蘭苑饎館

营业中

休息中

1. 今日天寒地冬又落雨,上完堂同大包決定去試吓前排經過既呢間店夜晚8點幾嚟到好彩唔洗點等位,就即刻有位,不過係搭枱, 個人應該係老細好醒目知道我地想,要張二人枱,即刻就同我地講有枱就換比我地好快有張二人枱堆單,點知又有客人入嚟,係呢個時候另外一個伙計就好快叫d客人過去坐, 好彩個老細喝住話個位係留比我同大包既,多謝老細經過商議後,我地決定點兩個套餐餐跟飯,生麵,河炒,米粉任食) 1. 自選煲仔套餐(HKD58):柱候醬(醬汁)+蘿蔔&芋頭(配菜2款)+牛根腩(主菜1款) 本人覺得個菜應該係預先整定,因好快上枱,重有如果係煲上應該會好熱,但係唔係唔熱,但又無想像中"渣渣"聲咁熱,即刻食都唔會熱親個口,D牛根炆得好淋,又唔會一pat pat,好好味,大包最鍾意食淋既野呢到食野最好就係食完之後唔會有口喝既感覺, 完全無味精, 抵讚2.黑椒牛仔骨(HKD50):唔明白點解會有D雲耳係個菜入面,味道食唔出黑椒味,但係又講唔出係咩野味喎終於比大包發現原來係似雲耳蒸雞,好似有D奇怪,點解變左雲耳蒸牛仔骨, 味道好好, 但完全找唔到應該有o既黑椒味, 失敗3.龜靈膠(HKD25):酸酸地好似落左冬

好奇怪，每一次嚟呢度都係食小菜套餐，從來都冇試過話嚟食龜苓膏或飲涼茶...今次又係煲仔套餐，來個南乳蒜香雲耳栗子排骨煲...又係一如既往，即叫即做。即使我係第一個客落order嘅，都等咗差唔多成二十五分鐘先嚟...真係等到瞌着咗...幸好，煲仔夠新鮮熱辣(真係熱到辣親手)，當堂醒晒。南乳及蒜味皆濃，排骨份量亦夠；稍嫌鹹咗DD，而栗子亦未炆至於入口即化...但白飯/ 米粉任食，例湯小菜又無味精添加，所以間唔中都會走返嚟食食ge...

見近期食o左咁多熱氣o野, 就同男友o黎到蘭苑食o番盅龜膠先, 次次我地有喉嚨痛, 感冒, 都係靠呢盅龜膠咋, 食完就好快好o番~我地去到叫o左1個龜靈膠$90, 1個玫瑰草莓榚$6(個名類似係咁), 本身我地照舊叫o番桂花榚o黎食, 可惜當天一早已賣哂, 咁我地就試下轉新口味, 叫咗個草莓榚, 但食落口, 只有酸味, 麻麻地, 下次唔會再叫, 而個龜膠一樣咁濃郁, 又甘又苦, 落d盬仲可以發揮到佢o既功效添!唔同價錢o既龜膠, 佢o既材料輕重就有所不同, 之前我地仲聽過老闆講, 佢幫過客整o左個$5000 o既龜膠, 做抗癌療程, 要訂做加, 平時無得買, 所以平時身體無o麥特別時, 食o番盅當排毒都好^_^ 同埋老闆講過, 呢度係無分店架~

午飯時間將過，三位OL離開此食店時，還興高采烈地外買數杯糕點。於是好奇的主人與奴隸獸亦買三款不同口味試一試。1. 椰汁馬豆糕（HK$7.0）：馬豆糕黏喉，沒有椰汁味，味道卻像煉奶，馬豆太硬。2. 椰汁紅豆糕（HK$7.0）：椰汁糕清爽，紅豆香，並軟硬適中。3. 桂花糕（HK$7.0）：桂花味淡薄，食後感到口澀，像食了柿子一樣。真是奇怪為何椰汁馬豆糕與椰汁紅豆糕的椰汁味有如此大的分別？

經常到蘭苑食飯,雖然對我黎講好唔就腳,但仍從未減退我的熱情,我已經黎左呢到食飯幾年啦!都係佢d 湯水最合我心意,仲有一陣陣冇鹼水味既蝦子麵....正呀!d餸菜好有住家feel,好似返屋企食飯咁....心情都不其然release...呵呵呵

前日响尖咀食完住家菜，忽然好掛住呢度，決定放棄食越南嘢，來一嘗無msg客飯套餐...好耐冇嚟，發覺冇以前咁多人。可能時間尚早la...先嚟真正老火湯，杞子羅漢果淮山煲粟米瘦肉。真材實料，何需加師傅呢?照舊都係要等成十五分鐘，即叫即煑即煲，少D耐性都唔掂...份量大得很。蒜蓉粒夠香夠多，牛仔骨軟淰，汁亦多，撈飯一流...最精彩係煲入面嘅薯仔，睇D色，以為佢"生水"，點知食落，又淰又粉，冇得頂...附送嘅淖菜心又係頂手貨，好甜，好耐冇响街食過咁靚嘅菜心...等? 等多五十分鐘都願la...

秘撈完又係度用膳, 今次得我同老公兩人, 唔想食太多, 我就叫左個菜肉雲吞+ 牛米, $33, 店員好奇怪問我咩菜吞併牛定係牛併菜吞, 佢話價錢唔同, 搞到我頭暈暈, 然後就話無, 不過無緊要, 因為佢都好有禮貌! 幾大碗下, d 牛切到好薄, 唔同大婆既style, 我喜歡後者多d , 不過都唔難食, 菜吞內既餡幾粗糙, 不過, 幾好食! 老公叫左套餐- 白鱔蒸節瓜, 薄薄既鱔都幾肥美, 例湯係花旗蔘煲豬, 好好飲, 連灼菜同白飯, $45! 食完黎多個芝麻糕, $6, 好滿足! 下星期最後一次秘撈, 應該會再黎多次!

未來老婆唔想（我）食咁多肉，見到佢哋個餐牌嘅「推介」，就叫咗一個梅菜蒸茄子，再加多個客家豆腐。是晚係涼瓜黃豆煲瘦肉，清、甜，不俗。到主菜上場，那碟茄子令我哋非常「驚喜」：茄子切粗條，加上零星的梅菜，最難頂嘅係用上厚厚、濃味嘅汁一齊蒸…食唔到茄子味，滿口係汁。真係頂…佢唔住。客家豆腐，即係清蒸釀豆腐，豬肉有豬肉味，豆腐有豆腐味，已經想講聲「多謝晒」！好在有芝麻糕打完場，讚！同場加映：見到個少東試菜，即立「拿」晒口面：「最近d嘢越嚟越咸，唔該清番d！」…阿們

繁忙既一天終於完結, 係時候嘆翻餐啦! 今晚多了亞哥陪, 於是叫了三個餐, 豆腐蒸鯇魚, 鯪魚肉蒸節瓜, 豉油雞! 湯是雪梨蘿蔔豬肉, 好夠火喉, 無味精, 好飲! 鯇魚面既麵豉太多, 鹹, 走醬蒸會好味! 鯪魚肉有六大舊, 肉都幾腍, 不過, 太多, 節瓜又太腍! 豉油雞肉"鞋"! 灼菜爽脆, 亦好多, 基本上三碟係食唔哂既, 而且今天既選擇麻麻, 下次再試其他! 飽到只能叫一個芝麻糕淺嘗, 下次只叫粉麵, 要留肚食糖水!

澄清過後, 真正要黎試下家常菜! 我同老公二人叫節瓜蒸鯇魚, $45, 同白切雞套餐, $50, (連湯灼菜同白飯/米粉...)! 鯇魚係用甜麵醬加節瓜同粉絲墊底蒸, 鯇魚幾滑, 不過只有兩塊! 白切雞我覺得鹹, 灼菜(油麥菜+菜心), 幾爽脆! 湯係花旗蔘雪耳豬骨, 幾清甜, 好似住家湯, 我無味精反應, 應該無落味精掛! 最後睇到食評話糕點好味, 起初叫芝麻糕, $6, 同菠蘿糕, $6, 菠蘿糕有粒粒菠蘿, 清甜唔錯! 芝麻糕夠煙韌, 唔會好似大菜糕- 一咬就散哂! 芝麻味亦濃郁, 二人食完之後都幾飽, 但仍覺味夠喉, 於是再encore 一件芝麻糕同菊花馬蹄糕, $6, 好似飲緊涼茶, 最唔好係馬蹄糕太大粒, 粗糙! 女店員服務唔錯, 個老闆亦主動叫隔離一桌坐卡位, 今日見唔到佢態度好差wor!

今次終於來這了, 食晚飯...順便隱藏中醫的身分, 來考察考察...有關駐診中醫和龜膠, 不便評論至於晚飯嘛, 不過不失而已. 味道普遍偏鹹, 我吃不慣. 雖說是蒸的菜, 也弄得油油的. 蒸牛展, 白饍, 豆腐, 味道跟一般食肆差不多, 算中上, 怎樣說也算不上是極品...還好的是白飯任裝. 鹹的油的好佐飯服務差是預計之內的, 多得各位給意見. 不過看起來是低職位的嬸嬸卻算親切, 可是仍把茶倒得我一褲是...饎, 音次, 是以酒佐食的意思. 卻不見得有人喝酒...哈哈對食物有期待, 卻換來失望. 對服務差有了準備, 反倒覺得沒啥...

2007年6月24日星期日。晚上吃太子蘭苑饎館。有聽過人批評呢度D人態度麻麻。但我們今天的經歷還算不錯。星期日的關門時間是10點，我們去到時已經差10分鐘10點，其實last order是9點半，但都沒有拒絕我們，值得一讚。我們走時D夥計已經差不多走o西，得番阿叔，佢有叫我們慢慢食，都算係咁啦。黑椒蜜糖洋蔥薯仔雞煲：跟一個湯、一碟油菜和任食飯、米粉或河粉。當天的湯是木耳瘦肉煲田七。Sorry我唔鍾意飲中湯，更我唔鍾意飲藥材湯。但個幾好，甜甜地、但又有黑椒香味，薯仔好黃好靚好甜，D雞又好滑。仁稔子薑蒸排骨都跟一個湯、一碟油菜和任食飯。仁稔子薑蒸排骨個賣相差D啦，烏卒卒。仁稔子薑味都有，不過D仁稔好似好珍貴咁——好少囉。我媽媽以前成日用仁稔和麵豉醬蒸子薑，好好食，根本不用放任何肉。排骨都算滑。整體一般。

深水埗那間同呢間都食過, 覺得深水埗果間抵d同正d。唔知係咪凝住果間老字號d呢?我覺得比起其他果兩間, 呢間蘭苑有d名大於實。

有時野食有幾好味都冇用, 服務差就會趕客, 因為個客食左都背脊骨落, 頂住頂住, 試問仲點會返頭? 更遑論推薦比人！好不幸呢間門面好老字號o既蘭苑饎館就係一間咁o既店。而家服務有冇好到我唔知, 如果有歡迎話我知。話說我當年叫了一堆外賣, 等左好耐都冇, 我都覺得可以接受o既, 因為時不時都見到門外有人等。但跟住個阿叔講o既野就令人瘋狂扯火。我：請問外賣幾時有? 我叫了幾樣野, 等了半個鐘。叔：係咁咖啦, 唔等得不如去第二間叫。我：乜你咁咖(但心諗己等了咁耐, 唯有等下去), 咁即係幾時有。叔直頭行開。一段時間後外賣才到, 叔忘了找錢給我, 我說：是不是有錢找?叔：咁少錢都要找? 兩蚊定三蚊呀? 找返比你囉！我：咁唔想做生意就一早出聲, xyz#&$#@_#@@！！！我真係成世人都冇試過遇過咁差的態度！諗起就火滾！我諗佢鋪頭梗係好生意得滯, 叫呢個阿叔黎趕咁d客走！

多謝樓下食家既澄清, 我都係睇之前既食評話係分店先誤會成年呀! 不過, 佢地既龜靈"膠"同個店名都差唔多, 唔知有無關係呢?