蟹增盞食蟹專門店 (已結業)

當日子唔易過時，也要搵些開心位讓自己活得開心點，同兩位年輕食友到辣蟹街吃宵夜。附近一帶蟹店都走年輕化路線，這裡是年前新晉新秀，未來過就試試吧。大家都忙了一天，很累，未理伙計在打邊爐，年輕食友已開始諗吃什麼，在辣蟹店唔吃蟹，唯一選擇就是炒麵，多半不會差的，其餘油鹽水煮蜆、炸墨魚雙拼由他們話事好了。墨魚丸先來，炸得香可口，吃起來質感唔錯，是足料墨魚來的，談起墨魚丸，大家都認為魚魚魚及長發麵家手打的有肉汁版本最出色；油鹽水煮蜆，用的是魚湯底，喝起來鮮味是精華所在，蜆煮得過熟，可有可無的吃過，六十三元一客，蜆的質素應該好一點。最了得是艇醬炒麵，跟兩人解釋過什麼是艇醬後，也急不及待的吃起來，麵夠色亦炒得乾身，滲有香口芝麻，銀芽爽口，三者加起來是又香又爽口好吃，廚具炒功了得，唯艇醬得個辣，欠風格。吃近凌晨三時，老闆Chris仍興致勃勃地談起避風塘逸事，是個有趣的人物。

以經唔係第一次o黎食啦~~~ 之前都試過幾次一家人去食蟹..... 今次又去叫o左兩隻蟹食... 一隻係姜蔥蟹，一隻係胡椒蟹... 真係好好味...其中一隻蟹我o地係揀o左最大o個隻... $500 蚊~~~ 真係好大呀~~~ 除此之外仲食o左椒鹽賴大尿蝦... 兩隻... 不過其實都係一人食得一舊.... 另外... 我覺得椒鹽豆腐+芝士丸都好味呀~~~ 以上呢幾樣o野都係每次去到必食o既....另外... 不得不讚下當晚o既後生仔waiter... 連我媽咪o的咁高要求o既人都讚佢service 好呀~~~ 淨係碟都同我換o左幾次

朋友推介此餐廳,是本人最愛的海鮮店. 最主要係有蟹食... 同埋大擦一餐.佢地最出名係胡椒蟹, 因為其中有一個朋友唔食得辣, 於是改為豆豉炒蟹. 味道都唔錯. 4個女仔食一隻$250既蟹都夠食.其他既食物既水準都唔錯. 其中個芝心丸係不錯既選擇.但係個辣酒煮螺, 個'獻'太杰,, 失準.

我都係同女朋友食咗呢個餐,不過蟹就要咗胡椒蟹,好似其它評語一樣,幾正 !紅燒魚翅就略為咸咗小小 !油鹽水浸蜆,好正,不過有小小沙菜芯抄牛肉,水準之作,總體講, 價錢合理, 真係食得好滿足 ! 招呼唔錯但係食完蟹之後,忘記被濕紙巾我抹手!一定會返嚟試其它

平日要慶祝生日又想食海鮮﹐呢度我既不二之選~鋪面的確係太細﹐大檯可以話係得一張~ 每次都係坐角落大檯一坐低﹐waiter 好慇懃就過黎招呼~ 我地人多麻煩﹐要商討,waiter亦唔會幾秒個黎吹你一次~ 幾好~好終於齊人叫菜﹐個哥哥好nice 甘﹐我地叫得多得制(太貪心) 會提醒我地﹐幫我地改﹐有會有好介紹~ 唔係個d hard sell 逼你叫貴野既餐廳~ 我buy ~ 戲肉黎喇~ 胡椒蟹--- 極度推薦!!!!!!!!!!!! 食到吮手指呀~ 連我個唔鍾意食蟹既fd 都忍唔住食左~ 避風塘炒蟹 -- 無胡椒甘特別~但係都好好味~ d蟹又幾大隻﹐都係爭食item! 黃金蝦--就普通﹐d ‘黃金’ 做得唔係好好炒蜆 -- 味道一流~ 同埋好少係未熟唔開椒鹽鮮尤 -- 好惹味~ 正~蔥油雞-- 勁多蔥~有少少過鹹﹐要送飯炸豆付拼蝦丸-- 好好味!! 爭住食﹐可惜一人未必有一粒~ 豆腐真係外脆內軟~ 蝦丸好彈總括係水準之作~~當然唔係個d 最鮮味海鮮啦 ~料就係普通﹐但係廚藝就一流~ 同埋唔算貴﹐我地8個食到勁爆﹐重要請埋壽星﹐每人都唔洗2百~~服務好好﹐好好笑容﹐我地食蟹夾唔到個鉗﹐個哥哥

叫左一個中size 的炒蟹 $350 面頭的蒜粒炒得乾了少少而已,但整體味道是ok, 亦同附近幾間''食蟹'' 的店舖賣相,味道差不多, 朋友中有人絕不食辣, 所以特別吩咐要比小辣更低一級的辣度....伙記話即是微辣 當中有朋友在附近的食蟹店食過,佢話相比下這間較抵食, 但以中size 來比較, 這間無疑是細隻左少少, 但價錢卻平很多 鼓油炒麵, 上面都有蒜粒, D麵食入口, 是有微甜的鼓油味蟹是微辣, 再加上炒麵上的蒜粒, 食完這餐飯後, 喉嚨是有少少'上火' 的感覺, 雖然蒜粒是好味, 但如果下次再光顧的 話, 可能會叫鼓油炒麵走蒜粒 油鹽水魚湯浸蜆, 湯有胡椒粉味, 唔錯, 好彩沒order 甚麼''避風塘炒蜆'' 那類做法的炒蜆, 否則喉嚨一定''上硬火''亦點了之前其他網友介紹的菜: 蔥油雞半隻 $98, 雞不算很滑 (當然是冰鮮雞) 蔥油不會過咸, 今次已試過, 下次再去會試下其他菜 炸豆付拼蝦丸 ; 豆付確是滑, 但沒乜豆付味, 是否大部份食店用的豆付都是''百x'' 的牌子 ??? 不會用新鮮的豆付 ??炒了2個菜 : 1 個是炒芥蘭 , 另1

食嚟食去, 都搵唔到一間食蟹好食過佢的食店, 所講既係蟹增盞由一年前開始幫襯佢到而家, 差不多一個月都會去一次的, 今次同四個朋友又去到食, 食到佢地lam lam 脷!我地食左一碟避風糖炒蟹, 一隻霸皇雞, 一碟炸豆腐, 西蘭花炒帶子同埋干炒牛河! 紅酒自備! 炒蟹的味道係香噴噴的, 蒜容,辣椒, 大蔥做的金沙, 把一隻十四兩左右重的大蟹炒到好好食 隻蟹好新鮮, 所以蟹肉好有彈性, 仲好鮮甜, 朋友全部都食到好滋味隻雞好油, 但不得不讚佢地既秘製蔥油, 大量的洒在隻黃油雞之上, 好味到暈 炸豆腐有脆脆的外皮, 用一些蒜蓉辣椒伴炸, 做法有點像避風塘炒蟹, 有異曲同工之妙西蘭花帶子水準可以, 雖然沒有什麼特別之處, 但師父處理不過不失, 牛河的炒法都係有點像避風塘的做法, 故不多說了其實佢地都有紅酒供應的, 但朋友的chateau lafite 確是一佳釀, 如果沒有自備紅白酒, 不妨試試house wine食避風塘炒蟹, 蟹增盞係我信心的保証

食避風塘炒蟹第一時間便想起去銅鑼灣食, 所以未去之前就在openrice搜尋"蟹"的食店, 發現了這家廿二比一的蟹專門店咁一面倒, 未去之前都幾有期望, 去到發現, 原來蟹增盞係一間"小店", 只有六張枱, 十分之細!不過小店通常都出靚餸的, 廚師可以更專一去做菜 果然食物的味道都很有水準! 三個人去食, 揀左個二人餐 (都係參考之前的食家介紹), 不過我就另外加多隻薑蔥霸王雞先講隻辣蟹, 好美味! 小辣的辣度, 其實都好辣, 不過蒜蓉好香, 送飯一流! 蟹肉好新鮮, 個拑d肉實bon bon, 又解甜, 隻蟹我估有十二兩重, 抵呀蜆要了豉椒炒, 味道都好香口, 蜆肉唔係好大隻, 但勝在鮮甜! 魚翅我覺得麻麻地, 翅本身無味, 個湯則唔夠味, 但只係一個四百多元的套餐, 可以接受隻霸王雞一定要叫, 雞肉唔太肥唔太瘦啱啱好, 廚師用薑茸同蔥fully cover隻雞, 薑蔥的味道又十分之好, 隻雞因為多油, 所以雞味洋溢, 碟霸王雞真係好好食!水準十分高, 我都覺得好食, 係deserve咁多好評的

今次小弟要為大家介紹一間十分之好食的避風塘辣蟹 ---- 蟹增盞我同女朋友兩個人去食, 叫左個二人套餐, 四百多元, 菜色包括:紅燒魚翅兩碗 -- 雖然覺得係假的翅 (因為兩頭都尖), 但以湯的水準是不錯的!油鹽水浸蜆 -- 做得極之出色, 特別係d粉絲浸完油鹽水之後, 混合大頭菜絲食真係十分之滋味呢避風塘辣蟹 -- 呢味好野味, 不過雖然係少辣, 但係都辣到出汁, 不過蒜蓉勁香, 我冒住食完會勁口臭的代價, 畢左幾更送左兩碗白飯, 正另外蟹肉一流, 隻蟹好新鮮, d肉好甜, 新鮮係因為肉係黐殼的炒菜都幾有鑊氣!總體講, 價錢唔貴, 又有隻大蟹又有魚翅, 其實食得好滿足

Am a fan of the Spicy Crab chain on Lockhart Road but since trying out this place, it is much preferred for small or big gatherings with friends. It's cosy, less noisy and the service is superb.The staff is always attentive and takes your order patiently. Whenever you have a request, they answer with a polite smile! Really unexpected for a local Chinese restaurant.It's nearly 5 minutes walk from Goose Neck Bridge and a bit far from the Causeway Bay MTR, but the walk is worth it. For Spicy Cra

真係無介紹錯!! 每個人都食得滿足, 嗌左黃金蝦, 抄蟹, 炸豆腐+芝士球,椒鹽鮮尤及西蘭花!!樣樣都好味,尤其個蟹同黃金蝦,食到停唔到口~抄麵就普通,多油左d,但都唔難食! 最最最值得一讚既係d 伙計, 咁有禮貌又有求必應真係第一次見!!!真係想私人比多d貼士佢...地方坐得都ok舒服, 一句講哂: 一定會encore!!! (我提早拎生日蛋糕去佢地都好樂意咁幫我雪住!) 舖面裝修一流, 廁所企理! 成餐飯夾埋6個人$1000(真係啱啱一千!), 請其中一朋友食, 每人二百!! 平靚正絕對無誇張!! 係飲品貴少少, 支裝汽水$10(不過我好多枱客自己帶白酒去飲!!下次我又要試下~)

因為有人FAREWELL, 一行十一人去食蟹增盞...食個辣蟹芝士蝦丸拼豆腐 X2本身唔太好煮野, 同對豆腐麻麻地, 驚食完有D好濟的感覺都唔太感去試竟然, 竟然出奇地好味個豆腐煮得皮薄內滑仲要唔油膩個皮係KEEP到0.1MM 厚一咬落去係一個好好的FEELING 仲有整得細細件岩哂女仔, 兩啖一舊又唔會攪到成咀都係讚!而個芝士蝦丸都好味本身唔太好芝士佢的芝味TUN得岩岩好有芝士香又唔會琴過D蝦的鮮味..正!60幾蚊一碟, 叫完ANCALL再想ANCALL..因為要留位食其他先無發顛...哈哈 黃金蝦一上TABLE, 以為係一碟炒蛋原來係黃金蝦佢係D咸旦黃做個皮的UM, 佢都整得個味好好, 唔會太"流"同太HEAVY食完都覺得可以再食, 唔會話太濟左係度咁D蝦走過油, 都KEEP到乾身同唔鞋口讚! 越式胡椒抄蟹個辣蟹用左好多蒜同大蔥整, 好香個辣味都KEEP得好, 好味 白粥 X 3呢個白粥上TABLE時一睇唔係太吸引但一食落口,,,個味較得好好, 好有鮮味仲有個粥個TEXTURE較得好好每一個一食落口, 竟然有一種出奇地好味的感覺真係好奇怪睇唔出有咩特別既野, 竟然係出奇的好味讚!拎

今次得4個人~就食左以下既野:-1) 芝士蝦丸拼豆腐- 有芝士做心既蝦丸, 好香…好彈牙! 外脆內軟豆腐~~好好食! 好正! 2) 越式胡椒抄蟹- 我地用左一隻大蟹! 我就feel 唔夠胡椒味! 但味道仍然ok~! 好食! 3) 避風塘瀨尿蝦- 我地叫左2隻大過手掌既瀨尿蝦! 用避風塘式去炒~~好好味! 又香..又野味!! Yeah~~!!4) 油鹽水魚湯胡椒浸蜆- 蜆乾淨..冇沙!! 味道都ok~~!! 不過, 今次唔係大蜆!! 5) 馬拉盞炒九菜花- 九菜花好嫩, 好甜! 馬拉盞通常會咸的~但佢又炒得岩岩好~! 好味喎!! 另外, 佢地個小食-焗腰果好好食! 又唔油, 又脆! 而甜品係生果大菜糕拼生果! 初初我都以為大菜糕唔好食架喎~~!! 但食完, 又唔錯喎! 加上, 食完辣野食...又好夾喎呢!! 我覺得依間令我有驚喜喎! 鋪仔細細, 味道一流! 環境可能會坐得迫少少, 但係好光猛, 乾淨! 因為我冇食過橋底辣蟹, 所以冇得比較下! 我地呢餐埋單$890 (冇加一收費), 有叫左2支啤酒咁啦! 我就覺得係合理價錢啦! 朋友們

在此看到呢間食蟹專門店的數個好評,趁朋友生日來此試試. 之前食評話呢度地方細,因此我預早一天(禮拜六)致電訂位,表示訂"聽晚"X點X位. 以為ok, 點知惡夢開始....一行數人於禮拜日晚準時到達,一位不知是侍應還是老闆的男子說沒有我的訂位資料,再用不耐煩的語氣說我是訂了星期一晚的,現時沒有檯,並堅持是我說錯. 真奇怪! 我說"聽晚"很難想像會聽錯為"星期一晚"嗎? 明明落錯了Booking還不肯認錯或道歉. 更以惡劣的態度說:"今晚呢度冇晒檯,你要坐就坐店外路邊的檯啦!" 真係火都黎埋,我點向生日的朋友交代呀? 今時今日咁既服務態度,即使免費有龍肉食都唔黎啦! 以我多次訂檯的經驗都未試過咁,所以我同朋友決定用腳來投票:"永不光顧"! 最後到附近的"新星"酒家,侍應和部長有禮貌和服務態度好得多.

地址係o岩呀, 之但係個google maps 明明標住係係波斯富街同埋謝斐道交界等我仲話畀女友知係信和附近，累到佢行來行去又搵唔到，情人節畀佢無辜辜鬧鬼我，勁掃興