薯仔屋電影餐廳

营业中

休息中

宜家戲院終於開返！即刻買左戲飛去睇戲 睇完有啲餓所以就揀左呢間餐廳開餐（係正戲院隔離🤣🤣）佢門口有好多隻雀仔同埋餐廳入面有個兒童遊樂區 入面好似都幾多野玩 我諗小朋友黎到會好開心晚餐黎講價錢都算平 $60蚊起包野飲、包同沙律 外賣仲有9折我哋今次叫左個鐵板黑椒汁肉眼牛扒同虎蝦龍蝦汁意粉跟餐個包幾脆，沙律菜夠新鮮，個奶茶濃度岩岩好 有茶記水準！份牛扒好大份，肉質唔會好韌，又有厚度，好正！一個女仔未必食得晒，宜家諗返都流緊口水，超岩食肉獸。而個意粉都幾足料，好多海鮮係入面。有蟹肉、八爪魚個啲，呢個價錢食到呢啲嘢食我真係心滿意足！呢間餐廳啲侍應都幾nice 好主動，環境都唔錯，下次睇完戲都會再過嚟食😋😋😋PS 走個陣見到有張到會外賣紙 價錢都唔貴 之後開party可以諗諗 🤔️

🔻 同柴灣戲院連埋一齊既薯仔屋，好岩慢慢坐低傾吓計，而家戲院因為疫情關係關咗門，所以一定要喺正門進入，要留意呀😊1️⃣ 卡邦尼意粉 💲64🌟推薦指數：★★★☆☆比想像中多汁，個人係鍾意食多汁既意粉🍝 配料都十足，份量都適中，但如果忌廉再多少少應該會更加好味😊2️⃣超級風味薄餅 💲46🌟推薦指數：★★★★☆🍕 pizza嚟講性價比真係幾高，芝士夠多係基本要求😋 最重要係個餅底好薄脆😋👍🏻 真材實料！3️⃣ 肉醬鋪天薯條 💲38🌟推薦指數：★★★★☆去親食飯 如果有薯條小食多數都係必叫😋 賣相吸引 而且薯條好香脆。4️⃣炸薯餅 💲24🌟2塊推薦指數：★★★★☆去到薯仔屋淨係食薯條係唔夠嘅🤣要叫埋薯餅😂😂😂絕對係新鮮即叫即炸，配合埋茄汁，食完真係想繼續叫。整體嚟講環境幾舒服，都幾適合同朋友慢慢傾計食吓嘢，如果音樂可以細聲少少就更加好

🥔 美式香蔥煙肉焗薯伴是日沙律 $58💯 評分：🌕🌕🌕🌑🌑 (3/5)💬 煙肉味道尚算香濃，焗薯都夠軟腍，芝士亦可以拉到絲。是日沙律係蘋果薯仔沙律，口感嘅層次相當豐富，冰涼清爽正好中和返焗薯嘅油膩感。🤤🐮 法式紅酒雜菜燴牛尾飯 $68💯 評分：🌕🌕🌕🌑🌑 (3/5)💬 牛尾相當鮮嫩多汁，食落骨肉分明，紅蘿蔔都十分軟腍，味道再濃郁啲就更加好。飯嘅質素亦可以接受，口感彈牙散發住淡淡嘅米香。😋🌐 www.smallpotatomovieland.com.hk💙 FB: Small Potato Movieland 薯仔屋電影餐廳

今日同朋友嚟到薯仔電影屋哩個餐廳係柴灣 好特別㗎 佢特別嘅位係在於 隔離就係一間電影院 好方便 食完飯就可以走入去睇齣戲 而且佢哋仲有好多合作嘅優惠 係薯仔電影屋食完飯嘅單據攞嚟買戲票仲有折添 😆今次我就同朋友仔嗌左個二人set haha唔使諗 原來都幾豐富前菜有沙律有湯 如初我哋就揀咗卡邦尼意粉 同埋羊架😍😍 嘩不得不讚下兩樣都幾出色㗎！！卡邦尼意粉嘅醬汁濃郁得來 同意粉嘅texture 都好夾 食得好滋味xd 羊架有4塊！！塊塊都咬落軟熟 好香羊味 仲要無根嫁 好正呀😍😍 下次塊要encore haha跟餐仲有兩杯特色嘢飲 鍾意食雪糕嘅我哋就嗌左兩杯特飲有雪糕on top嘅 haha最後嘅甜品帶咗係雪糕🍦 完美～

今日呢間係一間電影餐廳 呢間餐廳係同戲院相通既 佢既裝修都加入左一d電影既元素 例如燈係菲林卷既樣 餐牌亦都擺到好似票房買飛咁 一格格電視排係收銀處果度 加上呢度枱同枱既距離好寬闊 同時呢一間我覺得好適合一家大細一齊黎 佢可以照顧到唔同年齡層首先講咗大人先 佢有電影相關嘅模型擺設 飲品亦都有不少酒類飲品提供 大人可以飲下酒傾下計 之後到講小朋友 佢有一個corner放咗一d小朋友既圖書同埋玩具 可以俾小朋友去玩下 另外佢仲有夾公仔機同彈乒乓波機 最特別既係呢度有好多隻鸚鵡放係門口 餐廳職員會比盒飼料你 可以同小朋友一齊去門口餵鸚鵡 我覺得呢一樣野無論係大人定係小朋友 都係一個幾特別嘅體驗🥩🍔美國安格斯牛肉煙肉漢堡配薯條 $78個飽焗到好脆 牛肉咬落去好多汁 我比較欣賞係佢個煙肉 佢煎到好香脆 佢個薯條上面淋左d芝士醬上去（好芝味）🤣🍝意式肉醬焗芝士千層麵 $106呢個千層麵上面個芝士好有拉絲效果極邪惡 上面個番茄汁酸酸地好開胃 唔覺唔覺就食晒成兜🍨🥤黑牛（餐加$17）經典飲品 佢上面個軟雪糕好軟滑好香奶味 可樂就冇特別啦都係咁既味🍇🍹提子雜（餐加$16）呢個係佢地自家整既特飲 甜左小小

去看電影之前，先填飽肚子，看到這家餐廳佈置挺特別，就決定進去。有好幾款食物都想吃，一番掙扎最後決定吃舖天薯條配醬燒豬仔骨(半條)，美國安格斯牛肉雙層芝士蘑菇汁漢堡配薯條。🍽 舖天薯條🍟配醬燒豬仔骨(半條)肉嫩，肥瘦適中，燒烤醬醃的很入味，且甜甜的，很惹味，份量也算挺多的。薯條配有肉醬，鹹香的芝士，吃多點也不會膩。🍽 美國安格斯牛肉雙層芝士蘑菇汁漢堡🍔配薯條🍟麵包底面都有烤過，香脆軟熟，牛肉鬆軟多汁，配新鮮的蕃茄，生菜絲，和蘑菇汁，十分搭，整體十分juicy，完全不乾，不柴。吃了快一半的時候，發現薯條的底部有蘑菇汁，應該是為了呼應漢堡包裡的蘑菇汁吧。😆對於是芝士控的我們來說，這餐十分滿意，不過它的食物是真的好吃，有驚喜。

柴灣呢間喺戲院入邊嘅西餐不嬲都多人，趁Happy Friday食個Long Lunch🙃Reglur Set K1 - 鋪天薯條®配醬燒豬仔全骨（半份）$98呢一個係佢哋嘅招牌得獎菜式，佢哋嘅薯條上高鋪咗肉醬，非常之香口惹味，酸酸甜甜咁樣。佢哋嘅豬仔骨烤得香口又夠味，亦都好容易切得開，肉質嫩滑唔會太乾身。鐵板黑椒汁肉眼扒配薯菜 $78上枱熱辣辣，肉眼扒肉質軟腍有牛味，配菜份量都好多。就算係男士都夠晒飽肚。餐飲我哋就揀咗cappuccino，咖啡味都算香濃。

地理位置都好方便，隔離就係戲院。座位都好寬敞，而且店舖採用開放式設計，製造出空間感，好有到外國餐廳嘅氣氛，日頭又可以被陽光照入店鋪，開放式店鋪設計可以製造空間感之餘，又可以增加空氣流通。店鋪四周都放咗好多電影人物嘅公仔，好似有星球大戰入面嘅黑武士、鐵甲奇俠咁。客人係點餐後，等待食物期間，一啲都唔會悶，店內有一部夾公仔機，可以解悶之餘順手試試自己夾公仔技能。望上天花應該會發現好有心思嘅設計，有戒用菲林造型嘅燈，十分配合餐廳嘅主題！鐵板牛扒拼薯條（黑椒汁）呢個睇落好似不失不過，但食落係會有驚喜。薯條炸得好金黃，但食落唔會有油溢味，而且唔會淋支支。牛扒煎得岩岩好，好易切開，唔係血淋淋流血水出嚟，但食落都唔會好難咬開，肉質鮮嫩，冇雪藏味。除咗牛扒同薯條，仲有西蘭花同紅蘿蔔做伴碟，雖然係伴碟但一樣可以當主菜食，西蘭花煮得好入味。另一個要推薦嘅菜式，我唔記得咗佢叫咩名，大概係青口焗芝士螺絲粉。賣相好靚，焗到芝士金黃色，聞到一陣陣芝士嘅香味，未食已經覺得好吸引。螺絲粉係主菜，除咗青口，仲有墨魚仔、蜆肉、蝦仁、翠玉瓜、紅蘿蔔，整體配搭都好夾，螺絲粉又唔會焗到淋晒，相對都係唔錯

今日同媽媽黎到以電影為主題既餐廳食lunch，餐廳嘅裝修都幾用心，擺放咗好多唔同嘅模型，整個環境色彩繽紛，而且門口仲擺放左好幾隻鸚鵡俾人觀賞，幾特別，啱晒一家大細黎用餐。食物款式都幾多，有意粉、飯、扒類、小食、飲品同甜品等等。我哋分別叫咗個午市套餐同埋常餐share黎食。常餐加左$10叫咗個餐湯，今日嘅餐湯係忌廉湯，忌廉味道濃郁，而且都好足料，有粟米、雞肉同大量蘑菇，味道唔錯鋪天薯條配醬燒豬仔骨（半條）賣相幾靚，豬仔骨肉質幾腍，肥瘦均勻，好容易咬，面頭嘅燒烤醬甜鹹適中，而且醃得夠味，幾惹味。而鋪天薯條賣相好吸引，上面鋪滿肉醬同芝士，芝士味道夠晒鹹香，而肉醬唔會覺得漏，唔錯！鐵板雜扒配薯條份量好大，鐵板夠晒熱，一倒醬汁就”咋咋”聲，雜扒包括左豬扒、雞扒同埋腸仔，豬扒同雞扒都幾厚，啖啖肉，而且肉質都唔錯，雞扒外皮煎得夠香脆，肉質幾嫩。而豬扒都算腍，配埋黑椒汁食更加惹味，鐵板餐係配薯條，炸得夠脆，唔油膩，而且重薯仔味。黑牛可樂唧滿牛奶軟雪糕，牛奶雪糕軟滑，牛奶味道香濃，配可樂好夾。西班牙雪糕咖啡咖啡味道香氣十足，味道濃郁，甜度適中，配埋牛奶軟雪糕，味道更有層次感

今次嚟到柴灣用電影為主題嘅薯仔屋西餐廳。出地鐵站過天橋就到，門口擺放住好多唔同set 嘅餐牌。餐廳係戲院裡面，買小食嘅話仲可以帶埋入戲院一邊睇戲一邊食添！一入到去個corner就有個小朋友天地，可以食飯之餘比佢哋放下電。我哋order左一個廚師特選西冷牛扒set，同埋一個舖天薯條配醬燒豬仔骨Regular Set。每個set都包一杯嘢飲 ，除咗普通茶飲仲有一啲特飲。牛扒set配埋一個三文魚凱撒沙律，最驚訝係竟然個份量係一整碟，並唔係普通前菜size。沙律有三四塊三文魚，麵包粒都好脆，生菜都好新鮮。成塊牛扒幾厚，叫咗五成熟，切落去真係啱啱好，食落唔會太韌又幾juicy，而且仲配埋薯條，食落去脆卜卜，冇油溢味！另外一個Set，舖天薯條配醬燒豬仔骨，份量都好多，豬仔骨都算幾多肉，個醬甜甜地幾好食。肉醬薯條係呢度特有嘅，個肉醬無一般茄汁咁酸，酸味中又帶點鹹味。

依家睇戲冇得飲食， 睇完2小時就特別肚餓見呢間平平地又多人食就試吓～美國安格斯牛肉煙肉漢堡配薯條 ＄78個漢堡好大份又厚肉安格斯牛肉肉質JUICY美味唯一美中不足就係煙肉如果可以煎到脆身就PERFECT啦肥薯條有埋芝士， 香口好味意式肉醬焗芝士千層麵 ＄98一層層嘅滋味蕃茄肉醬、融化芝士同寬麵皮味濃郁口感豐富芝士控一定愛食！食物價錢親民， 餐廳內仲有board game同埋玩具可以玩又有 kid's menu難怪好多一家大細同年青人去

今日星期日，特登入嚟柴灣試下呢間以電影主題嘅餐廳食晏，真係估唔到咁多人，好多都一家大細嚟食。門口仲放咗啲好可愛嘅鸚鵡仔餐廳以快餐形式。今日都有lunch set 提供，價錢正常未算平。🥣餐湯（+$10）- 忌廉煙肉湯，煙肉味幾岀，但有啲大太傑。🍝香煎虎蝦蟹柳菌天使麵（$68）- 估唔到咁足料，有好多蝦肉同蟹柳，配埋蕃茄醬好開胃🍗鐵板香煎雜扒配薯菜（$98）- 賣上不但吸引，性價比仲好高。有好大隻燒雞同baby back rib。隻燒雞啖啖肉，仲好juicy。個rib 嘅肉就少咗啲，但加埋兩大舊薯蓉一定夠飽。餐茶嗌咗凍榛子咖啡（+$16）同熱檸水

去睇戲之前勁肚餓如果太肚餓實在好難去專心睇戲 最鍾意就係柴灣呢間戲院因為佢隔離就有一間裝修得好歡樂好親子嘅餐廳梗係要即刻入去食下野叉電啦今次係第二次嚟 因為實在太鍾意佢哋嘅沙律我一直念念不忘終於就可以睇戲又可以食好西啦鐵板牛扒配薯條不過牛扒都算多汁 而且薯條仲係卜卜趣一上到桌 所有嘢都係熱辣辣令人心情變好另外佢配有黑椒汁建議唔好淋汁 而係切一舊 牛扒點一點先至再食 因為如果直接淋上去嘅話 啲薯條就會變冧唔好食㗎啦大蝦天使麵首先要讚一讚佢係真係多海鮮嘅每食一啖都可以食到魷魚 仲有兩塊我最鍾意嘅蟹柳喺上面個醬汁小朋友會鍾意食 因為甜甜酸酸嘅口味令人好開胃佢嘅面係屬於幼身嘅所以都好易入口 仲有蔬菜雜豆 保持營養均衡

柴灣戲院都開咗一段時間，但今次先係我第一次嚟睇戲。發現喺戲院範圍裏面有間西餐廳，見間野好似同以前銅鑼灣嗰間薯仔屋好似係一樣，所以決定入去試。坐係窗邊有得睇雀仔，真係鋪頭養架d鸚鵡🦜 提示：落單要自己去counter落架。意式肉醬焗芝士千層麵勁大碟，女仔可能未必食得晒。芝士多到拉晒絲。啖啖都係肉醬，而且汁夠多，唔會焗到乾晒，有驚喜！鋪天薯條配醬燒豬仔骨豬仔骨肉非常稔，個醬似燒烤醬，好入味。薯條配有肉醬同sour cream，唔會膩仲好夾，食唔停口🙊裝修特別，有好多部電視播唔同的trailer，啱晒黎睇戲的人黎醫肚。記住食完出去睇下鸚鵡，好得意架，一路食飯都見到好多人特登行過黎探下佢地。食滿$100可以買戲飛九折或者掉返轉憑票尾兩張可以食嘢全單九折😌

今日早收工就嚟戲院附近食飯順便睇吓戲！嚟到柴灣最特別嘅薯仔屋😻 點解咁特別，就係因為有鸚鵡仔🤩🤩 中意嘅記得嚟睇下呀🥳.我哋就嗌個千層面🤗冇諗到又幾出色，芝士好拉絲！而且個面剛剛好，唔會太淋嘅，配上層層番茄肉醬食，酸酸地幾開胃架！不過女仔應該食一半就夠，share 食開心d😎.另外就嗌左個鐵板肉眼餐❤️ 件肉都好厚下！肉質都可以.唔會太淋個d. 又仲有d肉味嘅👍🏻 薯條係粗薯呀，外脆內軟，唔會太油膩🥳.亦嗌左2杯特飲，一杯係雪糕梳打🤪 好有細個飲開嘅feel~~ 🥰 仲叫左杯熱朱古力添😻😻