薯仔屋電影餐廳

营业中

休息中

一向愛動物的我經朋友介紹，專程帶小朋友來拜訪，雖然柴灣有啲遠，但我們都覺得值得。食物和招呼都一流，真係估唔到咁平嘅價錢都有咁嘅質素。餐廳好識合一家大細，小朋友玩得開心，大人又食得安樂。今次只品嘗下午茶，不過都已經覺得餐廳對食物都好有要求。普通一份多士都可以睇到心機之作。多士裏面鑲咗塊煙肉，而面頭就鋪咗芝士同蛋汁入去焗都只係$38。下次一定會再幫襯，會試吓晚餐。呢間餐廳真係有心機，我將我第一個食評送給佢。

同老公諗住喺戲院睇下戲拍下拖，點知冇一套啱我哋，睇到隔離間餐廳都好四正，環境又乾静,靜地好舒服，所以咪入去試吓囉。我老公叫咗個香煎穀飼西冷牛扒，成數都跟得好足。而我就叫咗個豬仔骨，個豬仔骨果然名不虛傳， 呢個係經理介紹我食嘅。真係果然冇介紹錯，聽講話得過獎。豬仔骨做得真係好好，外脆內淋，啲薯條仲配肉醬係一個好有心機嘅菜式。兩公婆仲叫咗支啤酒，好似置身於大餐廳。估唔到喺柴灣都食到好西。餐廳仲有幾隻鸚鵡駐場，睇住啲鸚鵡爬來爬去，真係好寫意。熱情嘅店員仲俾我哋同鸚鵡影相，我從來都未試過咁近距離接觸，今晚真係好有意思。

今日又去咗柴灣，諗住去睇番塲戲，點知全部舊片。仲唔可以入塲食嘢，所以去隔離薯仔屋嘆完先入塲。餐廳開陽又望住公園，感覺舒泰環境又乾淨。價錢非常實惠，不過要自己去落單先，之後有服務員送餐，去叫咗個大蝦帶子扁意粉，加$5仲有沙律蒜蓉包。蒜蓉包熱辣辣好好味，沙律係雜果薯仔沙律也不錯，估唔到個扁意粉都好有水準。香煎大蝦，大蝦煎得恰到好處。扁意粉軟硬度都啱啱好。朋友就叫咗個牛柳串燒，佢都話好正冇介紹錯，喺柴灣有呢啲水準嘅餐廳仲要咁平真係要多啲去。

今日eatmug9 #73薯仔屋喺一間就坐落戲院隔離嘅西餐廳未夠鐘開場又好 完場想搵地方醫肚都好佢都係一個唔錯嘅選擇有得食之餘 仲有得玩添餐廳入面有部夾公仔機仲有部古式嘅足球機除此之外仲有個細細地(真係好細下)嘅遊戲間 for 啲小朋友玩完全係為小朋友而設啱晒一家人嚟至於嘢食方面我就叫咗個tea set雞脾薯條拼沙律 再搭個凍飲價錢大概$40左右下午茶嚟計都偏貴食物質素都係一般般感覺係食緊快餐多啲不過勝在環境都開揚 唔算差

有一次同男朋友睇戲見仲有時間就近近地搵嘢醫肚我哋就食咗佢個晚餐佢個意粉好似 湯意粉 啲汁實在太多了而且個意粉亦都煮得太林如果牛扒亦都食得出落咗好多鬆肉粉所以入口有一浸鬆肉粉味

位於柴灣戲院隔離方便快捷之選平民化價錢高質之選款式種類繁多無論正餐或小食都非常不俗就近戲院買埋小食先去睇戲真係好方便設有小朋友玩具角岩曬坐唔定嘅小朋友上菜速度很快職員有善

第一次黎食，經朋友介紹，賣相100分，味道都係100分，份量可以話係2人份量，因為佢個雞扒係可以2個人一齊食(個人覺得)，環境都有90分，總括黎講，成餐飯既滿意度我比100分，無懈可擊，極力推薦呢間餐廳

今次第一次去食呢間餐廳午餐，我揀咗個燒汁豬扒飯啊。嗰個燒汁豬扒飯份量就少咗啲，我覺得啲飯唔夠，如果比多少少會好啲，個豬扒就唔錯嘅。呢間餐廳嘅裝修好有特色，裏邊擺咗好多玩具啊。

自從柴灣區開咗新嘅戲院cinema City，每次過親嚟睇戲都會幫襯呢間薯仔屋餐廳，貪佢可以食完野之後就入戲院睇戲，有一次我冇黎睇戲，帶咗兩個仔過嚟食晚飯，原來佢哋有兒童餐㗎，仲有一個小型兒童遊戲區比佢哋玩，所以我哋嗰次好放心甘一邊食飯一邊睇住佢哋玩，呢間都係一間唔錯嘅親子餐廳嚟㗎😃

在柴灣看電影真的很便宜，所以打算看電影之前在戲院旁的餐廳吃個午飯。餐廳餐桌不算太多，剛巧今天時間尚早，所以不難找位置坐下。除了午餐以外，還有常餐供應。我們先到櫃檯下單付款，店員製作食物後便會送上。以往我來這餐廳都會選擇吃薯蓉，今天就來個新嘗試吧！龍蝦汁輕煎帶子青口海鮮天使麵🍝整體味道不過不失，帶子的大小和想像中有些出入，龍蝦汁幼滑，味道略淡。天使麵的份量剛剛好，要靠飲品才能滿足飽肚感。以這個價錢來說，性價比並不高。熱飲無需加錢，凍飲需加$2，特飲則收取半價。相信下次再來，還是選擇吃薯蓉會比較好。😅

柴灣開左戲院係柴灣人既福音，因為早場好平又啱駛出太古睇好方便。柴灣戲院相連住個薯仔屋，好似有戲尾有平同可以光明正大咁拎薯仔屋既小食入去食。今日暑假一於睇完早場直落食lunch, 點知食食下變左八號風球。原來小朋友係薯仔屋都可以消磨大半日時間。首先，佢好鍾意個足球機，明明未夠高玩都好開心。每次要入五蚊有十個波，但係我地玩果陣得六個波。原來會cark左個。其次佢好鍾意玩果埋玩具，雖然唔太齊但都算新淨。我欣賞佢既係carbonara 同沙律好好味，牛扒好正。但我覺得隻雀成日嗌好煩同鄰近既永利廣場有股特殊既氣味，我個人黎講鍾意貓多d.無處不在既娃娃機呢度都有部，$4夾一次。夾中個波有戲票送。我推介呢度係下雨天同放假帶小朋友黎玩既好去處。埋單最平50-60。

暑假帶小朋友黎睇戲，睇完戲不妨可以試下呢間用電影做主題的餐廳。餐廳係正戲院隔離，有小朋友玩樂的一小角，好適合幾個小朋友圍埋玩，平時去其他餐廳小朋友玩到癲曬好驚嘈到其他人，但係呢度因爲劃左一個位比小朋友，所以絕對可以放心，唔會影響到其他食客。男仔可以玩下足球機，女仔就可以煮下飯仔。.食物方面，常餐大約有十款選擇，今次揀左黑松露野菌忌廉汁三文魚意粉。三文魚圈成玫瑰花🌹的形狀，忌廉黑松露醬汁好輕盈，唔會食到好漏，而且蘑菇同洋蔥好吸味，份量都唔少。..另外仲叫左個廚師精選的扒餐，美國西冷牛扒配薯角（$188），一個餐有埋蒜蓉包、煙三文魚沙律，同埋甜品軟雪糕，份量十足，性價比好高！牛扒外層煎到少少脆，好惹味！薯角上面淋的醬汁好有驚喜，蘑菇汁再加上sour cream!!完全食到唔停口！不愧為「薯仔屋」😋😋😋軟雪糕唔知係唔係自家製，好重牛奶味，好正😚..順帶一提，餐廳員工服務態度好好，因為見到有其他食客因爲趕睇戲，表現出不耐煩，不斷催促員工上菜，但員工態度依然保持友善👍🏻👍🏻

柴灣附近應該得呢間親子餐廳，今日特登帶個仔落黎食，價錢中等，貪佢有個玩具角落比小朋友玩，同埋有兒童餐。入面環境都幾令，而且地方都幾闊落，野食就一般，奶茶偏水，意粉偏咸，值得一讚係牛肉都幾淋，同埋佢呢度可以儲印花，1個餐可以蓋一個印仔，夠8個可以換戲飛，都幾吸引。會再幫襯，因為可以比小朋友玩下。

收工約了朋友去柴灣睇戲，原來戲院既隔離就有間餐廳而且環境唔錯，買完票之後就決定試一試，去吃個晚飯。餐廳佈置幾有特色，以電影作為主題，牆上有好多電視機，而且還有足球機，和一個玩具角落可以給大人小朋友都可以一齊玩，一定不會悶！餐廳以西餐為主,有很多套餐排類、意粉、飯、烏冬等等可以選擇，而我和朋友方別點了，意式肉醬焗芝士千層麵和香煎西冷牛扒配香草薯角。首先來的是牛扒套餐包配的蒜蓉包和煙三文魚凱撒沙律，蒜蓉包味道香濃，而且很脆口。煙三文魚也很新鮮。再來的便是主菜了！煎美國穀飼西冷牛扒配香草薯角，牛排的賣相就很吸引，而且煎得剛剛好，肉質很嫩，味道好香口。薯條也很脆，和醬汁很配合。而另外一個主菜，便是意式肉醬焗芝士千層麵，芝士很多，味道也很不錯！而飲品方面我和朋友都轉了特式，柚氣迫人和小時候就最愛吃的黑牛，可以一次過吃到雪糕和飲到可樂，感覺好開心！

要約深閨唔出，長期宅在家中，只會喺睇戲嘅時候先出沒嘅胃民，同佢食呢間連埋戲院開嘅電影主題餐廳食個飯就最好不過啦食住睇吓嚟緊有咩電影睇，plan定之後有咩電影必睇蒜蓉包唔係配湯，而係配沙律，但大胃還是分開嚟食好大塊扒呀，薯條都係大大條，急不及待要淋汁喇淋汁一刻，煙霧特效開始出現，仲要環迴立體鐵板滋滋聲𠻹，之後出現4D效果，有嗅覺同味覺嘅享受如果睇戲可以帶埋焗飯就好喇雲呢嗱雪糕幾特別都係熱情果好飲啲下次喺柴灣睇戲，就唔使頭痛邊度食嘢啦