薯仔屋電影餐廳

营业中

休息中

今日係餐廳附近探朋友，所以上去前食飽飽先 平日關係吾需要等位就入得呢間餐廳我覺得好特別，好似入左電影博覽咁，充滿電影氣息而且好多角落位好有心意仲有俾小朋友放電既小小天地卡邦尼意粉份量好足，好多煙肉意粉吾會過腍，煮得岩岩好好香，不過就吾夠creamy沙律新鮮，幾好食蘑菇煙肉意粉個汁好惹味，好足料，好味整體餐廳食物方面都吾錯，碟碟都大大份咁，種類亦吾小位置就係戲院隔離，好易搵到更加可以係話岩哂入場前食個快飯既好選擇

去開港島區柴灣，順便去搵搵食之前都想食下，薯仔屋電影主題餐廳，對面就係柴灣City Cinema，而門外都擺放鸚鵡都好多人去拍照下睇個餐牌有午市套餐、特色常餐仲有兒童餐如果睇完MOVIE 帶埋小朋友食都有得多個選擇.而餐牌定期就會轉換一次點了一個香煎虎蝦牛油果野菌天使麵 HK$64呢個加上牛油果粒煮都夠健康而且仲好入味，很豐富的口感與拌入惹味既野菌的天使麵一起吃，索晒的汁入麵同好彈口。鐵板香煎雜扒配薯菜 HK$88熟度超岩岩好，集合多款肉類，肉質軟腍豬扒、雞扒鮮嫩及腸仔鐵板餐淋醬汁時會發出『喳喳聲』呢個餐真係大滿足好味抵食。雜果賓治 及 水蜜桃雜睇起上來外表好似一樣雜果賓治嘅味道夠甜同多生果水蜜桃雜飲 味道好重既桃味同甜味夠晒清新餐廳門外有多隻鸚鵡，好多人都到來拍照打下卡架。Small Potato Movieland 薯仔屋電影餐廳 柴灣柴灣道333號永利中心地下J舖B單位

本身屬於街坊區域嘅柴灣，真係10年都唔黎一次不過今日約左朋友係港島區覓食，就搵到呢間電影餐廳！呢間餐廳門口有幾隻鸚鵡，不停地叫，好似想引人注目估唔到一間簡簡單單嘅cafe,食物選擇好多而且食物質素好有驚喜喎跟餐沙律沙律菜好新鮮爽脆一啲都唔馬虎！「香煎紐西蘭香草羊架」呢度用左baby lamb，所以羶味一啲都唔明顯！加上又無肥脂肪，無油膩感，肉質軟嫩多汁，火候控制得好！連配菜都好用心薯條係新鮮炸的，外脆並富有薯香！「燒汁豬扒意粉」被隔離檯吸引而點的塊豬扒大過我塊面，仲要有2塊添！燒到外脆肉嫩多汁，仲好厚肉添！唔係講笑，真係好好食叫一個dishes仲包一杯特飲🍹左：百里熱情好香熱情果味，味道唔會太甜加上軟雪糕實淨而滑身，唔會好易溶！右：黑牛埋單時，職員好親切咁話我知：儲滿8個印仔，就可以當$50用岩哂住柴灣嘅街坊！不過我就用唔著

嚟到柴灣，港島舊區，街坊生意，好多小店。係戲院旁有間食西餐廳，似乎係呢區比較少有。主要係吸引小朋友，佢哋有自己餐牌有嘢玩，幫襯個日都有小朋友係呢個區玩又有顏色紙油，放電都幾好。美國安格斯牛肉煙肉漢堡配薯條，78元。肉汁係漏出嚟，牛肉juicy，薯條嘅汁係用左燒汁，專登配番個包。鋪天薯條配醬燒豬仔骨，98元。豬仔骨肉係冧，肉係嫩，個汁焗埋好入味。薯條又配番豬仔骨，用左sour cream肉醬，去配番，呢點心思係唔錯。青蘋果雜，配餐加16元，好青爽。黃昏里米尼（芒果），加17元，有雪糕就正，啖啖芒果。

🥔薯仔屋電影餐廳 就係喺柴灣戲院嘅隔離 完全係為一班睇戲前後想即刻食嘢嘅人而設 而我 係專登嚟嘅🤣見佢裝修咁有心思又唔係特別貴 就過黎食😛舖頭側邊有啲大電視係不斷播住電影trailer🎬一路食住一路諗吓睇邊套戲都得😜另外又有個corner嘅櫃係放晒Marvel嘅公仔擺設🤩而呢度亦好啱一家大細嚟食 有夾公仔機 又有小朋友區域 入面有圖書📚玩具🪀🍝意式肉醬焗芝士千層麵 $98估佢唔到咁驚喜😘每一層都係濃濃嘅肉醬同埋芝士🧀仲要係邪惡嘅拉絲😍底部仲要有薯蓉🥔🤤細食嘅我食唔哂😅好飽 太豐富了😅🍝日式野菜豬扒炒烏冬 $72完全係充滿穫氣嘅炒烏冬😍嗰種穫氣比得上大排檔😂豬扒淋淋地 不會太乾身 剛剛好🍹雜果賓治 +$17 / 水蜜桃雜 （都係各+$16)2杯嘢好有中學唱k回憶😂包嗰2杯嘢飲一定叫fruit punch🍹（不要提唱k了…..都就執🥲)2杯都充滿水果🍍🍎🍒普通雜果賓治嘅味道較淡 水蜜桃🍑嗰杯真係好重桃味🤣好fresh💦食完去咗室外 係店員極度推薦去出面睇睇👀原來出面有好幾隻鸚鵡長註喺呢度😍🦜仲要有一pair係彩色🌈搞到我企咗喺出面唔捨得走👀另外 講明係電影餐廳🎬🍴佢哋都有同隔離戲院搞pro

每一次經過呢間餐廳都會比呢間餐廳外面啲雀仔吸引，今日放假就特登同男朋友過嚟試吓，一開始喺門口同啲雀仔玩下先，之後先入去今日比較熱，服務員仲特登帶我哋去涼啲嘅位置坐，呢度啲服務員好貼心啊望入去感覺環境幾寬敞，坐低望上去仲有五部電視五個台唔使爭電視睇📺貼合晒所有人嘅需要牆上亦有一些可愛設計，看來生日在這裏慶祝聚會也不錯坐低咗之後服務員介紹一下餐牌，推介左很受歡迎的常餐H2的漢堡餐，而我自己就揀左週末午市套餐的澳洲藍青口海鮮龍蝦湯飯，傾談中得知佢地會一星期轉一次午餐餐牌，維持新鮮感，值得一讚，咁姐係食幾次都唔會悶首先試咗一啖龍蝦湯飯，真係有驚艷到我，係好濃郁嘅龍蝦湯味呀！佢有啲八爪魚令到啲口感好好好有咬口，同埋啲材料都好多，啖啖都好多餸分別有蝦，蟹柳，洋蔥，蜆，青口，粟米，佢仲有啲芝士撈埋啲湯飯一齊食仲香跟住就到好受歡迎嘅漢堡餐喇！佢啲薯條唔知係咪美國薯仔🥔好香薯仔味同埋擺耐左都唔會淋，而個漢堡外皮脆軟，安格斯牛肉鬆軟多汁，味道好夾真係值得一試另外我哋仲叫多兩杯野飲，薯仔屋意大利梳打雪糕特飲(巴里熱情)同莫卡咖啡夏天梗係要飲杯透心涼嘅嘢飲喇！個雪糕仲要好好食添🥰食飽飽又可以喺隔離睇戲啦一舉兩

今日經過柴灣，見到一間好多鸚鵡嘅餐廳，囡囡覺得好得意，大膽咁試一試，入到餐廳就有服務員叫我哋掃安心出行同探熱，坐低服務員就俾咗杯熱水我哋浸餐具消毒，有種可以安心喺度食嘢的感覺，仲有個兒童區比小朋友玩，然後一家三口要咗一個Lunch肉眼扒，一隻熱狗，一個洋蔥吞拿魚焗薯加沙律。首先講肉眼扒先，肉眼七成熟，食落唔差還好有肉汁，薯條即炸非常脆 ，覺得物超所值。熱狗大大隻而且麵包外脆內軟，賣相非常吸引仲有蕃茄同生菜睇落好新鮮。焗薯餡料亦非常多，放滿很多芝士感覺好肥但好好食。整體服務食物都唔錯，不過有一點可以改善，冷氣開返大啲，夏天入到餐廳有種凍嘅感覺會比較舒服😌！最後個人覺得服務員好nice，主動比小朋友畫紙畫畫又帶住佢餵鸚鵡。

薯仔屋電影餐廳，位於柴灣永利中心，戲院旁邊，為趕入戲院的香港人提供更多選擇。疫情期間，暫時無法在戲院內進食，所以在旁邊餐廳解決午餐，確實是一個非常好的選擇。餐廳以提供西式套餐為主，周末就有其他套餐選擇。午餐: 黑松露三文魚意粉，餐廳採用煙三文魚，感覺新鮮，好食。意粉不會過熟，黑松露醬汁味道突出。青口海鮮龍蝦湯飯，材料豐富而且新鮮，青口蟹柳魷魚，比較特別的是湯飯中加入芝士，味道亦不會太濃。咖啡選擇了泡沫咖啡及莫卡朱古力咖啡，中上水準。

每次經過戲院，都會想試吓依間薯仔餐廳，今次終於食到了但真係令人失望叫咗兩個下午茶餐+1個薯條，分別係Oreo牛奶窩夫，同埋炸雞髀餐。食物份量係唔錯嘅，仲有杯熱飲，價錢都算合理($4x)，不過食物味道真係強差人意。首先講窩夫，只有少少甜味，口感係粉狀，用刀切嘅時候一切就碎，而牛奶雪糕都只有甜味，只係用機吱出嚟嘅甜味雪糕，只有塊Oreo係好食炸雞髀好鹹，喊到唔敢再食，不過賣相係幾吸引，好大塊。最後叫咗一個$36煙肉鋪天薯條，味道可以，不過煙肉同醬都太少。

地鐵商場都試過幾間，今次啱啱經過就試呢間，環境通爽明亮，點咗個豬扒意粉茶餐，豬扒厚薄適中，肉質細嫩，近年好多食肆供應厚切豬扒，大都令人失望，呢間算唔錯，意粉夠firm，聚手，咬落口感唔錯，sidedish係沙律，鋪係中間。要咗杯咖啡，即磨，入口香滑，討人喜歡，一杯跟餐咖啡可以做到咁嘅水準算非常唔錯，比起一般嘅咖啡連鎖店要好，服務亦滿意，highly recommended! 

九月仲有得入戲院睇戲嗰陣收工去咗柴灣搵朋友睇戲👭🏻呢間喺正戲院門口嘅餐廳除咗可以堂食，仲可以買入戲院邊睇邊食添呀👍🏻.原來而家想堂食都唔係一件理所當然嘅事喇😐好懷念嗰陣堂食呢個<<鐵板黑椒汁肉眼扒配薯菜>>($88)用鐵板上，熱辣辣🔥可惜倒啲黑椒汁落去嘅時候冇噗噗噗😗肉眼扒超大塊!!食晒佢已經食唔落啲薯條👀肉質偏腍易切易咬易入口😋而且少少燶面帶焦香🤗跟餐仲包埋蒜蓉包、沙律同汽水添🥤係高級版嘅茶記🦾

之前也喜歡去的地方，但再次去，枱數已經不多，職員態度差，問她取一隻杯，換來「係o個邊，自己去囉」態度並不友善。而且排隊買東西時，用肘推撞背脊，望了她一下，完全沒意識。以現時的經濟環境，這樣的服務態度，我只可說柴灣有更好的選擇~

因為薯仔屋開左咁多年我都未食過，所以今日同男朋友翻工前食個lunch.一入到去量完體溫，我舉✌🏻示意2位，有位樓面姐姐叫我地鐘意坐邊就坐邊，咁我地坐近窗嗰到。因為都一早上openrice睇左menu簡左食咩，所以基本上坐低之後再睇一睇menu，無問題就準備落單。揮手叫姐姐落單先知要行出去櫃檯落，但櫃檯連水吧得一個人，男朋友係櫃檯等左陣都無人理佢，可能水吧太忙啦，諗住叫樓面姐姐落單，但樓面姐姐又叫我地等入面個水吧落單。睇落水吧既似係老闆娘，除左佢無人識落單🤷🏻‍♀️🤷🏻‍♀️🤷🏻‍♀️咁好啦，我地分別叫左個「 黑松露野菌忌廉汁煙三文魚意粉」同「鋪天薯條配醬燒牛仔骨(半條)」。男朋友係食牛仔骨，佢話不過不失啦，正正常常。咁我係食意粉，一上檯就見到個意粉有彩椒🤢🤢🤢因為我唔食彩椒，而且無期望過「黑松露野菌忌廉汁煙三文魚意粉」會有彩椒。不過都算啦佢間餐廳主打兒童向，有彩椒都係想顏色鮮豔，營養均衡🧐🧐🧐但個意粉比彩椒搶曬味，意粉本身個黑松露味都唔重架啦已經🤷🏻‍♀️唉，對呢餐好失望，咁既價錢$72食碟意粉，我寧願去隔離食10串浸齋😋或者食薩莉亞仲好

是這樣的，我認我地懶，唔想去甘遠，又想食下西餐，咁就試吓呢一間餐廳。佢裝修係有氣氛嘅，因為有好多figure丫個d擺設，但食野要自己去order 的，食物方面唔係話唔好食但又未去到好好食呢😅，如果想以平民價錢去食西餐嘅，我覺得可以試吓呢一間嘅。我地二人叫左個二人套餐：頭盤係煙三文魚凱撒沙律、餐湯係甘筍湯。主菜叫左香煎美國殼飼西冷牛扒配香草薯角及卡邦尼意粉配61度溫泉蛋。而甜品有雪糕及特色飲品。食後感： - 煙三文魚凱撒沙律及餐湯正常，起碼個湯是熱的- 牛扒呢..就略嫌燶咗啲及油多咗啲...- 意粉隻蛋都真係溫泉蛋黎，唔係全熟- 飲品叫左白雪山 - 因為未試過😆唔知有幾多人知係咩黎呢？

又是吃下午茶，見到舖頭比較寧靜，於是走入去。兩個人叫了兩個下午茶餐：1. 意式三文治加沙律2. 軟雪糕窩夫意式三文治加沙律（雞肉味）：可惜沒有拍照、分量頗大，味道不俗，值得一試價錢亦都係下午茶最平的選擇。軟雪糕窩夫泡芙：只有半塊窩夫，雲呢拿軟雪糕，價錢相對比較貴。店舖正正在戲院附近，是睇戲前後的好去處，加上店舖內裝修有創意及心機，有marvels的公仔、有夾公仔機、有不少拍照打卡的地方。這間柴灣戲院亦允許這間店舖或食物進出戲院內，所以大家可以光明正大購買此間餐廳的食物進來邊睇戲邊進食！如果你住喺柴灣，亦可以試吓儲齊佢嘅印花睇免費戲。不過留意番，餐廳以自助形式，需自行叫餐及即時付款，沒有侍應服務哦！