薔紅

营业中

休息中

食物：4/5 環境：4/5 服務：5/5 性價比：4/5 講起灣食有咩必食一定係薔紅，無論你未試過、去開灣仔諗諗到食乜、夜晚冇野食等等，都會第1時間諗起呢間野食物：最最最多人叫係炸子雞，的確做得起招牌菜，熱辣辣上，肉都頗嫩，配埋泰式辣醬同椒鹽更有風味。另一個豬手都大份，但比起炸子雞稍為遜色。如果1人去就必叫炸子雞。環境：正常餐廳格局，預左迫少少，冇咩好講服務：服務出奇地好，落單快，上菜快。望落侍應數量都多，冇話得幾丁友要不斷跑全場，良心茶廳!性價比：價錢100樓下，份量大，出品幾好，未試過既絕對可以一試。

灣仔名物薔紅嘅脆皮燒春雞你有冇試過呢？🥰一試便會愛上❣️脆皮燒春雞 $88差唔多每次幫襯薔紅都係叫脆皮燒春雞🍗可以揀白飯、茄汁意粉、薯仔沙律、炸薯條✨我最鍾意嘅係炸薯條🍟薔紅用嘅係粗曲薯條，炸得香脆😆落單之後店員會派手套同埋濕紙巾俾食客，方便撕開隻燒春雞🐥我最愛嘅燒春雞真係無得輸🥹皮燒到十分之脆薄，雞肉食落又嫩又juicy🤪仲可以蘸椒鹽或者泰式辣醬一齊食添～個人覺得原汁原味最正🙈留意返lunch hour人流比較多，要早啲去拎位啊🙌🏻

晚餐食唔飽，再轉戰灣仔依間食燒春雞叫左一份燒春雞加薯條估唔到都好大隻薯條都係平時食開咁，冇咩特別，最出色嘅係成支蕃茄汁放喺枱度，鍾意食茄汁嘅，我就可以唧多啲都唔怕有埋手套🧤就唔怕食污糟隻手雞髀食落皮脆肉嫩食肉獸最愛，啖啖肉食到雞胸嘅位，仲可以點椒鹽或者泰式辣醬乾炒牛肉河粉好出色，鑊氣味好足炒得好好食！牛肉嘅量都幾多，河粉炒得唔會好油，味道啱啱好鹹魚煎肉餅鹹魚味唔係好突出，不過不失嘢飲同普通茶餐廳差唔多，都係咁好飲唔使服務費，都幾抵食

味道還可以，價錢也算適中，但招待的員工的態度非常惡劣，態度極差，並不尊重客人，語氣勁差，使你未吃之前已經很生氣了心情也不好😡，我們是個客人為什麼還要受這些氣呢？

同朋友行街行到肚餓，帶我過黎食下午茶，話呢間燒春雞好好食好出名。黎到樓下發現8、9年前係附近返工都有食過呢間餐廳😂入到去見好多人都食燒春雞，我同朋友都唔例外，我就配意粉加凍檸茶。出餐都非常快，好快就有得食餐廳有提供膠手套，隻雞熱到辣手😂另外又比左甜辣醬同淮鹽黎點，所以唔會好易食到厭。隻雞熱辣辣又嫩又多汁，配埋個意粉勁飽，晚餐都唔洗食😂埋單$98，下午茶黎講唔平，但有半隻雞又有意粉，所以食到好滿足好滿意🤣

灣仔名物「薔紅」，一講到「薔紅」自自然然會諗到最出名既招牌脆皮燒春雞🔥🔥🔥 無論係中午定夜晚都超多人排隊🤣真係不得了⭐脆皮燒春雞配薯條絕對唔係非一般既燒春雞，皮脆肉嫩又Juicy🤤仲可以揀配飯、意粉、薯條、薯仔沙律，好多選擇! 最重要係差唔多枱枱都會叫燒春雞食🤣一黎到就會俾埋手套同濕紙巾，方便用手撕開隻雞🤣大家唔駛怕羞斯文食，個個都係會用手撕開黎食架😆 用刀叉真係好D難搞。燒春雞一出黎係熱辣辣，要小心撕開隻雞，會有超多熱油流出黎，小心燙親隻手🙈 一口咬落去雞皮好薄好脆，雞肉直頭係有汁流出黎，超嫩滑😍會跟椒鹽同泰式辣醬一齊上，簡直同燒春雞絕配👍🏻 真係食到舔舔脷🤤⭐豬扒包拼肉醬意粉豬扒包外層香脆，炸得乾身唔油膩👍🏻值得讚肉醬意粉，新鮮蕃茄肉醬意粉開胃得黎，食落又濃郁同帶少少甜，加埋意粉韌度剛剛好😄⭐乾炒牛河乾炒牛河既牛肉比想像中多，唔係孤寒得一兩件咁少絕對係邪惡既食物

要排隊的茶餐廳並不太多, 在樓上鋪又要排隊的就少之又少. 薔紅在灣仔是特別的存在, 說是茶餐廳, 提供的除了一般碟頭飯和扒類外, 也有很多意想不到的菜式. 單單是其燒春雞, 就變成這裏的名物, 除了大件抵食外, 其質素絕對不比一般酒樓的粵式炸子雞遜色. 雞皮酥脆, 雞肉嫩滑多汁, 而且醃得夠味, 沒有任何調味也夠惹味, 食法當然是雙手拿起, 盡情地撕咬.除了春雞外, 其牛腩也很不錯, 份量不少, 肉質爽彈多汁, 不會太肥也不會太乾, 秘製的麻辣汁麻度和辣度剛好, 送飯也很不錯, 半碟的菜甫也不是茶餐廳常見之物, 取代三色豆, 味道層次更為豐富. 避風塘豬手蒜粒夠多也夠惹味, 略嫌有點乾, 豬皮夠脆但可以在内裡更黏一點.

薔紅嘅燒雞絕對可以稱得上為灣仔名物皮脆肉嫩，非常之出名👍🏻 無論晏晝定係夜晚都會多人幫襯就知有幾好受歡迎😍燒雞跟餐有得揀飯、意粉、薯條，當時因為想食薯條，所以揀咗薯條🍟🤤 不過食完之後，我又唔建議大家揀薯條喎🫢 唔係因為佢個薯條唔好食，而係因為隻雞超級Juicy🤣 當你撕開隻雞嘅時候佢會爆曬啲汁，非常多而且之後仲會繼續有雞油流出，個量多到係會浸淋曬啲薯條，有啲浪費晒🤨

薔紅是一間懷舊的港式茶餐廳，這裏出名的是燒春雞，嚟到薔紅，一定要點佢哋嘅招牌菜，叫左二份燒春雞，下單後不用十分鐘就送到，一上枱已經聞到好香的氣味，心諗一定係即燒的佳品，店員更貼心派發袋袋(一次性手套)，方便食客食雞。我第一次去嘗試駐名的炸雞，覺得唔係想像中咁好食，燒春雞半隻都幾大隻，撕開雞脾果陣（用手拿住食，好有風味），有好多雞油慢慢流下，很邪惡，令人垂涎欲滴，雞是脆皮，有滑嫩有較不滑嫩部分，佢有岩鹽同埋泰式辣醬可以點，不過我覺得唔點醬先最好味，因為本身隻雞味道偏鹹，所以唔駛點醬都好夠味。沙律就係平時茶餐廳嘅水準，所以我覺得唔錯幾好味。另外涼粉奶茶冰一般，茶味有點苦。麥精紅荳冰，紅豆起沙，飲落極為暢快。而我老公就話……好耐之前公司同事帶他第一次嚟食，佢覺得好驚艷，所以今次帶我嚟試下，老公仲話不經不覺已經加到$88半隻雞，加價了不少，仲要明顯feel到啲雞差左，燒雞比之前差了不少，皮有點濕不脆，肉冇乜味鞋口，味道退步了，佢仲話之後應該唔會嚟幫襯！餐廳環境比較懷舊，座位少少逼夾，冷氣充足，服務員都係上左年齡的叔叔，整體都OK

如果喺香港想食燒春雞一定要來朝聖😍😍😍每次嚟親都唔會令你失望， 皮脆肉滑一咬勁多雞油， 又夠熱😋😋😋燒春雞配薯條簡直一流仲要係舊式波紋薯條🍟， 我覺得佢哋整啲嘢飲都唔差都好好飲我好鍾意佢哋嘅凍檸茶， 個茶底好好🫶🏻

真係得燒春雞係好食，陣味食落有啲似乳鴿。企係員工態度惡劣，不時聽到串食客既語句，仲大大力飛本menu落枱，又好似趕時間咁，叫佢扮睇唔到，真係食住野都覺得心情唔好。

話說呢間餐廳最出名都係燒雞，但是日心情唔想食燒雞，見佢都有其他推薦就叫咗個原汁牛腩飯。第一次向度食飯，原本諗住都係幾件牛腩咁上下，點知上菜見到咁多都呆咗，雖然個底都係墊咗d小棠菜，但數過都有成十件咁多，仲要舊舊都大件。牛腩未算好淋但都易咬，肥瘦分明所以都好易咬開d肥膏，腩汁味道濃，撈飯一流。 想講旁邊d菜甫都唔差。

第一次黎食，成餐晚飯，我只係聽到門口果位好大聲既員工（或經理？）不停鬧其他員工，我實際上睇唔到其他員工有咩做錯，因為佢地都已經做到無停手，凳有d唔乾淨都即刻抹走，好surprised，態度好好，野食又黎得好快。我同朋友坐向門口位，成晚就係聽到一d好難聽既鬧人內容，都覺得好嘈，好嘈，令人精神好緊張，食得好唔輕鬆。 不過，果位大聲既員工對客人係有禮貌既。而野食呢個價錢都係OK的。但因為實際令人好唔舒服，我都係唔會再去。

⭐️邪惡熱辣辣燒春雞🍗🐔🌸脆皮燒春雞配薯條（HKD86） 呢間餐廳相信好多灣仔打工人都好熟悉!通常去親灣仔食lunch, 朋友仔都會話要食呢間餐廳! 呢間餐廳性價比真係好高!唔洗90 蚊就有半隻燒春雞同埋有一個配菜,炸野愛好者表示,當然要叫炸薯條啦哈哈~份燒春雞一上檯出曬煙,餐廳有送埋手套比客人食雞,用手食系燙手的!雖然本身一份燒春雞有配淮鹽同埋泰式辣醬 ,點醬同鹽會有味覺加乘,但隻雞本身就好入味,所以點同唔點醬同鹽都唔會影響到隻雞既好味~隻雞我已經攤左差唔多10分鐘先開始食,入面D肉都係熱熱的~

$88 半隻燒雞加薯菜，可以選擇加飯呢個價錢係2023年12月份燒得好食，脆皮得黎d肉多汁嫩滑但係有啲貴，我記得2018年左右嚟食嘅時候，好似只係$60幾蚊，出咗名價錢係唔同啲如果有得揀配燒汁就更佳下次會試吓佢哋嘅鐵板餐，好似都係名牌菜…味道我會比5/5分