蘭香茶餐廳 (已搬遷) 新店位置

必食快餐好抵!廿二蚊就有油多,叉燒燴意,火腿炒蛋同熱飲勁飽~~~~~推介奶茶夠香~~~~~不過都係環境烏糟左d

去左嘉樂, 上星期去埋試蘭香. 叫左個午餐, 有多士, 煎雙蛋, 火腿, 火腿意粉, 熱奶茶. 成個餐最好食竟然係塊多士. 其他同嘉樂無乜大分別. 但街坊人情味重D.

一向很喜歡吃鮮油多,蘭香o既鮮油多真係好好食, 厚厚o既多士夾著有點咸味o既牛油,實在好香口.個營養餐b除左鮮油多, 仲有洋蔥豬扒同雞亦, 都係好好味, 豬扒醃得剛好家上洋蔥香煎,豉油雞亦夠味而且非常滑,講到奶茶, 一個字... 掂.可能同個人口味有關, 我覺得佢杯奶茶正過隔離渦...有一樣要壇下o既就係佢個蘭香公司治,竟然用厚身o既午餐肉同厚身火腿(仲無煎過就夾),真係嚇死,份公司治唔熱唔凍, 口感極差,希望佢改善下.

同老公黎過都唔少次, 最初見嘉樂無位, 就好自然黎蘭香食, 因為通常蘭香都會有位, 但宜家唔同左, 就係想坐得舒服d食件奶醬多, 就一定黎蘭香, 佢地d多士好好食, 最初成日聽佢地講"留邊", 跟住自己有試下叫奶醬多"留邊", 唔知以為好熟潻, 其實留左邊, 只係多左d口感, 但宜家都慣左叫喇!!! 呢到都好多街坊黎食, 所以個個都好有親切感. 另外佢地都好好記性, 唔需要落單, 唔係間間得架, 樓面又記得, 水吧又記得, 真好野!!!

旁晚跑完步, 見老闆娘未收工, 走入去食晚餐, 從來只有早餐是會在這裡吃的! 仲記得老闆娘話咖哩好味, 於是叫左個咖哩雞飯再加個蘭香炒飯同老公share! 兩個飯有湯, 不過因為叫左野飲, 只要一碗大大既share! 咖哩飯都幾辣, 不過好香, 薯仔略不夠腍! 蘭香炒飯- 老闆娘落order 時叫廚房少油(佢知我怕油), 普通家常炒飯, 有叉燒, 鮮蝦, 生菜, 我覺得兩個飯同埋湯真係好似係屋企煮既...如果大家想食住家飯, 佢係一個好好既選擇!P.S. 個青紅蘿蔔湯好甜, 無加味精嫁!

補相, 大茶走!

本餐廳係小弟既至愛, 雖家在葵涌，放假有時都忍唔住落荃灣搵佢杯奶茶...無他既:多士, 係成寸厚既; 炒蛋配火腿，大過你槐臉；奶茶，係全宇宙最好飲既... 落黎蘭香, 一係就:嗌餐: 個多士要多油, 個意粉要"加色"好肚餓既話就嗌個"蘭香炒飯"記住奶茶，要熱既，仲要係大杯+ 落煉奶...o者係叫做"大茶走"環境: 有傳統冰廳味道, 落單係阿肥姐對住廚房大嗌...服務: 阿肥姐好有禮貌仲有: 佢地掛住張新鋪開張相...有邱淑貞同阿王晶剪彩架...!!

厚多士連皮，好食又夠軟(熟)；會意粉個汁好特別，唔似淨得茄汁，但亦幾好味；個煎蛋煎得剛剛好，仲有少少蛋汁流出來；奶茶也不錯；連凍飲都係廿二個半，算係抵食；整體來講其實都非常滿意，不過..............最遺憾係我一路食，個天花板上面就一路有隻四腳行走嘅〝野〞，走來又走去，而它的名字叫..................................................................................................................................................................老鼠！我一邊食，就一邊擔心佢落黎陪我食，唉！

之前星期日上運動班前吃，一個早餐$22，好大份。招呼好好，快!醒!鍾意呢度的奶茶，仲大杯o左o添。厚多士留邊係我至愛

行山行到食晏時間,想試下嘉樂,惜重陽節休息,就去隔離蘭香食...兩點幾仍有多人等位...等左10分鐘至有位...自己叫左A餐,火腿燴意+牛油多士+樽裝鮮奶...火腿燴意,意粉都算有咬口...火腿冇出現偏咸的情況,而個意粉的茄汁都幾好食,但唔係酸果種...而係甜甜地果種...牛油多士,烘過的厚身多士加上一大舊牛油,充滿牛油香,好好食...樽裝鮮奶,好耐冇飲樽裝鮮奶了,有種懷舊感...

在荃灣新村街的蘭香，應該是這區所剩無幾的老港式茶餐廳，餐牌上盡是各類好像是差不多但又配搭叫人眼花暸亂的套餐。所謂早餐、午餐和特餐均全日供應，而且，可按客人的需要，在可以辦到的情況下，想點改就點改。各類炒粉麵飯，鑊氣之夠，是現今新式茶餐廳所未能及。但老實說，單從食物的味道和質素來看，這裡絕對不是上等，但這些味道卻叫人回憶起舊式茶餐廳的韻味。茄汁燴意粉：傳統港式茶餐意粉，口感偏腍，帶點滑溜溜，略有快炒，茄汁偏甜，顏色深橙，此乃港式老抽底茄汁做法，正！想更深色，可「走茄加色」。而且，在一般套餐已配有燴意，抵！厚多士：約厚3/4吋，包質非常軟綿。想更有脆口感覺，可「留邊」。跟套餐多士可任配油、奶、醬。炒蛋配火腿：是乾身炒蛋和白烚火腿，相信是很多慣吃澳牛creamy scrambled egg人所不喜愛的地方。但細想之下，這不就正是我們兒時吃的茶餐廳早餐炒蛋，何來creamy？煎雙蛋：難得還可要求脆邊。但油膩是難免。火腿通粉：老實說，是較差。通粉太腍，湯味淡。奶茶：茶奶比例不佳，絕對不及嘉樂香滑。各類乾炒粉麵：尤其是伊麵，炒得鑊氣十足，乾身非常，還加上自家製什醬（類似XO醬），好！這裡的老闆娘好

星期六去荃灣配藥,順道行過黎食野,本來都諗住試嘉樂,但見門口有人排隊,以我懶惰性格又點會排??行過2間舖位食蘭香。幸運地進佔卡位一大張,望下餐牌唔駛十秒,已經同哥哥落單:B餐要炒蛋、凍奶茶唔該!! 火腿炒蛋: 火腿數闊片,加埋應該有一整片洋火腿,望落就無煎過喇;炒蛋一大堆,當然無澳牛咁正,不過都OK既,但多油囉!!牛油多士: 麵包幾厚身,烘得夠金黃,牛油份量剛好,味道唔錯,加片炒蛋變炒蛋多,正!叉燒會意粉: 叉燒數片係碟底,我初初都以為齋茄汁意添,叉燒都有少少蜜味,唔係乾乾貨色,ok; 意粉係一貫港式茶餐廳做法,口感偏淋,都有炒過(因為見到有d意粉有少少燶邊);茄汁偏甜,加上粟米、紅蘿蔔、青豆各一粒(每樣都真係只有一粒!!)味道唔算太好,但食落好有童年回憶!!凍奶茶: 茶味唔濃,又係不過不失質素,麻麻地。服務方面,有位似乎係太子爺既四眼哥哥仔走足全場,佢真係一眼關七,速度一流!!而且記性好好,落單唔駛寫,齋用口講都無錯到,勁!!呢個餐本來係好抵食,廿蚊有齊咁多野,但係凍飲要加$2.5就貴左少少lu =p細個住荃灣時經常黎呢頭食野,如無意外,蘭香/嘉樂都應該有幫襯過;呢頭都變左好多lu,

好耐無走過黎食早餐....今日太晏食午飯...食過叉燒湯意....塊厚麵包唔記得叫佢走油...唉...浪費哂! 蛋又唔記得叫佢炒蛋...煎左兩隻蛋好油...又係浪費! 今日都唔知做乜....?

今朝去打波前先食過早餐先，原本諗住去嘉樂碰過運氣，點知無開，十萬個失望。退而求其次去咗隔離呢間試吓la...once again 十萬個失望...叫份早餐，先嚟個蛋治，蛋炒得太老太乾身，薄"yip yip"，水準以下；麵包普通過普通...腿通嘅粉係腍pat pat嘅，無口感；火腿只係用水淥熟再放响D通粉上面，煎都唔煎吓，無誠意；反而杯奶茶幾好，幾香滑，無乜澀味...下次都係等嘉樂開門先la...

今日放假本來想食隔離嘉樂,但有人排隊,男朋友同阿哥話好肚餓,所以來了這兒食早加午餐...叫了三個餐..總括來說...蛋三文治, 多士及燴意粉不錯,但個火腿通粉就無咩味...通粉質地也ok..我叫了鴛鴦...奶味較重...下次都係叫少奶穩陣.....總有...阿姐好好人