蠔站 (諾士佛臺)

营业中

休息中

生蠔拼盤 $3xx有職員先問問客人的喜好，再介紹當日精選。結果生蠔又新鮮又合心意，推！(個別蠔款要補差額約十元）海膽刺身 $2XX有分來自日本／加拿大，後者貴$30左右本來想叫日本的，侍應主動講當日的加拿大貨比較好。結果一D都吾失望，海膽厚肉，無溶，好甜，一D苦澀腥味都無，好滿足！煎鵝肝 $1xx配多士，鵝肝內裡軟綿綿，食落好香口，物有所值！另order 了意大利飯同雞亦，加一杯啤酒，2人埋單＄11xx，慶祝生日算不錯

專登黎食蠔 $10/pc 南非蠔唔算甜 可以接受 起碼食完無唔舒服一分錢一分貨 的確係上次mini club好味好多生蠔之後到焗蠔 $138/6pcs黑松露野菌焗蠔 蒜蓉蔥花焗蠔各有各好味 我就鐘意食熟蠔多dMy favourite risotto with squids & squid sauce 點都要食返個墨魚汁先圓滿咁都俾我遇到咁好味既墨魚汁真係好開心 墨魚仲好淋但可以更重味好怕食西餐隻碟大大隻 飯得兩啖哩碟係夠兩個人分既 👍🏻

We went there on NYE 2016, we have 11ppl there, they gave us long booth, comfort seats, staff is also nice, only that the manager seems to have alot in his mind, not happy face, but he sticks around to serve us. All food are great , unexpectly the $10 oyster is also good quality oyster, we had 4.5 doezons. Friend pork hand also very yummy, the skin is very crispy even we put pn the table for some time, abc noodle rice also yummy... If I hv to say 1 thing that didnt meet my espectation that is th

有食過佢其他分店後期知道原來尖沙咀開咗新分店所以今日黎試吓去之前一定要訂座！同埋佢有高低枱之分去到先知道要坐高臺不過唔理佢啦三七21梗係要叫佢哋嘅$10生蠔今次係來自紐西蘭食落去海水味比較重會比較鹹但係好新鮮！淨係食生蠔點夠飽另外佢仲有意粉我揀咗個龍蝦汁燴米型粉上邊兩隻蝦略嫌唔係好夠新鮮不過食得出有燒烤嘅味道非常野味上面加咗芝士條個汁比較厚身甚有龍蝦味

嗌左凱撒沙律，蒜蓉包，幾款生蠔，生牛肉，兩個人食埋單7百幾。 食完第日腸胃炎，3包藥就3舊。咩10蚊隻蠔，環境再好。剩係衛生唔好，食到屙同埋嘔就咩都唔駛講，講完。

好耐冇食過蠔了印象中都起碼年幾兩年，次次都係自助餐先係咁意食兩隻今次因為男友生日，佢最愛食蠔，咁就唯有投其所好，係尖咀搵間就腳喇一早聽過朋友講oyster station ge 蠔好抵食$10一隻，諗住平野quality未必一定好點知今日一試，完全愛上左生蠔！！！肉質爽，又有蠔味，仲要係好新鮮唔腥！ 同自助餐食果d既差好遠結果，兩個人，叫左兩打！ 非常滿足，下次一定要再黎

之前已試過土瓜灣分店態度一樣咁差！只係打去訂位！悔聲悔氣！唔憂做咁款今次打去尖沙咀呢間一樣只係訂檯，態度一樣差到不得了！問佢730有冇位 佢話full咁問佢幾點有位 答：8點後囉 點 係咪卜？再之後我聲都未出，佢就話 你十點後先打黎啦 我地忙緊！咁既服務態度 你食埋我果份！去M記食野啲態度都冇咁差！

原來尖沙咀呢間系好食好多架，食過將軍澳個間麻麻地，大家識揀啦。😏西冷🍽好香好淋，完全無渣，叫五成真系五成，正到暈。😍生蠔更加吾洗講，新鮮，蠔味夠濃，海水味重，不得了啦。😍炸魷魚炸到好香好脆好好味，加埋沙律醬真係冇得彈啊！😍水牛芝士蕃茄沙律好清新，做頭盤吾錯，不過同其他野食比起黎，佢系最尾啦😆真系好好味吖救命❤️😋😋

久久冇見一個朋友，朋友提議衣間餐廳，曾經都聽聞過衣間好食的，沒有預約，晚上7點半去到walk in,經店員仔細安排過，比到張枱我地一開始店員已經提示優惠生蠔$10隻，結果我地叫左生蠔一打，蒜蓉包，黑松露炒野菌，同肉眼扒。我地特登叫店員差不多食完先上另一樣，因為以往經驗永遠都掛住傾計就搞到d食物凍晒，好貼心佢地真係主動留意到我地差不多食完就示意我地準備再上菜不過有個侍應就常唔識趣，成日想收我地d碟，明明未食完爭少少，就企響度等我夾埋收隻碟，中途夾既時間有少少阻滯，朋友叫一陣先黎收，佢都好似唔願行開咁。食物方面：生蠔，肉唔算好多，但都好味，海水味多d，$10隻算係咁啦蒜蓉包 - 個人覺得不是太好味，雖然麵包似蒜蓉的黃色好多，但其實都冇乜味，平時包邊先會脆，衣個係整個包，包括麵包心都脆。不過事關初頭太餓，完全忘記影蒜蓉包的原本，以下係其中2件，唔係全部。跟住肉眼扒就真係非常好味，多肉汁，肉質又柔軟，7成熟，雖見圖肉有d紅，但咬落完全唔會食血水，少根。最後黑松露炒野菌 - 黎到時都熱的，但同時都好快凍晒。都值得試試的臨尾叫左心太軟，因為朋友係會員，要夠$500先有95折，雪糕係薄荷味，主角心太

今晚要同朋友慶祝生日，有人提議這間不錯，重點係有$10一隻生蠔，平時去食自助餐，見到食蠔條人龍都已經無曬胃口，現在可以舒舒服服咁有人拎過嚟，真係唔錯。我們一行七個人，五大兩小，一坐低就叫了打半先，好甜好新鮮，現在諗起都流口水。打半生蠔不需五分鐘已被我們K.O.曬，當然要再來一轉，今次叫了兩打，雖然$10一隻但所提供的生蠔都是有水準的，我們食到有法國生蠔，來了兩轉生蠔都要照顧吓唔食生冷嘢的小朋友，叫了一些小食，啤酒薯條 (無啤酒味)小朋友絕對可以放心食，但較一般薯條脆口，薯片較辣，因足料蒜蓉包及炸魷魚太好味，每樣我們共叫了兩次，當然唔少得鋸扒啦！我們叫了西冷及牛柳，大家覺得西冷較好味！還有就是豬手，但由於在鋸扒之前我們再來了一轉生蠔、薄餅及意粉，所以隻豬手我就真係唔係好食得落，只是試了少少，但都覺得煮得唔錯，味道適中，外皮香脆，最後只好打包拎走。人均消費是沒有計算小朋友的。

第一次黎哩間新餐廳食飯, 比佢$10一隻蠔既promotion吸引左. 我地一行三人, 叫左3打蠔, 自備2枝白酒(收corkage$90 - 但其實佢啲酒唔貴, 可以直接叫), 德國豬手, 薯條, 炸魷魚, 加拿大海胆.全部都好好食, 超新鮮~ 蠔-好有海水味, 德國豬手-香脆可口, 好好味, 薯條-好脆好夠味~, 炸魷魚-好嫩 , 加拿大海胆-好厚好甜服務算可以, 因為好多好年青既侍應, 好似唔係幾識點招呼客人. 不過都唔係差既, 環境都好好, 好寬敞, 唔怕聽到隔離枱講咩, 可以傾到計.本來想星期五再去, 但已fully booked. 但一定會再去!!

十月之星飯局, 朋友V介紹這間新開業餐廳, 有10蚊一隻生蠔, 加上我本身很喜愛食, 所以不用考濾便選擇了這餐廳.  我們一行8人先叫了1打, 因為其中4人是不吃生蠔的, 但經我們極力游說下, 終於獻出了第一次, 他們都說生蠔很有鮮味, 由於此終是第一次嘗試, 難免要配上檸檬汁或茄汁僻除心中障礙, 但我這些超級愛蠔者, 當然要原汁原味, 我們吃了1打又1打, 總共order 了3打, 當中沒有一隻是有問題的, 10蚊一隻真是好好好....好抵呀 !!!其他小食及菜式都不比生蠔遜色, 我們還order了:炸啤酒薯條 - 雖然沒有太重啤酒味, 但炸得好香脆, 食到沒停口, 生痱滋都括出去啦...哈哈香脆魷魚圈 - 味道剛剛好, 不會有太多炸漿辣味雞冀 - 小小辣味, 可以再辣些, 但又是炸得很香脆, 讚 !!!肉眼牛扒 - 點了6成熟, 效果剛好, 還配上我愛吃食的雜菜豬手(忘記了餐牌上全名, 因為很長) - 喜愛食豬手必定要order辣肉腸pizza - 薄餅底, 辣肉腸配茄汁, 不太膩黑松露煙肉雜菌pizza - 都是薄餅底, 好香黑松露味, 都好足料海鮮米型粉 - 好得意, 第一次食

踏入10月份，開始係食蠔之人活動嘅大日子啦！係香港，除非你係Ocean Three訂蠔，否則要食高質蠔又要食到飽真係唔少錢。得知Oyster Station有10蚊一隻蠔，而且質素唔錯，當然要去試一試真章啦！叫左一打12隻南非蠔，每隻蠔都脹卜卜，好飽滿，可以見到每隻蠔都好新鮮。真係睇唔出10蚊一隻蠔竟然比到咁高質素既蠔。蠔帶有淡淡的海水味，金屬味不重，食落口好Creamy好滑，而且咀嚼後有好鮮的蠔味。老實講，非常有驚喜的生蠔。又抵又好食！另外，叫了一道大蝦海鮮意大利飯，兩隻海蝦大大隻，肉質好爽口又結實，味道幾好。而意大利飯煮得唔錯，保留到飯芯，口感唔錯！另外醬汁夠濃夠惹味，唔會太咸，味道幾滿意！黑松露芝士焗蠔，松露味幾香幾濃，但係芝士的味道不夠重。蠔都大大隻，但係醬汁同埋芝士同蠔的味道並無調和得好，感覺上並不Match，反而冇生蠔咁好食。除了12隻生蠔外，呢塊12安士肉眼都係今晚主角之一。格網狀的烤紋令到塊扒係外觀上加左唔少分，刺激緊我既口水！點左5成熟，牛扒烤得非常好，肉汁保留到係塊扒入面。食落肉味非常香，而且非常Juicy，食落口D肉汁Bit哂出黎。另外，肉眼扒本身的調味唔會太濃，

一行7人，朋友介绍嚟到呢間新開嘅蠔吧。諾士佛台，一樓7号。。而家 間間蠔吧 都話自己 十蚊8蚊隻 但質量就好參差 啦。本著一試心態。又有熟人介绍。。。。先嚟二十隻 愛爾蘭蠔 先叫咗支white wine.. 好飲好脆嘅薯條。。。黑椒安格斯牛粒，好香牛肉味呀！再嚟三十隻，呢個係十元隻愛爾蘭蠔，蠔質爽而不膩，有海水味！呢個必叫脆脆蒜香雞翼，又脆又香口。紫薯沙律，紫薯超甜呀燒骨，超正，要5成好啦，唔係會好熟。。焗蠔，，都係生蠔好味好多。。…煮蜆