蟹仙海鮮蒸氣鍋 (龍崗道)

营业中

休息中

蟹仙海鮮直銷蒸氣石鍋 有咗地鐵真係好方便呀 宋皇臺站出行兩分鐘就到嘅呢間地舖 專食蒸海鮮 老闆每天新鮮購入罕有新鮮海鮮 所以真係超值 今日食咗個每位$419蚊尊貴海鮮套餐尊貴海鮮套餐有海鮮 蟹 蔬菜同埋粥底 幾飽肚又滿足 野生糕膏仔蟹 蟹膏好多高 海鮮味重不需點豉油 澳洲青年龍蝦 非常彈牙 濃郁鮮蝦味 台灣九孔鮑魚非常罕有 係台灣特產大西洋野生青口好大隻 鹹水味重 好鮮甜 野生日本森海白刀貝 非常鮮甜滑溜韓國釜山珍珠蠔蠔味濃郁 一口一啖 非常過癮有機蔬菜籃有多種蔬菜最強健康 食具高溫消毒 最後加上粥底 冬天食暖笠笠 呢度每一樣嘢都係店員幫手蒸嘅 不需自己落手懶人必選 服務一流 啱曬呢班朋友過嚟飲酒吃飯

宋王臺站B出口就到南角道，蟹仙就再大麥當勞隔籬，非常就腳！坐低就有蒸煮餐具，非常衛生！店員細心介紹，今日最新鮮的海鮮類別，不過太多款式，包羅萬有，叫套餐一定抵食！一行四人叫了每位419套餐，海鮮包括大蝦、野生青口、刀貝蚌，這兩款貝類絕對不要點豉油，因為海鮮鹹味十足。接着元貝、大隻蠔登場，粒粒飽滿，啖啖肉！跟住就到睇到都開心的青年龍蝦，龍蝦肉超級彈牙爽口，而且龍蝦頭有膏，錦上添花！壓軸出場，當然就是招牌大黃蟹，新鮮實肉又多膏！完全不需要調味，所有海鮮精華滴漏在鍋底一粥底，嗱嗱嗱⋯⋯精華來臨，淡淡海鮮粥超級美味！店員還細心提醒飽肚者不浪費可以帶走海鮮粥，所以真是又食又拎！

蟹仙有好多套餐選擇, 比較自己嘅喜好同價錢, 我地四個人一致決定揀:尊貴海鮮套餐$419(每款海鮮係按人數上的)先提提, 蟹仙每一款嘅海鮮都唔會落任何嘅調味品, 亦會有專人幫忙蒸煮, 我地只顧食, 食, 食...澳洲龍蝦(半隻), 有膏的, 頗大隻, 爽口彈牙太平洋饅頭蟹(半隻), 蟹肉不多但鮮甜無比大肉蟹(半隻), 膏香, 多肉, 大快朵頤台灣鮑魚, 同一般的鮑魚無樣, 都係好有𡁻頭日本大赤蝦, 係好大隻, 手掌般大, 新鮮, 甜美大西洋野生青口, 肉厚綿密刀貝蚌, 比一般蜆肉大隻, 不過, 份量好似少咗DD, 得6隻咋日本大元貝,真係靚到不得了, 之前係街市見過大概要賣$50, 不過真係巧正, 粒元貝超大呀韓國斧山蠔, 比日本蠔大隻, 較爽口, 口感一流最後有一大籃有機什菜, 正好均衡食材本打算埋單去附近食甜品, 點知店員問上得甜品未?!仲要係非一般甜品:椰汁雪燕服務好, 食材又正, 鍾意食海鮮嘅我, 一定會再訪。

近日天氣又開始凍，日夜溫差比較大，一於直接來一場蒸氣海鮮火鍋！今次嚟到九龍城 嘅分店，我記得，尖沙咀都有佢嘅分店㗎！店員會先倒上生米、再放入粟米、芋頭粒、南瓜粒，之後放上蒸盤。旁邊亦都有計時器，唔使驚蒸得過曬火喉。先有赤蝦打頭陣，橘紅色嘅蝦身相當搶眼，蝦味出眾;野生膏仔蟹主要食佢既蟹膏，半溶化的蟹膏味道相當鮮甜。另一款太平洋饅頭蟹，就主要食佢嘅蟹肉，肉質食落實淨！野生琵琶龍蝦入口爽口彈牙，肉質結實，而且不乏蝦頭膏嘅甘飴。紐西蘭刀背蚌，入口食到少少海水嘅鹹味，真係唔使點豉油！而日本大元貝絕對係jumbo size ，食落新鮮爽嫩。食完海鮮之後，雖然已經好飽，不過都要透過粥水品嘗海鮮慨精華！星期五六日公眾假期及前夕，需要加$28，正常情況下就$419 加一，額外有$15嘅醬油費用！

收工同同事出九龍城食飯，經過介紹後，去咗一間蒸氣火鍋專門店，蟹仙，一入到嚟已經眼花撩亂，好彩有職員細心嘅講解，最後揀咗一個419嘅套餐。40分鐘套餐果然尊貴，包括左野生膏仔蟹、太平洋饅頭蟹、野生琵琶龍蝦、 日本野生大赤蝦、越南海虎蝦、紐西蘭刀貝蚌 、台灣九孔鮑魚、紐西蘭月亮貝、大西洋野生青口、日本大元貝、韓國斧山珍珠蠔、有機蔬菜籃、粥底火鍋。（食均曬好多國家嘅美食～）份量一定夠哂飽。食海鮮其實有先後次序之分，由淡味到濃身慢慢蒸，所以會先食蝦同貝類，至於有滿滿蟹膏既蟹呢，就會放到較後既位置。一入到去已經用蒸氣火鍋，清洗餐具， 10分衛生。再講食材，無一可挑剔，新鮮度爆棚，特別點評野生青口，平時超市都只系買到急凍貨，但呢到可以食到活生生既青口，口感的確唔同，海水味既含量高好多，食出咸鮮。而近日都系食蟹既季節，膏仔蟹實淨香濃，帶金黃既膏液，食落有如蛋黃咁油潤，濃香四散。而珍珠蠔連蠔殼蒸，雖然細只啲，但系食落口無咩冇腥味，野生琵琶龍蝦超大只，肉質鮮甜。大元貝更加系厚肉，識落非常新鮮！全部海鮮既精華一直滴流系粥底裡面，稍稍攪拌，加以豬骨、粟米、香芋，食之前仲可以加入菜莆同蔥芝，粥底食落夠綿，好鮮

蟹仙海鮮蒸氣鍋 (龍崗道) (九龍城).自從係其中一年情人節食過蟹仙後，每次想食蒸海鮮就諗起佢.$419 尊貴海鮮餐.佢呢到嘅賣點除左海鮮多種類，夠新鮮同埋服務非常好👍🏻你係坐定定係到就能夠享用.蝦，鮑魚，蠔，扇貝等逐個上場，味道由淡至濃對於我倆嘅重點重頭戲都係龍蝦以及蟹.佢嘅澳洲青年龍蝦，細細隻，真係蝦如其名，細細隻但肉質年輕，非常爽，實，彈牙今晚竟然有饅頭蟹食，跟住店員描述呢樣嘢係非常罕有，處於深海而且好難捉！.最好食嘅一定係個粥底，今次比我之前食更加好食，因為有好多膏都落咗底.📌 蟹仙海鮮蒸氣鍋 (龍崗道) (九龍城)九龍城龍崗道2-4號地下

早晚天氣又涼返d, 特別係夜晚想食d暖笠笠既野 打邊爐食得太濫, 可以考慮下好似我咁食海鮮蒸鍋🦐 原汁原味食到海鮮既鮮甜味道, 仲要唔會咁肥膩飽滯!🤰 蟹仙有好多款海鮮套餐任君選擇, 最平$288一位已經食到八款食物貴d既就有🦞龍蝦呀大赤蝦揀, 豐儉由人. 海鮮鮮甜爽口不在話下, 蟹仲有好多膏🦀貝殼類隻隻開口無沙最正係d海鮮精華滴哂落去蒸爐底煮粥, 加埋綿滑芋頭同香甜南瓜🎃真係好好味個人覺得咁樣都好夠食, 而且蒸氣鍋係要食海鮮先正, 唔駛點醬汁都可以肉就反而無咁有鮮味呢. 所以好彩呢度既海鮮夠哂新鮮, 同埋每樣海鮮要蒸幾耐/食邊樣先都寫得好清楚, 店員都好幫得手, 一定唔怕自己整得過火-精選海鮮套餐 ($299/pp 共八款)：菲律賓黃奄蟹台灣九孔鮑魚越南大虎蝦韓國慶南珍珠蠔紐西蘭刀貝蚌紐西蘭月亮貝紐西蘭大青口有機蔬菜籃

今次已經係第二次幫襯餐廳無論食物同服務都高質，時令海鮮好生猛新鮮，即叫即劏。食既過程完全唔洗動手，有姐姐會幫手係面前蒸埋，岩曬我呢啲懶鬼，仲會介紹每一款海鮮既來產地、特質等。服務100分今次海鮮有龍蝦，海蝦、鮑魚、草蟹同石頭蟹，仲有啲貝類。一次過食到咁多海鮮都返晒本最突出係蟹！超多膏！好多肉，食到舔舔脷最後仲有個海鮮粥，蒸海鮮嘅時候，鮮味直接流入粥底，好香好甜最後老闆仲送咗個糖水，椰汁燉雪甲，我食完熱辣辣嘅嘢，再食番啲甜甜地同凍凍地糖水，感覺真係好舒服鐘意食海鮮既朋友，絕對值得試吓

蟹仙海鮮蒸氣鍋 (龍崗道) (九龍城).食蒸海鮮真係隨時就諗到蟹仙，無可否認係呢到食嘅海鮮真係比出面罕有，不枉係老闆做批發海鮮.▪️$419 per head/ 尊貴海鮮餐▪️.先有店員蒸餐具，然後由淡味食到濃味，全程大家咩都唔洗做，坐定定係到就得.珍寶大蝦，蝦頭勁多膏🦐 肉質爽口鮑魚唔算大隻但蒸嘅時間啱啱好，唔會好韌韓國斧山珍珠蠔一拎上枱就好鮮，入口係充滿海水味野生青口咬住條草，平時食冰鮮嘅食得多，嗰啲乾水扁身，但呢個係勁脹卜卜.澳洲青年龍蝦，膏唔算好多，但肉質真係勁爽口彈牙！太平洋饅頭蟹店員不停強調我地好運因為琴日先翻到，呢到嘅海鮮會隨時時令會有改變然後就到綠藻蟹，屬於比較罕有類別，因為啲蟹仔食海藻為主，所以連啲膏都係綠色，食落甘甘地.最後就到精華所在，個粥都俾啲膏整到變咗綠色。食完粥店員仲送多個甜品，椰汁燉官燕！.📌 蟹仙海鮮蒸氣鍋 (龍崗道) (九龍城)九龍城龍崗道2-4號地下

海鮮十分新鮮鮮甜！推薦！冇腥味，只有鮮味。服務態度都十分好，有耐心，又會十分認真講解，一直都有姐姐幫手落海鮮去蒸，會很好的控制海鮮蒸的時間，蒸好又分埋一份份。套餐分量十分足，就算兩人來都可以試到好多唔同款式的海鮮。海鮮粥底唔夠水姐姐還幫手加左龍蝦湯，真係要比個like！推薦刀貝，一夜干，小青龍，象拔蚌。

上星期同朋友慕名而來 果然名不虛傳!!!! 平時唔係太鍾意食海鮮既我 食完呢一餐我就開始鐘意食海鮮!!! 平時出面食蒸雞都唔好食 但呢間既蒸雞好滑!!!! 滑到好似高級LV雞 海鮮方面 最有驚喜係蟹！堅姐話我地好好彩 開到兩隻大 蟹膏又多 龍蝦除左都係好大隻 仲要肉質彈牙 最後食既粥好鮮甜 雪燕糖水甜度都岩岩好 另外好欣賞堅姐同Ken哥既服務態度 每道餸都會幫我地蒸好再夾比我地 下次一定會再幫襯！成個過程食得好開心 無限時 唔會趕人走

年30晚同朋友一行3人係網上揀左呢間試下，有驚喜，我地揀左699一位既套餐，首先海鮮質素非常高，而當中既龍蝦，大蝦，亦都可以自由咁選擇刺身定清蒸，佢地提議我地有3只龍蝦，不如一半刺身，一半清蒸，龍蝦頭放入粥底煲粥，一物三食，非常貼心，而佢地掌握蒸海鮮既時間亦非常好，海鮮晤会過老，最值得一讚就係晤会係咁不停蒸，見我地食得慢就叫我地慢慢食，食完一樣先再蒸，到最後既就係蟹上場，真係晤駛點講，鋪頭名都叫做蟹仙，確實冇辜負呢個名既，食完海鮮，就梗係食番碗海鮮粥啦，海鮮新鮮個粥就晤会差既，但要 讚嘅係佢哋嘅菜莆，清甜爽脆！加落碗粥到簡直冇得彈，佢地連咁細微既地方都做到咁好，我覺得絕對對得住呢個價錢！

平時都好少寫食評，不過今次係由於想食海鮮，喺呢度見到好多好評先專程入九龍城試呢間蟹仙，結果完全中伏。首先座位太迫，坐得唔舒服。海鮮唔係咁優質。貝類蒸完又蒸個殼都係唔開，8隻得3隻開左少少，換咗唔開果幾隻，結果都唔係開晒，職員要撬開佢，完全感覺唔到新鮮。龍蝦擺落蒸籠仲識郁，不過蒸完啲肉唔彈牙。職員話個爐蒸氣唔夠，但又唔處理，隨便蒸多分鐘，結果豬肉就太老，之前啲魚同貝類就生左少少。然後其中半隻蟹啲肉梅左，叫得蟹仙估唔到主打都出事，太令人失望。

作為海鮮迷嘅我，每隔一排就會想食海鮮，前排又去左蟹仙食$419道海鮮！😍店員講解時話老闆係做海鮮的，所以會將最好嘅海鮮供去3間鋪，唔怪得每次都食到好鮮味😋而且呢到係店員親自幫你蒸+夾海鮮，真係好尊貴服務！1️⃣貝殼類海鮮- 先上嘅係貝殼類海鮮，有時蚌新鮮到仲會伸出來。✨1.日本野生大赤蝦- 真係都幾大隻，而且個人好鍾意食熟日本蝦！肉質有種獨有嘅鮮甜，而且入面蝦膏好香✨2. 台灣九孔鮑魚- 鮑魚滿滿海水味慢慢滲出，食落去肉質彈口，店員控制得啱啱好時間 😋✨3. 日本大元貝- 好厚肉，味道鮮甜，唔駛點醬汁都好好食✨4. 紐西蘭刀貝蚌- 超鮮甜大大粒，食落去滿口海水同甜味，好想encore😆✨5.大西洋野生青口- 肉質肥美，都幾鮮甜。✨6. 紐西蘭月亮貝- 雖然比較細size，但原來係海水味最重。 一食落去非常濃海水味，鹹鹹地更能突出鮮甜味。2️⃣龍蝦、蟹類✨7. 太平洋饅頭蟹- 唔算好大隻，主要係吸蟹膏嘅鮮甜味✨8. 澳洲青年龍蝦🦞- 係我最期待嘅海鮮之一！龍蝦肉質鮮甜且彈口，食過後口中仲有鮮甜味，好正😋😋😋✨9.罕有藻食綠膏蟹- 呢嘅🦀️都係我最期待的，啱曬鍾意食膏又鍾意食肉嘅人！膏好香口，好有蛋

📍#蟹仙海鮮蒸氣鍋 (龍崗道) (九龍城)九龍城龍崗道2-4號地下♡人均消費: $955 @ 2🔺🔺🔺🔺🔺🔺🔺🔺🔺🔺🔺🔺🔺之前搵食咩海鮮店既時候book mark過呢間海鮮蒸氣鍋～ 去到發現原來都幾多人，全店坐滿左😂🤣 呢度既海鮮標榜每日新鮮到港🤪 令人期待☺️ ❣️#尊貴海鮮套餐💰 $419 一位尊貴海鮮套餐，總共有10款海鮮～ 另外亦都可以自己upgrade大蟹、大龍蝦或者南非鮑魚～ 店員全程都會係附近幫你蒸海鮮😋 完全掌握住每種海鮮岩岩熟既moment☺️ 唔洗再自己睇要蒸幾耐😆 而店員亦會幫你將海鮮由淡味至濃味順序燒，服務唔錯👏🏻 當中都有幾款海鮮特別有驚喜☺️ #深海石斑，就咁食都非常鮮味，加少少蒸魚豉油更有提鮮嘅效果。#日本野生大赤蝦，大赤蝦既特色係蝦頭內有好多蝦膏，本身可以做刺身蝦～ 蒸熟左嚟食之後味道都唔錯～ #紐西蘭月亮貝，月亮貝個貝殼係圓啲既，係今晚食過海水味最重嘅海鮮#龍蝦🦞、#膏仔蟹一上枱已經心心眼～ 龍蝦肉鮮甜爽口，亦有少許蝦膏🤤 蟹既膏更正，比想像中多膏🤤 仲有#台灣九孔鮑魚、#韓國釜山珍珠蠔、#大西洋野生青口，全部都好新鮮～ 好重海水鮮味🤤食到最後就會有#有機蔬菜