蘇媽.蘇媽馬來西亞茶餐室

营业中

休息中

聽聞呢間馬來菜最近都幾出名，放假黎試一試，兩個人食。服務一般，兩人都要人齊先入得。餐廳有傳統馬來西亞裝修。同一般餐廳唔同，肉骨茶可以按喜好簡肉類，例如：一字骨，五花肉，豬腿肉等。我地就叫左個無咁肥既豬腿肉。一開始店員先上左個肉骨茶湯，就咁飲，飲落帶藥材味，味道剛好，由於係淨湯，無咩帶肉味。當肉骨茶連肉上，店員介紹可以自己混醬料調味。調味料就好似打邊爐醬料，生蒜，辣椒，生抽，老抽。所以肉骨茶既肉沾上醬料後，味道似打邊爐食既味道，遮蓋左肉骨茶既味，但值得一讚豬腿肉生熟度剛好，唔會太老而失口感，豬皮彈牙。但如果唔沾醬食就唔夠入味。另外叫左一個馬來咖喱雞髀飯，咖哩香料味足，帶有椰香味同小小辣，配飯岩岩好，唔會過濃😋一個飯有兩隻雞下髀🍗🍗，烤得岩岩好，雞皮脆口，肉質唔會太韌。咖央多醬料多，但略厭太甜，似煉奶多士，無咩特別。整體食物質素尚可，價錢每個菜色60-70左右，唔算太貴，3樣野食連飲品222埋單

呢個主打正宗馬來西亞菜式，抵食又好食今次已經唔記得係第幾次幫襯了肉骨茶一直係我嘅大愛，不過行完街出哂汗，真係不宜食咁補嘅嘢‼️砂窩老鼠粉有蝦米、銀魚仔、蒜粒、肉碎、菜圃全部配料都可以令味道提升老鼠粉即係銀針粉每條粉都佈滿左特製醬油，非常惹味檳城福建蝦麵 - 油麵呢個湯底勁好飲好香蝦味！峇拉煎炸雞翼侍應一放低，就有陣臭腳味，原來係馬拉辣醬，但食落又唔臭好似臭豆腐咁辣醬唔辣，但又食唔出係咩味！雞翼好脆好香口，不過味道就無咩特別……

同女朋友去左唔鬼就腳嘅旺角蘇媽， 唔洗排隊，坐左餐具櫃旁小廂坐（都有間開2人一邊）2年前食過一次， 現在改QR code 落單， 方便快捷， 但waitress好明顯唉係餐具櫃一邊吹水，吹吹下半邊身唉埋落我個car位到。堅料泥。野食泥得都好快，辛苦廚房，又快又有水準。恐龍下蛋咖啡香滑濃郁，雪糕正半溶，奶味夠恐龍下蛋一泥，我諗住咬一啖雪糕，點知雪糕球向下沉，咖啡溢出，我成條褲舜間好似瀨左屎咁。個2個吹緊水嘅waitress就唔知啦，咁我同佢講整濕左條褲，問佢地攞紙巾，佢地咁緊唔幫忙不特止，問佢攞紙巾先俾得2張。。。幫襯得你幾百蚊，洗咪咁孤寒，泥到已經水都無杯，本身枱面都無紙巾，我知客唔係皇帝，我明我抵死，不過用左qr code 落單真係養到班侍應好唔願做咁。馬拉拌麵，用料普通得來定價偏費貴，不必試，味道不過不失，2年食一次就夠肉骨茶，用料中上有藥材味，豬肉肥瘦適中，金菇彈牙，鳳爪夠淋易咬到買單，3百幾蚊野諗住du 八達通，又話淨係收現金，諗住轆卡，又話無，今時今日。。。。今時今日咩電子支付都無。。。都廢事講，小心睇路稅局會查。整係收現金淨係得一個原因。🤭

今日多人食飯，揀左呢間，原來旺角店有上下層，都幾大，不用等位。好多菜式都是辣的，我剛剛有點咳，叫左肉骨茶，老鼠粉，雞絲面，其他就別的家人點。整體食物味道不錯，辣的真的很辣，有點吃不消。值得一提的是肉骨茶是任添的。

之前見有個KOl介紹佢個老鼠粉影到幾好食咁，今日經開旺角就過嚟試吓啦，地點其實有啲唔就腳，尤其依家啲天氣咁熱，坐低就叫左個煲仔老鼠粉，熱辣辣咁成煲上係幾正既，佢啲餸炒到香哂再放上去，辣辣哋幾正既、另外叫左個介央多士，多士好脆，係嫌個醬甜左少少、飲品叫左個馬拉熱奶茶、凍白咖啡，普普通通價錢進取左啲囉。

As a Malaysian who tasted the food, this is beyond sub par in terms of authenticity and taste. I guess the high rating is definitely not Malaysians who rated it. I have better Malaysian food elsewhere in Hong Kong. Once tried. Won’t bother to return back.

特登為寫呢件事開open rice ac。20號果日兩個人食呢間，點知出曬事。叫左肉骨茶，多士，叻沙，野飲叫奶茶同恐龍。肉骨茶同多士算正常，但油麻地彌敦道果間好過呢間，藥味同肉味都好過。恐龍就唔會差得去邊，奶茶就茶味偏淡，而且無同樣比較遜色。出事係個叻沙。第一辣到死，第二兩個食完都肚瀉。我就本來唔太食得辣（上限5小），所以食得一兩淡。食緊已經知道有問題，辣到甲狀腺位兩邊脹曬。一齊果個就一向OK辣，以爲純粹自己頂唔到辣，因爲另一個一路食呀嘛。但果晚隔多1個鐘已經開始搞肚痛，然後果晚瀉左兩次。一路食geh佢就慘lor...佢瀉足全晚，瀉到脫水，入埋急症，分類係緊急。兩日病假而且到今日三日都仲暈緊。個醫生話多數係食物中毒，但因爲得兩個人食，所以唔可以告食環，要三個先得。而且突破盲腸：佢問點解叻沙係無海鮮。我地自己都辣到無留意。更加唔好提我地入去果時明明中間全部都係空臺，但係要我地兩個同對情侶搭臺，四人臺用隔板分兩張果種。完全不知所謂。埋單接近250，仲要比加一。唔係話比唔起，亦都當時未知中毒，而係第一你落單都係自助，叫加茶都係自己叫一輪先埋來，呢d算服務過？第二你呢種座位安排，隔板分臺我地接

呢一間蘇媽蘇媽嘅環境裝飾都比其他嘅店舖靚！入到去已經滿滿嘅大馬風格。本身屋企人同我都好鍾意飲肉骨茶，今次專程帶佢哋嚟到呢度飲肉骨茶。果然冇令我哋失望！自己都叫有去過馬來西亞地道嘅舖頭飲肉骨茶，味道好一致，會再濃郁啲。毫無疑問，肉骨茶無限添飲係一種賣點，鍾意飲嘅一定要喺呢度試試~然後就要試吓呢度嘅古早豬腸粉, 每條腸粉都充滿住醬汁架😍再黎係檳城辣咖喱麵，呢個湯底夠特別，同出邊嘅咖喱唔一樣👍🏻要叫返啲菜食，蒜香青龍菜，係一款馬來西亞獨有嘅菜！食落勁似韭菜, 鍾意食韭菜既可以試吓呢個~不得不提，仲有個咖央多士同海南鴛鴦燒麵包，係超好食！🤤🤤可惜無影到相🥲

When you have a tight ‘shopping’ schedule in Mongkok and only can afford limited meal budget, 𝕂𝕖𝕕𝕒𝕚 𝕂𝕠𝕡𝕚 𝕊𝕖𝕞𝕦𝕒 𝕊𝕖𝕞𝕦𝕒 would properly a good match.They have plenty of choice for 𝑩𝒂𝒕 𝑲𝒖𝒕 𝑻𝒆𝒉 (meat n bone tea) with different meat selection. I picked one with 𝑲𝒂 𝒘𝒂𝒏 (knee) in small portion. Love their 𝑷𝒆𝒏𝒂𝒏𝒈 𝑯𝒐𝒌𝒌𝒊𝒆𝒃 𝑷𝒓𝒂𝒘𝒃 𝑴𝒆𝒆 (prawn noodles) with traditional spicy smabalbawang, pork belly, prawn, fish slice, boiled egg and water spanish. If you want something light, 𝑲𝒂𝒚𝒂 𝒕𝒐𝒂𝒔𝒕 𝒏 𝑻𝒆𝒉 𝑻𝒂𝒓𝒊𝒌 (milk tea)

Semua Semua is one of the most popular Malaysian restaurants in Hong Kong. I am not a Malaysian so I don’t know how authentic their food is, but I can tell they taste good (and are at reasonable prices). 😉Teh Tarik (Hot) $26 - The name of this popular drink stands for “pull tea”. It tastes like milk tea in Hong Kong but it is much sweeter. It uses condensed milk instead of plain milk which gives it a richer taste.Kaya Toast $35 - If you ever pay a visit to this restaurant, I would definitely re

🇲🇾最近人氣好高既馬來西亞餐廳，個個都講到好好食咁，所以就決定去試下🥘湯咖喱麵 麵係米通粉，配料有豆角，豆卜，芽菜，薯仔，魚蛋，魚肉卷，湯底偏向辣，米通粉煙煙韌韌，連埋汁一齊食幾惹味，薯片少少偏硬，索唔到汁🙈🍲檳城白咖喱湯麵麵底係油麵黎，配粉有豆角，芽菜，魚蛋，蝦，蛋，豬紅，湯底飲落好重椰汁味，一啲都唔辣，麵完全掛唔到湯🍵馬來西亞拉茶拉茶飲落滑身，唔會太甜，茶底有少少好特別既香料味🍞椰香咖央多士 麵包烘到兩面金黃色，食落好脆卜卜，咖央醬厚厚一層，牛油薄薄一片，個醬有啲多同偏甜

經過旺角，見到好多人排，就試一試佢全部都係馬來西亞菜裝修- 都好有馬來西亞特色，例如牆上壁畫、碗筷、整體裝修，都好似去咗馬來西亞/星加坡咁。叫咗三個餸辣死你嗎- 仁噹牛肉 $66-煩係椰汁🥥斑斕飯-味道偏甜，少少濕濕地-仲有蝦片伴碟玻璃魷魚配通菜$58-最快上嘅一個餸-主要都係食醬汁味，醬汁偏鹹，重口味-一定要有個飯或者麵，平衡一下味覺肉骨茶（一字骨）$138-一碗大概有四至五條一字骨-整得好入味，肉骨茶可以無限任添-最好係第一坐低，叫咗這個菜式，就已經有一杯肉骨茶馬來西亞拉茶$22-冇得走甜，味道偏甜-如果鍾意食清清地嘅朋友未必喜歡總結：兩個人食三個餸已經食唔晒-平時食量都唔細，不過今次份量偏大-尤其多肉骨茶同飯，容易漲胃3 個菜， 共 $284 冇+10%算抵食，不過喜歡味道淡清清地的朋友不會喜歡，適合重口味朋友仔

常常都見到有人喺社交平台度讚蘇媽，今日咁啱喺旺角諗唔到食咩，喺上海街附近就揀咗蘇媽食。兩個女仔每人一碗麵，食落份量比較少，湯底略嫌唔夠濃郁，唔算好差，但又未至於咁多好評😂😂，可以一試，但試完就未必再有下次😜😜

已經第二次食蘇媽蘇媽，係高質但又價錢合理馬來西亞美食。個人覺得食物味道偏重偏濃，但如果想一試馬來西亞風味的確係好唔錯嘅選擇。海南鴛鴦麵包牛油勁厚勁正，好邪惡呀！麵包烘得乾咗啲，同人分的話值得試。肉骨茶茶可不斷refill ，黎到必點。但熱底既人就淺嚐啦，真係幾補。檳城福建蝦面料多，湯底濃，好香蝦油味，配菜都好豐富。怡保貴刁雞湯河雞湯係正嘅，唔係濃湯寶味。可惜比起其他菜，呢個就偏平凡，個人試過一次就夠。椰漿飯配牛肉第二次點，沒有不吃的理由😝特色好味💕特別欣賞上菜好快，服務阿姨好熱情

喺附近睇完裝修嘅物品，就嚟到旺角食嘢補充下，我知道呢間餐廳長期都係咁多人排隊，所以我都想試吓。果然不負大眾期望，多士真係超級好味，不過因為我怕肥所以走咗牛油🧈 但都係好香口而且味道甜度啱啱好另外呢度嘅奶茶🥤，我最鍾意就係上高啲泡，見到佢咁高都好治療🫣 呢啲係自己完全沖唔到而且佢啲茶味係好特別，同一般嘅奶茶係唔同嘅，所以佢買呢個價錢都係合理最後狗仔粉，上邊有好多肉碎同埋有一隻蛋，我覺得啲豉油味道啱啱好，係真心幾好味