蜀府川鍋 (已結業)

蜀府川鍋我本身好鍾情於川菜，今日第一次試呢間川菜館，入到去有古代茶館既感覺，地方寬敞。叫左一個前菜，一個烤魚，一個烤肉同一個甜品。首先前菜係尖椒重慶皮蛋，尖椒好新鮮，出奇地爽脆清新，但冇我想象中的辛辣，而皮蛋係用黄皮既皮蛋，外表比我地平時食既皮蛋更晶瑩剔透，皮蛋味香濃但不覺膩，沾上薄薄既辣油，非常惹味開胃。再黎就係麻辣烤沙巴龍躉，魚夠晒大條，個盤咁大都係啱啱夠裝。麻辣香味好好，配菜亦十分足夠。因為呢條龍躉咁大條，要煮耐少少先食。食魚最好就係啖啖肉，冇咩骨，呢條就啱晒；個龍躉皮都幾厚身，有咬口，有彈性。雖然係中辣，不過我自己都覺得唔算太辣，適合香港人口味。之後就係天下第一骨，見到已經覺得好惹味，咬落去外皮脆卜卜，裏面肉質非常嫩，而且絕不欺場，肉非常多，好味去到最後就係甜品，我揀左綠茶芋泥餅。呢個甜品真係非常出色，同我想象中既感覺完全係兩回事，我本以為係類似草餅一樣黏糯口感既甜點，但原來係薄薄既綠茶脆皮，加上香噴噴芝麻，咬落去脆皮立即碎開，裏面係濃郁既芋泥，幾重口感，非常出色。總括而言，呢間餐廳絕對係有驚喜，值得一試既川菜館。

一個住油塘朋友推介我來試下之小店……非常之好食加抵食火鍋四層塔有得玩，有得食，好過癮個餐3百88蚊，有龍蝦，元貝，花甲，聖子，東風螺，海螺重有一條石班甘多料……超直！！！D蒜蓉聖子和元貝超香……燒起上泥又吾韌又有鮮味，D蜆好生鮮，班片都新鮮不過本人吾太鍾意食魚。最后食到差吾多散叫了幾碟火鍋配料，四個人除開都係百五埋單有找，好抵！！！今時今日好難搵！會再帶朋友再黎！

入到來已見人頭湧湧，看來相當受歡迎見到點菜紙很多選擇，眼花混亂，最後我是上openrice參考其他食評的人點了甚麼來點的，所以如有雷同，絕非巧合最近有些熱氣所以唔食辣，清淡些叫了個蕃茄薯仔湯底。最後證明無揀錯，清而不淡，好鮮薯仔同蕃咖，薯仔好好味。另外叫了芝士腸($32)，椒鹽豆腐($56)，烏冬($18)芝士腸勁好味，內藏濃郁芝士，非常惹味重點當然是這個，美國安格斯牛肉 ($98)牛肉味道非常濃郁，肉質嫩滑，色澤紅潤，lol脂肪嘅分佈都好平均！服務都好及有禮，有店員幫我們開爐，以及控制火鍋的火喉，加湯加水，落單都快。

自己係油塘附近翻工成日都見到呢間店，但未入過去，最近行過，差唔多日日都有人排隊等入，就覺得應該唔錯，甘多人幫襯。琴日就去食，本身唸住叫新野，個四層塔，但啊姐話要等爐，我心唸，岩等完位，宜家又要等爐，都唔知幾時先食到，於是就叫左個酸菜烤鉗魚，同幾個火鍋配料。 條魚有烤過黎，好乾身，d肉係酸菜湯底索曬入去，好入味，唔會話魚入面無味，唔夠味，鉗魚本身無咩碎骨，自然肉就會多，岩曬怕啃骨既人，我地仲食到鮮甜味，因為條魚係個出面個魚缸到仲係活口仲養住，同平時食開既雪藏野，2個味，呢條魚的確鮮味。而且個酸菜底料都唔差，有蓮藕，目耳，薯粉等等，食得悶悶地，又可以穩佢地送口，薯粉軟身再熱多陣就會痴底，要開d食左先，薯粉軟身就會變到好滑好滑，用力一吸就吸曬，口感好Q，好似食林左入味既酸菜味烏冬，好咬口，下次黎要叫比多d。另外，眼見多人又忙，啊姐又肯轉個卡位比我，又問我夠唔夠酸味，認真要一讚，好服務就要甘。

前日，渣車黎到附近，見排曬隊甘就入去試下，眼見個場大，坐滿曬，要入都要排隊，唸實有料到。 見到有新野出，有台又食緊，就膽粗粗叫左個四層塔。 聽啊姐講層層唔同花樣，由上數落黎...蒸....炒....燒.....2格火鍋。 最低既湯底簡左一辣一芫西皮蛋，有時食到悶悶地，食下辣都幾野味，另一倆邊就甘飲都無問題，唔咸唔淡，仲陣陣芫西香味，睇得出落足料，無hea做。 出面有魚缸，海鮮可以簡自己食既，我地要左蟹既蒸，幾驚辛苦先合到蓋，隻蟹係甘走出黎，好生猛。食落淡淡肉，食得出鮮味，海水味重，唔食果個都聞到， 燒果層有南非新鮑魚係送既，送既仲識伸展d肉，忍唔住玩下，先放上去，呢款鮑魚口感幾Q，好似食緊軟糖，唔會話咬極都唔斷果款。 我地仲叫左其她海鮮，有上圖既本地青龍蝦仔，佢地幫我開邊，快熟好多，我地自創左，等蝦熟特登唔脫殼，先食曬肉，最後飲埋d水，真正既原汁原味，甜啊！下圖有角螺，我比較特別，生食，一食落無沙，抵讚，淡牙但好難挑出黎食，想食都要花功夫，食得特別滋味。大大盤墨魚仔刺生，打邊爐又得，即食又可。墨魚口感滑，食果陣時太興奮，一滑到喉嚨，差小小啃到，同樣鮮味十足，有個魚

話說果日就落紅雨，因個位置都比較難穩，我去到身上既衫都有淋濕，有未等到卡位，局住等，個waitress就遞紙巾，仲叫我吾好理把遮住，擦乾個身先好易病，果下真系...跟住叫左幾碟小食同埋個雞煲中辣，個煲好正但辣到我個胃呢，滾曬，汗系甘流，都好可以去下胃風。小食味道尚可。老實講服務就一般，但有個好笑容既waitree系度，個感覺都吾錯。整體黎講都吾錯，但有可改善之處。

同朋友住近附近, 成日都見到佢個小巴廣告, 對於鍾意食辣野既我地又點可以錯過~終於相約一試.當晚大約7點幾黎到, 都多人, 約7-8成人到啦.有卡位坐.我地叫左前菜小食, 黃金皮蛋,涼拌薯粉同白肉~涼拌薯粉都好味, 有痳辣, 不過份量少左D ><辣子雞我地叫左大辣,真係唔錯, 夠痳辣, 雞子好香口, D辣味係入到雞丁到,唔會辣椒同雞丁分開味. 食哂雞丁得返D辣椒, 我地仲想拎返屋企再炒野食TIM...XD至於最驚喜係毛血旺!一大鍋, 入面咩都有, 薯粉, 黑色牛柏業, 豬血等.好味好夠辣!最抵食!下次決定帶我媽黎食毛血旺! 正!價錢唔算貴.

三人行，閒日晚上7至8點左右，好多位，所以坐得幾舒服，加上三部大電視 平時都很愛到處找雞煲吃，所以就過來一試，叫了中辣，感覺非常好味，夠辣夠香夠味，但隻雞好似細左d，X D。另外叫左碟牛頸脊，唔掂。雞子一碟，朋友話超好味。即包水餃雲吞，唔錯。上湯娃娃菜，超正。最後結帳3個人每人170。另外服務態度就……

一行三人諗住試吓麻辣雞煲，六點半到，完全無客，樓面侍應仲執緊枱拖緊地，叫左半隻雞加啲火煱配料，雖叫微辣，但一條辣椒絲都揾唔到，食物水準一般，但服務水準很差，又漏單，又打翻醬油，淋到外套洗唔甩，要報銷，但個侍應居然扮唔知閃開，總括而言，食物水準一般，地點又偏僻，服務又差，無誘因令我再去

難得喺屋企附近有得打邊炉，加上其他人的食評也不是太差，就去一試。八點半入座，不是太多人，2個人坐卡位，位罝算闊，坐得都幾舒服，有個哥仔上嚟問係咪打邊炉，係就幫我地落咗個湯先，免得等，態度非常有禮貌，我地本來叫半隻醉雞鍋98蚊，但個哥仔建議我地可以試花膠雞鍋，仲話個鍋有埋其他料，咁我地就唔使叫咁多其他料，省得多D，都係158一個，見佢介紹得咁好，就試下喇，上嚟既鍋真係幾多料下，有花膠，粟米，蘿蔔，番茄，鮮冬菇等等。半隻雞就另外碟上，無喺個鍋度，吃落就知係冰鮮雞。另外我地仲ORDER咗其他丸，魚皮餃，豆腐安格斯肥牛，108一碟，都幾大碟，抵吃。，羊肉，有點蘇，再加下本人唔鍾意吃羊，所以覺得麻麻。蘿蔔，番茄，呢2樣白叫了，158個鍋己經有了，烏冬，炸豆皮同油麥菜，事實上料足，唔太貴，但食物就過得去，最好既係服務員個個都笑容十足，而且非常有禮貌，仲幫我地加湯加水，坐足2粒幾鐘都唔會話趕人走，本人實在討厭吃吃下俾人話夠鐘要被趕，最後我地叫得太多吃唔晒，仲話可以俾個BOX我地帶走，所以下次都會再去試下店內既其他川菜。

Went there on Fri night with3 people. Not busy at all so seated pretty fast. We hadreserved egg with chili peppers: small portion, taste is OK, a bit too oily.green vegetables with dried fish and black beans: dried fish tasted like they were from can, dish is a bit too oily.sour vegetable fish: one of the worst dishes I've had at any restaurant. the broth was pure oil, way too oily. fish was bony and not freash. this was just disgusting.rice: HK$15 for 1 bowl of rice, a bit of a rip off. And coo

第一次嚟油塘食麻辣雞煲〜辣度可選大中小〜因為我地共7人，有人食得好辣，我就一般，大辣食唔到，最後揀左小辣！呢度嘅服務員幾體貼，知我地有人想食好辣，所以俾左兩碟麻辣油我地！姐姐好熱情，不斷推介熱賣產品！最驚喜係炸魚片，話係即叫即炸，食落去暖暖地，質地好鬆脆，同埋相比其他地方，呢度嘅較薄！我覺得特別好食〜仲有一樣叫重慶皮蛋，係金黃色，個樣好靚架！係配辣醬食嘅〜味道比一般黑色嘅皮蛋較淡！口感差唔多〜其他打邊爐嘅材料都好正常〜值得一試〜

星期五晚覓食日，這次不去街市，去了一家位於油塘的川菜館，其實在年多前曾經有食友邀請我來試吃，不過那天剛好沒有空，所以就沒有去。鬆弛說他記得那位食友說水準一般般的，不過都已經事隔年多，或者水準會變好，就給她一次機會試試其虛實。餐廳附近都頗荒蕪，只有工廠大廈，也沒什麼路人，但其實這裡只不過是離地鐵站五分鐘路程而已。晚餐時間客人不算多，大概只有一半滿，鬆弛事先訂了位，所以店員安排我們坐在卡座。除了川菜，這裡還有麻辣雞煲，本來想說這幾個星期已經吃了不少雞煲，不如吃些川菜就好，可是鬆弛最後還是選了雞煲，所以就點了半隻中辣麻辣雞煲，另外還加了一份涼拌木耳和擔擔麵。吃雞煲通常都會吃完雞加湯打邊爐，可是火鍋料沒什麼想吃的，唯一是鬆弛在發光版上看到有串串腐皮，而其實在火鍋紙上有炸腐皮和響鈴卷，那這個串串腐皮到底是什麼，我們就點了一份來試試。木耳切成小塊，很爽脆，可是味道很奇怪，那個鹹的味道跟平常吃到的不同，不至於是難吃，但就是不好吃，在細心研究過之下應該是那些醃浸過的綠色辣椒出來問題，有少許像偏鹹的鹹酸菜味，絕對不建議吃。擔擔麵。上檯時是一碗撈麵，一點湯都沒有，鬆弛還忍不住再問一下店員這碗是什麼，因為他

喺觀塘見到呢間四川菜嘅易拉架, 一直好想試, 5/2星期二就同女朋友兩個去試下, 以下係個人食後感受.位置都好易搵, 可能星期二所以唔使等位, 服務員態度友善禮貌.到點菜時, 因第一次光顧唔知食乜好, 服務員耐心推介, 非常好頭盤小食點了蒜泥白肉, 白肉卷住青瓜感覺好清新, 味道啱啱好, 好味.辣子雞丁, 足料唔太乾, 唔似其他地方勁加孜然粉, 好味.回鍋內, 唔係五花腩, 似豬扒切碎, 所以(鞋)左, 仲有係偏鹹, 麻麻地.豬油砵仔飯, 豬油同豉油上枱都係熱嘅, 入口感覺好有親切感, 我諗好多8-90後都未食過, 好味.環境, 坐得舒服有電視睇又唔嘈.總括, 85分, 會再去食.

叫左個餐牌上寫廚師推介的老薑胡椒雞煲同天下第一骨。雞煲極惹味，仲可以當火鍋湯底叫其他火煱料黎食，值得推介！可惜天下第一骨響落單後過左約15min，先有伙記黎通知我地要焗30min，問我地等唔等，我地心諗唔等都等左咁耐，你而家先問，不如一早整定都過左一半時間啦。最後決定照等，點知一等就差唔多50min先起菜，食落去可能因為胡椒雞煲太惹味，顯得呢味菜太普通，不過其實亦可一試。總結：1. 呢間野食火煱較貴，所以寧願叫小菜裡面包個煲，再揀一兩樣火煱配料會好少少。如只食火煱，我諗我會寧願去稻香等等食肆，因為見之前其他師兄食評對呢間野火煱配料質素有意見，我就唔想畀咁貴去試勒。2. 雖然裝潢不錯，但考慮地點不便，價格仍然偏貴，可能係咁食飯時間未滿座，唔想等位又唔介意畀多少少可嘗試一下。3. 似乎天冷黎食唔錯，但我怕熱天時唔太啱香港人口味勒4. 要等30min既菜應響menu提醒5. 另外可能新開張，伙記唔熟手。落單叫火煱配料應只係照單執藥，都要我地催單，但因質素響油塘呢區計已算唔錯，口味亦較特別，今次只畀OK唔畀笑臉，期望下次幫襯時會有改善再作推介。