影片
以上资料只供参考，请与餐厅确认详情
荃湾想饮杯道地嘅港式奶茶于是入去....我冇详细询问是否旧舖转 新地方搬新舖， 我谂水准应该 ok啩。叫咗奶茶 同埋 蛋治， 因为好可惜原来冇 普通茶餐厅 供应嘅蛋挞等等。繁忙时间都唔见有好多人 ，非常容易揾位 冷气都 ok足够 ，如果比起旧舖( 如果真系旧舖换新舖嘅话)， 这里的外在环境 和装修的确比起 旧地方好好多。奶茶嚟到谂住享受下香港嘅丝袜奶茶啦， 感觉上奶味唔算香同埋搽都唔够浓( 以前喺香港嘅奶茶冲泡系有搽师傅，而家可能做普通人讲经验； 所以有时都好难一次作准)， 奶味 好似唔多 足够， 唔知道佢系咪用黑白奶？蛋治嘅蛋味都系唔够，希望佢哋换 好啲质素嘅鸡蛋啦。
继续阅读
礼拜日经过荃湾杨屋道街市附近买𩠌，肚仔饿所以想喺附近揾间茶餐厅食嘢，我又唔想揾啲连锁快餐店食，所以周围行下，之后俾我发现有间店舖门面怀旧，感觉而家喺香港好少见到仲有营业嘅旧冰室。所以二话不说就入去试吓。店内有一种好似70、80年代嘅旧香港嘅冰室咁，食嘅都系通粉意粉奶茶咖啡为主，我点嘅系餐肉通粉同埋奄列嘅餐，味道可以。最主要系当日人流唔多，可以喺大街大行入边揾到一间怀旧特色嘅餐厅Hea下，已经好满足！
继续阅读
每三四个月就要从澳洲返嚟探亲，偶然发现这间茶餐厅，食品其实几好食，但每次返嚟都系因为茶餐厅里面嘅哥哥仔，佢风趣幽默好盏鬼，因为我个仔喺澳洲长大唔识中文，所以佢马上转英文帮我个仔落单，讲嘢非常之快又得意。佢英文其实几好，好钟意讲：don’t worry, be happy!我哋听到觉得佢好风趣，其实真正讲英文嘅人先至唔会介意佢讲呢句说话。 我哋好钟意佢，每次返嚟都会特登过嚟呢间餐厅见吓佢，同埋食吓嘢。 搞掂俾个大大嘅like佢！
继续阅读
同事介绍呢间茶餐厅，今日同个fd专登去试食。因为我地搭枱，所以唔洗等，但每一张枱得一个QR CODE落单，于是问个伙计搭枱系咪扫同一个QR CODE，佢用极不有善的态度同语气叫我扫QR CODE，又以为我地唔谶英文, 用佢有限公司o既英文重复咁讲"NO WORRY, BE HAPPY", 一脸不悦，然后走去攞部IPAD想落单，当然我拒绝佢所谓o既"协助"。由始至终我只系想知道餐厅会唔会分返开两枱客张单，最后个老细系收银台叫出黎话会两枱容既单系会分开，先有一个正常人答到我疑问。本黎一心想试下呢间餐厅，但呢位伙计对客果副咀脸，已经胜过呢间老字号，绝对唔会有下次。好唔好味就见仁见智，但呢个价钱，我深信有其他更好选择。双拼三文治, 热饮 $39丁肠面. 多士, 热饮 =$46
继续阅读
抱歉，人生第一次写食评，系忍唔住要写。所有餐已经偏贵，粉面餐无公仔面拣，加福字面同出前一丁面要加$6？？ 贵都唔紧要，好食我都唔介意，但出前一丁无出前一丁味，杯啡又劲难饮，我未试过加晒钱食都食唔晒，净低大半就忍唔住走😮💨 其实已经第2次食，俾多咗次机会佢，第一次食Lunch，又系完全无选择，啲食材又唔系贵嘢，点解咁少选择又唔系好食都可以系荃湾区卖到$50一个餐？😵💫😵💫😵💫 呢个系我两次出餐厅都挥之不去嘅疑问。
继续阅读