻生蠔，就即刻兩個人叫左一打黎試下。我地叫左３樣野，蠔站至尊pizza，一打生蠔，同埋炸啤酒味薯條。先黎蠔站至尊pizza，咁唔係好大份，兩個人食其實岩岩好。個pizza底唔係好厚，上面都有好多料，食落都好食，又唔會太overcook。之後就係一打生蠔，其實都大隻既，食落都好鮮甜，＄１０隻黎真係值既，個人覺得加左檸檬，唔落茄汁都已經好好食！最好係佢無限你叫幾多打，即係食完可以再叫！如果我地唔係太飽一定會叫多一打。最後就係炸啤酒味薯條，其實食落都唔覺得有炸啤酒味，但係就真係炸得岩岩好，又香又脆！夠哂香口所以食完係想再食既。同埋佢份量都真係幾多下，所以食完佢都叫唔到多一份蠔

同朋友食生日飯，佢話想食蠔，於是就介紹左呢間，佢話食過幾次都覺得ok，咁我又見到主餐牌有8折，咁聽佢講試下。最後兩個人埋單食左千幾蚊，係呢間餐廳呢個環境呢啲食物質素同服務態度，真係完全唔值。1.價錢貴但食物質素差呢間餐廳最大賣點係佢啲蠔$10隻，咁佢$10咪俾番$10一隻既質素你，一分錢一分貨。但啲差主菜就真係貴之餘又唔好食。🍕首先講個pizza，佢啲pizza 要$150-$190左右，其實佢呢個價錢都夠你係出面食間好小小既手製pizza，而唔係食啲個餅底好似食緊塊餅乾咁然後其求係上面加加蕃茄醬同芝士既pizza。🍝到佢啲意粉，我地叫左個軟殼蟹意粉，個蟹食左一啖已經油到唔想再食，個意粉既質感好硬，個蛋黃醬味道就ok，不過唔特別，我諗係超市買包意粉整到加個醬都整到呢啲味🥩緊住叫左個左個主菜要黑毛豬，正價好似$27x有8折，算叫做最好既一樣，不過唔特別，純粹慢煮過咁，不過呢個餐廳環境同服務質素收呢價，都太進取2.服務態度我地bk左8:30，我地搭正去到，係門口企左陣都冇人理，於是我地就入去搵人，個staff出黎話未汁好枱叫我地坐住先，但我地明明見到好空既二人枱，過左一陣，佢安排左張二人枱

平時唔去開西餐廳，依間野仲可以接受。去開西餐廳嘅，就你諗你啦1. 壕入面有殼，唔係一兩隻有，係食兩隻就有一隻有2. 服務態度超級差，唔係一個服務員問題，起碼有兩個都係。最離譜，係上菜嘅時候，居然嗌客人幫佢拎開啲碟。另外嗰個超懶，唔啱唔收碟3. 問佢七樣嘢有，兩樣嘢冇4. Waiter冇文化, 最基本自己餐牌上面啲英文，竟然都可以唔識5. 鵝肝唔識調味，個廚師好似完全冇落鹽，正常唔係問題，上菜攞埋鹽俾個客咪得囉，可惜班服務員唔得6. 所謂嘅24個月iberico ham 居然有渣

正正正！喺蠔吧竟然食到$10靚生蠔今次呢隻來自愛爾蘭，因為係即叫即開嘅關係所以好新鮮同埋好夠海水味而且好creamy 我同朋友一人至少食咗一打生蠔$120食到一打，邊到揾😍😍除咗生蠔之外其他熱食都非常抵食今次同有人叫咗一支香檳，Pizza，牛扒過到嚟食嘢傾吓計一流！價錢仲要好優惠，每人埋單大約$400左右食材絕對靚！服務態度又！但要記得訂位walkin 機會晤大要食好嘢趁早打電話去攞位Oyster station 都有其他分店但我覺得尖沙咀最好

10蚊蠔黎講已經期待唔太高，唔差已經接受，但實在太離譜，一打蠔有幾隻得2-3cm長，肉超級薄，有被騙既感覺。要求侍應換過，佢話控制唔到每隻蠔既大小。事實上一間專食蠔既蠔吧不是應該可以好好控制蠔既品質嗎，甚麼是控制不到蠔既大小，完成不專業，員工培訓有大大的改善空間。最離譜係最後埋單，有一項wait for call $10的收費，好彩睇一睇，唔係無啦啦又收多$10蚊。甚麼是wait for call, 應該是我在落order時說了一句：食完蠔先上熟食！這就收了extra charge? 這不是一間餐廳應有的服務嗎？原本係呢間餐廳常客，但唔會再有下次！

我地5個女仔，每逢1個生日，另外4個都會夾錢請食生日飯，夾咗咁多年，都有個大概嘅budget喺到。呢次朋友生日話要食生蠔，識佢咁耐都知佢係生蠔怪魔😂😂😂緊係要搵間抵食夾大件嘅俾佢，如果唔係out bud🙈🙈同事介紹咗間蠔吧俾我，喺諾士佛台，話性價比高，上網一睇，評語好壞不一，都幾多劣評下😂😂😂😂好驚係伏呀大佬！由於同事拍心口話正嘢，見openrice book位又有折，就試一試！我不嬲一般生蠔，不過我都食到，唔覺腥，仲幾鮮下，見另外幾個朋友食得勁快😂好食又未算，但係抵嘅。另外仲叫咗一堆嘢食，食到好飽，食物質數都唔錯呀。最後仲食埋甜品，呢晚食得好盡興。