蟹仙海鮮蒸氣鍋 (龍崗道)

营业中

休息中

一向鍾意食蒸氣鍋因為用蒸氣石鍋烹調海鮮可以保留海鮮最純粹嘅鮮味，蒸氣凝成嘅水分同海鮮嘅精華喺蒸煮過程中會流到底層粥底，食完蒸熟嘅食材後，就可以品嘗到充滿鮮味嘅米粥😌 店員推介呢個性價比高嘅尊貴海鮮套餐（$419），粥底及醬油費 ＄15/位，一次過可以品嚐到多款海鮮，海鮮每日新鮮到港，以當日時令海鮮作準。🦀野生膏仔蟹 - 蟹膏淺黃香軟、甘香不膩，蟹肉細嫩鮮甜～🦀太平洋饅頭蟹 - 一年只有數月可以品嚐，唔多肉，係食佢嘅鮮味同嫩滑感～🦞野生琵琶龍蝦- 較罕有，肉質結實細滑～🦐日本野生大赤蝦- 呢款深海蝦屬刺身級，非常鮮甜，肉質爽彈，蝦膏香濃～💫台灣九孔鮑魚-大隻得嚟質感又軟熟，味道鮮甜～💫大西洋野生青口～好肥美嘅青口，入口嫰滑，海水味十足～💫日本大元貝- 肉質爽甜清香～💫紐西蘭月亮貝- 肉質鮮嫩幼滑，比較罕見嘅一種貝介類海鮮～🦪韓國釜山珍珠蠔- 海水鹹鮮味濃郁，清甜爽口，帶礦石味～最後送左椰汁雪燕俾我哋做甜品，滋潤一下，為呢餐圓滿嘅海鮮餐畫上句號。