蛇王燊

营业中

休息中

上個星期我去開灣仔玩具街,想食下蛇喎,點知唔見左蛇王燊....請問係唔係執左喇?定係搬左去邊呢?

自己食到飽飽,可憐大食妹咁夜仲見緊客,於是我便走去蛇王燊買個蛇羹比佢,去到門口聞倒好勁0既酒香味,佢果到D餐有蛇腩煲仔飯食,下次一定要試試!講番個蛇羹,大食妹食完話都ok ar,我試左一匙,覺得佢幾香酒味,但料就唔夠蛇王濤多,但蛇王濤我又覺得"杰"得滯,奇實我最鍾意0既係蛇王業,我得閒先補番個食評比大家!

街邊風味，坐在內街沒有車但多人在背後行來行去，坐位不多，環境衛生就見仁見智（我就覺得ok）。這間少店是由蛇王燊自己打理，他的家人也會幫手，一家很簡單的經營，但充滿了家的感覺。尤其是女女大概十歲，她會協助送餐，一副不計較的面容，令我也不計較了環境的不舒適。蛇羹裡很多料，味道很豐富，但又不會太強烈，如果100分滿分，我會俾90分。食一碗其實都差不多飽，$50個餐，還有一碗蛇湯和煲仔飯，真係抵到爛。評論：物美價廉，秋、冬時分會再去。

如果唔係KC,麵包超人等前輩推介之下,小弟真係唔知太原街的蛇王燊,原來係咁鼎鼎大名,年前經常路過視而不見,真有眼不識泰山.舖內得幾個位,不過門外都可放下一兩張大檯.日前去188買唱片,收鑊甚豐之下.索性過黎試下,係咪真係講到咁出色.有幾個餐任君選擇,今日唔等煲仔飯,一個蛇羹一個糯米飯加個油菜,索價$45.月前小試桃花園,今次蛇王燊黎比,平民化得多,沒有花膠等名貴材料,只有足料,蛇絲滿載的蛇羹.質感夠杰,一碗到肚,感覺良好.糯米飯唔係什麼生炒貨色.但係夠乾身,粒粒分明.在天寒地凍的黃昏,不可或缺的良伴.煲仔飯,留番下一次再來.呢$45真係用得其所.証明唔幫襯HMV,行多幾步去188.得番黎的差額,換來此頓滿足的晚餐.係十個值得.題解,冰島組合Sigur Ros名作,幻想如果身處在零下十度的Reykjavik,有碗蛇羹落肚的話,世界會變得很美.PS:是日收鑊娜姐新碟Confessions On A Dance Floor,還原基本步,玩番80年代Disco music,第一次聽上台歌Hung up,仲認為係ABBA上身.但在MV內睇見年屆47的娜姐,仲要著住貼身跳舞衫又唱又跳,令人汗顏..

寒冷的晚上,去了吃蛇,地點是太原街的「蛇王燊」。要了套餐,有蛇羹、蛇湯和煲仔飯。蛇羹很「足料」,雖只是小小的一碗,卻已經飽了一半。煲仔飯點了「花膠蛇腩飯」,蛇腩很肥美, 也很鮮味,熱辣辣的一煲飯不一會便吃光了,竟還有意猶未盡之感。最後喝一碗蛇湯,整個人都暖起來了,滿足地離開。吃蛇就是要這樣,在街邊小店,迎著陣陣冷風,那才有風味。

昨日中午和家人去酒樓食午飯，之後辣椒女想到灣仔買，行過蛇王燊，忽然又好想食，見唔算好多人還有位，便叫了一大一細蛇羹。這裏的蛇羹，很多蛇肉，真材實料，價錢又平，食完真係全身暖曬。加上檸檬葉絲及薄脆，真係一流！這裏真係值得推介，尤其是早前這樣凍的天氣。

12月20日19:00因中年痴呆病發，18:15到銅鑼灣找蛇王燊，祇好向王上求救，才知正確方位。店小客多，我剛好攝入店外大圓檯空位。要了細蛇羹，份量適中，料奇多，蛇絲極粗，有咬口。第一次在路中心食蛇羹，身後不時有堆滿貨的手推車，擦身而過，刺激！同檯的要了羊腩煲和蛇腩煲，賣相不錯，要找機會和太座來試試。

對上一次食是上年冬天.lunch去食, 一張12人大台放在鋪頭前, 周圍是其他花園街咁款的街檔, 玩具, 衫, 花...什麼都有得賣. 最得意是和全桌互不相識的食客同坐, 各有各食, 但又覺得好似去食團年飯咁. 真騎呢. 我覺得這種氣氛是香港值得保留和讓遊客感受的好野.(所以環境給5分)蛇多料鮮美,糯米飯爽口香甜,蛇湯夠暖身, 絕配! 蛇王燊會日日企0係門前朗頌"蛇王燊0的蛇係全香港最好味0既, 糯米飯炒到一粒一粒架" 兩眼gring gring有神, 極有自信, 充滿蛇王風範. 實在是一大景觀.有一次有個老街坊叫佢做靚仔,蛇王燊好感慨咁大聲宣布:"以前後生真係靚仔, 而家老左唔靚仔啦...".極力推介大家去食好野, 同埋睇靚仔.(我覺得肯用自己個名做店名的人, 一定會真正用心去做好間鋪. 或可稱此為"人鋪合一", 但可能這種"古風"好快會在香港成為過去.)

琴日下午忙完一輪私事打算食埋蛇羮先番屋企因為銅鑼灣太多示威人士搞到行唔到街結果六點幾就行左黎灣仔食飯雖然要坐街邊但無損我食好野既心情坐低叫左一個A餐(花膠蛇腩煲仔飯,蛇羮同龜苓湯)同一個C餐(糯米飯,蛇羮同油菜)兩個人share黎食花膠蛇腩煲仔飯～見住佢叫第二間即整,等左兩,三個字先有得食,份量唔太多但一定夠飽!料有花膠,冬菇,蛇肉,飯有改善,唔會好似麵包超人講咁硬身,各樣料味道都唔錯,但可惜係好似各不相干咁,豉油味道麻麻亦唔夠多,又無飯焦,係比較失望既一樣蛇羮～足料味道又好,薄脆無油"壓"味,因為薄脆同檸檬葉係任加既,忍唔住添左好幾次薄脆食,好味過九龍城龍鳳店龜苓湯～黑漆漆一碗湯,好濃既藥材味同龜板味,感覺好正氣,不過未必個個可以接受糯米飯～可能我較早幫襯,上檯時不單止仲係熱,而且唔油膩,仲有好多既蝦米仔同臘肉,配上香口既花生,好有口感,係我食過咁多間平價既糯米飯既首選油菜～份量太少,俾多d會更好好抵食味道又好如果唔計個煲仔飯呢度係值5分既不過黎幫襯要接受呢度係街邊大排檔題外話:老闆娘好風趣因為幫襯時電視做緊新聞播映灣仔區D韓國農民點樣反抗老闆娘話警方應該幫襯佢買幾條蛇黎放去阻嚇班韓

呢度又係食左廿幾年，蒲開灣仔區，不知蛇王燊的，好打有個譜。舊年天氣轉凍果日，靚女同事帶左我去西環食佢由細食到大的蛇王海，今年轉凍之時，我就帶番佢來我由細食到大的蛇王燊。明知呢度午市插針不下，就同佢飯市過後至來，估不到人客還很多，都要等了一等至有兩個位。有ABC餐可選，我要了有龜湯及煲仔飯的A餐而同事就要了有油菜及糯米飯的C餐。這裡的蛇羹仍然足料，成碗都係蛇肉，加上木耳絲及冬菇絲等配料，是好充實。當然湯底是那個偏杰的茨底，味精是有的，但情況不嚴重，加入檸檬葉絲及薄脆，整體來說都不錯；煲仔飯是別處交來，但焗得夠乾身，有煲仔飯香亦有飯焦，偏硬的飯粒就正合口味，比昨晚吃過的容記小菜王的煲仔飯好一千倍，所以罕有地下午都食完成煲飯。臘味亦夠乾身，可惜廋肉多過肥肉，韌了一點，不過同事就好喜歡，連吃了兩件臘肉；她的糯米飯也不錯，夠乾身，不糊口，當然相比之下，我覺得還是吃煲仔飯較上算；龜湯濃濃的，亦隱隱有點膠質，有無功就不知，味道是不錯的。食到尾段，老細又出來，例牌的在店外招徠，真的是十年如一日，但當然現時已沒有那徒手蛇或取蛇膽的環節。埋單93蚊，吃得飽一飽，又暖笠笠，每人50蚊唔使，有足料蛇，煲仔飯亦

早前和朋友說起，剛食完好味的蛇羹，他說灣仔也有一間幾好的，問我有沒有興趣，所以前晚便約了他和辣椒女一起來試。因之前他們有事，因此約了很晚才來，我們叫了二個B餐和一個C餐。B餐- 叫了田雞煲仔飯、蛇羹一碗和蛇湯一碗。田雞煲仔飯- 田雞新鮮、嫩滑，味道也很好；煲仔飯的飯比較上硬，可能因為落得少水，朋友說這裏的煲仔飯是這樣的，因硬身的飯比較有咬口，也好味；但鼓油落得比較少，最好食前撈一撈飯會好。蛇羹- 真材實料，很多蛇肉，味道都幾好；如不是朋友介紹，實在不會來這裏食，真係值得推介；而且價錢又是這樣平，還有什麼可以說呢！這裏的檸檬葉絲和薄脆都幾好味，記得要落。蛇湯- 味道清甜，飲完全身都熱曬，在這種寒冷的天氣下飲，真係一絕。C餐- 包括有蛇羹一碗、臘味糯米飯一碗和油菜一碟。(因油菜賣完，改了蛇湯一碗。)臘味糯米飯- 飯一樣比較硬、比較油，而且唔多夠熱，好在味道唔錯，以這樣的價錢，都算唔錯的了。聽朋友說這裏的花膠蛇腩煲仔飯、黃肋腩煲仔飯和滑雞煲仔飯都好好味，可惜去到時已經賣完，下次再來時，希望可以試到吧！老板娘都好好人，和我們有說有笑。

近排凍凍地, 心思思想食久違了的蛇羹, 於是捉左朋友同我黎食. 朋友係灣仔, 於是就黎試下呢一間.都搵左好耐先搵到呢度, 因為間鋪係d橫街入面, 錯綜複雜, 未黎過真係會迷路. 由於係我提議黎食的, 朋友就不斷埋怨我搵唔到路, 真係慘. 最後入左一個有好多雜貨店的街(好似係太原街), 係條街既中間就見到蛇王燊, 終於成功到達~~!叫左個b餐, 有一碗蛇羹, 一碗蛇湯, 一個煲仔飯. 我地叫左個羊腩煲仔飯, 其實有個叫黃猄煲仔飯的, 但見到野味又唔太敢試. 我地兩個人食一個b餐, 再加一碗蛇羹.蛇羹好足料, 有一條條既蛇肉, 幾好味, 但本人覺得果皮味重左d.食完之後成個人都暖曬, 冬天食最啱~~!!蛇湯幾甜, 幾好味, 好似好有益架...煲仔飯係第二度整既, 大概係地方唔夠. 落左order老闆就打電話叫人整. 羊腩好似係用南乳調味, 本人唔太鐘意, 不過羊腩都叫好味既, 夠淋. 有d果皮碎係d飯度, 怪怪地. 煲仔飯比外面的遜色, 或者食糯米飯會好d, 我見其他人既糯米飯好似好好味咁架~~地方好細, 只有三張枱, 其中兩張仲係條街度. 不過當日都有好多人幫襯, 亦有唔少人買外賣.

OT 前黎呢度同男友叫左個蛇羹餐$45(一碗蛇羹---很足料!蛇肉亦十分爽口,糯米飯---飯很彈牙,有口感,正!菜心---幾嫩!不俗!$45,物有所值啦!

天氣再轉涼，最正就整碗蛇羹。在灣仔食蛇，有兩間字號較老的，一間就係呢度，另一間就係隔離街的蛇王善。但從來都係食呢度多過食蛇王善，好食多料唔太杰係其中原因，但最最重要就係食開有感情，大大話話都食左廿年有多，所以就算呢度坐得比蛇王善屈質都照來。由最初的十蚊食到而家的廿八蚊，都唔算貴左好多者。今日又來吃，因已吃了上海野，所以只叫了碗細的。仍舊好足料，蛇絲都算多，羹羹都有，另外亦有木耳、肉絲、冬菇絲等。加入檸檬葉絲及薄脆，味道幾好。不過十年如一日都有落味精，好在都唔算重手。總括來說幾有水準的。另一個來吃的原因就是老闆成日都赤膞的在舖頭面前表演取蛇膽，讀書果陣成日經過都圍埋一班人睇的，幾精彩。而家成日在店舖前招徠客人的，正是老闆蛇王燊。