蘭香茶餐廳 (已搬遷) 新店位置

有時食野都要睇環境同心情...好似係呢度真係有家既感覺...因為識得老闆娘...佢完全可以記得我食野既要求! 例如蛋治留邊....好厚...好正....! 第二, 每次入到去都好驚我凍...真係好人! 亦都因為本身唔飲奶茶...所以就算嘉樂既奶茶幾好...都始終會走入蘭香...! 所以, 去邊間食野...有時未必係純粹因為啲野好唔好食....!

在味道方面和嘉樂各有好處，但我較喜歡這裡，因為這裡坐得舒服，不用等又不用迫。我試了午餐B($20)：牛油多士：我覺得麭的厚度已夠，牛油份量很多，好好食，但可以再烤脆一點，多士比嘉樂好。火腿煎蛋：一般水準。叉燒燴意：$20一個餐竟然有燴意！好抵呀！煉意的味道幾好，但如果乾身d仲好。奶茶：不及嘉樂。

入去是因為隔離的家樂放例假, 唉, 但又俾我地望到lee間, 還掂之前都想試, 就入左去啦.記得個friend話佢D燴意好正, 就叫左:午餐BX2:火腿煎蛋跟厚多: 脆, 再厚D更好叉焼燴意: 已叫加色, 但味仍偏淡….反而…鴦走: 好滑, 茶味够, 好耐未試過咁正啦P.S. 見人地D燴意好深色, 呵, 原来是燴意走茄, 即是豉油底, 正好多咁喎

今早正考慮佢定嘉樂之際....都係選了這間...因為無咩人食煙! 講到奶茶, 咖啡我就唔岩...但茄蛋三文治做得好唔好...就最緊要...! 我今朝叫左個茄蛋治同檸水...等了數分鐘....一塊軟綿綿, 白雪雪既麵包放到我面前...嘩....單看已經好滿足...! 再食既時候...講真...蛋同茄都唔係話好多...但兩塊麵包既質感同厚度已經足夠了....! 下次會試下隔離間...嘉樂再比較呢!

此店門面雖舊舊地，但內裡比想像中企理，而且老闆娘服務不錯。食物方面，油多用厚麵飽，正如在另一個食評中所說，牛油份量都幾多，味道都唔差。惟奶茶就不及旁邊的嘉樂冰廳。

恰巧路過此店,梗系入去試埋啦!叫左個B餐$22---凍鴦,油多,洋蔥豬排雞翼.凍鴦---無如期咁好飲,有微酸.油多---多士相當厚!牛油份量亦不手軟!牛油夠香!多士凍左仍脆.洋蔥豬排雞翼(2隻)---男友讚不絕口,豬排夠juicy,雞翼肥大!服務亦好好!$22,抵!

每次放假落荃灣食lunch都必定去同一條街的嘉樂或蘭香，呢排去得嘉樂多，今次就去番一次蘭香，都有好幾個月冇o黎。佢d奶茶較淡冇咁濃，所以我每次都飲鴛鴦，仲有食三文治或多士。今次杯鴛鴦都保持水準。份茄蛋治d蛋炒得過老，而麵包仍持保持新鮮軟熟。老公食個特餐，包括有餐肉通粉、多士同火腿omelette，餐肉仍然大塊同厚，但通粉好腍。以前好鐘意食佢d多士，因為覺得幾厚，宜家食慣昌記後，再食佢就沒有特別，今次食叫佢烘脆d，佢都係求其烘就算，唔得脆。今次感覺佢水準差左少少，可能因為咁，所以沒有以前咁旺場。

今朝想去嘉樂，但七點未開，只好黎呢度。厚多士．．．其實比一般厚，有一吋左右，唔及佐敦牛奶公司咁厚，人地叫得厚多應該有兩吋。但都叫唔錯。晨咁早有得食會意粉，試一試。汁．．．不太杰，不夠上晒意粉，但亦未至於太多水，意粉林，但亦唔算過份，一般咁啦。辣椒油又唔錯喎，夠香又夠辣。茶酒茶味唔算太濃，但都幾滑。

我真係好慚愧...去到都見唔到有呢個牌,掛住食食完就走...果幾句又真係寫得幾好wor我未試過KC所講既勝香園,不過佢話得既餐廳我會搵機會試,可能我未係食得太多間茶餐廳,去親果d茶餐廳比既都係牛油麵包而唔會係多士,加上塊多士都ok厚且佢地加左砂糖,我覺得好特別~

服務有親切: 阿女前~ 阿女後!ABC餐無時間限定:叫左B餐免切牛油厚多士..成塊咬..一流(可轉占多或醬多)火腿煎旦..ok (亦可轉炒蛋,太陽蛋)叉燒會意粉..可能太耐無吃咁醒胃早餐.. 一流,好夠味凍奶茶(少冰) 略遜色少少,無茶味..(下次叫熱既搵陣)下次會要黎.. 吃得好滿足

星期日與Openrice 的食友們搞了個「行食團」，約了十時半等。但因早起慣，所以人九時許已在荃灣流連。在街市買了水果，都不過九點三，不如找間茶記飲杯熱咖啡，記得有食友品評過呢度唔錯，就行入幾條街來幫襯。呢度門面不大，舖不起眼，亦沒有大招牌，不是行到好近都唔會見到。九時許，人一點也不少，見好多食客都同幾位招呼的有傾有講，明顯是附近街坊居多。例牌供應早餐、午餐、營養餐，價錢都不是十分便宜，似乎不是走經濟抵食的路線。因為不想吃得太飽，所以就只叫了鴛鴦走糖同奶油多。鴛鴦同油多好快上檯，用的是立頓黃色杯，如沒記錯是前年立頓的贈品，先不說鴛鴦味道如何，但感覺上不及用上厚邊茶杯。杯鴛鴦唔錯，落煉奶當然比落沙糖甜滑，不錯；奶油多薄薄的，不夠乾身，煉奶一堆，牛油一pat的在麵包上，掃都唔掃一下，就咁上檯，賣相唔掂，亦未及水準。可能去得勝香園太多，給那裡的厚多士縱壞了，現在見這裡的真的覺得次幾皮，無謂浪費胃納，這件多士只淺嚐算了。埋單十五蚊五角，唔平，一次夠了。想著那薄薄的多士，明天一定去吃勝香園的奶油麥多！當然那些直角卡位，可以話俾大家知呢度都係本地飲食遺產，在每一區都要留番一、兩間，至令本地飲食文化

蘭香...我都係成日食架大個食得多d(細個食嘉樂多)我次次都係食B餐!件多士唔係隔夜麵包,好軟好似新鮮出爐咁又唔會太又厚.正.正.諗起都好想食呀!~.~仲有就係茄汁X燒炒意d汁剛剛好...唔會少,味道不錯架又唔會過鹹...0係lee到我都係會飲奶茶架haha...邊到好飲d其實都要睇返自己既口味...仲有,佢地都有炒野食存..個咖哩牛腩炒烏冬都好正架< < 伙分開上架好夠味..都幾辣架d牛腩好腍正呀~

今日去左荃灣,個荃灣地頭帶左我去食~佢極力叫我叫B餐,有火腿煎蛋+牛油多士+ 叉燒會意粉個牛油多士真係好正!塊多士好厚,加埋d好香既牛油真係好味~~~我下次去一定要再食!個意粉都唔錯呀~叉燒係少左d,不過加埋火腿蛋,我覺得ok朋友仔叫左個豬扒飯,試左佢一舊豬扒,好好味~有機會我會再去食~

其實，我之前有次已經想去試試...可惜o個次8:00p.m.去到，發覺員工已經換衫想走人，所以尋日趁週六下晝早收工，特登同男友去多次...一入到去，發覺位置唔多，好彩o岩o岩有人埋單，我o地每人都叫o左個B餐食...個多士真係好好味，夠厚又夠鬆軟；而個煎蛋就好油；至於個會意粉味道都OK，不過o的叉燒太少喇！美中不足o既係，個餐已經凍哂，同埋份量比較少...

o黎親必食B餐, 多士又厚又大件, 而且超級鬆軟, 會意粉都好大碟, 不過可能因為大批製作的關係, 意粉不夠熱, 炒旦火腿就太多油了, 食完隻碟仲有成大灘油, 減肥的人就唔好食啦伙計都好親切友善, 尤其有個肥姐, 服務很好的, 另外地方乾淨, 不似一般茶餐廳咁污糟