蠔站 (諾士佛臺)

营业中

休息中

$10一隻生蠔雖然不是特別肥妹，但勝在新鮮唔會腥，叫兩打都唔會心痛，完全可以滿足愛食蠔人士的口癮。之前和朋友聚餐點過豬手、牛扒，味道屬於不過不失，但昨晚母親節嘗試的炭燒澳洲羊架很讓我驚喜。份量剛好我們三人每人一塊，我order八成熟，完全冇羊騷味，肥瘦適中，脂肪油香，十分推薦。華麗皇室薄餅 $198 ，幾款pizza中最貴，雖然話係海鮮pizza，但只得幾隻蝦、幾粒超細帶子， 性價比唔高。酒是Staff推介的，甜甜地好啱女仔飲，I like it~

近來香港疫情已經穩定下來，限聚令由4人改為8人，不少餐廳已恢復營業，3個月沒有外出吃晚飯，母親節終於外出，第一間就選擇這裡，因他們生蠔生鲜，$10蠔無限Order，每日都有折扣優惠和其他菜也做得不錯。例如鹹豬手外脆內软，牛扒5成熟，內質味道和外觀也討好，環境歡堂舒適，枱與枱之間也相隔最少1.5米，入座也需要量體溫，防疫措施也做得很好！

Oyster & Steakhouse📍.E.L都幾鐘意食海鮮 尤其係飽滿鮮甜既生蠔😋近排朋友就帶左E.L去一間餐廳叫得蠔站緊係要黎食蠔啦🦪 最重要既係逢星期二 三餐廳都做緊優惠優惠蠔只需$10蚊隻😍😍.指定生蠔🦪（$10@1）蠔肉都有尾指長肉厚 蠔味濃 味道都唔錯😋.🔥脆炸德國咸豬手配蜜糖芥末籽醬（$278）雖然表皮炸得唔係好脆但豬手都幾嫩滑同juicy🐷蜜糖芥末醬甜味比較重🍯中和左豬手既鹹味 表現不過不失💁🏻‍♀️.🤤黑松露野菌意大利飯（$108）飯粒略帶黑松露香氣🍚襯上帶鹹香既芝士薄片更加惹味🧀味道不俗飯粒比較淋糯 如能粒粒分明會比較有口感同層次😌.總括嚟講以十蚊一隻生蠔而言蠔既質素係比想像中高係抵食既👍🏻而其餘食物表現就不過不失而且價錢唔貴 都值得試試😘.人均消費：$350美味指數：😋😋😋😋😋😋😋（7.5/10）抵食指數：💰💰💰💰💰💰💰（7.5/10）打卡指數：📷📷📷📷📷📷📷（7/10）.店名：蠔站 (尖沙咀)地址：尖沙咀諾士佛臺1號7樓

2020年3月19號約左朋友食飯。因為疫情關係好耐冇見過佢啦。終於約到佢食飯，但係佢收晏左。跟住我哋就去咗呢一間餐廳食飯！開頭佢問我哋有冇訂位，幾驚冇定位冇得食。最後佢話可以食兩個半鐘，定唔知兩個鐘，跟住我哋就入咗去食嘢。我叫咗杯青檸梳打，朋友叫咗杯1664。因為朋友肚餓，所以我哋叫咗前菜跟住叫咗主食，最後先叫蠔。呢個Parma ham都唔錯。由於我唔食得辣，所以呢個意粉對我來講係超級辣！朋友話個魚必食。但我又冇覺得好食到咁。以10蚊一隻號來講，質素都算係咁！喜歡蠔既朋友可以黎試吓。但佢開蠔都幾耐。要耐心咁等候。

初體驗係好重要正所謂的第一印象好多時都會變成終身印象。由於人生第一次食生蠔，真係食完肚屙幾日，一直都怕怕。以後食蠔都係唔熟唔食。但係由於食朋友飯局，佢大力推薦呢度食野，話唔食蠔都可以食其他，結果就改變左對蠔的睇法。首先呢度有所謂的特價生蠔，十蚊隻，之前都試過有其他地方的鋪頭做呢個優惠的，但係價錢真係反映質素，本身就冇期望，但黎到的南非蠔，真係除左係細隻d外，食落口果種creamy同厚肉又點會似十蚊，而且海水味適中。朋友同時叫左隻最貴的法國生蠔俾我試，外型真係標準的靚生蠔樣，大小適中，飽滿靚仔，而且蠔殼上仲有個Q嘜認證，睇落去都真係好高級。味道當然就冇得輸，而且第一次明白點解ｄ人話生蠔係有層次，原來靚野真係吃得出，ｄ味入口之後不斷有變化，亦明白點解食生蠔配酒真係一流。餐廳另一個好好的位係，佢每隻生蠔都幫你切好起左肉，方便一口就可以放晒入口，唔洗自己係咁刮刮刮。每當你食完一盤生蠔後，佢地就會問你再加唔加？而且原來十蚊生蠔係可以無上限任叫的，真係食生蠔的人的福音。當確認左你地食夠生蠔啦，佢地先會開始上熱盤，呢樣野我覺得好重要！凍熱野食的次序一錯，其實真係浪費晒ｄ野食我地果晚仲叫左佢地推介的炸

未試過食西餐都食到火到嚟，餐廳得3枱客都無服務，態度又差，做推廣優惠既$10蚊隻生蠔瘦到好似係埃塞俄比亞嚟咁，ok！我地決定俾多次機會你，叫過其他當造季節既生蠔，點知當造既一樣咁瘦，最慘係啲主菜嘢難食呀嘛，仲衰過中學生家政課煮出嚟既味道，舊魚同柚子汁完全夾唔到味，個汁好係一堆漿糊咁，燒排骨又乾又嚡，上面一堆BBQ海鮮用既蒜蓉醬，簡直不知所謂，係咁既經濟環境底下，仲話要限時兩個鐘交枱，走嗰陣係門口𥄫到佢個訂位簿，得小貓三兩隻，好心就咪趕客啦

趕頭趕命 係咁吹你order 食快啲，係度食飯辛苦過返工；d嘢1⃣️般好食。蠔我們單點，話要creamy結果幫我地揀晒全部爽口，一d都唔上心我哋要求，最後埋單又話呢樣無折嗰樣又無折；根本不要因為佢以為好多折扣去，騙人服務差到不得了，登入門口已經開始問你幾點走，點餐都未點已經叫你埋單然之後有個服務員本身都好好，之後另外一個女仔過嚟見我哋分開點餐過嚟催命符咁催我哋傾計又走過來插嘴，總之成個晚飯係同不愉快。。

之前曾經幫襯過幾次樂富分店，食物同服務都唔錯，但經過今日嘅奇遇，我會永久black list呢間餐廳！經openrice訂咗位，原本8:45分，但剛好友人都早咗到尖沙咀，大家都喺附近，當時7:30，詅住上去問吓會唔會早d有位,如果有位可以早d食，冇嘅話再行吓街先！朋友向門口嘅職員問:"我地訂咗8:45，但早咗到，請問而家會唔會有位?"店員望一望booking list，就答"而家冇位"，當友人擰轉面打算落樓時，店員大聲講"痴線嫁，點會有位呀！冇病嘛？"跟住有另一位店員行黎問佢咩事，兩人對話"訂8點幾問而家有冇位喎，點俾佢呀!"同事更大聲咁用普通話回應"傻的嗎"如果貴店係不歡迎客人有任何查詢，可以喺門外貼出告示！

有生意都唔做既餐廳 全場一半檯都無人不斷催賣單同趕人走叫左3L酒 都係飲左一半最後要不斷隊 即係如果佢係全場滿 兼出面有人等緊檯真係唔介意 食快兩啖 飲多兩杯 快快交檯我地表明佢唔催我地賣單 我地咪繼續叫野食 繼續叫酒飲 佢都係一到9點追你賣單追人走奉勸各位食家如果想同朋友傾下計食飯 呢間一定唔係好既選擇我第一次俾comment 真係忍唔到皆因酒又係佢sell我地叫咁多但又唔講佢地係咁mean Ps: 隔離檯一樣情況佢地仲慘 最尾傾計傾得慶興先叫支紅酒都未飲到半支就被叫走

今人回味再回味係因為好味吖，定係抵食呀？係兩樣都係呀！今次如無記錯應該是第四次幫襯，之前好耐無嚟食的主要原因是訂唔到位，早幾日發現現在可以在OpenRice個Apps訂座真係好方便，就算要改人數改時間幾個掣就已經攪掂，而且還有一支紅酒送講翻蠔站的生蠔，今日我哋咁啱可以以$10一隻的價錢試到兩款生蠔，侍應同我哋講，平時佢哋只係會得一款$10蠔，我哋四個人總共食了五打生蠔，淨食生蠔當然唔夠啦！我哋每次都會再叫一啲小食，其中必選有啤酒薯條同炸魷魚圈，今次叫了幾個主菜有薄餅，意大利飯同豬肋骨，我哋幾個都覺得佢哋做的小食較主菜出色。由於我們一早入咗會成為VIP所以每逢星期一幫襯正價食品都會有七折優惠，所以呢餐都非常抵食。另外要主意用Apps訂位有限制用膳時間，佢哋講到明得90分鐘，所以在叫嘢食時要加快速度。

早排小弟同朋友去過另一間分店，食過覺得都唔錯。今次約朋友食飯，就決定去多次呢間餐廳，但係去唔同分店。由於小弟啲朋友都唔食蠔，所以今次小弟都冇叫到蠔食～本身見到個餐牌上面有好多唔同種類嘅梳打，但係我哋決定叫檸檬係因為感覺上比較健康啲，以為佢會好似有氣嘅lemonade，最後點知就真係檸檬同埋梳打水😅薯角睇落炸得好脆，但舊舊都好大舊，好似食緊咁炸薯仔咁如果可以細粒番d好比較好。黑松露野菌意大利飯唔錯，黑松露味都好出，撈埋啲芝士好好食！食到尾都唔會覺得漏肉眼扒都好大塊，而且塊扒都好淋，好容易就切開。仲有好多肉汁甜，唔錯！呢個Pizza嗰邊焗得好脆，而且芝士味都好香濃，芝士控必食！本身之前小弟喺另一間分店覺得餐廳坐得好舒服而且傾計都好容易，但係唔知係咪因為呢一間分店係喺諾士佛台，變咗間餐廳有少少酒吧嘅感覺，背景太嘈大家都好難傾計。如果係想要傾計敘舊嘅話可能要考慮下其他分店喇～而且侍應數量亦都唔多，好多時都要等一陣先至會有侍應埋黎。小弟已經提前訂咗位，去到餐廳見到有其他空位但係侍應都安排我哋坐高枱高櫈。由於小弟有朋友身體唔舒服，坐返普通櫈會比較舒服，所以就問侍應可唔可以調枱。點知侍應直接話其他枱

尖沙咀諾士佛台一間樓上西餐廳專門食生蠔🥰🥰星期二三晚市仲有$10 1隻優惠😳見到在場顧客都一打一打咁叫🤣任叫任食 當晚食嘅係蘇格蘭生蠔質地非常Creamy 😋Open rice 訂座仲有額外折扣優惠😝除咗生蠔之外仲有蟹之期間限定菜式🦀黃金蟹肉pizza$238餅底超薄脆卜卜☺️鹹蛋黃與蟹肉混合配上馬蘇里拉和車打芝士🧀不過要盡快趁熱食香草忌廉汁煮馬尼拉蜆 $188本身想叫青口但賣晒但估唔到蜆肉都不錯最中意佢個香草忌廉汁🤣夠晒濃郁鮮味🤣不過有朋友話太鹹唔通係我太重口味🤣🤣

一開始都預左向open rice 訂位有時限，亦明白飲食業要做兩輪。但呢間餐廳真係好過份，全場有一半既餐桌都係冇人，當食滿一小時既時候，立即同你講得番大概20-30 分鐘要埋單有冇問題，但我地既主菜食到一半都無，剛上碟15-20 分鐘。唔緊要啊同餐廳員工講到時滿位一定要我地走先埋單。點知一到90分鐘佢不停走埋黎要我地埋單，主菜完全未食完，餐廳仲有一半以上既位置係空。佢解釋有客人訂左我地個位要坐，話一定要埋單走人。真係好過份連轉位都唔可以！咪用open rice 訂呢間餐廳！有折都買難受！我明白用個app 訂位係有限制，但洗唔洗搞到我地好似過街老鼠咁係咁趕人走！十分過分！態度0分！是日晚餐： 生蠔兩打卡邦尼意粉（偏喊）大蝦意大利飯（乾身）羊架（可以）埋單$818，全程趕住你埋單，食快餐都無咁嬲！

原本book 了其他餐廳興祝，見open rice好多評語話呢間不錯，便到這裡興祝。我已早一日預约，到confirmed booking 時我問如果叫甜品寫字可以嗎？他竟然答廚房收了工，當時是下午4点左右，我心想那麼大的餐廳，竟然連那麼小的事也做不到，我太失望。再說那裡的生，我分别叫了199/8隻，和1O蚊隻，是有分别的，IO蚊隻雖抵食，但太咸，199就好D，這裡我諗只適合happy hours 食钣聚餐，不適合特別埸合，地方太细，坐位不舒適。

因為朋友好中意食生蠔, 所以今晚放工一齊去食生蠔! 我地兩個人total食左28隻生蠔, 大滿足!!!🤩🤩🤩呢間餐廳每逢星期二、星期三就會有優惠, $199就食到8隻黎自唔同國家既生蠔, 而且跟餐仲送一杯白酒! 果8個國家包括南非🇿🇦, 西班牙🇪🇸, 愛爾蘭🇮🇪, 紐西蘭🇳🇿, 蘇格蘭🏴󠁧󠁢󠁳󠁣󠁴󠁿, 韓國🇰🇷, 美國🇺🇸同埋法國🇫🇷! 因為太抵食, 所以我同朋友每人都叫左一份。上枱時真係俾D生蠔吸引住我地既眼球👀, 每一隻都有我大半隻手掌咁大隻!店員好好, 會逐隻同我地介紹生蠔既產地, 而且介紹我地由左下方既蠔開始食起, 以順時針方向依次序由淡味至濃味咁食。雖然店員有拎到貓紙出黎睇, 不過介紹得幾詳細 (不過我食既時候已經唔記得邊隻打邊隻) 開始食之前, 我每隻蠔都擠左少少檸檬汁🍋💦, 希望提升生蠔既鮮味。將第一隻蠔放入口, 差少少「嘩」左出聲, 因為好鮮甜, 好好食, 而且有好濃郁既海水味🤤! 每隻蠔都各有特色, 有D比較creamy, 有D比較咸, 有D就蠔味重D, 不過恕我真係忘記左係咩國家既蠔最好食, 但整體黎講, 所有蠔都 超 級 好 食 !!!!食完8個國家既生蠔之後,