蘇山雞飯

营业中

休息中

Food Review📝🖤🤍 Black & White Chicken Rice with Mini Laksa🐓Hainanese Chicken & Soy Sauce Chicken were both tender & juicy🖤Soy Sauce Chicken tasted a bit sweet which made my mouth watering 🤍Hainanese style highlighted the pure chicken taste  and led me thought of cleanliness 🍚Soy sauce & garlic🧄mixed rice was delicious like a snack which kept you eating 3️⃣Kinds of sauce elevated the chicken & rice in different ways. Srickiness, Savory & Sweet Thick Soy Sauce made the Chicken more tastier. Sour & Sp

餐廳光明簡潔，沒太多多餘裝飾。環境夠闊落，卡位坐得舒服，仲有掛勾可以掛袋，夠晒細心。用餐時間係平日晚上六點，入座七成滿，可能時間尚早人唔太多。地道白咖喱老鼠粉⁷⁰白咖喱香味撲鼻，但食落淡而無味，沒有想像中濃郁。老鼠粉軟硬度適中，口感不錯有咬口。而配料有豆卜、叉燒、魷魚、芽菜、通菜，半隻蛋。味道屬中規中矩，但叉燒略嫌太乾身太靱，有點失色。鮮油咖吔多士³⁰多士烘得香脆，夾住塊鮮油夠晒厚實，牛油味夠濃郁。配上椰香十足嘅咖吔醬，呢個組合簡直係絕配，夠晒邪惡。我鍾意！脆炸鳳尾蝦春卷⁴⁰四件鳳尾蝦春卷炸得金黃香脆，咬落脆卜卜，夠晒香口。

值得遠到而來食嘅海南雞飯👍🏻朋友食黑醬油雞套餐，一樣超滑味道更香，但忘了影相，下次必食之選。套餐跟冬瓜粒雞雜湯好飲過肉骨茶，所以下次不用浪費加$10轉肉骨茶。

今次去左長沙灣既蘇山雞飯, 聽講太子店經常都要排隊, 好彩今日去既長沙灣店, 就算係正常吃飯時間去都唔洗等位,地方寬敞, 位置都坐得舒適👍🏻👍🏻我點左「牛車水醬油雞飯」好驚喜😍雞肉好嫩滑, 無骨頭 , 有齊薑蓉 , 甜醬油同酸辣汁跟餐,我鐘意點完甜醬油再加酸辣汁 , 味道👅即刻昇華左, 配飯一流!🍚🍚套餐仲包括埋：冬瓜雞雜湯, 唔錯,鮮甜 😋朋友點左「白胡椒排骨茶飯 + 油條」白胡椒味濃之餘 鮮味一足, 好香, 😚飲得出唔係味精湯水, 主打一個真材實料😌😌排骨煲得夠軟淋, 一啲都唔老, 必定要點既係「鮮油咖央多士」!!🤩🤩一大塊牛油夾係香脆既多士中間, 係口中慢慢融化🤓超級邪惡, 但阻擋唔住佢既香脆味道!😉我地仲點左：「沙嗲串」同 「泰式魚餅」正常發揮, 不過夠惹味食完呢餐超滿足🐽😙

第一次去食蘇山雞飯時試咗佢嘅芽菜雞覺得幾唔錯，今次第2次黎同朋友試咗另外啲嘢🌟豐盛海南雞飯（半隻）跟油飯+迷你星洲叻沙海南雞唔肥，連埋雞皮食都得，雞肉整到啱啱好熟，所以好嫩滑，仲幾有雞味，而油飯幾香，唔算油醬汁跟新加坡一樣，有齊甜豉油、辣雞醬同薑蓉，適合唔同人口味個叻沙雖然細細碗，但配料好豐富，有魚片頭、豆卜、白魚蛋、蝦，湯底幾濃郁，亦同新加坡一樣係油麵同米粉溝埋一齊🌟白胡椒排骨茶配油條米粉呢個係新加坡式嘅肉骨茶，胡椒味好重同辣辣地，平時食開都係配白飯，估唔到今次配米粉索下啲湯黎食係別有一番風味🌟參巴辣醬通菜參巴醬係星馬菜唔少得嘅醬料，所以專登點呢樣試下，參巴醬配通菜的確好惹味🌟鮮油咖央多麵包無論內外都烘到好脆，中間夾住好厚嘅牛油同咖央醬，食落口感豐富，咖央嘅椰香味都好夠🌟蜂蜜桔仔水🌟桔仔菠蘿梳打水跟餐有優惠價叫野飲，所以揀咗有桔仔嘅野飲，特別消暑解滯呢間食物整體都算幾正宗，如果未試過呢間的話，可以先試佢嘅雞飯，絕對唔會令你失望

#港女覓食到長沙灣✨招牌海南雞飯 配 雞雜冬瓜湯 $62招牌果然係招牌菜😆真係好好食🤤無骨海南雞夠嫩滑，碟旁有粒桔仔，將佢唧落佢啲雞到可以令味道更豐富。仲有佢旁邊嘅醬料，我最鐘意沾上中間嘅辣醬，食落會加惹味。雞雜冬瓜湯入面有雞腎&冬瓜，夏天好岩用黎消暑。✨新加坡白胡椒排骨茶配米粉+油條 $88我以為米粉會係分開上🤣上枱時個米粉已經放埋入去個湯到，個湯嘅白胡椒味道係有嘅不過可以再濃啲！米粉爽口彈牙索埋個湯汁都好食。油條再浸埋個湯黎食就會索到個湯嘅原汁原味。排骨都有4-5件，食落有咬口。✨鮮油咖吔多士 $30個人覺得食馬拉菜必點之一~烘過嘅麵包加入軟滑牛油配埋香甜嘅咖吔醬，食落好邪惡。✨ 馬拉盞椰菜苗 +$29屬正常操作😆✨恐龍美祿 +$12有濃郁美祿味道，下次會叫多奶，咁就會更加香滑。餐廳環境光猛，座位闊落，都係同朋友吹水嘅好地方😙😙✨總結人均消費💸：$110/1人味道：🌕🌕🌕🌕🌑份量：🌕🌕🌕🌕🌑服務：🌕🌕🌕🌕🌑 質素：🌕🌕🌕🌕🌑🍴 蘇山雞飯(長沙灣)📍 長沙灣元州街411號義華大廈地舖::::::::୨୧::::::::୨୧::::::::୨୧:::::::::୨୧:::::::::#

今日要同大家介紹一間蘇山雞飯CP值超高，先係講緊佢嘅套餐，非常之抵食！佢哋嘅海南雞飯套餐入邊嘅湯加小小錢就可以轉為肉骨茶，或者係迷你喇沙！🥰海南雞飯嘅肉質非常之鮮嫩同肥美，值得一讚，同埋必定要食嘅就係佢哋嘅牛車水秘製醬油雞，甘甜口味嘅醬油滲透左係雞肉入邊，非常好食！選擇食套餐嘅話呢仲可以加錢使埋佢哋嘅小食！我就揀咗佢哋嘅沙嗲串燒，咖央多士，炸饅頭，同埋参巴辣醬炒通菜！今次呢一餐飯嘅味道，等同於喺星加坡當地食冇分別，完全由當地嘅風味，亦都價錢相當便宜，絕對係親民價錢，品嚐新加坡風味菜！

好耐之前曾經同謙謙來食過一次蘇山雞飯， 估唔到佢仲記得， 今次來開元州邨玩時就已經講玩完要食叻沙了。 咁我自己都想食海南雞😆😆一於 gogogo 。✡️ 黑白雞飯 ～ 海南雞+醬油雞，呢間d 雞真係好滑又唔會太肥， 肉質係有彈性的唔係得個淋，點上黑醬油，辣汁和薑蓉我絕對可以食哂成碗油飯架。呢到仲配碗足料冬瓜雞雜湯真係好滿足。✡️ 海南豬扒叻沙摻摻 ～ 豬扒分開上夠細心， 叻沙味香濃入面係米粉油麵，謙謙見到已經忍唔住食咁食。✡️ 麻辣玻璃魷魚通菜 ～ 下面通菜上面係魷魚，淋上麻辣醬。✡️ 特式小食拼盤 ～ 有雞翼、泰式魚餅、豬肉串和脆炸鳳尾蝦春卷 ～ 鍾意食香口野就唔好錯過， 又惹味又香脆。✡️ 鮮油咖吔多士 ～ 呢到必點的，成舊厚切牛油加上咖吔醬，呢個多士一流。✡️ 凍鮮檸檬薏米 ✡️ 恐龍美綠

尋晚約咗朋友食飯, 正正我哋諗緊食咩嘅時候, 經過呢間 蘇山雞飯, 我朋友話之前食過好食, 所以我哋 就試咗呢間, 朋友就叫咗 招牌海南雞飯$85, 因為呢個係套餐所以 小食或者菜仲有半價, 飲品嗰啲都係半價, 百零蚊個餐, 有 雞，有飯， 有小食，有嘢飲，又有湯, 真係抵, 佢叫左個串燒小食我哋大家share, 飲品就叫咗桔仔菠蘿梳打水, 我有試到佢個雞雜湯, 佢裏面真係真材實料有雞腎雞潤 同埋 香濃嘅冬瓜味, 值得推介! 而我就叫咗海南雞叻沙老鼠粉, 因為 好耐冇食過老鼠粉，真係唔係度度有得食, 我就諗住清清地叫個椰菜苗, 椰菜苗又係， 如果你去泰國餐館， 呢個椰菜苗都要成百蚊， 依家半價 之後 29蚊食到， 確實唔錯， 呢個叻沙真係超級有誠意， 除咗有兩粒魚蛋， 魚片 ，芽菜，通菜，豆腐卜， 仲有我份海南雞， 叻沙湯底濃郁好 味 ， 真係推介 ， 我食完口痕痕 ， 又聽我朋友講 呢度嘅 鮮油 咖吔多士 好食， 我即刻叫咗份當甜品🤣🤣， 果然 ，甜甜香香， 外脆內軟， 冇得彈， 爭啲唔記得咗我杯特別飲品 ，乳酸蝶豆花梳打， 顏色又靚 又好飲， 今餐非常滿意😇

蘇山雞飯是一間深水埗區的名店😁是區內少有的星馬菜專賣店，而且價錢中價，定位是在方便民居的平民美食，餐廳內部是黑白格地磚，桌椅有南洋特色設計🛖餐牌可見有多款星馬獨有美食，如海南雞、喇沙、椰漿飯、肉骨肉和巴東牛肉等等📜今天外賣回家吃了三款特色飯類💡娘惹咖哩炸雞配椰漿飯 $85出品完全勝過最近快餐店的娘惹咖哩，真的有微辣且香的過癮，炸雞是原隻生炸大雞脾🐓吃得很滿足，不過肉質稍顯老，椰漿飯味香有脆口蝦餅💡海南豬扒咖哩飯 $83家人試了海南豬扒🐖咖哩同樣香滑易拌飯，不過豬扒預先放在咖哩汁裏，令外皮沒有那麼香脆可口💡醬油三寶飯 $93最後的三寶飯有醬油雞、豬手和滷蛋🐣跟了雞油飯和冬瓜雜雞湯，配料的滷汁味道入肉，不會太鹹，配了特色沾醬，不過份量有點少，性價比偏低

今日出開九龍整啲野，諗起之前去過蘇山雞飯食飯都幾好食，都有一排冇食喇😋😋😋❤️巴東牛肉配江魚椰漿飯$85牛肉份量好多，食得好飽肚，餐牌上可以揀小飯，我怕食唔晒都叫咗少飯，但嚟到都係好多飯😅 呢個飯有配啲辣辣地嘅醬，仲有花生同江魚，仲有好大隻蛋添！超級飽肚之選！❤️凍蜂蜜桔仔水$12呢杯飲料好清涼，加埋蜜糖同桔仔嘅香甜味道，真係解渴又開胃。❤️鮮油咖央多士$30央多士煎得金黃酥脆，外脆內軟，加埋大大塊牛油，味道濃郁香脆，真係邪惡得嚟又好好味！

今晚去咗蘇山雞飯食晚餐。呢間餐廳位於長沙灣，太子都有分店。之前都幫襯過，覺得好食，所以今日又去咗食。❤️輕怡排骨茶$48呢個湯底好好飲，其實就係肉骨茶，同喺新加坡飲到嘅一樣。呢個價錢都算抵。因為呢個肉骨茶都真係幾正宗。有藥材嘅味道，但就唔算好濃個種，所以都容易入口。啱返香港人嘅口味。❤️叻沙海南雞摻摻$80呢個叻沙好正，好好味😋叻沙湯底唔太辣，都幾香椰奶味。我好鍾意。海南雞好滑，份量都好足。叻沙入面有豆卜、魚片、魚蛋、海南雞、芽菜同通菜，超級足料！全部都好新鮮好美味。❤️麻辣玻璃魷魚通菜 $25跟餐加咗呢個麻辣玻璃魷魚通菜。不過我驚我食唔到咁辣，所以要咗唔辣。通菜炒得好食香口👍🏽魷魚新鮮彈牙。❤️超冰凍椰青$35呢個椰青真係幾凍，一飲入口，即刻有一陣清涼感。好適合喺炎熱嘅天氣飲用，真係好解渴！

海南雞🐔雞肉嫩滑，切件size偏大件，片頭啲部位都算滑，不過下面個啲就有啲柴同埋食完有黐牙，雞味都算濃郁但係食落有少少油膩。雞雜冬瓜湯🫕個湯幾清，不過雞雜同冬瓜糖好似分開左聯繫咁🙈 成個湯都幾解膩，雞雜都爽身無異味，份量都唔少。油飯🍚跟餐個飯就無乜特別，色水望落唔差，以為會有啲驚喜喇，不過食落油香味就唔太夠，同埋有啲寡。凍檸茶🍹佢標榜爆檸檬茶，不過就檸檬其實只係掛左係杯邊，茶入面完全無檸檬。我個人鍾意試個茶底多過加埋檸檬，所以啱曬我。茶底有啲驚喜喎，味濃不過又未到好潔，係就咁飲都好飲嘅茶底，讚👍🏻總結：經過長沙灣有機會可以再試嘅，不過招牌海南雞飯就有少少失望。$65蚊有凍飲，湯，雞飯全set齊曬都抵食👍🏻

蘇山雞飯 • 長沙灣長沙灣呢間馬來西亞茶嘅餐廳今次係再次回頭幫襯，感覺餐廳食物菜式性價比高，中等價位但食物質素都唔錯，岩曬想普普通通食下馬來西式菜嘅朋友仔，所以推介俾大家😋😋..✅ 招牌海南雞飯 (跟油飯、冬瓜雞雜湯) 🐔 $85海南雞俾左雞髀同雞胸，雞肉肉質都可以，即使雞胸都唔算太鞋，而且入味；油飯色澤靚，好香雞油同斑蘭葉香味；冬瓜湯好清但有雞香味，飲落舒服，好飲😙..✅ 新加坡白胡椒排骨茶配白飯+油條 🐷 $88白胡椒排骨茶嘅胡椒味適中，湯底清，唔係死鹹；排骨份量幾多，有四條大大條，肉質煲至稔滑；整體個湯飲落好舒服，比較清，排骨都唔錯，值得推薦👍🏼..✅ 順化豬肉串 (3枝) 🐷 $38豬肉串質感似食緊台式香腸，香口好食😝..✅ 鮮油咖吔多士 🥪 $30方包有烘過，另些香口；咖吔醬有椰香味，但個人建議如果再多啲就好😝..✅ 脆炸鳳尾蝦春卷 🦐 $40蝦春卷外表以網狀脆皮包裏蝦同春卷餡料再加以油炸，外皮炸得酥脆，餡料係豬肉餡，份量都多👍🏼

蘇山雞飯 · 下午茶抵食之選🍜星洲叻沙摻摻摻摻由兩個唔同口感嘅麵 - 米粉+油麵溝埋一齊，而碗麵材料豐富，有豆卜、魚片、魚蛋、蝦、芽菜、通菜，不過湯底偏淡，如果可以濃返啲就啱哂重口味嘅我。下午茶時段去比較抵食，又會送熱飲，份量唔覺有特別細份，下次可以再訪試埋招牌海南雞飯。📍 蘇山雞飯 (長沙灣)長沙灣元州街411號義華大廈地下