蘭香茶餐廳 (已搬遷) 新店位置

旁晚跑完步, 見老闆娘未收工, 走入去食晚餐, 從來只有早餐是會在這裡吃的! 仲記得老闆娘話咖哩好味, 於是叫左個咖哩雞飯再加個蘭香炒飯同老公share! 兩個飯有湯, 不過因為叫左野飲, 只要一碗大大既share! 咖哩飯都幾辣, 不過好香, 薯仔略不夠腍! 蘭香炒飯- 老闆娘落order 時叫廚房少油(佢知我怕油), 普通家常炒飯, 有叉燒, 鮮蝦, 生菜, 我覺得兩個飯同埋湯真係好似係屋企煮既...如果大家想食住家飯, 佢係一個好好既選擇!P.S. 個青紅蘿蔔湯好甜, 無加味精嫁!