蘇記流心燉蛋專門店

营业中

休息中

和家人在Yoho晚飯後想食甜品，朋友推介便專成去一試，想不到是小店一間，門面裝修簡單，獨沽一味做流心燉奶，有熱食及凍食兩個選擇，和家人試齊凍食及熱食，燉奶出乎意外的香滑，建議大家選熱燉奶，老闆即叫即蒸，不加太多糖，比凍食口感更香更滑更有奶味，嗜甜的朋友可能覺得甜度不夠，但反而更令奶味突出；71歲老闆斯文但熱情，不嫌工序繁複堅持手工製作燉奶，退休後創業開店才一年，用心做食物，熱情的經營小店，值得推介。

中午行經呢間傳說中的米芝蓮食店 只有一款食物賣 見唔到其他餐牌要了2個涷的流心牛奶燉蛋白 沒有想像中好食 可能熱的會比較好食🤔中間就算凍嘅都係流心 有種糊糊的感覺 不太喜歡

之前喺openrice 見到「蘇記燉蛋」已經打算要一試，今日經開元朗又點能錯過。行到「蘇記」門口已見多人排隊買外賣（因店內位置有限，好多人都唔想等太耐就寧願外賣，企門口即食）幸好，我只等了5分鐘左右就有位喇！全店只有鮮奶燉蛋白，客人只可選擇凍或熱食。我們就選擇咗熱食。枱面上有老闆好窩心嘅提示，教你如果進食，可能老闆怕燉奶太熱，客人心急而熱親掛燉奶送到當然跟指示慢慢食啦，燉奶真係好滑，中間真係流心咁，滑滑濕濕咁，唔會好實，味道又唔會太甜，真心難怪全店只買一款甜品，老闆專心出品

❤獨沽一味燉蛋專門店❤舖位細細 就只有一款燉蛋揀😝==============================流心燉蛋（$36）8.5/10我哋嗌左一凍一熱 熱食係即叫即蒸 一食落去係好驚艷❣個燉奶超級滑😍甜度啱啱好🥰奶味十足🤪係我試過最好味既燉蛋💓個人比較鍾意凍食 一筆起入面真係流晒出嚟🥳伯伯一人經營😝真心好食‼️難怪有米芝蓮得獎 要支持下小店😆下次入元朗都必食😈============================

今次入黎元朗覓食第二次再黎食燉蛋元朗鳳攸東街 元朗西鐵站 過條天橋Yoho Midtown 隔離就到"蘇記流心燉蛋"舖位細細 就只有一款燉蛋揀 唔需要鄭咩食 一坐底就叫熱燉蛋 即叫即制流心燉蛋$33 價錢公道 份量又夠又唔會一味死甜記住要由邊邊食 因為中間係超熱枱上同老闆上燉蛋前都會再有溫馨提示教大家點食燉蛋燉蛋有凍有熱揀 但個人覺得d講明即叫即制 大約等10 分鐘會新鮮出爐一次 燉蛋緊係熱先好食 仲要有咁熱得咁熱先係最佳食燉蛋溫度誠意推薦入黎元朗一定要食嘅即叫即制燉蛋

食完晚飯無所事事，突然興起想食甜品！本來想去買糖水，但係經過雞地就醒起有一間隱世米芝蓮甜品店！重要得一款甜品就係燉奶！！！入到去，無客人。老闆喺廚房整緊嘢，即刻開聲招呼我哋！我哋嗌咗三個熱燉奶外賣！佢即叫即蒸！老闆叫我哋等6-7分鐘就有得攞。第二次食佢，第一次堂食，今次睇吓12分鐘嘅路程返到屋企有無俾堂食差。絕對無！好熱！好嫩滑！中間仲要係比較稀！燉奶都可以留心實在勁！好好味！味道100分！奶味濃郁！甜味適中！真係唔怪之得佢要$35一碗！

白雪雪系叉燒丼食完半個下午茶好吾滿意，本來去間湯店，經過一間外面看黑麻麻的，朋友話哩間鋪系米芝蓮推薦咖，本來我吾食類似的食物，但米芝蓮喔，梗係要試。入去可能系下午，吾客人，好簡單只有幾張枱，老闆在準備其他事情，馬上就問我地要熱定凍，熱要等10分鐘因為馬上蒸。哩度咁出名，原來係用北海道3.7牛奶加蛋白，蒸出來。在等的過程，老闆好健談，好客氣。到蒸好左又教我地要小心從邊食到中心，因為中心太熱。只能說肯定真材實料，味道不太甜，沒有蛋黃所以沒有平時的蛋香味，旁邊是比較滑，中間是比較濃密。現在只有一種味道和凍熱，我會建議可以加有雞蛋黃的燉蛋和可以選擇在燉蛋面加奶。因為現在真的味道不夠香和吸引。

伯伯真係淨整一款甜品，夠專注整好一種甜品我覺得好難得。個燉奶好滑，甜度係少甜剛剛好，奶味十足 但係唔係好濃縮加工個種。 真心好吃 有心小店經過元朗要支持一下 （試左凍嘅）

放假周圍食下野💕今日去左元朗蘇記流心燉蛋😍💞呢到全店只得一款出品💝每一啖入口都感受到花好多功夫,口感好滑，我今次叫左碗熱既$33，老闆好細心提我要由外邊食左先再食中間，中間係流心架好好味啊😍😍👴老闆好用心制作，以前食過其他店既會好甜，食一半已經唔想食，蘇記完全無呢樣野，因為唔會太甜，啱啱好，好滑好流心（成碗食晒😋）.咁啱我地食完準備走，有一位義工姐姐嚟買左好碗，我又多口問下佢啦😜原來係攞去老人院做義賣，老闆真係盡心盡力👏👏👏等義工姐姐嚟前5分鐘先整比佢（話返熱會無左口感唔要得😭）呢啲傳統店鋪真係買少見少,傳統手藝又花時間又花功夫,越嚟越難生存希望可以繼續係香港見到呢啲店鋪💪💪支持支持小店

特登走入元朗去試呢一間燉蛋聽聞全間店只做燉蛋唔會做其他甜品我好欣賞老闆呢一個態度有日本匠人一世只做好一件事嘅感覺而佢攞到米芝蓮就係佢成功嘅證明個人覺得凍嘅比熱嘅更加好食但一樣有流心嘅效果雖然攞到米芝蓮但係都冇係咁宣傳

果晚入元朗探完朋友，食左晚餐後，覺得未滿足，經過呢間退休人士開既流心燉奶專門店，即刻入左去。由於天氣炎熱，好想冰涼下，就叫左碗凍既食。食落都幾滑幾彈，再食入d就有少少流心，唔知係咪凍食關係，個燉奶奶味唔係好濃，清清既。下次再黎一定要試個熱既。店舖用心用靚牛奶做燉奶，呢個係欣賞既👍🏻👍🏻

一早聽聞過元朗有一間幾出名嘅流心燉蛋專門店，所以今次特登入嚟試吓。間鋪頭嘅位置其實唔算隱蔽，但就係如果你要食就要特登入去。鋪頭睇落面積唔大嘅，直情可以望入廚房入面。你可以好清楚咁見到廚房入面擺住幾盒3.7牛奶。一坐低就梗係嗌返個留心燉蛋，有凍同熱。對於燉品，我就偏向食熱，貪佢更滑溜。等左一陣就有得食。表面幾光滑，用匙羹畢起，你就會見到裡面係流心嘅。個燉蛋奶味係幾重，但係個人覺得有啲偏甜。雖然一碗燉蛋要$33 ，價錢唔算平，但可以當係支持一下街坊小店。

去完一田大特價掃貨，滿載而歸，消費搏鬥完冇力，食下啲甜品補下先，幫襯米之蓮推介流心牛奶燉蛋白，牛奶味濃郁，用咗日本牛奶特別濃郁味道，絕對沒有加水，而且仲流心添，$33一碗又凍又熱，好味道，元朗推介美食之一

天氣開始轉冷，要食返啲暖身補品，今次呢間真係又係必食，係元朗甜品界之代表作，唔係 b 仔涼粉，係呢個 #流心燉蛋白 $33，每一寸都滑到叔叔不行鳥，啊～啊～啊～，用左呢個 3.7 牛乳同蛋白製作，難怪又香又滑，熱辣辣少少甜，食完都即刻覺得皮膚滑一滑，燉奶坤都要退落黎，賣奶果位伯伯又熱情奔放，對自己嘅出品百分之 200 有信心，搞到我都熱辣辣，濕到滑一滑，全港第一奶當之無愧，真心要食 🤤-蘇記流心燉蛋專門店元朗鳳攸東街 9 號 15 號舖

元朗一日遊其中一站就係蘇師傅燉蛋白，我地好好彩，原來蘇師傅同太太去左十幾日旅行，岩岩先開返第一日，呢度開三點半，所以食完勝利就黎食碗燉蛋白做下下午茶，先再去屯門食小曼谷🤪光顧蘇記前你地一定要清楚以下：1- 呢度係揀凍同熱，無其他，但一個地方只要有一個 signature 就夠👍🏻2- 唔好質疑佢無燉蛋賣咁蛋黃會浪費哂，蘇師傅係會送俾附近食店用，以免造成浪費👍🏻大家可能以為我係打手，但係去得小店就係有個可以同老闆傾計嘅好處，大家都可以享受下呢種情懷😃一去到咁岩蘇師傅行左出黎，見到佢就有親切感，食人情味食誠意係呢度😃店內環境：主角：平心而論，係咪要特登搭長途車黎食，就唔係，但呢間嘅特色係人情味同好味嘅燉蛋白。如果有日經開，我會再食。好評，係俾蘇師傅嘅。