蠔站 (諾士佛臺)

营业中

休息中

為左$10蠔而去。原本睇評價都話呢間服務態度一般，但係book位有85折，於是諗住照去啦。可能係我黑仔，個日嗌既$10蠔有啲腥同苦苦地，不過其他熟食還是不錯的。最後兩個人食左八百幾，結果職員冇俾到85折我地，我地又冇左回事。走左先記返起，翻翻去叫佢折返俾我，佢又死揸實張單唔俾我睇，一句唔好意思都冇。服務態度真係麻麻😓

老公生日搵咗間餐廳「蠔」一「蠔」佢！蟹肉牛油果沙律$88好多解肉，真材實料，味道ok10蚊隻生蠔，我毫不猶豫就叫左一打，果然係唔好有期望，得少少蠔味，好淡下，所以一round之後無enore😆不過總叫有食過！等咗15分鐘，終於食到即叫即焗的至尊薄餅$158有腸仔，火腿，芝士，蕃茄，黑橄欖。個皮好薄脆呀，都值得推介，不過可以便返少少！德國焗豬手配蜜糖芥茉醬$278超級脆，唔太鹹，好正！預早訂咗個心太軟，寫定生日快樂To老公！驚喜地有芒果片，寫字都好靚，不過心太軟就不太流心，味道一般!!用左OpenRice 訂座有85折，所以感覺好啲😅

朋友帶去慶生，聽講每日都有不同既蠔做優惠，$10一隻。當日係愛爾蘭蠔，比較creamy。我地total 叫左三打。其他食物，火腿，芒果蝦沙律，risotto 同carbonara 意粉都好好味。仲有最後甜品心太軟，都係好食！值得一讚係寫Happy Birthday 既員工寫得好靚，好似印上去咁。

分享食評之前， 想講一講是晚非常差既分餐體驗，我哋book咗五點半入座， 其實餐廳confirm booking嘅時候有講用餐時間係90分鐘， 咁其實我都明白， 畢竟weekend嘛。到我哋坐到六點半嘅時候，侍應有同我哋講喇last order。7點嘅時候同我哋講夠鐘要還返張枱， 不過其實當時舖頭有超過一半嘅枱係冇人坐， 我明白香港好多餐廳都會有用餐限時， 不過應該係當你餐廳好多客等緊位嘅時候用， 而唔係你餐廳仲有一大半嘅吉位，都仲去趕客唔知為乜。因為七點我哋未食曬，繼續坐到七點半。 中間侍應提過我哋兩次要還返張枱， 我都有好nice咁問返佢哋（ 其實隔離枱兩位女士都同我哋有同樣嘅問題），而家你哋有咁多吉枱，係咪有需要不停咁樣催。 係催到我一飲完啖水放低隻杯，五秒內佢即刻收走， 食完最後一隻蠔， 一放低隻叉佢又即刻收走 。完全係超級趕客，然後佢話因為嚟緊會有好多booking， 所以怕到時太急。 但係因為限聚令， 其實所有餐廳都閂十點，如果你間餐廳七點半都仲有大半座位冇人坐，我相信唔會八點鐘突然間有幾十人走入嚟趕你個last order。 如果你有好多人排隊我都會即刻還返張枱畀你， 不

其實幫襯了好幾年最近一個月都黎2-4次每次都會點一枝白酒、18隻生蠔、德國咸豬手、蠔站至尊Pizza，如果肚餓就叫多個啤酒薯條早幾日已book定20號5:30心諗假期打完波就黎食好西😋正呀點知一黎到女店員指我地去座人隔離位（社交距離？）最後我地去二人枱呢排有得打番波 背囊比較大 真心唔知放邊好😄白酒一黎到斟第一杯酒時又莫明其妙斟差不多半個酒杯😄兩位女士一下子飲唔哂結果杯白酒就愈黎愈唔凍喇好喇講番食物今日既生蠔 🦪大隻爽口 正今日既 德國咸豬手 皮好脆 勁正今日既Pizza又係脆同料同芝士都好好 正雖然野食好好味但呢期店員們有點離奇(除了新請既圍裙男仔十分有禮）短期內都不會幫襯住

為了吃蠔可吃去到幾盡？一個星期都去兩次，只因為太愛吃蠔😋我地點了一次$10蠔for前菜🤣之後點了幾款不同地區的蠔😛對於愛蠔味濃的人來說 $10蠔不算太有蠔味，要點的話要叫另一set先，因為個隻比較有蠔味😋

早前吃過一次大角嘴分店覺得不論食物及服務都不錯對這間餐廳印象不錯今趟來到諾士佛臺分店實在是太大驚喜了很喜歡這裏似有還無的服務侍應都很團結地聚在一起 客人不大聲呼叫，他們都不會主動客人附近看見客人食物不夠位置放，竟然不會主動幫忙而是放下了便走開不論是入座、落單、還是結賬，我一句謝謝都沒有聽過我開始感到迷惘了，究竟加一服務費包括的是甚麼服務吃完這餐後，相信我連大角嘴分店都不敢再去了更好吃的蠔站，相信還有很多選擇吧

一開始上左生蠔，好快食曬收走曬之後，等左勁耐都未上牛扒，加上隔離遲我地入嘅都已經食完生蠔，仲要上埋其他order嘅嘢我地都未上個牛扒,問左就話做緊做緊敷衍我，但係隔離遲我地咁多order咁多樣嘢都上曬，我地一個扒都要上咁耐，肚餓到都已經唔餓，無曬心情😡過分！

COVID-19 持續左一年，講真真係好少出街食飯，難得今日出去辦事就book 左衣間食好耐無食過嘅生蠔，對於我衣啲鐘意食生蠔但係唔識分邊隻靚邊隻好嘅人，衣間生蠔有10蚊隻叫真係好抵食，同埋唔似酒店buffet 無味，佢10蚊隻都海水味重，其實唔錯另外叫左Pizza、肉丸同軟殼蟹意粉，每樣嘢都好好味。好似係三色芝士Pizza, 薄脆底，芝士拉絲，熱辣辣食正意色肉丸，茄醬好味，5粒大大粒，不過都有小小貴軟殻蟹意粉，一整隻軟殼蟹，意粉係咸蛋黃汁，好好味。整體水準無下降，一餐滿意嘅午餐。

𝙊𝙎 𝙊𝙮𝙨𝙩𝙚𝙧 𝙎𝙩𝙖𝙩𝙞𝙤𝙣, 𝙏𝙨𝙞𝙢 𝙎𝙝𝙖 𝙏𝙨𝙪𝙞 🦪有晚突然好想食#生蠔 ，而且好懷念係#美國 可以US$1食一個生蠔，所以就上網搵番間又抵又好食既生蠔店。係#OPENRICE 見到呢間，睇完相同D食評覺得都幾正面就決定一試。印象中生蠔個陣時係賣緊$10一隻，我地兩個人好果斷每人要左一打。呢度嘅生蠔平得黎都好好味。食得出佢係新鮮而且好清甜，非常抵食。件牛塊都唔錯。OVERALL我覺得食物出色，地方幾大同夠熱鬧。大家有機會都可以黎試試👍.📍7/F, 1 Knutsford Terrace, #TsimShaTsui #HappiMuffinKowloon🌟#HappiMuffin Rating: 8/10💰Price: $200-300pp#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

今次係我第二次黎 第一次去既時候食物質素都不錯 只係服務尚欠點知今次嘅服務比第一次更差⭐️OpenRice訂座 單點Menu有七折同有25分里數一嚟到我哋嗌左一打生蠔($10/一隻)大細都算適中 亦都有海水味之後再嗌多個午餐 澳洲肉眼配薯角另外有配沙律和湯($138)配一杯飲品如要轉特飲另加$10再單點一客卡邦尼意粉($108) 分量不太多當我哋差唔多食晒所有食物 一直等待我地杯飲品 水吧已經無人 聽面嘅waitress坐咗喺度食嘢 後尾同返職員講 我哋杯飲品仲未到 點知呢個時候先開始落單 但係其實我哋已經食到尾聲剩返一兩啖

待應態度🈶️待改善 ，本身食物質數唔錯 ，但service 真的不太好 ，加上 唔熟識餐單 ，但講老俸講明新調來，真的令我不想再光顧無 free flow架 ，每次添酒扮聽不到作龍

聖誕前夕24號去食 本身以為會好貴 不過我哋係食中午時段1500後食 用OpenRice訂座可以有七折 四人入座安排咗個相近嘅位置 我哋嗌左兩打生蠔 Size方面會細少少但係$10價錢可以接受 另外仲嗌咗一份軟殼蟹意粉 一份海鮮pizza 一份五成熟牛扒 一份黑松露蘑菇飯 全部食物都非常之好食 食物速度都ok 下次必定要encore 唯獨一樣要投訴 職員只有兩個人 係全場都滿客嘅情況下 出餐落order都係佢哋 希望能夠改善

之前去過他們中環店吃10蚊蠔覺得很不錯，今次到訪尖沙咀分店吃聖誕午餐。點了海鮮拼盤和牛扒。海鮮拼盤內的蠔海水味濃，又香又大隻，仲好乾浄，非常好食！牛扒點左rib eye，有種炭香味，肉味香濃，但medium rare 上枱已變成六成，有點過熟了。餐廳光線太過昏暗，另人感到眼瞓。不知是否疫情關係，職員只有兩位，找人點菜和埋單等了很久，但服務態度很好。希望蠔站能維持品質，繼續為大家帶來更多不同種類既蠔！蠔站，值得推介！

今日同朋友去完海洋公園玩足全日好攰，一於搵啲好嘢食下，咁就問咗朋友想食咩，佢就推薦左食呢間生蠔。原本我哋book咗另一間分店到晚上8:30先有折扣。由於我哋玩足全日已經太攰太肚餓，於是就直接你到尖沙咀分店Walk in，竟然有位唔使排隊，實在太開心。呢間店舖環境舒適燈光少少暗，顯得格外有情調，適合一班人傾偈，加上兩台大電視播放一啲經典嘅音樂令到氣氛更加舒適，而且可以枱之間嘅間隔亦都相距較遠，感覺好闊落唔坐得好迫嘅感覺，可以同朋友暢所欲言。我哋兩人叫咗一個海鮮刺身拼盤 一個火腿蜜瓜拼盤以及一個軟殼蟹意粉 。生蠔拼盤有三款 最平一款只需$8，非常之抵食。當然最好食當然是另外嗰兩款，生蠔夠大隻肉質好鮮嫩。當我哋食完之後店員亦都禮貌地問我哋需唔需要追加生蠔。最後我哋再次追加左$8隻嘅生蠔，非常之抵食。另外我哋亦都叫了一jar飲品，建議人多嘅話可以叫一jar 比較抵飲。想食生蠔嘅話絕對推薦呢間店舖。