蟹仙海鮮蒸氣鍋 (龍崗道)

营业中

休息中

同朋友講起，心郁郁想食海鮮但係又唔想入到去西貢 / 流浮山咁遠近近地嚟九龍城呢間食海鮮蒸氣鍋原來呢度嘅老闆經營左海鮮批發30年全部經過精心挑選唔怪得海鮮咁鮮甜啦我地揀咗✨尊貴海鮮套餐輪住享受10道款式冇諗過四百零蚊可以享受到咁有質素嘅海鮮仲抵食過自己買返屋企蒸▫️深海石班一夜干▫️野生大赤蝦▫️加拿大翡翠螺▫️台灣九孔鮑魚 ▫️大元貝▫️野生膏仔蟹▫️澳洲青年龍蝦▫️大西洋野生青口▫️韓國釜山珍珠蠔▫️有機蔬菜蒸完之後嘅精華，完全融入下面嘅粥底軟綿綿嘅粥底，加入肉 同 粟米，味道特別鮮甜

去九龍城搵好野食，見到呢間餐廳門口menu寫住蒸海鮮每個人$419，好似幾抵食，所以入去試吓。套餐海鮮都有幾多款式，枱面上已經有海鮮蒸嘅時間，不過原來侍應會幫你調校好時間，唔使自己留意時間，驚會蒸到啲海鮮老晒唔好食。咁多款海鮮，隻蝦真係好大隻，琵琶蝦亦都好鮮味，不過我最鍾意食鮑魚，蒸嘅時間啱啱好真係好重要，以往喺屋企普通蒸鮑魚都會好韌，今次蒸鮑魚唔洗點鼓油都食得出鮮味而旦夠彈牙，好好味。套餐入邊一次過可以食到幾款蟹，其中奄仔蟹真係好多羔，好好味。當我食到蟹鉗嘅時候，侍應見到我好難開，竟然親手幫我哋打開個蟹鉗，太貼心，專業真係唔同啲，我第一次可以食蟹鉗食到好似食雞髀一樣，啖啖肉真係食得出嘅幸福感，太開心啦。最後食埋蒸蔬菜，仲有每人食多兩至三碗粥，真係飽到上心口，店員真係好好叫我哋唔使喺九龍城再搵糖水，送咗兩碗糖水俾我哋，服務咁好，令到我對呢間餐廳真係大大加分，埋單亦無額外好多小費，每人$500有找，下次一定會再來。

一直見到呢間蒸氣海鮮火鍋好多好評，今次決定同最鐘意食海鮮嘅父親大人去食～店員都有提到餐廳老闆自己係做海鮮入口，所有入口香港嘅海鮮都一定冇問題，宜家都冇再入口日本海鮮，可以安心食用～尊貴海鮮套餐 每位$419店員會幫我哋煮，當中佢哋會計埋時間，我哋坐底等食就可以了，好正！野生膏仔蟹
太平洋饅頭蟹
龍蝦台灣九孔鮑魚野生大赤蝦大西洋野生青口深海白刀具黃金翡翠螺韓國斧山珍珠蠔有機蔬菜籃食左好多海鮮！雖然有醬油提供，但我都冇乜點到，始終我覺得新鮮最好食～當中嘅野生大長蝦係阿根廷取貨，入口十分彈牙。另外饅頭蟹原來係季節性海鮮， 本身體型唔大。最大五吋半，已經拎到世界紀錄了。佢地本身係生活係深海石縫之中，繁殖先會上淺水區域。蟹膏十分滑，亦有深海海水嘅鮮味。另外青口入邊仍然有海藻，令佢保持新鮮，十分鮮甜美味。食完海鮮後再來個粥底，加上香蔥菜脯更顯滋味。最後仲有贈送嘅椰汁雪燕，十分滋補滿足～

男朋友生日飯話想食海鮮蒸氣火鍋就揀咗呢間蟹仙Book 咗20:30，坐低咗之後男職員都好細心咁介紹佢地嘅套餐有咩海鮮、推介邊啲講得好詳細我地最後揀咗個$699/位嘅海鮮套餐全程都唔洗自己蒸男職員幫你蒸，睇時間我地淨係食就得啲海鮮好鮮甜，食得出嘅新鮮我地兩個人有兩隻龍蝦好彈性可以揀刺身定蒸最後揀咗一隻蒸一隻刺身個龍蝦刺身好出色，超級正最後粥底就唔洗講啦有哂海鮮鮮味仲有糖水送，男朋友生日仲送咗兩個壽桃包整體食得開心，滿足服務態度好好呢個價錢好合理真心推介

喺九龍城揸車搵嘢食，難得泊到咪錶位，就喺附近搵嘢食，咁啱比小朋友發現原來呢度有間蒸海鮮店，唔知係我之前冇留意定係新開嘅呢，小朋友話好想試，見到佢有套餐價錢唔係好貴，一於滿足下我家中呢位小小海鮮控。海鮮分咗幾輪上，第一輪有扇貝，生蠔，翡翠螺，青口，大蝦仲有我最鍾意嘅鮑魚，鮑魚食入口真係非常新鮮，超級彈牙同埋好鮮甜，小朋友之前未食過生蠔，但今次整熟咗嚟食，估唔到佢好鍾意。主角係龍蝦同埋兩款唔同嘅蟹，舖頭會拎最時令嘅海鮮俾我哋食，仲會好好我哋一邊食佢一邊講解，詳細唔太記得只係知道真係超級鮮甜，最正係好多蟹膏，我同小朋友都食到舔舔脷，今次真係小朋友第一次自己用蟹鉗食晒成隻蟹，雖然時間耐啲，店員好好完全冇趕客，俾佢慢慢食，佢食到連蟹腳都清埋，店員不停同阿仔傾偈，之後仲好好餸左我哋兩碗椰汁燕窩做甜品，阿仔開心到不得了，佢話下次一定要帶埋細佬同埋爸爸再嚟食。

今天我來分享一下我最近在九龍城海鮮餐廳品嚐過的海鮮蒸氣鍋。這家餐廳的尊貴海鮮套餐每人$419，擁有豐富的海鮮品種，還附送機蔬菜籃、粥底和甜品。全程用餐有專人服侍，我們負責享受美食便可，而且專人把碗碟工具即時蒸鍋消毒讓人食得放心。首先是日本野生大赤蝦，這種大赤蝦一般在日本餐廳是用作刺生的，它的鮮甜爽口令人驚艷，嫩滑的質地也讓人流連忘返。接著是大西洋深海青口，深水所孕育出的濃郁海水味道，讓人不禁想再來一口。而黃金翡翠螺的螺肉肥美，而且好大一隻。接下來是韓國斧山珍珠蠔，雖然經過蒸煮會縮水，但仍然是好大的一隻，口感十分鮮美。台灣九孔鮑魚也是不可錯過的，鮑魚的肉質鮮嫩，口感滑順，讓人一吃難忘。野生日本深海白刀貝和太平洋饅頭蟹也都非常新鮮。最後品嚐了野生琵琶龍蝦和野生膏仔蟹，這兩種海鮮的肉質都非常鮮美，而且膏質十分豐富，讓人一口接一口。味道鮮美，肉質鮮嫩，讓人大動母指。果然是蟹仙名不虛傳。除了豐富的海鮮品種，這個套餐還附有有機蔬菜籃和粥底，蔬菜都係用蒸的手法處理，讓餐點更加健康美味。粥底還特意加了海鮮湯進去熬煮，更加鮮美。最後以椰汁燕窩作為完美句點，非常滿足的一個用餐體驗。埋單的時候聽講下個月鯉魚

🍽️現在去九龍城搵吃, 因為多咗港鐵嘅選擇, 令交通更加方便🥰👯海鮮控嘅我哋, 見到蒸海鮮店, 梗係唔會錯過喇😍🦀店內海鮮每日新鮮到港📝套餐內嘅海鮮, 亦以當日時令海鮮出品上枱🥰💥仲可以升級或追加多種類選擇嘅膏蟹、肉蟹, 八頭南非鮑魚、龍蝦及象拔蚌由 $48-688 價錢合理😊✨餐牌內仲有好多星級選擇👇🌟蟹仙星級小食 $58-108🥩食慾瘦拼盤 $288（肉類拼盤）包括👇濟州黑毛豬黑安格斯牛肉紐西蘭嫩羊片無激素蟲草花雞件👯我哋揀咗👇✨尊貴海鮮套餐（10款） $419/位1️⃣罕有藻食綠膏蟹2️⃣日本深海石斑一夜千3️⃣澳洲青年龍蝦4️⃣台灣九孔鮑魚5️⃣日本野生大赤蝦6️⃣大西洋野生青口7️⃣野生日本深海白刀貝8️⃣黃金翡翠螺9️⃣韓國釜山珍珠蠔🔟有機蔬菜籃💥特別推介🐟深海石斑“一夜千“魚身鋪上一浸薄鹽, 真空包住放一晚後, 才上檯供應, 所以本身帶點鹽味, 不需添加任何配料, 亦非常鮮味, 肉質厚實😋👍所有食材新鮮, 店員服務殷勤有禮, 在旁協助調教清蒸海鮮嘅時間, 十分精準, 另其原汁原味, 鮮味無比😋🍲最後一定唔會錯失個海鮮粥啦, 粟米排骨芋頭粥底, 結集咗之前蒸海鮮,蔬菜及肉類嘅精華, 流在下層粥底鍋內, 甘甜鮮香

今晚同朋友嚟食蒸海鮮 呢度啲海鮮十分經貴 係每日由老闆親自挑選嘅 好多都係野生變甚少有得食 夠曬新鮮罕有今日點咗個 ［專貴海鮮套餐］ 有共十款嘅海鮮加埋個粥底 夠曬滿足先嚟一個海鮮拼盤有🦀太平洋饅頭蟹 好多膏非常鮮甜🦞野生琵琶龍蝦 非常之罕有 外表像史前生物味道比一般龍蝦味清甜 彈牙台灣九孔鮑魚 非常新鮮啖啖肉大西洋野生青口 夠曬鹹香味 好新鮮野生日本深海白刀貝 極之罕有 非常清甜又大隻好鮮美🦪韓國釜山珍珠蠔 好味 好濃沃 正呀🦀罕有藻食綠膏蟹 啲膏係藍藍綠綠色好新鮮甘香 隻蟹亦都好鮮甜 大隻多肉🥬有機蔬菜籃 夠曬健康店員服務親切 幫我哋蒸埋 仲介紹下海鮮食得好開心 氣氛好好 試到咁多唔同嘅海鮮真係享受 下次一定會再約朋友呢

蟹仙海鮮蒸氣鍋是一家以海鮮為主打的餐廳，以其新鮮的海鮮和蒸氣鍋聞名。首先是鮑魚，鮑魚肉質鮮美，口感爽滑。蟹仙海鮮蒸氣鍋的鮑魚選用的是新鮮的鮑魚，經過蒸氣鍋的烹調，保持了鮑魚的鮮嫩口感。其次是青口，青口味道鮮美，而且富含蛋白質和鈣等營養成分。珍珠蠔肉質細嫩，而且有著獨特的甜味。扇貝口感爽滑，而且含有豐富的蛋白質和維生素等營養。極其新鮮。蟹仙海鮮蒸氣鍋的特色之一就是粥底，這是一種非常獨特的烹調方式。粥底是用高湯融合而成，再加入海鮮等食材滴落去嘅汁，一起蒸煮，讓海鮮的鮮味都能夠充分釋放出來，同時粥底的口感也非常豐富，非常綿密。

果然在香港的九龍城很容易找到好东西吃～这样的蒸气火锅料理才是二百多块 算是很便宜啦！面包蟹很鲜甜 另外有鲜虾 扇贝 每一样食材播很有特色！香港的蒸气火锅海鲜很地道，最特别吃到尾声会提供粥底火锅 包保一定吃到饱！这一餐真的大满足！还有椰汁燕窝糖水吃，这一餐真的值回票价！要来香港吃好东西的朋友，不要错过哦！有兴趣的人一定要去内地的朋友我可以帮你代为预约哦份量完全足夠咁多人食 而家諗返起真係回味無窮 好想再返去食～～

今日黎到九龍城食晚餐，食好一點，黎到依到食海鮮。選左 “尊貴海鮮套餐”套餐包左九款海鮮跟蔬菜籃首先，最正係佢有店員幫手蒸，唔洗自己郁手，又唔洗顧佢幾時蒸好蒸幾耐，坐係到等食就可以，而且每樣海鮮蒸好，店員都會講解返樣海鮮😋海鮮方面，野生大赤蝦，大大隻蝦之餘，蝦頭多膏。珍珠蠔食落夠鮮味，九孔鮑魚則爽口彈牙。而轉左款既 大元貝跟蟶子 兩樣都不錯，每樣都蒸得岩岩好，鮮美好味。青口亦都夠大隻，一啖過，夠哂滿足。琵琶蝦 也不錯，而兩款蟹 則夠多膏，食落過癮。最後，食埋蔬菜跟粥底，又飽又滿足😁。

前排食蟹仙尖沙咀分店，post咗相出嚟之後，有朋友見到話好正好想去食，所以前日放工就同朋友去九龍城分店，再訪蟹仙🥳店員非常有趣友善，會講吓爛gag🤣笑爆咀🤣我同朋友揀咗尊貴海鮮套餐，每位$419已經可以品嚐好多款新鮮海鮮，抵食㗎！首先食嘅係大赤蝦，味道鮮甜，蝦頭有充滿鹹香而沒有腥澀嘅膏，一啜個蝦頭，勁滿足。台灣九孔鮑魚，蒸完超彈牙，一啲都唔韌，剛剛好。通常出面食青口因為係來佬急凍貨，所以冇咁Juicy，而野生新鮮青口帶點自然嘅海水味道，而且唔洗加任何調味已經感受到本身嘅鮮甜，不帶渣。仲有韓國珍珠蠔、加拿大翡翠螺、日本元貝🥹然後就食兩款蟹加一款龍蝦。野生琵琶龍蝦嘅外表好特別，肉質鮮甜彈牙，呢隻係靚貨，帶點蝦膏，真係錦上添花。然後食饅頭蟹，佢地成日懶郁，好似嚿石咁，所以雖然少肉，但啲肉比較嫩滑，好好彩又係靚貨，連饅頭蟹都有咁多黃。最後一款海鮮🦀爆晒膏又多肉，每一啖都係享受(圖片已說明一切)🤤海鮮嘅精華落晒去粥底，加上菜脯，好滿足🥹最後送上燉燕甜品，我至愛🥹滿足晒！

叫左個餐有得2 選一要魚定蟹，落左單就有店員話魚好食d ,蟹唔夠食，好細隻，就直接放低話要我地接受條魚，逼我地要左去，但係大部分朋友都唔食魚的，好反感。除左青口係新鮮，全部野食都唔太新鮮，粥底落左好多粟米增加甜味，但係都係唔好味。龍蝦4 人餐，龍蝦一件分3 份，我唔知其他蒸氣火鍋點分，我地就大家你推我讓，有一個無得食。一開始有招呼，但係兩個樓面去打理成個場，食左6 款海鮮食左3 個幾鐘，係後期忍唔住叫佢快小小佢先跟進下，因為老闆應該重點招呼台大陸客。終於食完我地係隔離麥當勞每人買多個包。

今日我同朋友去左九龍城食海鮮蒸鍋。有好多個套餐選擇，我地簡左個尊貴套餐，有赤蝦、饅頭蟹、琵琶龍蝦、日本元貝、野生青口同啲蔬菜，再加一鍋粥底，真係好鮮好味。首先，當我見到呢個海鮮拼盤全部都好鮮美，餐廳的侍應，每一款都會作一個簡單嘅介紹，又唔洗自己動手蒸。赤蝦係我覺得有驚喜嘅，平時都係刺身多，原來蒸的話，個蝦頭一咬開就可以感受到佢嘅鮮味同埋多汁。饅頭蟹就好滑好嫩，肉質唔會太緊，啱啱好，可惜細隻左小小，原來佢哋係生活係深海，岩時間產卵先捉到佢，唔係成日食到。琵琶龍蝦個肉好彈牙，嚼落好有彈性。日本元貝同生蠔就大大隻，野生青口味道清甜，同埋質感爽口，一咬開仲有海水的咸味。粥底都好好味，好香好濃郁，味道非常鮮美。加埋啲海鮮同蔬菜嘅香味，令味道更加豐富。啲蔬菜都好新鮮，口感爽脆。總括黎講，我諗我下次會試另一個有埋肉類的套餐。。相信個粥底會更吸引。

最近去左「蟹仙」點左佢地嘅專櫃海鮮套餐，裡面包括了日本大赤蝦、九孔鮑魚、扇貝、青口、琵琶蝦、饅頭蟹、膏蟹、翡翠螺、韓國珍珠蠔、粟米、生菜，最後有海鮮粥底。首先，令我覺得最驚喜係日本大赤蝦，帶有濃郁的鮮甜味，比起平時刺身食法好味得多。鮑魚同扇貝都非常新鮮，特別在蒸氣火鍋中，鮮甜味更加突出。青口和琵琶蝦都好唔錯，肉質柔嫩、口感鮮美。饅頭蟹和膏蟹的肉質好唔同，前者肉較少，食到海水天然嘅咸味，後者蟹羔豐富，一吃難忘。翡翠螺同韓國珍珠蠔嘅口感一爽一滑，粟米和生菜都好甜，能夠完美搭海鮮。最後，講下個海鮮粥，湯汁濃郁、米飯融合左海鮮湯嘅精華，吃起來非常滋味，唔會過於油膩或太重口味，讓人可以完全品嚐到海鮮的原汁原味。老闆仲送左碗糖水俾我地做甜品，完美！