薔紅

营业中

休息中

//薔紅 //脆皮燒春雞（$86）薔紅嘅燒雞應該唔使特別介紹每次嚟到嘅都基本上必定會叫🫰🏻每次放到落枱都一定係熱辣辣 充滿着肉汁隻雞嘅肉質好滑嫩 味道亦都好足夠每一次食完呢隻雞都會好滿足推薦大家必定要嚟食評分(五星為滿分)⭐️⭐️⭐️⭐️薔紅 (灣仔)灣仔莊士敦道194-204號灣仔商業中心1樓大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知灣仔原來有間咁正嘅燒雞鋪頭 😎📢

呢度唔易搵, 係地膽先識得來嘅樓上舖. 夜晚八點幾,朋友帶我上嚟呢度食飯,入到舖頭見到仲係有八成滿,而且差唔多每一枱都有隻燒雞.我都唔執輸,嗌返個燒雞餐.佢哋上菜好快,等咗一陣就有得食,而且啲夥計做事好有效率,問佢攞餐具水都好快手.抵讚!隻燒雞真係好脆好嫩滑,同佢門口張海報宣傳嘅一模一樣(皮香肉嫩Q彈多汁 😆), 而且仲好貼心地有手套! 我哋另外有加到意粉,個茄汁意粉,不過不失,可能下次配薯條會比較好.推薦!

見朋友社交媒體網站食咗一份燒春雞唔夠話想食多一份咁啱去開灣仔所以就一試睇地圖都好容易搵十二點鐘左右到唔使等位即入大概半個鐘頭後就差不多全滿點了一份燒春雞因為肚餓配了意粉另外menu寫心點叉燒飯冇諗過燒春雞落單後極速上枱😱隔多一陣就叉燒飯都到跟住凍咖啡最後先羅宋湯燒春雞造型一眼望落去似炸多啲食落口的確幾滑一齊配的鹽同醬料都冇用因為本身已經有鹹味味道ok不至於經緯天人非食不可只屬可以一試的級別叉燒飯就是一般茶餐廳水準

從前在灣仔上班，一個月必定有一兩日Lunch吃這家茶餐廳的燒春雞。即使現在已經不在灣仔工作，很想吃的時候還是會坐車去吃。平日通常12點開始餐廳已經開始熱鬧，再過15分鐘便滿座要排隊，所以我都會提前前往餐廳攞位。成為常客的原因不但是因為性價比真的很高，還有雞真是外脆內嫩的。春雞都是新鮮出爐的，撕開雞件熱到冒煙。一咬下去外皮十分鬆脆，雞油和肉汁隨即湧出來。餐廳給了泰式甜酸醬和鹽作配醬，我都不會沾調味料，因為春雞本身已很夠味。

:薔紅📍 莊士敦道194-204號灣仔商業中心1樓🍽️脆皮燒春雞 $86🥤凍檸茶 +$8lunch time嚟親都好多人排隊等位晏晝食有個好處 就係啲雞係新鮮炸起搣開嘅時候會熱到辣親隻手 皮脆多汁 啲雞油多度會滴出嚟就連最唔鍾意食嘅雞胸都唔會好嚡配埋泰式辣醬 真係好正配菜方面►配薯條 薯條正常發揮 茶餐廳嘅波浪薯條►配意粉 典型茶餐廳茄汁意粉 勝在條條都有沾滿醬汁►配白飯 可以用雞油撈飯 我仲試過整創意雞皮壽司 不過真係好邪惡🫣btw次次食完燒雞都會覺得有少少喉嚨痛，驚熱氣嘅朋友食完要飲返啲清熱飲品😂

薔紅是一間懷舊的港式茶餐廳。星期六晚上坐無虛席，我們等了15分鐘左右，終於有位了！🙈😬這裏出名的是燒春雞，但我們沒有點！🤣反而點了兩個煲！南乳花生豬手煲，份量十足，南乳味好重，豬手夠淋，有很多花生！😋🤗啫啫滑雞煲聞落非常惹味，雞肉好嫩滑！😎😍兩煲都好大煲，我們二人真的食唔曬呢！🙈😬😆

越來越貴🫠由以前翻學30幾蚊開始食，食到而家呢個常餐幾乎70蚊🤦🏻‍♀️以前燒雞餐先50幾，而家98😩😓真係好耐無食，所以經過想食翻以前既味，d伙記同以前一樣禁親切，食物質素係依舊，份量多，係好食，好彩無變味，唔係真係太貴之後未必想再食翻🥲

坐低就係咁逼你叫嘢食，比多1分鐘你考慮都好似好多咁。企喺後面係咁迫，而且成個雜扒得一隻味’鹹‘，連一杯嘢飲收$95唔知食咗乜落肚。又叫餐直到食完走，只有半個鐘。好似俾人逼住食，咁已經係夜晚10點，點解仲需要咁樣迫啲客？環境又嘈又污糟，唔會再去。

係灣仔返工的一定都聽過薔紅的大名每個weekday的lunch time都係人山人海好多白領藍領的上班一族去食!但餐廳好多枱 而且大家都食得好快 唔洗擔心等好耐最多人嗌的一定係燒春雞 (9/10)佢有得選擇配飯/茄汁意粉/薯條/沙律 仲可以+$3 幫你切埋當然係手撕最開心!午餐來有個好處 就係因為多人嗌所以隻雞永遠都係熱辣辣! 層皮超脆 肉juicy 仲會有雞油流出來$86來講真係CP值高 又好食至於配菜呢 薯條只係不過不失 茄汁意粉就係舊式茶餐廳的果種 唔洗特別期待 反正重點係雞 留意到都唔少人嗌鐵版扒餐 同炒麵有機會試下先~

薔紅早排見好多人介紹，自己都去試下係咪真係咁好味😋環境上唔係咁靚，侍應好快手咁上餐💛 脆皮燒春雞可以配薯條/飯/意粉/薯仔沙律今次揀左薯條，上枱熱辣辣😋燒春雞肉汁好多，個皮好脆好夠味怕入面唔夠味仲有椒鹽/泰式辣醬因為都幾夠味，所以我都無點到醬😋其實夠熱我就覺得加分😋凍飲加$10就少唔抵價錢：$86⭐️⭐️⭐️評分：8.5/10⭐️⭐️⭐️📍 薔紅 灣仔莊士敦道194-204號灣仔商業中心1樓

聽完電台介紹，自然要朝聖一下。 雖然是茶餐廳格局，都要搭枱，但不得不讚，整體的環境衛生非常好，入座亦都非常快。我排第10個位，轉眼間10分鐘內就可以入場。作為一間網上名店來說，這個速度是非常之吸引的燒春雞：整體來說，肉汁非常多，雞的調味不錯，偏淡（我個人喜歡淡口味），但餐廳有提供雞醬及鹽供顧客自行點用，但不知是否人太多，雞皮沒有想像中那麼脆。 我今次揀咗薯條，體操新樹條，但感覺好似預先炸起。反觀旁邊那台，佢地係波波型薯條，看來是一水水的。 牛河：味道非常好，值得推介羅宋湯👍👍👍

還好，嗌咗個咖喱牛腩飯，有啲油𣲷𣲷不過大部份餐廳都係咁。賣點應該係好港式/價錢相對親民，灣仔可能越來越少卦。大概喺下午茶時間嗰陣時嚟到，所以可以坐窗邊，一路食嘢一路睇出面風景，又係幾爽。

呢間嘅燒春雞都幾出名，先前都堂食過係唔錯。今次外賣咗兩隻燒雞同干炒牛河。堂食個皮脆d，外賣唔算脆但個皮仍然好香，雖然得半隻雞，但係佢隻雞大，齋食雞都勁飽，雞肉都仲係夠熱同嫩滑，調味都好夠，唔洗點佢嘅椒鹽同雞醬。而配菜就叫佢轉咗做烚菜，都幾多下。另一份燒春雞set就叫咗薯條做配菜，但係薯條乾得滯好難入口，放棄。朋友話之前聽講個干炒牛河幾得咪試下，又炒得幾乾身，牛肉大舊又多件數，食落唔會太油，幾出色👍。

最近睇到好多關於薔紅燒春雞嘅介紹🧐後來先知原來身邊好多人一早就食過！嚟到見到幾乎係每檯必叫🐔🐔脆皮燒春雞 $86配菜可選薯條/沙律/飯/意粉上菜速度極快，侍應仲會提供埋手套方便用手食🤩呢隻燒春雞驚為天人‼️真正做到皮脆肉嫩！雞皮好薄好脆，雞肉嫩滑多汁🤤一撕開隻雞，仲熱辣辣出緊煙🔥啲雞汁keep住滴出嚟💦雖然係半隻雞但睇落好大份！另外有配泰式辣醬及淮鹽，但其實就咁食已經好夠味！薯條就正常發揮🍟呢個價錢真係無得輸！天呀 點解我哋相逢恨晚🤧-🫘維他奶紅豆冰 $22 (餐飲+$12)見到呢類特飲就忍唔住想試下～紅豆偏向完整及有顆粒感，係正常茶記出品維他奶嘅甜度令杯飲品整體偏甜～-薔紅 📍灣仔莊士敦道194-204號灣仔商業中心1樓推介指數：9.5/10🍽: 5/7/2023-#sik6faan6laa3中式

相信灣仔呢間出晒名嘅茶餐廳無人未聽過，灣仔區嚟講，佢第二出名唔知有無茶餐廳敢認第一🤣Anyway！J小編個朋友講咗好耐話想同我一齊嚟食，今次終於夾到時間一齊嚟試吓呢度個招牌燒春雞啦😍茶餐廳來講佢唔係地舖嚟，不過面積超大，一入到去就好明顯feel到就係港式茶餐廳嘅味道。自己搵到位坐低落單，然後啲嘢食好快就到了，就係好香港🤟🏼除咗燒春雞之外，小編當日仲見到隔籬枱叫鐵板嗰啲扒食，勁香🥲不過點都好啦，無食過呢度嘅燒春雞，唔好話你嚟過薔紅啦🤪