蘇記流心燉蛋專門店

营业中

休息中

入元朗又點可以唔試下網上被人推薦既蘇記～去到發現雖然細細間，但入面就迫滿哂人！同男朋友因爲已經食到好飽，行過黎又好熱，於是只係兩個人叫左一碗凍既黎食～收錢既姨姨仲係超級熱情～門口都有唔少街坊外賣返屋企食添！食物食落真係幾滑，而且堅係少糖啊！！但食落奶味就唔係咁出，不過我諗熱食會有更香濃奶味～而且更好味👅👅👅👅同男朋友決定下次再黎既時候要試下食熱既🤣...仲要買多碗返屋企比媽媽試下😝

蘇記流心燉蛋專門店這家店只有一款食品作冷熱供應就是牛奶流心燉蛋白店家用了3.7牛奶跟蛋白和糖去做強調絕不➕水保證每一口都是真材實料我點了熱吃上桌前老闆提醒我這是剛燉好建議先放2分鐘讓它充分凝固起來再由外圈圈開始吃奶味的確是十分香濃質感軟滑不太甜是天然奶香味老闆態度親切友善值得一讚喔我覺得好吃不等於你 純屬個人意見愛分享

假日中午入元朗行下，呢間小店應該岩岩開鋪唔洗等位，有個伯伯好熱情咁招呼我地 佢應該就係老闆蘇記啦 我同朋友叫左一個凍蛋，一個熱蛋。熱蛋好香牛乳同蛋味，好正好滑！ 好過去澳門食又貴又唔滑又細碗嘅雙皮奶。凍蛋好似食緊布丁咁，都係熱好食。食完埋單，老闆好緊張咁問我地好唔好食，好可愛，同佢傾左陣計就見佢入返廚房打蛋，仲細心咁整走入面啲空氣！難怪隻蛋咁滑啦！有機會一定再去，咁有人情味又好食嘅小店買少見少，需要多多支持，唔想比錢食又貴又難食嘅大集團。

是日晚飯後心癢癢想食甜品 到訪Wins Goodies後才發覺還有2天就要結束了 深受打擊 看著一間間誠意小店被抹殺 婉惜地行走著忽然看到蘇記 「另一個胃」再次啟動 迅速步入了店子小小但也企理 店主友善招呼 熱熱的天氣 配上只有冷/熱燉蛋白的小店來個凍的打孖上吧燉蛋白（凍）$30 OK店子以真材實料作賣點 使用3.7牛乳並絕不加水 （店子也看到很多新鮮雞蛋擺放著）一口吃下去 啊 厚實感感感 真的沒加水啊蛋白很滑 但覺得奶味不夠濃 另外 店子都使用膠匙及膠兜 應該是想節省清洗時間吧 但太不環保了 這希望改善店子賣的是人情吧 還是會支持及再來的！

其實都係慕名而來本身食得好飽，但如果2個人叫一碗既話，好多店鋪會黑面店好細，只賣一款食物，本身叫一碗驚唔好意思，但伯伯好nice，絕對唔介意，依種人情味好難得味道真係好香濃，好想奶味希望伯伯可以做落去

fb見有介紹所以特登黎食! 我order左個凍既，好滑好有奶香😀熱既應該更好食！我覺得老闆好有heart好誠懇好有笑容！雖然＄30一碗唔算特別平，但都會再返黎支持😊

昨晚一人吃完拉麵後，去了「了結」我的心願，去蘇記吃碗燉蛋，希望為最近的苦澀的心情帶來少許的甜滋味。未入去店鋪時，已經有不少食客耳語讚不絕口蘇記燉蛋相當好吃，全部食客都有讚無彈，我深信應該很不錯。入到店裡，這裡雖然小小的，不過卻人情味濃厚，老闆娘熱情地問想吃熱的還是冷的，又細心介紹冷熱方面又何不同。老闆一人則默默地全神貫注烹調燉蛋，發蛋，倒牛奶，蒸煮。我在堂食吃了個熱的，熱的燉蛋滑水嫩綿密，而且滑順無比，入口即化，吃得到濃重的奶香，果然真的是3.7牛乳的燉蛋。我也不忘媽媽的那份，外賣了兩碗凍的，結果她一口氣吃光。凍的燉蛋牛奶香氣更濃郁，質感方面比熱的具彈性，同樣洋溢幽幽奶味，各有各優勝之處。

真野唔洗攞出來講，食完你就知有幾好味。北海道3.7牛乳+全人手製作（用全蛋白唔加水）。不枉我地母親節山長水遠去元朗試吃。當日舖頭門口都有好多人話向facebook睇到呢間舖重開專程過來食架。tips: 現場即整即食更好味