蘇記流心燉蛋專門店

营业中

休息中

香港人出名多心，放諸食店亦一樣，因為大家都愛去一些選擇多的食店。不過，我卻一直深信貴精不貴多的道理，最怕去一些什麼中西美食包羅萬有，又或者什麼川滬粵館子。一個地方的食物做得好已甚難，何況幾個之多。所以若店子只賣一樣東西，十居其九都會有料到，元朗的「蘇記流心炖蛋專門店」便是一個好例子。蘇記店名雖寫炖蛋，但正確來講是炖蛋白才真。全店只賣炖蛋白一樣東西，選擇只是冷或熱的關係而已。堂食的話我一定要熱的。老闆問要暖的還是等十分鐘要剛弄好的，我當然選後者。剛做好的純蛋白出來了。表面光滑如雪，無水蒸氣弄出來的氣孔。放支匙上去，不會沉下來，證明非水汪汪也。吃一口真的十分滑溜，真的有流心的感覺，甜度適中，十分完美！其實整純蛋白也不是太難，材料只是蛋白、牛奶及白沙糖，做法和蒸蛋差不多，反而用料質素和火喉才是關鍵。炖蛋白不一定要用蛋味濃的日本蛋，反而蛋白不是水汪汪，凝固感足的那種才重要。這裏應是用大陸蛋，但蛋白卻合乎我所講的要求。另外，看見老闆用味濃的北海道富良野3.7牛奶，加上老闆十分專注蒸的過程，（因開放式廚房，看得清楚），想唔好味都好難。 作為環保人士，我總要問老闆蛋黃如何處理，他說會轉賣給人，不會

媽媽節既飯後，準備好行返去塔地鐵回家既中途！見到依間店好似好吸引咁！同埋全都係賣依碗野只有凍同熱既分別！由於回家路途遙遠⋯⋯選左熱食，就算回到家凍都冇所謂啦！叫的時候要等三分鐘啊！等一會就到，老闆話唔好搖佢，如搖會變水狀架......心想..大獲了點先定到回家呢？好不容易定到回家！開黎準備食好彩冇事，一用匙拿來食，中間雖變左水水地狀，味道好細滑，好似食緊北海道3.6牛乳嗰種感覺！依個蛋白係寫明不加水做！有d位正常好似豆腐花咁既feel，食落真係好細滑好味！下次真係要試一試堂食既熱食！

聞說元朗蘇記流心燉蛋好食到形容唔到，今日專登帶個朋友陪我去食，一入到去朋友仔就話，如果有選揀困難症就啱哂，因為成間舖只有一樣野要揀，就係凍燉蛋同熱燉蛋😂舖仔細細大約有10個座位左右老闆既服務態度一流，好有heart 我地叫咗一碗凍，一碗熱熱既好香滑，可惜流心得太浠好似飲奶咁凍既夠清涼，但味道不及熱香濃，凍既都有流心效果，但都係似飲奶似食燉奶多過燉蛋$30一碗，試一次就夠了熱要即做等6分鐘，老闆好細心，會等埋一齊先上檯

今天經過雞地見到有間店舖買燉蛋，於是便入去試下，佢只得一款食品、不過就有熱同凍，所以我就叫咗一碗凍同一碗熱，因熱燉蛋要即時整的，所以吃咗個凍先，唔太甜，跟著吃個熱的、感覺上熱的比凍的更滑更好味。

同朋友食完飯就提議去食甜品, 行過後街見到有間老字號專賣燉蛋白,就入左去人頭叫左一碗泥食.一入去就好舊式家族小店, 後面廚房用捲簾半掩,淡淡的燈光充滿著香甜的蛋白味.老闆走出泥就好proud of咁sell佢地d燉蛋一滴水都無加, 成間舖心機就淨係放喺燉蛋白一味甜品,於是就好簡單咁問我地想食熱定凍, 熱就香濃, 凍就清香.我地3個都食完飯飽飽地就叫左個凍既清清地墊底,一挖落去面頭有一層比較膠質的蛋凝層, 之後就係滿滿滑溜的蛋白.我自己就唔係好慣面個層, 於是就同朋友傾計傾起,點知老闆即刻搭訕話面果層先係精華, 熱食係唔會有,叫我認真呷真佢不過我都係鐘意下面果個清香蛋白多d

全間舖頭只賣一樣野 就係燉蛋白!除左蛋白 糖 同埋3.6牛乳之外 一滴水都冇加過架! 真材實料! 每碗都滑溜溜 因為全人手製 逐碗咁去泡 而且入面係流心架! 熱食既話係即蒸 大概等6分鐘左右 牛奶味會比較香濃; 凍食都係流心 味道就會比較清香 質地creamy d~ 好中意佢唔係咁甜 比較健康之餘 仲可以真真正正食到牛乳既香甜! 個人真係好推介呢間小店 大家有機會要去試下!!!!!!!!!!!!!

店子專一只賣一款食品，就係流心燉蛋！點了一凍一熱，雖然天氣很熱，但我還是覺得熱的燉蛋較好吃，很滑，不過甜，吃到濃濃奶香，流水效果很得意，看上去似未凝結的液體，但其實是軟啫哩般，流心程度拿捏得很好，凍的都很滑，但感覺比熱實一點，就好似凍豆花同熱豆花既分別，識食一定食熱！熱食係新鮮整！所以有機會要等一陣呢！店子不大得幾個位，但都坐得舒服，而且很多人叫外賣的呢，老闆都很友善！如果再去開元朗，都會再去食！

朋友難得山長水遠入來元朗，問我這個元朗居民有甚麼特別和好吃的，我就推介她吃蘇記流心燉蛋專門店流心蛋白燉蛋，整個蒸流心蛋白燉蛋過程都是店主一手包辦，從他將蛋白，蛋黃分離，拌入牛奶攪拌到最後蒸燉蛋。選熱的還是凍的好? 各有各的好，不過我就選熱的。熱的流心蛋白燉蛋白滑無瑕，細嫩的口感入口即溶，這就是流心蛋白燉蛋最這境界。熱呼呼的燉蛋那3.7牛乳香氣經熱力四散，瀰漫在鼻息之間，非常誘人，朋友大讚我這推介，說下次她也帶朋友來試試。

呢間燉蛋最近報紙雜誌介紹得唔少，聲稱材料只係蛋白、牛奶、糖，唔會加水。雖然我平時係屋企整既燉蛋都係唔需要加水既，不過點都好，賣得$30一碗應該質素唔錯既，就試一試啦。燉蛋（熱）表面都算平滑，中間真係流心既，質感好似厚厚既牛奶漿咁，幾香幾滑，不過牛奶味唔係好濃；而唔流心嘅地方就好似普通燉蛋咁。不過唔知係唔係要做到流心既效果，最外層嘅燉蛋就老左少少，收左水亦唔係好滑。我就覺得其實流唔流心都唔重要，其實簡簡單單一碗燉蛋已經好好食。

今日我同班friend 入o左南生圍踩單車，咁o係間單車鋪還車之後，轉個頭就發現呢間甜品鋪，大家當時都好攰好想坐下(我個hip 位真係好__痛，其實我想直情訓o係度囉……) 同食d o野補充體力，所以就入o左去了！鋪頭細細間，只係得一個相信係老闆o既員工，而且只係賣一樣產品，就是牛奶燉蛋。佢介紹我地熱食係比較好食d，因為佢主打d 燉蛋中間係流心，熱食會較易彰顯到o個個質地。不過糖水呢類我通常都食開凍，除非天氣好凍o既晚上啦，所以都係叫o左凍先，不過都有朋友叫熱。鋪頭裡面張宣傳品明言d 燉蛋只有蛋白、牛奶同糖，絕無加水欺場，而門口果張banner 更講明用o既係3.7 牛乳，之前我食過一個buffet o既奶凍就係用呢d 日本牛乳，係真係奶味濃郁好多，所以好期待今次o既味道！首先texture o黎講，凍食o既話同出面食開o既燉蛋差唔多啦(圖是凍的)，但係熱的話真係會見到佢一劏開會好似心太軟咁，中間半固體o既燉品會從較實淨o既外層慢慢溢出，慕名而來o既大家可以一試。至於味道，我覺得無想像中咁重奶味，係好食的it's not bad at all，只係純粹對比我上次食o個個。價錢$30 o

又是時候進入新界西北覓食的時間了，雖然由將軍澳坐港鐵進入新界西北，我都要花上一個多小時才能到達，結果本來小巴轉乘港鐵的八達通票價價錢優惠都因此失效，是令我覺得有點可惜的地方。離開港鐵站之後，我沿路慢慢走入市中心內的範圍，一路摸着手機的地圖向前走，最後終於給到「鳳攸東街」。我再在「鳳攸東街」附近慢慢摸索，終都給我找到門面不算華麗，裝修很平民化的甜品小店「蘇記」。「蘇記」最引我注意的地方，是「蘇記」兩字，竟然不是由電腦打印印刷出來的效果，而是有點像手寫，論美觀程度只是很一般的平民小店。「蘇記」店內的裝潢跟擺設，出奇地都比我預期中來得簡樸，用上款式比較舊的餐檯，餐櫈是由塑膠所造，內部沒有刻意地進行裝修改動過，甚至「蘇記」所謂的廚房，亦都是以公開形式進行。「蘇記」廚房製作流心燉蛋的過程和奧妙，都被我清楚清晰地完全看到了。「蘇記」的樓面，幾乎連一張完整的餐牌都沒有，可以賣的食品也只得清一色一款，就是含牛奶成份的流心燉蛋而已。我點了一碗牛奶流心燉蛋之後，店主就開始全神貫注地，開始製作招牌，亦是全店唯一的食品流心燉蛋了。店主製作流心燉蛋的期間，我望向食店的四周，食店裝潢無疑是有簡單，甚至廚房都有點做

通常係甜品鋪食嘅燉奶都好似半啫哩狀，今次第一次食流心燉奶，表面得一成係硬少少，其餘都真係幾流心，好似食緊好多水嘅豆腐花。可能我食唔慣流心，如果可以做到五成硬五成奶狀會比較好

「蘇記流心燉蛋」——實而不華的門面裝潢，當中餐牌上獨沽一味只有流心燉奶，用上最簡單的材料：蛋白、鮮奶、砂糖，卻霸氣地譽為「舌尖上的甜品」。蘇記其實並非今年初出茅廬的新餐廳，早於去年已經於元朗一小舖位出售燉蛋，最後卻因無牌經營而遭食環署檢控，結果特意到訪之時發現蘇記原來經已結業。本以為以後無緣一嚐，今年年中竟透過網上傳媒得知蘇記已取得牌照重出江湖，失而復得，固然對它的期望再添幾分。店內環境一目了然，只有十餘個座位及一個存放燉奶的雪櫃，而人手方面就只得蘇老闆一人身兼多職，從製作燉奶以至招呼客人及收銀都一手包辦，或者就是這種小本經營的小店才最能夠體現出人情味，眼見老闆與食客交談甚歡，那種仿如老朋友而非單是「一買一賣」的關係令人忽爾感到暖意窩心。燉奶提供冷或熱兩種，然後更可以再選擇正常或更流心版本，由於當時天氣甚為炎熱，加上據老闆所說其實正常版本已經帶流心效果，為免過份流質失去燉奶應有的口感，還是決定要一碗正常版冷燉奶。流心燉蛋 ($30)材料選用泰國、荷蘭或內地雞蛋以及富良野3.7牛乳，不加任何水份，蛋白加糖以人手打發好後再要耐心舀走表面氣泡，注入碗後再舀一次，務求令燉奶成品表面光滑無瑕，輕

已吃過三次都忘記影相，吃得出人情味，每次買嘢時，都會同老闆聊天，他話曾有一個客人話味道淡，他記在心，好介意大家唔中意他既用心作，但我卻感到，那麼多客人，就得一個話淡，咁應該未必係老闆做得唔好既問題，而且當你吃過一囗，你會感到好天然，無大量甜品店作风狂加糖令你既食物成了真正一個甜品，與其話係甜品，我話呢個其實係一個補品，一個健康食品，因為我食到既係旦白既香，鮮奶既滑，還有一份重重濃濃既人情味

我其實本身無話好鐘意食燉蛋 但見到係小店同埋朋友想試 就入咗去食 雖然呢間小店得一款燉蛋食 老細卻係盡心盡力做好每一碗燉蛋 坐係到等嘅時候 可以望到入面老細忙緊整靚燉蛋個面 真係見到咁嘅表現都好讚啦當我叫嘅熱燉蛋嚟到嘅時侯 一試就覺得燉蛋落足料兼好濃味一碗都係$30 呢個價合理啊 儘管成間店得一款美食 老細可以專心整好每碗燉蛋 讚喔