蠔站 (諾士佛臺)

营业中

休息中

媽咪突然話想食蠔 於是我地悟打悟撞就食咗依間餐廳 我地一行五人去食 我地閒日去餐廳都坐滿人 睇黎啲野食都唔會差其實間餐廳唔算多選擇 主要係食蠔同海鮮 媽咪二話不説先叫咗一打$10蠔 真心覺得係抵食既 而且亦新鮮另外媽咪仲叫咗法國生蠔 價錢比較貴 但蠔係大隻好多同厚身好多 完全係唔同 真係一分錢一分貨 好鮮甜我叫咗杯Somerby cocktail (有優惠所以試下)幾好飲喎🍹我媽咪叫咗炭燒澳洲羊架 唔會有酥味我同男朋友order咗肉眼扒 價錢同質素不符 完全無牛味 同其他餐廳既牛扒差大遠 外表ok內裏唔得表弟叫咗牛柳 肉質超"鞋"口 冇牛味 配菜仲好味過個牛扒 真心覺得要改良下次重點只食蠔同嗌小食

琴日係我第一次食呢間餐廳話說本身諗左好奈試唔試呢間餐廳因為我同男朋友都好中意食生蠔最後我地琴日做完野無野做心郁郁想試下就去左一坐低我地已經即刻忍唔住叫左半打但想試下水溫唔敢嗌咁多點知 超新鮮超好味好creamy我平時都會去一田或者啲刺身店買生蠔番屋企但我試過買到臭既所以我諗我以後都會揀呢間餐廳因為起碼我坐係鋪 食到唔新鮮可以同佢講同埋呢間餐廳既$10蠔同出面賣$30左右既蠔質素差唔多超級抵食最後我地食完埋單都係每人二百幾左右以去西餐廳食野黎講 真係好抵食

跟餐120蚊半打蠔很抵食，質素比10蚊既更好，雖然10蚊都唔差，但我呢個蠔痴對食蠔還是有要求的今次已經第二次食了，熟食水準都唔錯，值得推介真係好少打食評，今次真係忍唔住要贊賞下

生日同朋友去食飯，一行五人，呢間呢排都幾出名，因為狂推10蚊一隻生蠔，上到諾士佛臺呢間，環境算唔錯，有高枱，亦有普通飯枱，之前預先訂左枱，枱訂時已話有限時叫左十蚊隻既蠔，一人三隻。叫左生蜆，一人兩隻。生牛肉，海膽炒飯，炒雜菌，三支白酒。十蚊隻蠔，質數真係算係咁，十蚊雞都好新鮮，食完都無痾。生蜆都好出色，好新鮮既！肉好厚既！生牛肉就真係慢慢地，肉質同汁都麻麻，再揀唔會叫。海膽炒飯，叫時覆我地，未知有無，唔係因為無海膽，而係唔知廚房做唔做，最終係覆我地有，但真係唔好食到。。。無海膽都算，無味既。炒雜菌，不過不失，但都好一般白酒，ok啦，但嗌第三枝時，話無放入雪櫃，所以啲酒唔凍。呢啲地方，又會飲酒又會吹水，但係要限時，仲要只係兩個鐘，真係唔多ok，而價錢唔係平嫁。五個人，埋單差不多三千蚊，唔係話好貴，但有樣無味道，比較失望

每次想食生蠔就一定諗起依到一開始先落一打蠔 熱下身先再落個赤貝同牡丹蝦蝦頭同你炸埋 正！跟住再落多2打D蠔雖然唔係話大隻勝在新鮮又優惠就算全場爆滿佢上菜速度都唔會慢跟住都係刺身野生蝦 蝦係新鮮但個汁唔夠濃同埋無蒜頭好似差咁D最後落多個煎鵝肝夠乾身唔會話食到成口油膩膩

友人請食生日飯..由於很喜歡食牛扒..堅決一定要食牛扒..突然醒起堂姐曾經介紹呢間餐廳..聽說牛扒也不錯又加上想食蠔..就決定來試試..聽說呢間餐廳會有10蚊一隻蠔..而今晚只有一款10蚊蠔.冇記錯好似是愛爾蘭生蠔..就先叫了一打嚐試..來了來了..蠔很新鮮.有少少海水味...中等size.當然三個人只叫一打是不夠喉..所以又叫了二打..每人一打不過份嘛😂😂一樣是很新鮮..size也是中等.牛扒也到了.叫了七成熟..因友人不能吃太生的..但當切開時..似是5成..朋友只好食較邊的位置..扒有肉汁..但是如果在表面灑少少鹽就perfect..而配菜有大啡菇..秋葵和紅、綠椒..配菜也很好吃😋Pizza..賣相很出色啊..很colorful...而料也很足夠..不過它的餅底和邊不夠脆..但也是不錯的

之前朋友話呢$10蠔好抵，於是就等男朋友放假一起黎呢到食一黎到即刻叫左8隻蠔，好肥美，有點點咸既海水味，正，抵食!之後叫左個刺身拼盤，有加拿大翡翠螺、扇貝及赤貝刺身、日本甜蝦同埋三文魚 (原本應該係蟶子刺身架…但店員話賣晒先轉做三文魚…有D失望)扇貝及赤貝刺身非常鮮甜，翡翠螺肉質彈口，甜蝦同三文魚就無乜特別。日本海膽刺身，原本想叫加拿大海膽，但賣晒… 不過唔緊要! 日本海膽都好好食，好creamy美國USDA頂級肉眼扒，我地叫左medium rare，煮到岩岩好，肉質軟嫩而且非常之多肉汁仲有旁邊既配菜啊，唔好睇少佢地，都好好食架! 由其是隻菇，唔會燒到好乾，咬落去差唔多爆汁咁，好食

好耐冇食生蠔了, 朋友話呢間, 有時候會有10蚊蠔, 所以我地即刻決定要去呢度食!果晚去既10蚊蠔係愛爾蘭生蠔, 冇沙, 冇怪味, 我唔係食蠔既專家, 但冇呢2樣野, 我已經滿意了! 呢隻蠔係口感比較爽脆果隻食左3打蠔之後就叫個薯條食下, 佢話係啤酒薯條, 但食唔到啤酒味, 我諗係炸之前有層啤酒開出黎既炸漿吧! 薯條超級脆個肉眼都不錯的, 唔會UN, 不過如果加番少少海鹽比我地就更好了, 旁邊既蔬菜好食, 特別係青椒紅椒辣肉腸PIZZA用上我既愛既薄餅底, 不過唔係脆的佢口感伕餅乾, 都不錯吃!下次一定會再食過, 除左10蚊蠔有其他海鮮的!

蠔友們有感平日工作壓力大，決定去Oyster Station 補充能量適逢蠔站推出$120 一打生蠔優惠價，這餐決定要多吃一份蠔站職員會主動你介紹優惠價生蠔，只有一款。我們先點了兩打生蠔，Size有大有細，海水味濃，偏咸，據蠔友回報，兩星期前吃的較鮮甜。不過$10/隻餐廳價性價比算很高啦！每人只有六隻又怎能抒解壓力呢？所以我們再點了兩打這次的Size 較平均較細，但是咸味淡一點，更顯鮮甜，因為沒有點酒類，很快就KO了！愛嚐鮮的人們怎能只點蠔？再來一份生蝦刺身，醬汁不太辣較易入口，蝦肉爽口吃罷主菜，再來一份炸雞翼雞翼炸得香脆有少許辣味，很香口肉醬寬條麵加上芝士碎，肉汁濃郁惹味較失望的是黑松露野菌薄餅，份量不大，餅底香脆薄薄的，餅面鋪上菇和芝士，看得見淡淡黑色點，未知是否不是用黑松露油烹調，黑松露味很淡旁邊的沙律菜配芝麻醬很清新。原定要再追加兩打生蠔，但是想起某雪糕店推出限定白桃雪糕就決定留待下次再戰！今次蠔食價每位$260

周末家庭樂，原本帶公主到九龍公園嬉戲，但香港夏天實在太熱，玩左五分鐘就匆匆去商場歎冷氣。近近地到諾士佛臺尋找有薯條的餐廳，路面上的餐廳只有兩間有營業，周末的諾士佛臺十分冷清。唯有走進商廈內的餐廳，隨便去到這間"Oyster Station"門口放了沖浪板，好一個影相位！旁邊有一排裝飾櫃，放了不少有關海洋的擺設。名字似陳相識，但想不起再那裡看過聽過……在門口翻看餐牌找不到薯條，但店員告知可散叫薯條，最驚喜是新店開張有午餐買一送一優惠，而且生蠔只要$10隻。有這個雙重優惠下，實在找到任何理由不幫襯。坐下來終於想去筆者曾經幫襯這間餐廳，不過是位於將軍澳的分店，印象不太好。如果在踏入餐廳前想起的話，絕對不會光顧。餐廳環境寬敞，簡單的裝潢佈置已經給予食客一個舒適的用餐環境。餐廳名叫Oyster bar，當然要有一個放滿各國空運到港的生蠔吧先對辨。但是這個生蠔吧沒有太多的生蠔，吸引度大減。午餐有六款，包括餐包、餐湯、餐飲及甜品，價錢只不過$52~108，真抵經濟實惠。更加有買一送一優惠，以最貴的午餐計算平均每人消費五十大元……真係平絕尖沙咀。以今時今日的租金，真係想不到餐廳怎樣維持下去……$10只

早左成個月book咗呢間諗住瘋狂食蠔 今晚我就同左兩個朋友去呢度見識下 去到其實已經full晒好彩早左book位 我哋係為咗生蠔而尼 所以諗都唔使諗一嚟就叫咗三打😂我諗等我10分鐘度一盤好澎湃既生蠔就擺咗係我地面前勒 佢仲買咗幾舊檸檬同茄汁俾我哋👍🏻好啦食咗先講 佢哋而家做緊＄10一隻 呢個價錢尼講有呢個質素已經算唔錯 起碼唔係臭嘅同埋都好過平時自助餐任食嗰啲啦 我哋好滿足架喇 我哋另外仲叫咗黑松露野菌意大利飯不過掛住食蠔唔記得咗影相😂但係個飯真心好食 不過呢度嘅環境比較嘈如果想傾計嘅話就唔係好啱啦

諗住呢間環境闊落啲 坐得舒服啲就Book咗枱食生日飯點知當日安排坐拼枱 即將啲兩人枱拉開少少扮無塔枱兩邊都坐咗人 動作大啲會撞到對方雖然食物價錢未算好貴 但每人消費都差唔多$400～700環境又同茶餐廳差唔多 就真係唔太值而且明明當時有其他兩人枱 點解硬要安排坐曬一齊呢？如何諗住慶祝生日 紀念日 唔使諗 兩邊坐滿人 影張合照都難方便你哋出餐？收碟？至於食物方面 $10生蠔係唔錯嘅但點咗肉眼扒 要3成熟嚟到就俾咗Medium 失望....最後見環境太窄 太嘈已經唔再點嘢食 直接買單

第一次去oyster bar 食生蠔，諗住一次過食d靚同埋不同種類既蠔，所以選擇左oyster station snack and oyster bar。呢度有$10特價蠔，亦有其他價錢，由於想食d特別d，決定叫店員介紹。係咩國家咩名就唔記得啦，但係生蠔上檯既時候，店員係會每種介紹一下，仲提醒我地應該由邊一款開始食，其實就係由淡味開始食到濃味。食既時候，真係感受到每種蠔不同口感不同味道不同after taste，呢種感覺，係自助餐生蠔不能比較。呢度既生蠔真係好正。由於唔夠喉，因此再叫多4隻$10特價蠔，雖然係平價，但係一樣都好新鮮，絕對不會有怪味。食完呢輪，點了牛扒。牛扒7成熟，超級好味，牛味非常濃，一點都唔會硬唔會鞋口。非常juicy，非常入味，非常出色。用左香菜黎醃過，有調味而不會過鹹，有味道得黎仲食得出牛既原味。極度推介。一頓好既晚餐，當然少不了用甜品黎收尾。呢個雪糕窩夫，賣相好靚，色彩繽紛，讚。呢餐飯雖然頗貴，但係所有食物都好有水準，下次紀念日慶祝一定要再黎。

今日同行5人一齊同朋友慶祝生日，所以預先約定位。朋友仲係網上預先登記做埋會員，咁食飯可以有折扣優惠。店內環境舒適，唔係好嘈，氣氛唔錯，略為燈光暗左少少。餐牌內都有好多唔同既選擇，花左唔少時間我地終於揀好左。小食叫依個脆炸薯角，而主菜就叫左美國USDA頂級肉眼扒7成熟、脆炸德國咸豬手配蜜糖芥末籽醬、黑松露野菌意大利飯及馬蘇里拉芝士蕃茄薄餅。當然唔少得叫左依間舖必叫既特價$10隻Namibia生蠔2打。食蠔梗係要配番枝酒飲下，經店員推介過後，我地揀左支Germany Pieroth Burg Layer Schlosskapelle-Nahe。Germany Pieroth Burg Layer Schlosskapelle-Nahe最先黎到，白酒容易入口而且帶甜及果味重既，好適合我地依班女仔飲。脆炸薯角份量都幾多下，可以食住等埋其他野出。生蠔好快都出埋，蠔身乾淨無蠔殼碎。今日$10隻生蠔係Namibia生蠔，而我地叫左24隻，每人約食4-5隻左右。Namibia生蠔口感十分Creamy，味道溫和，海水味不太重， 鹹甜適中。入口之後滿滿都是蠔的鮮甜。抵食！美國USDA頂級肉眼扒都幾厚下，入

*過左排，而家先有時間打番。對我們來說，想慶祝下紀念日，有好嘅嘢食係會令大家更放鬆自在。小小肥 想找尖沙咀就 唔想肥，想有一點點氣氛，所以到諾士佛臺來碰運氣。樓下睇下行下望下，都係呢度啦，就 唔想肥 食西式嘢 又唔想太嘈。應該好過樓下啲BARSSSSS。一上到去，暗暗的，有點格調，都幾爆喎！ 唔想肥 唔介意仲暗中同我講佢喜歡坐高凳！直入到去坐低都算幾舒服。應該影番幾張室內既相，不過慶祝為先，哈哈。待應都幾主動，我地睇左一陣，見餐牌都幾精簡，唔似茶記咁，萬九幾樣嘢，仲幫我地安排上菜時間，加分架！幾好幾好，細細隻但係幾鮮甜飽滿，不過 唔想肥 唔太食海鮮，只叫左四件。再黎係呢樣，好濃唷既菇味！蠔本身夠肉。杯嘢等左陣都未黎喎，呼喚過黎才送上。唔好味，我不喜歡，但 唔想肥 就。。。唉。。。同佢有時真係口味唔同。好在叫左杯erdinger。呢個真係好得，雖則個人未試過呢隻米形粉，但係食落爽爽爽，有口感，蝦又夠彈牙！唔想肥 話個米形粉真係做得幾好！所以滿分。至少真係有驚喜丫。最後就係比薩，見倒薄批已暗喜，個人喜好，架上料足又唔會攞起跌哂落地，要做到看似簡單但其實就經驗而言係好貨色！！！爆分！廁所，周