薯仔屋電影餐廳

营业中

休息中

自從上一次家人食過薯仔屋覺得好味，我地嚟嘅次數有增無減  今晚又同家人嚟食嘢，遇著假期都會幾多人， 所以預早過來搵位🏃‍♀️🏃‍♂️ 時間尚早，仲有下午茶可以落單 下午茶-蜜糖雞翼薯條蜜糖雞翼皮脆內嫩，薯條一向是小孩心頭好，差些出現搶食情況，幸好叫了兩碟唔駛爭，人人有份🍲肉醬意粉，滿滿的肉醬，味道不錯晚餐點了日式原隻虎蝦海鮮炒讚歧烏冬讚歧鳥冬炒過依然保持彈牙爽口，虎蝦同其他也不過不失，味道蠻不錯鋪天薯條配醬燒豬仔骨 豬仔骨醬燒惹味香口，舖天薯條，不用多說，好味道！必點之選🛎消費$50以上可以獲一個印花，集齊八個印花可作五十蚊使用或換領戲院換票証一張，巳累積兩張印花卡，可以換票証免費睇戲，食之餘又有得免費睇戲，實在優惠👏👏

第二次幫襯下午茶價錢唔算平 加咗10蚊餐湯 個餐都成50蚊凍檸茶✔粗薯條 🆗️乾三隻雞翼🆗️大隻但裡面仲有啲紅 要熱食先好味粟米蜆湯✔---第一次幫襯時食過薯蓉田螺份量細 又係加咗10蚊餐湯 又係差唔多40零蚊左右味道🆗️---價錢就見仁見智不過服務態度🆗️會再幫襯

戲院既餐廳方便觀眾食完去睇戲，係一個唔錯既選擇，而且有部份小食更可以帶入戲院內進食，為大家帶來方便！不過昨晚進餐時發現以下問題：一：職員對餐初牌上知識不了解，簡直係十問九唔識。二：晚餐種類太少，沒什麼選擇。三：經過戲院入內或來幫忙的餐廳親戚比客人更多，阻塞了通道。四：衛生常識欠缺，一名小男孩單手帶上藍色即棄手套，手套本來是保持衛生，不過小孩雙手不停接觸很多東西、台面、地面，而且碰趺了即棄餐具後竟然繼續放在餐具盒，當沒事發生一樣；一手吃東西、一手幫忙去上菜；上菜的碗沒拿穩，打傾的雙手拿著去上菜。小男孩年紀太小，不應該去上菜，更不應該幫忙，如果發生碰撞，小孩會容易受傷。

柴灣戲院已開了一段日子，之前經過都發現開了一間西式餐廳，不過沒有什麼意欲想去試。今天又經過看見店鋪都很多人在晚餐，心想咁多人，應該唔差呱，便入了去試試看。這間店鋪有幾款晚市套餐，我們二人便點選了C和E餐，另加了十元加了個是日餐湯。首先就是來一個沙律和蒜蓉包，沒什麼特別。餐湯就是粟米蜆肉忌廉湯，都有幾隻蜆肉，味道都唔錯。跟住就上主菜，菠菜三文魚天使面，煙三文魚都有幾片，份量都足夠，但醬汁和味道就一般。而另一主菜鐵板肉眼薯菜，牛肉比較堅韌，薯菜都麻麻地，因薯條唔係即炸。幸好這餐廳價錢不貴，而且環境都算舒適，不過緊記是自助點餐的，服務態度真是有待改善。我想如果應該是為了儲夠8個印花可以換戲飛，所以比較旺場。總括來說，味道質素服務，都有待改善。

Visiting this small restaurant because we need to catch the time to watch movie at the cinema which is right next to this restaurant. In fact, we don’t have much expectation at the very beginning, yet to our surprise , the food we ordered taste good. We ordered a seafood pasta and a meat lover piazza. Although price is not cheap counting the restaurant location in Chai Wan, it is definitely priced at acceptable range and the food quality value for money. The lady, I guess is the owner, is nice.I

薯仔屋電影主題餐廳，位於柴灣City Cinema旁邊，食完野可以入場睇戲 真係超方便！今次有大又有細來吃晚飯，有勞待應幫手駁枱一齊坐，睇完menu需要自己去櫃枱叫餐付錢先叫咗二人套餐 ，有餐湯同煙三文魚沙律，沙律同煙三文魚份量都幾多，可以同人share食都得前菜有涷吞拿魚長通粉加蒜蓉包 🍽西冷牛扒配香草薯角牛扒只屬一般，肉質鞋🍴卡邦尼意粉配溫泉蛋溫泉蛋撈在卡邦尼意粉，反而令意粉味道掩蓋了，而且食落好槳口，感覺並不討好另外order嘅芝士肉醬薯條每次嚟都會食呢款薯條，今次唔夠肉醬同忌廉醬，如果唔喺就無得彈！🍴燒豬仔骨焗薯豬仔骨有陣陣烤味，味道一流好入味，呢隻豬仔骨比例上肉多於骨，食得津津有味🍴黑松露扁意粉黑松露味道雖然唔算濃，但味道也不錯！食埋雪糕，感覺好完滿！柴灣區呢類西餐廳實屬少有，未食過嘅親友試完都讚好，仲話一於下次再嚟食過， 相信我哋好快又會再嚟幫襯

柴灣開戲院？到依傢都唔多相信話晒柴灣都是彈丸之地這裏開戲院跟本搵錢搏一樣而且柴灣戲院開將前不久筲箕灣戲院也開幕一年多而已柴灣戲院裏頭開了家小英式餐館三四十個座位裝修簡單望落舒服燈光也夠光猛 是開場前的好“吃”處早場票價極為吸引買票後見還有半小時才開場就放棄了汽水爆谷走進去吃個早餐早餐A呑拿魚三文治足料的三文治咬下去爆呑拿魚美中不足係麵包較乾身薯餅無落味咖啡普通貨色價錢$42 抵唔抵食見仁見智畢竟旁邊就是茶餐廳一定平過呢到

在八，九十年代，香港其中一間電影公司「新藝城」裡面，有一位演員姓「黃」，名字叫「百鳴」。當時的「黃百鳴」跟另一位有名的導演「高志森」，合作拍攝了一套青春校園加靈異題材的電影，那套電影名稱叫做「開心鬼」。由於「開心鬼」出來後得到滿意的電影票房成果，電影賣座驅使了「黃百鳴」之後連續拍攝很多與「開心鬼」有關的電影，成為了一系列的「開心鬼」電影，因為「開心鬼」而與「黃百鳴」合作的藝人多不勝數，包括有「張曼玉」，還有著名的樂隊組合「Beyond」。跟著「黃百鳴」更開始建立了，屬於自己的電影公司，甚至香港最近二十年來，有很多在農曆新年上畫放映的「賀歲電影」，或多或少都與「黃百鳴」有關。可惜最近五年來，「黃百鳴」的創作能力已經大不如前，往往會拍攝出一些，最後被電影觀眾批評的，缺乏新意，質素差強人意的電影。而經「黃百鳴」投資或者開發拍攝出來的「賀歲電影」，在每年的農曆新年華語賀歲電影檔期，「黃百鳴」的電影最終都會敬陪末席，成為塾底包尾的電影，有網民甚至戲謔他的賀歲電影是「賀歲爛片」。雖然「黃百鳴」的賀歲新年電影，質素無疑是大不如前，慘不忍睹，但是「黃百鳴」還是懂得開發電影人材，是懂得開發新的經典電影系

今天要外出買嘢，好想食意粉。。。就問下同事，有咩推介！？他介紹我去薯仔屋電影餐廳，那便去試試。由於我是新來的，唔係好知規矩，一入店內，便向服務員姐姐查詢點餐程序，姐姐很有禮貌解答：要先點餐，然後找坐位，她非常貼心，重順便幫我點埋餐！我點了個黑松露雞菠菜扁意粉 + 白汁磨菇餐湯，上餐的時間都算快，味道還可以，意粉軟韌度恰當，餐如果要加湯，要加十蚊，我就覺得貴咗少少，但整體質素還可以！如在附近出出入，不妨一試！！

柴灣多年以來都沒有似樣的西餐廳或者CAFE，今次誠意推介薯仔屋俾大家得閑去chill下我和朋友晚上9:30才進餐廳，不用等位就直接進去，餐廳地方非常舒適，而且精心佈置，很適合聊天吹水。晚市套餐價錢不貴，一個價錢已是full dinner。前菜有吞拿魚長通粉配蒜蓉包雖然賣相不太好，但是吞拿魚長通粉味道不錯，長通粉比較爽口，蒜蓉包略為乾身。我的主菜來了魁北克鋪天薯條配醬燒豬仔骨，其實就是加拿大薯條，薯條剛剛炸起，熱辣辣，非常野味，配上肉醬，不錯不錯。豬仔骨骨肉分離，肉質嫩滑多汁，＄108非常抵食，份量也大朋友點了，鐵板美國天然豬肉眼扒配薯菜，這道菜式反而遜色了，朋友表示肉質較煙韌，醬汁也比較普通，價錢是＄78 ，結合環境來說，也是非常抵食的。

睇個電影前食個下午茶叫咗一個熱狗腸餐$44附咖啡 肉醬薯條$36酥炸魷魚鬚$30酥炸魷魚鬚$30一見到得四條即刻O晒嘴 即是$6條？！心諗唔係咁hea呀嘛...肉醬薯條$36 不過不失,8吋熱狗腸沙律餐$44 沙律只是普通的薯仔蘋果沙律冇乜特別,8吋珍寶熱狗就唔錯熱狗包烤脆,香腸味好咖啡OK食物份量有小小參差,啱啱新開張嘅時候黎過一次食物質素同環境都幾好,(梳化唔太好坐)服務態度可以再好啲,,有幾次送錯野比其他枱

前菜加了10元就有餐湯，不會有太多味精，而且喝下去好舒服，湯十分濃郁，粟米十分甜，好重忌廉味。首先點了一個魁北克鋪天薯條配醬燒豬仔全骨，是店內推薦的套餐，薯條炸得外脆內軟，所配的醬料是肉醬和芝士，薯條和醬汁配搭十分夾和惹味，咸度適中，會人令想不斷品嚐，十分推薦。而豬仔骨也很不錯，肉質滑嫩，雖然骨的部份比較多，但肉的部分很好吃！另外叫了香草燒法國bb野雞拼豬扒薯蓉雜菜，豬扒腿瘦適中，吃下去有驚喜，有豬肉的鮮味，而雞十分嫩滑，吃到雞胸肉都不會太乾！香草味也十分重，薯蓉帶點黑椒味，連我平時不喜歡吃薯蓉的人也覺得不錯，值得一試。炸魷魚鬚十分酥脆，不過一定要趁熱吃！特飲分別叫了芒果紅茶和蜜桃紅茶，分別喝下去都十分清新，不會太甜，甜度適中。

今日同朋友6點幾在柴灣睇完戲，見到戲院隔離就有一間餐廳叫Small Potato Movieland，中文名叫薯仔屋電影餐廳，裝修有特色，以電影元素為主題，仲有幾部電視播緊電影的預告片，環境寬闊，坐位舒適，一於同友人試下距既晚餐先。我點左晚市套餐F 蜜糖燒豬仔全骨配肉醬鋪天薯條 $108，任何晚市套餐都會奉送蒜蓉包，沙律，咖啡，茶或汽水，凍飲加$2，如果轉其他特飲只需半價。蒜蓉包脆口，有濃郁既蒜蓉味，是日沙律有驚喜，諗唔到睇起身普普通通既通粉沙律，食落竟然好好味，通粉既口感同吞拿魚醬混合玉米很配搭。蜜糖豬仔骨燒得剛剛好，金黃色，睇落去十分有食欲，忍唔住馬上試一啖，豬仔骨可以保持到肉質嫩滑又有肉汁，味道甜而不膩。薯條炸得熱辣辣，配上忌廉同沙律醬，特別既系薯條中淋上肉醬，三個味道融合，口感很豐富。飲品方面，我點左熱bb泡泡鮮奶，只需加$8。奶香細滑，有豐富的泡泡。朋友就點了“焗日式甜咖喱薯仔雞扒意粉”及 水蜜威尼斯(蜜桃) 梳打雪糕特飲。這個日式甜咖喱薯仔雞扒意粉很好吃, 薯仔和雞扒也很夠味,而這杯特飲也非常好喝, 蜜桃梳打配上雪糕,很正呀!!!我會推薦大家嚐嚐。餐廳還設有足球機和兒童遊樂

我起初以為薯仔屋係主打薯仔，估唔到戲院相連一間食肆，原來係走cafe路線，出面落order，然後有專人送餐，價格算ok無加一，座位都坐得舒服，但就唔適合hea嘅朋友。講番野食先，首先來了一個蒜蓉包，味道香濃，非常香脆。我同我朋友分別叫左兩個dinner set，仲加左個特飲咁，我自己就叫左個肉眼扒加意粉，仲包左一個小小嘅前菜！我事前係唔知有前菜的。前菜係一片蒜蓉包同埋一碗冷盤沙津。兩樣野食都有驚喜的，包焗得剛剛好，蒜蓉味同片包簡直係絕配，而且外脆內軟，正評！而沙津亦非常開餵，唔會太多，份量剛剛好，感覺都好新鮮嘅！幾十蚊食到牛柳真係爽皮，有時去樓上西餐廳或者地舖嘅餐廳都唔止呢個價錢，牛柳唔會好勁嘅鬆肉粉味道，軟林林又有少少咬口。加埋個醬汁同埋清新薯菜，係唔錯嘅享受。總結黎講，呢度環境好食物又好，如果經過呢度既真係不妨一試呀。好方便大人細路都啱，可以帶埋小朋友過嚟玩下。

難得放假梗係要食好西慰勞自己！今日同朋友係柴灣試咗哩間主題餐會，感覺幾得意！香港好少有呢種露天風味的西餐廳，而呢個西餐廳仲有以電影為主題，餐廳裡面有幾部電視播映近期上畫的電影，隔離就有一件戲院，入到去真系非常有氣氛。order咗個套餐之後，就以一碗輕盈健康沙律作為前菜。我就order左個鐵板香煎美國天然豬肉眼扒配薯菜，淋上汁更加野美。豬肉眼扒的肉質很鮮嫩肥美，口感軟滑，肉味濃厚，亦不會太油膩，非常滋味。薯條同配菜搭配上所嘅淋醬汁，更加好味！而餐廳的忌廉粟米湯亦有濃濃的忌廉味。無論係主菜定係湯嘅份量亦比其他餐廳多，讚！飲品方面，餐廳就有三種水果味嘅特飲，我就選左芒果味，特飲更配上芒果味雪糕添。食到飽一飽仲可以過去隔離睇戲，真係啱曬戲迷。我自己就幾中意哩種有特色嘅餐廳，中意睇戲嘅港島朋友一定要黎試試佢！