蘭苑饎館

营业中

休息中

由於市道唔好，我地呢d升斗市民真係食唔得貴。出面好多食肆我覺得係lert水，收既價錢根本比唔番我要既野。揀左好耐，揀左呢間。我地叫左蒸飯同煲仔套餐，分別係鯪魚球蒸豆腐，豉汁皮蛋蝦米肉餅煲，配油麥菜。先黎兩碗老火湯，係紅蘿蔔粟米湯，真係好飲，無味精，唔淡口，我忍唔住連粟米都食埋，夠哂潤同下火。個菜唔差，青綠，又爽又咬口。重點係兩道主菜，兩個人食都覺得多，女朋友叫既鯪魚球蒸豆腐，真係份量十足，件件大舊，魚肉彈牙，不過就覺得豆腐唔太特別。而另外既豉汁皮蛋蝦米肉餅煲，就真係幾好味，肉餅刴得出色，可能我點既兩樣野都做到吊味既效果，幾惹味。呢道另一出色之作，就係可以無限添飯，香港真係無咁滯，通常都收番你幾蚊，呢道真係好強。所以係餸多又好味既情況下，真係可以爬多碗飯，故此我食左兩碗！！！最後，我想講服務都唔差，d姐姐都有禮貌。兩杯荼都好正，因為係普洱，哈。我一定會番check。