蛇王燊

营业中

休息中

籃球銀牌決賽, 排左20分鐘買到票, 見仲有時間剩, 先去醫肚先記得修頓對面係有蛇舖的, 加上星期六天氣有點轉涼, 就決定去食蛇羹蛇王燊, 舖頭只得兩張台仔, 要面壁思過套餐B $59, 包括有蛇羹, 蛇湯, 煲仔飯各一蛇羹雖然細細碗 但好足料, 蛇肉又多, 湯底夠厚, 仲有少少薑粒, 食完成個暖晒蛇湯, 同平時其他蛇舖的清湯有明顯分別, 加入淮山杞子等, 令到味道又出色煲仔飯, 花膠係便宜貨, 蛇腩有醃過的, 感覺上有點似食黃鱔, 飯有飯焦, 食到差不多時,倒少少蛇湯去撈飯, 正到暈呀蛇羹同蛇湯都係今年所食的最好味的一碗食完又唔口渴, 足證真材實料, 值得推介

是日晚餐, order 如下: 蛇羹 - very good! 跟餐係細碗 size 但係盛到滿滿一碗! 一 d 都冇扼秤! 仲好足料, 好多蛇肉! 抵食!! 花膠蛇腩煲仔飯 - very good too! 熱辣辣又多蛇肉, 又係足晒料! 正!overall d 食物 gei 水準同份量都 100 分~可惜佢位於街市內, 去食晚餐時周圍收緊舖, 仲好大陣垃圾味~由於唔係餐廳, 所以周圍 gei 人不停食煙都冇王管, very 影響食慾!!!見到隔離 table order 左蛇酒 (2 兩為一小杯), 老闆倒到岩岩好一杯滿晒, 冇瀉到, 功夫超好!!就係"賣油翁" gei 道理?!

今晚７點幾，行經太原街，諗緊去邊度食飯之際，被蛇王燊的煲仔飯香吸引住。由於本人對蛇羹冇乜好感，便叫了一個Ａ餐：羊腩煲飯﹑龜苓湯﹑蛇羹＝＄５９only!家姐對蛇羹都很滿意，配料十足！羊腩煲飯整體不錯，個汁很濃，撈飯一流。羊肉有些不夠稔。臘味糯米飯：色香味足，熱辣辣，正！！下次會再來！！！

我今次聖誕期間吃的東西真也夠反傳統, 先有食友的盆菜局, 平安夜又食泰國菜 (這個先按下不表了), 到了正日, 本來想吃海南雞 (!), 點知今次是老媽要搞搞新意思, 食蛇!皆因她去了美食展之後, 就過來買了蛇羹回家。 沒聽到她說是多少錢了, 但約兩碗半的份量大概 $130 吧。另散買了臘味糯米飯一碗, 好像是 $18。蛇羹內蛇肉、豬肉鏍、冬菇絲、木耳絲等齊備, 但蛇肉好像沒我吃慣的蛇王良多, 羹底濃得來也不算太杰或太鹹。另附檸檬葉和薄脆, 這兩樣我竟然忘了加進去伴食。臘味糯米飯小小一碗就要十八大元, 不很便宜, 可是味道也還不錯, 臘味雖只得飯面上的數粒, 其實下面糯米飯卻做得乾身不油膩, 也不大吃到生米; 據老媽引述店方的說法, 這糯米飯是焗出來而不是用炒的, 故沒有那麼油。如不是媽媽的愛心速遞, 我未必會特地跑過灣仔去吃這碗蛇了, anyway, 多謝媽媽!

2008年11月29日，12:20和太座到小魔怪學校"見家長"後，便到灣仔買烏雞，隨即到這店開餐。一個餐兩人吃，因我祇好蛇羹，太座喜歡蛇湯和煲仔飯，本想要黃獍飯，店員笑說不會再供應。蛇羹：仍是濃味和足料蛇湯：喝了一口，呈奶白天色，我覺味香濃，但太座卻說比日前淡了。田雞煲仔飯：雖然是交來貨色，但絕對是即製，田雞嫩滑，香菇味濃，飯粒偏軟。店已不敢在店外多放桌子了，食客們要耐心點了。題外話：見家長時，老師向小魔怪發出警告；還有幾個月要會考了，小魔怪你要好自為知。

這間蛇店，每年入冬後，至少會光顧一次。以前在附近工作，放工經過，如遇上天氣冷，都會吃碗蛇羹暖暖肚才回家。轉工後，每年仍會返來光顧。雖然貴了一點（由去年$28一碗細蛇羹，加至今年$32），但用料足，可禦寒... 一年才跟他「發市」一次，堂食完還買多碗拿回家給家人吃，幾正架! 日前放假經過就坐低食碗蛇羹啦，誰知剛開始吃，就見到有個肥肥地的食環署的「衞生幫」（女人）走進來問誰是老闆，（知道他不在後）就向在場的店員說：『我地收到投訴呀…　呢度唔賣得蛇羹架，只係可以賣蛇肉… 你地仲賣埋糯米飯，將D枱擺晒出來，咁樣唔得架！　拿！聽日我再返來睇，你地好拆晒D廣告呀，唔好賣蛇羹呀！』真係好奇怪！如果這店唔賣得蛇羹，一早應該被封鋪啦！個「衞生幫」的語氣又講得好唔強硬，好似為左「交功課」咁！可能係近來經濟唔好，食環署都要「隻眼開隻眼閉」啦… 講番蛇羹，真係好足料，好暖肚！但買外賣回家，家人吃過後就說好重酒味，所以才令人覺得暖...不過，大碗跟細碗的份量差不多，為何貴咁多？ (大$44 vs 細$32)

明明還是秋天,過去的星期日卻忽然凍起來,冬天的時候有人說想吃熱辣辣既煲仔飯,有人說想吃暖身既蛇羹。邊討論邊打開飲食男女,是日介紹灣仔,有很多灣仔港式食店,其中一間出奇地出同時專賣蛇羹和煲仔飯,決定後由銅鑼灣乘叮叮到灣仔行多兩行便到達,這條街非常熟悉,但於夜晚人流極之少,日頭熱鬧的街忽然偏僻起來,剛好店外座位是順風的,吹兩吹都不禁打起冷震,感覺和冬天無分別。我們10時多到,可能因為是星期日,能夠選擇的已經無幾了先來的是蛇羹,我是第1次吃蛇羹的,感覺像碗仔翅,但比較有口感,有得選擇加檸檬草和脆脆的什麼,偶爾附上一條檸檬草連蛇羹感覺清新花膠蛇腩飯夠多飯蕉,花膠稍縑不夠爽,另有枝竹和冬菇算是令煲仔飯感覺豐富點,主魚蛇腩大大條,咬感像黃鱔試了朋友一兩口臘味飯,味道就是保持原味,相比之下絕對比蛇腩飯失色最後的蛇湯味道鮮甜,是令人滿意的飯後湯,最重要的是令人暖笠笠全店一粒英文都無,偏偏有外國人進駐,應驗了雜誌上的snake soup, try try

蛇王燊 - 灣仔玩具街內唔試由自可, 一試就...唉 出晒名既老字號攪到咁尋日我同太座去試下食左兩個蛇羹餐包三樣野 -蛇羹(細) - 細得黎 真係好細碗, 蛇羹幾好, 好少雞肉豬肉充數, 不過個羹底就勁濃, 好似高湯咁. (其實就落重了生粉)油菜 - 菜心, 烚到好似煲湯菜咁淋....唉. 我知, 佢係烚定仲要浸響烚菜水之中. 先至會咁.最後戲肉 - 臘味糯米飯, 整碗飯得一粒仔臘味 幾粒花生, 勁多蔥花.之後就只有糯米飯. 記著呢碗野單叫要收你$16的, 太離譜及過份了.

2月24日，15:30在298買完緊急電器後，本想到華記吃粥，店員說粥沽清，退而求其次，光記來碗蛋河亦無妨，竟然已轉手，變了HK$10.-X記雲吞麵店。最後到這裡來碗細蛇羹。蛇羹杰底，不是我所愛，蛇肉和配料(木耳、冬菇)仍豐富。但份量比年前少了。鄰座女士要了蛇餐，細羹、油菜配糯米飯。精明的女士，糯米飯打包，其餘堂食。糯米飯的份量偏少。

已吃過好幾間知名的蛇羮店，以蛇羮來說暫時感覺這間最好。蛇羮：濃稠適中，不太稀也不太黏稠，最吸引我的是藥材味夠濃郁，我覺得要有這種藥材及香草香味才算得上是一碗好蛇羮, 及有吃真正蛇羮的感覺。蛇肉煲仔飯：蛇肉口感不錯，我始終比較怕望核突的東西及放核突的東西入口，因此，都盡量瞇著眼將蛇肉放入口中，但的確未道不錯。花膠就差勁多了，但是，以價錢來說又不能要求太高，當作過過口癮是可以接受的。蛇湯：美味！且藥材味很香，要不是我胃口細小，我一定多添碗蛇羮蛇湯。綜合來說, 一定會再光顧, 但主打蛇湯蛇羮。

昨天到了聞名已久的蛇王燊食，期望太大，所以失望愈大羊腩煲賣完叫了蛇煲飯，套餐包蛇煲飯＋龜令湯＋蛇羹要＄６６我覺得好貴喎，　因個兩碗液體都好細碗咁細碗就扮有多兩樣野喎！佢俾我地個兩杯茶都大過個兩碗液體仲要個煲飯冇飯焦，咁食煲仔飯，仲有咩意思呢？？用個煲黎氹我.....早知叫糯米飯啦，　又平ｄ有蛇都唔係大晒的．．．需知到我地都係坐張好細的摺枱，　連擺野都冇地方呀．．．ｄ食評話蛇王燊口水好多喎，　都唔見佢吹水．．．

糯米飯好差喎!見禁多人外賣糯米飯算啦! $16蚊, 無料、無味、細碗. 下次咪攪!

試過一次, 蛇羹過咸了(是偶然一次咁好彩嗎?)其他沒特別.又不覺得特別多蛇肉喎...下次路過比多次機會他吧...因我好喜歡食蛇羹

下午吃了一個不濟的蛇羹，再來這裡補補飛。來這裡吃蛇已是每年的習慣，是在讀書時候已經開始的了，當時的蛇王燊當然沒有現在這麼多款式，唯一分別的就是，蛇王還是那麼口水多過浪。趁是日寒寒涼涼的，就一個人來吃蛇午餐。這裡舖面很小，午市時客多，也要等了一等才有位「攝」。在這裡很多人也吃煲仔飯，我卻只簡簡單單的要了個蛇羹及糯米飯的D餐。先來蛇羹，蛇肉、廋肉、冬菇絲及木耳絲等等大大條，可以說是很有睇頭，但我就嫌其不夠幼細，粗粗的蛇肉，有時有幾難咬爛的。蛇羹杰底，料不算很足，但可幸蛇湯底甜美，爛船總也有三幾斤的釘；糯米飯蒸得硬身，合個人口胃。不過臘味料子切得太碎又淡而無味，是質地的問題吧；油菜是芥蘭，反而青蔥翠綠，新鮮爽脆，很不錯。見其門如市，真的是做到手軟，難怪一年只做6個月也夠食了，也是一個努力搵到食的例子。埋單52蚊，下年又會再來。

雖然今日無咁凍, 但仍然想食蛇羹, 搵了0黎呢度試試.叫了個D 餐, 有蛇羹+ 臘味糯米飯+ 油菜($52)... 先0黎蛇羹, 蛇肉極多, 另外有木耳絲/冬菇/雞絲etc, 認真足料, 檸檬葉同薄脆就係自助落的. 蛇羹味道比上次0係銅鑼灣蛇王二食的濃郁, 陳皮味偏重, 唔會好杰, 幾好味; 薄脆當然脆, 仲帶少少甜味, 好食!油菜麻麻, 凍凍的又幾勁草青味, 食了兩條就放棄了.臘味糯米飯又係好足料, 香噴噴, 乾身, 食落煙韌, 加埋花生同蔥花, 好食! 不過份量都幾多, 仲要係糯米飯, 唔細食的我食了一半已經投降, 唯有問阿姐要個盒拎返屋企, 相信3 個中級食量0既女仔0黎share 一碗都得!環境up dup 迫夾, 好在衛生情況唔差的; 門口阿哥同阿姐們都好有禮貌, 對住d 麻煩客人(e.g. 有個阿嬸坐低落單擾攘0左好耐, 又話唔鍾意食蛇羹, 又驚食唔晒套餐, 又話食唔晒都唔想拎返屋企, 又嫌散叫貴, 落完單之後唔夠2 分鐘又要求佢d 0野食「快d 得唔得呀!」, 都唔知乜人來的!!!) 又好有耐性, 招呼幾好.埋單$52, 好食仲要又食又拎, 抵! 會再0黎!