薔紅

营业中

休息中

相信灣仔呢間出晒名嘅茶餐廳無人未聽過，灣仔區嚟講，佢第二出名唔知有無茶餐廳敢認第一🤣Anyway！J小編個朋友講咗好耐話想同我一齊嚟食，今次終於夾到時間一齊嚟試吓呢度個招牌燒春雞啦😍茶餐廳來講佢唔係地舖嚟，不過面積超大，一入到去就好明顯feel到就係港式茶餐廳嘅味道。自己搵到位坐低落單，然後啲嘢食好快就到了，就係好香港🤟🏼除咗燒春雞之外，小編當日仲見到隔籬枱叫鐵板嗰啲扒食，勁香🥲不過點都好啦，無食過呢度嘅燒春雞，唔好話你嚟過薔紅啦🤪

-以前路過灣仔就會食燒春雞🙌🏻今次咁岩去開灣仔就順便食埋～長期都坐滿好多人😆-脆皮燒春雞（$86）可以配薯條/飯/薯仔沙律/意粉每次去都係必點招牌半隻燒春雞🐣今次就配意粉，意粉麻麻🫣下次都係配薯條好d🥹燒春雞真係好好食，味道同之前一樣咁好味皮脆肉嫩，好juicy╰(*´︶`*)╯♡肉質一d都唔乾😘帶埋手套就慢慢撕嚟食(*´∀`)♪如果覺得雞肉唔夠味，可以點椒鹽或者泰式辣醬😋路過灣仔，真係一定要試下🫶🏻好惹味😋-紅豆冰（＋$18）味道正常，好多紅豆🫘-Name🏠:薔紅Rose KitchenLocation📌:灣仔莊士敦道194-204號灣仔商業中心1樓（港鐵灣仔站 A3 出口, 步行約5分鐘）價錢💰:脆皮燒春雞（$86），紅豆冰（＋$18）

一有過開香港區，特別係灣仔，總是會想起黎隻雞，無論食過幾多次都好，入到餐廳就係只會叫黎隻雞食，你可以跟薯條，意粉或飯，配埋杯紅豆冰，寫緊食評都想食，記得行開嗰頭就去試下

看完餐牌一大輪 後來還是跟著點了差不多一半客人都點的燒春雞😆但我是被配的茄汁意粉給吸引到😆因為我很愛這種懷舊餐廳才出現的意粉😆一來我就直接先把這個吃完🤣燒春雞一來的時候我感覺好像在吃炸乳鴿😆因為可以沾淮鹽吃🤣雞皮都很脆！而且雞肉都很嫩😋而且份量好大 我都吃不完😆但真的很讚👍🏻

好耐冇黎到呢間餐廳黎食燒雞🐔今次經過灣仔就上黎食啦😋上到黎當然就係叫左燒雞食啦🤤個雞一上到黎熱辣辣好明顯係岩岩炸好出黎🥰用手meet 係好辣手同埋好多肉汁好juicy🤤食落去d雞肉都好嫩滑至於d皮就脆卜卜🤫加上雞本身都好夠味唔洗再點佢d醬黎食🤭但可惜嘅係佢嘅意粉碎上左😂食落個口感會差左🥺同埋得茄汁味🧐如果下次再食我會揀份量大d嘅白飯或者都係新鮮熱辣辣炸好嘅薯條🤭Overall黎講因為我都係想食燒雞所以都唔錯的👍🏻至於服務同環境就唔好要求咁多喇😂係灣仔區黎講都唔算特別貴🫡經過都可以黎試下🙌🏻味道：7.5/10價錢：7.5/10環境：7/10服務：7/10

好耐冇過海，今日出開銅鑼灣，黃金周周圍都係人，冇一間餐廳唔使排，諗咗陣，決定行去灣仔食薔虹。星期六晚7點，等10分鐘就有位啦，必叫就梗係燒春雞啦，我係為咗佢先嚟，生痱滋都要食，勁多肉汁，我最鍾意就係食個雞皮，脆卜卜。朋友叫咗個黑椒豬手，豬手皮都超好食，但我最鍾意都係燒春雞。埋單兩個人都唔使$200 ，記得薔虹未滿$200係唔收信用卡㗎，記得帶夠現金，唔夠都有八達通，或者再叫多樣嘢食夠$200啦🤣🤣🤣

呢個星期嘅Family Day，我哋一家四口去開灣仔，咁當然要食餐好先再去玩啦💜朋友介紹之下，嚟到莊士敦道一間係一樓嘅茶餐廳。樓梯上去嘅環境同感覺已經好有年代特色了😊入到去，我哋好快就揀咗個卡位嚟坐。再望望餐牌，見到朋友極力推薦嘅食物 - 脆皮燒春雞 - 就係佢喇！朋友話係必試ITEM嚟架，咁梗係一試究竟啦！老公就揀左個鐵板雞扒配白飯，兩隻小魔怪就揀咗個常餐比佢哋SHARE脆皮燒春雞🍗🍗餐廳寫住燒春雞係佢哋餐廳「必點」之選！當然亦都就係我朋友嘅推介🉐可以選配茄汁意粉或薯仔沙律或炸薯條，真係好邪惡呀！哈哈哈我最終係揀咗薯仔沙律🥗講返隻燒春雞，嚟到個賣相已經好吸引！唔會炸得過火或者唔夠火喉，手撕嘅食法係佢哋推薦，所以餐廳會提供埋一次性手套比客人。雞皮燒得好香脆，撕開裡面肉汁仲會流出嚟，肉嫰而且夠味，真係推薦得無錯！絕對係必點呀！而個薯仔沙律係令我諗返以前細個「餐廳沙律」味道(而家已經唔多餐廳會整沙律了，有都只係沙牛菜之類)所以真係好令人回味又LAM LAM脷😋😋😋🥘鐵板雞扒配白飯煎得金黃嘅雞扒放上燒到熱辣辣鐵板上，再淋上黑椒汁，即時香味四溢呀！兩個小魔怪都即刻係咁索索索🤣🤣🤣雞扒係鐵板上K

以前學校係附近 經常都食今次再食 味道水準都keep 到今次食黯然銷魂叉燒飯偶然都會好掛住呢間冰室既黯然銷魂飯，兩隻流心煎蛋 撈飯食加上好肥美多汁 份量十足嘅叉燒，大大碗飯都可以食到！

份量雖然多，但質素差。order左魚柳鐵板餐，有兩塊，但沒魚味，黑淑汁尚算可以。魚柳肉質鬆散，外皮唔脆，一切就散開。而薯菜方面，薯條雖多，但偏幼身，冇口感可言，而菜就冇乜，得D菜粒，完全唔似薯菜。凍檸茶冇茶味，又冇咩色水，淡而無茶味。服務態度又其差，繁忙時間多客，理解要搭枱，請人坐埋一邊，都已經移動當中，但服務員喺我行嘅時候呼呼喝喝，多次吹人，又鬧客人行得慢。落單嘅時候又吹客落單，服務態度非常惡劣。

今日同小朋友出開灣仔書展，即係諗起YOUTUBE有人介紹過呢間餐廳，終於有機會試到呢間人氣茶餐廳，好開心呀!呢到最出名係脆皮燒春雞，心諗一定係必點之菜!!今次同小朋友叫左二份燒春雞，一上枱已經聞到好香的氣味，心諗一定係即燒的佳品，小朋友見到都味蕾大開，最正係有手套供應比你，預咗你成隻雞用手撕開嚟食，個感覺好鬼正!!佢蘸料有椒鹽同泰式辣醬，烤雞係脆皮雞質地，撕開雞脾果陣，有好多雞油慢慢流下，令人垂涎欲滴，雞肉都非常嫩滑，就算係雞胸肉都唔會好鞋。薯條好多人話係唔熱嘅，可能我係下午茶時段，唔係喎！！新鮮炸，小朋友食到停唔到口喎。如果出開灣仔，真係值得再去的好地方。

以前同同事每個月都去，起碼兩三次，今日食完決定以後都唔使再去。加咗價都OK ，一個燒春雞套餐要$86， 加埋汽水就係 $96，話晒都比半隻雞你食，唔箅過份。但係薯條係返炸嘅，又硬又乾，牙肉都被插傷。隻雞炸到燶哂，都照俾人食，望吓個伙計，佢啋你都儍，行咗去。大家都在慨嘆，今非昔比，隔離枱兩個食客都同一感受，望住隻雞，只有大家你眼望我眼，搖哂頭，薯條食咗幾條，都係選擇放低。一句講晒，真無奈，無下次 ！ 講完了。再見

服務態度方面，嗌肉眼扒嗰陣，一個瘦瘦矮矮戴著口罩嘅侍應極之唔耐煩，仲不時反白眼，佢話講嘢啊，講啊繼續，一次過講曬。大佬啊你係侍應，寫嘢係你嘅工作，點會expect客人自動波完成曬所有嘢，等你連問都唔使問，而且當時餐牌喺我朋友嗰邊。第二樣嘢，當隔離檯問呢位適應想要樽水，佢係可以問都唔問就直接喺我哋張檯拎走樽水俾隔離，毫無禮貌可言。食物質素方面，燒味拼盤完全唔得，燒腩仔個皮潮曬，叉燒又全部都係瘦。肉眼扒同脆皮牛腩算係正常普通。記得1-2年前嚟幫襯質素都唔係咁差，咁樣嘅餐廳唔食都罷。

灣仔人氣茶餐廳，必食脆皮燒春雞😋🔻脆皮燒春雞 💰86 +10%呢間茶餐廳嘅烤雞出名平靚正，今日終於有機會試啦❤️一上檯就聞到好香嘅烤雞味，蘸料有椒鹽同泰式辣醬😝烤雞係脆皮雞嘅質地，雞皮烤得薄而脆。而撕開大大隻雞脾果陣，雞油慢慢流下，令人垂涎欲滴🤤雞肉都好嫩滑，就算係雞胸肉都唔會好鞋😯因為烤雞係一輪一輪烤好多隻，以確保每一隻烤雞上檯都熱辣辣香噴噴😍如果錯過左上一輪，就要等得比較耐啦🤔不過啲薯條係一早炸好嘅，食嘅時候已經凍曬啦😕👅味道：8/10💡抵食：8/10📌環境：6.5/10

之前睇YouTube見到啲人介紹呢一間茶餐廳，其實我搭電車成日都經過，不過有冇機會落車去食，今次就專登嚟食佢最出名嘅燒春雞。佢隻燒春雞堅係好好食，皮脆肉嫩，又唔會燒得好乾，隻雞好多肉汁好Juicy。最正係佢俾埋手套你，預咗你成隻雞用手撕開嚟食，個感覺好治癒。佢仲有華鹽同埋類似麥當勞嘅泰式辣醬俾你沾嚟食，不過我覺得唔使沾都已經好好食喇。隻雞個份量唔細，都係賣$86，真係超抵食！不過喺環境方面就真係扣晒分啦，入到去唔知係邊度傳來有一浸煙味，同埋個感覺都幾污糟，餐廳嘅夥計都比較粗魯，不過將貨就價啦，俾咗佢隻雞份上，呢個價錢都係值得嘅

春雞！！！配薯條講返隻燒雞，小心超熱仲會熱到出晒煙。雞皮薄脆而肉很嫩滑多汁重雞味，而100都唔洗認真抵食，可以點淮鹽或者雞醬食，配搭粗身波浪薯條可問姨姨拿茄汁舊香港茶記，效率超高但估唔到姨姨叔叔幾有禮貌 😂 仲教我哋點食係最好食，所以唔只食過一次，但每次都會叫春gggg。---## 評分標準食物:4.5/5環境:3.5/5服務:4.5/5性比價: 👍🏽pp$50-100回購率:👍🏽地址：灣仔莊士敦道194-204號灣仔商業中心1樓