蘇媽.蘇媽馬來西亞茶餐室

营业中

休息中

今次黎到呢間出名既蘇媽蘇媽食午餐。感覺位置好多但坐得好迫。 叫左一個亞蔘喇沙，望落好地道 但係食落麻麻地。 太多辣油味道太過啦 而且配料不多，最多只有一些魚肉碎。口感鬆散 整體感覺麻麻地

叫左湯咖喱麵米通粉，有薯仔，豆角，魚肉卷，魚蛋，豆卜，芽菜同白魚蛋米通粉幾特別，加埋幾辣的咖喱湯底，都幾正，薯仔做到好腍，豆卜又索滿晒咖喱湯🤤另一碗檳城白咖喱油麵 ，有豬紅，芽菜，魚蛋，蝦仁，豆角同雞蛋，但白咖喱味道比較啖，唔辣，想調下味所以我就撈左啲參巴醬另外叫左鴛鴦包烘得好脆，中間夾住大大嚿牛油同埋咖央醬 真係又邪惡又好食 要encore不過熱馬來拉茶普通無咩味

蘇媽蘇媽嘅賣點係肉骨茶。只要你叫其中一款肉骨茶(例如係圖中嘅三層肉肉骨茶)，雖然嚟嘅時候細細煲，但係餐廳會幫你任添肉骨茶。呢度嘅肉骨茶比較重藥材味，熱辣辣，特別適合冬天飲。我自己就最鍾意佢嘅砂鍋老鼠粉。佢落咗啲銀魚仔之類嘅脆脆，仲有啲豬油渣，加埋隻雞蛋同葱，比你自己撈勻，夠晒惹味，啱晒我呢啲重口味嘅人。蘇媽蘇媽嘅價錢相宜，所以經常要排隊。餐廳嘅裝修比較懷舊同地道。我去過荃灣、深水埗同埋旺角分店，當中旺角分店嘅裝修最靚同埋坐得最舒服。💰: HK$150 pp (Lunch)💝: 7/10

本來就唔係馬來西亞菜嘅ｆａｎｓ，但呢間蘇媽真係食過返唔到轉頭，第一次係同老闆＆同事一齊黎，之後就深深愛上左佢我一向都好鐘意飲湯尤其是係濃味嘅湯，無論冬天定夏天都鐘意飲熱辣辣嘅湯，好味之餘又有益身體，好處多多今次就叫左豬肚肉骨茶，呢度其中一個優點就係可以任fill肉骨茶，超正！一黎唔怕唔夠飲，二黎佢會ｋｅｅｐ住熱辣辣，始終ｄ湯凍左就無咁滋味。之後每人叫左一碗粉，一碗係檳城亞參叻沙米線，另一碗湯咖哩米通粉，檳城亞參叻沙米線裡面有魚蓉、青瓜、生菜絲同埋菠蘿，菠蘿同又甜又多汁，都幾辣下，辣得過癮，生菜絲又爽脆，又有陣陣魚香，嗜辣人士必試！米通粉同咖哩亦都好夾，濃味而唔會太漏最愛都係咖央多，幾飽都好，總會留一個位置俾佢，烘得又香又脆，裡面的夾心帶椰香味且甜甜的，簡直令人口水直流～

檳城懷舊親民茶餐廳長期排長龍人氣店🔥店內高掛紅燈籠 傳統壁畫裝飾樓底高 沒有壓迫感 坐得自在用餐後去618商場行街 超方便供應馬來西亞菜 小食 甜品 特飲☀️檳城福建蝦麵 $62豬腩肉 通菜 芽菜 蝦 魚片 蛋配料超豐富 加上辣參巴醬 滿足感up up☀️檳城白咖哩麵 $58豆角 芽菜 魚蛋 蝦 蛋 豬紅湯底較淡 喜歡濃味 首選福建蝦麵❣️☀️檳城香炸滷肉卷 $56外皮酥脆 肉汁鮮嫩 進店必吃🤤☀️椰香咖史多士 $32蘇媽熱門小食 超多人推薦 高質特色馬拉風味📣值得排隊一試 可以Encore的茶餐廳環境: 💗💗💗💗美味度:💗💗💗💗推薦度: 💗💗💗💗

📍旺角 《蘇媽蘇媽》#正宗馬來西亞菜椰香咖央多士 $32.咖央份量多，椰香味都濃，多士香脆，但上枱已經唔熱微暖，如果熱辣辣應該仲好味🤪檳城亞參叻沙米線 $58.一食入口就覺得好辣，係會辣到標晒眼水鼻水個種，同平時食開既新加坡叻沙風格唔同，佢配料淨係得洋蔥、青瓜、椰菜絲、魚蓉等，食肉獸表示有啲寡，唔係好食得慣🤣三層肉肉骨茶 $56.馬來西亞最出名當然係肉骨茶🍖，店員會即場倒湯俾你，冒哂煙溫度岩岩好，飲落有藥材味，但唔會太濃味蓋過湯既鮮甜。豬肉食落口都好淋，唔會覺得肥膩。桔仔話梅水 $25.桔味好重 酸酸地好清涼開胃嘅感覺，消滯解渴一流⛄️💦味道：6/10性價比： 7/10

每次踏入呢間舖頭，心中即刻同自己講食咗先啦聽日先再做運動😂 想食嘅嘢太多而且每一樣都好邪惡先來金菇豆卜肉骨茶肉骨茶中藥味道濃厚 入口甘甜順喉拉茶（凍）每次嚟到必點 雖然一定唔夠馬來西亞味道濃厚 不過喺香港來講都算好唔錯 佢奶味俾比茶味濃厚 不過夏天飲一杯真係暑氣全消海南鴛鴦燒麵包 呢個又係每次黎一定要點咖啡色嘅麵包並唔係烘燶左 而係焦糖麵包麵包烤到十分之香脆 中間夾咗好厚嘅牛油同咖央醬 麵包嘅熱溶咗中間嘅餡料勁滋味椰香咖央多士 呢個相對牛油冇咁厚 但係咖央醬就多啲 鍾意椰香多啲嘅朋友就一定要揀呢個砂煲老鼠粉 啲粉就好似銀針粉咁 煙煙韌韌 加埋豬油渣同銀魚乾食 十分香口不過醬油略嫌太鹹 食完有啲口渴再期待一下次同多啲朋友去就可以試多幾樣嘢🌹

行過好幾次，見到佢嘅門面，好想入去試下，今次終於黎到點完菜，聽到話唔知咩茶任飲，原來係肉骨茶，不過藥味唔濃，淡淡地，容易入口棒棒骨，貪佢用手食，乾淨d😂，比起岀面食，藥味唔特岀，小朋友都食到招牌砂煲老鼠粉，lee個好有驚起，好味道，香口，下次一定encore玻璃魷魚配通菜，正！不過真係有d辣，食唔到辣就🙈🙈海南鴛鴦燒麵包，厚牛油珈央極邪惡，但食落實在太正了美祿恐龍薏米檸檬，好酸，味道ok仲有幾樣想試，下次一定再去

好快已經encore第二次 不過今次得兩個人無食得咁多，因為份量真係非常足上次食過老鼠粉同咖央多好正，今次一定要encore 多士都係一樣咁香脆甜蜜，熱辣辣好好味今次呢間既老鼠粉就比較鹹，可能醬油落重手左。同埋好似食到豬油渣 好香口！兩個人食每人都有三四碗，好飽足今次肉骨茶叫左大雜錦，有三層肉、棒棒骨、豬肚、豆卜、金菇，非常豐富仲有響鈴同埋油炸鬼浸落肉骨茶度食，唔駛叫白飯都夠哂飽 今次肉骨茶添左兩碗，店員用鐵壺倒俾我地，所以每次都好夠熱。留意返叫邊種肉骨茶都好，店員都會比人頭份量既碗倒肉骨茶俾我地，真心抵旺角呢間因為係上海街618號既活化大廈度，即使係地舖，都好有風味。門口既圓拱門已經好有馬拉既感覺，加埋掛滿紅燈籠、書法、仲有油畫同閣樓，又靚坐得又舒服走果陣仲忍唔住買幾粒抹茶榴槤糯米糍返屋企-招牌砂煲老鼠粉🐭($92)椰香咖央多士🍞($35)肉骨茶大雜錦🍲($148)-蘇媽.蘇媽馬來西亞茶餐室深水埗基隆街251號地舖1130-2130旺角上海街618號地下G01號舖Sun-Thur 1200-2130, Fri-Sat 1200-2200尖沙咀加連威老道10號加威中心地下（The On

上海街商場好靚好有特式，蘇媽同呢個商場好襯。檳城白咖啡必飲，真係好順喉，無酸味。咖央多士，甜甜地又卜卜脆，配咖啡最好。檳城香炸肉卷，比春卷好吃。大大舊。主菜老鼠粉唔驚艷，不過不失。

今日同啊媽出去旺角行街，近排堂食放寬返小小，可以坐多個人，一齊食開心啲。媽咪好想食蘇媽好耐，難得出到黎，最緊要唔係好多人排隊，咁就帶啊媽去食好西！大雜錦肉骨茶 $148啊媽第一次食，所以唔好諗點介紹，大雜錦咩都有！最鐘意蘇媽蘇媽嘅肉骨茶，夠重藥材味，又有啖啖肉味嘅鮮甜，仲可以Refill多幾碗淨湯砂煲老鼠粉 $88呢個都係招牌菜之一，所以一定要叫一鍋比媽咪試下，真心好食到不得了，又大份。本身諗住叫多一鍋外賣比老豆，不過諗諗下都係堂食熱辣辣食有feel啲。椰香咖央多士 $32呢個多士唔洗多講啦，必食！椰香味重，咖央好正，仲要熱辣辣，一開四，大家都爭食。檳城香炸滷肉卷 2件 $56炸滷肉卷相比起其他就冇咁大驚喜，反而顯得肥膩感重啲同埋食落好膩。Overall黎講，蘇媽蘇媽成日都咁多人排隊真係有原因，同埋肉骨茶係無限添飲，仲要真係好好飲，唔係流！

突然之間好想食馬來野，就再黎食，今次叫左啲之前未試過既野食～🔹砂煲老鼠粉 $88個砂煲好熱，出曬煙，一黎到就即刻將啲材料炒埋一齊，底下仲有一啲醬汁，所以炒完啲老鼠粉顏色會深左好多。撈完之後食落去啲材料會同老鼠粉痴埋一齊，食落都幾香口，啲醬汁唔會太咸，推介大家試下👍🏻🔸馬來黑叉燒 $92同平時食開叉燒唔同，肉質係比較韌，每舊都會有肥膏部分，同一舊已經有曬肥瘦兩個位，同埋叉燒燒得有啲燶邊，如果唔怕食韌都可以試下。不過份量唔算好多，有小小貴🔹肉骨茶（大雜錦）$148雖然有肉骨茶無限添飲，但係另外再嗌既肉骨茶味道會再濃啲。可以見到有好多舊肉，仲有雞腳，食左啲肉之後就可以浸油炸鬼、響鈴食🔸怡保雞絲湯河粉 $58依個河粉好清，但係食既時候唔會因為佢太清而覺得唔好味，有時食下依啲清清地既野都唔錯，而且雞絲都好多🔹話知你啦薄餅配咖哩 $52 薄餅有兩大塊，啲咖哩食曬個薄餅都仲未點曬，咖哩味道唔錯👍🏻🔸馬來西亞拉茶 $20 🔹桔仔話梅水 $25🔸椰汁班蘭冰 $36

終於有返晚市堂食~即約出來食個晚飯，即睇下自己BM過嘅餐廳，見到蘇媽.蘇媽，主打馬來菜式，想去好耐，而加有唔少分店，即去。假日的7點多去到唔算太多人，可能因為落大雨又凍之下少人出街。店面好有氣勢，內堂頗大，樓底高，設計上有點似舊香港，牆上的壁畫，像是馬拉街頭壁畫之感。餐牌，都幾多選擇，一場來到，試下人氣之選。枱上有張肉骨茶4部曲可參考及調醬料方法。一坐底，即有肉骨茶奉上，冷雨夜之下飲感覺十分暖身，實在太窩心了~肉骨茶，有濃厚的藥材香味，仲可以添飲，好抵。椰汁班蘭冰，$36，清香之感。椰香咖央多士，$32，咖央份量多，椰香味濃，多士香脆，不俗。百吉爹肉骨茶-大雜錦，$148。好大鍋材料十足好多肉，有豬手、豬肚、雞腳、豆卜、金菇、響鈴及油炸鬼等，十分豐富，肉骨茶味道濃郁，豬手軟腍，豬肚爽滑，肉質鬆軟，沾醬食更佳，實在太有份量，兩個女子食差點食唔晒呢。辣死你媽配仁噹牛肉，$62，辣死你媽(諧音)(Nasi Lemak)，即係椰漿飯，配料有參巴醬、青瓜、花生、乾魚仔及蛋等，班蘭色的椰漿飯好搶眼，椰奶味唔算好濃，淡淡的班蘭香，仁噹牛肉口感軟嫩，味道濃郁，香料味重。食物味道正常水準，肉骨茶正呀~坐

◜◡◝ )┈┈┈┈┈┈┈┈┈┈┈┈┈┈二訪蘇媽🥰對上一次食已經係2年前，不過果陣要排隊，依家唔洗了人齊即入得┈┈┈┈┈┈┈┈┈┈┈┈┈┈𐂐 ⠜檳城亞參叻沙米線 (4/5)一食入口就覺得佢個辣好有料😂真係辣死我呀媽😂朋友仲要辣到一啖都食唔到雖然好辣，但湯底幾濃幾香，我幾鍾意，所以成碗我一個人食曬，食到一半就覺得唔係好辣🤣都可以食到┈┈┈┈┈┈┈┈┈┈┈┈┈┈𐂐 ⠜馬來西亞拉茶 (3.5/5)我覺得同普通奶茶差唔多，但奶味會更出！解辣一流😂┈┈┈┈┈┈┈┈┈┈┈┈┈┈𐂐 ⠜椰香咖央多士 (4/5)包整得好脆口，而且餡都夠多！牛油都香～好吃😋┈┈┈┈┈┈┈┈┈┈┈┈┈┈𐂐 ⠜玻璃魷魚配通菜 (4.5/5)玻璃魷魚🦑好好吃，通菜係清灼的！配上特製醬汁好夾，好香不過我覺得少左啲，如果有多啲會更開心🥳

馬來西亞之夜🌝唔睇番真係唔知原來呢排食左好多馬拉野🙈是晚去食蘇媽蘇媽一坐低就會先一人一碗肉骨茶聞說仲可以任加🤩亦親身證實左係👍🏻 不過都要唔好飲過量二人份 好似好少野但食到好飽😳咖央多好食 仲有斑蘭味的棒棒骨肉骨茶好大煲絕對係二人份招牌沙窩老鼠粉 好似食緊煲仔飯一打開蓋 勁勁勁香👍🏻超級滿足.#唯有食是最治癒的