蕎道樂居酒屋 (已易手) 新餐厅

銅鑼灣的食肆，尤其是日式居酒屋，總予人「高不可攀」之感。不過，小妹在軒尼詩道，近Sogo的永光商業大廈地庫，找到了一間價廉物美的居酒屋。拾級而下，牆上貼滿了繞富日本風情的人物畫像，配上淺木系槕椅。 點菜，看似簡單，卻，總教我們費煞思量﹗唉，不過是吃一頓飯，何必徒添煩惱呢？一見兩人前季節限定$398，就不作多想，馬上落單﹗ 侍應率先送上一人一小兜的前菜 - 三文魚蟹籽沙律，喚醒味蕾。 接著，是陣容鼎盛的刺身拼盤上場，有三文魚和油甘魚刺身各四件，以及帶子和甜蝦刺身各兩件。那隻黑色招財貓，挺有趣的﹗ 四款刺身肥美鮮嫩，小妹較為喜歡鮮嫩且滑的帶子和甜蝦刺身。 吃完凍盤，油潤甘香且香脆的鵝肝多士拼燒緊接露面。看，邪惡如斯，卻，教人欲罷不能﹗ 汁露筍牛肉捲，一眼，已可看到露筍之鮮嫩，牛肉之多汁，以及醬汁之惹味。小豬，可慢條斯理地，獨享佳餚。 蟹王蟹籽沙律，原來是以軟殼蟹、蟹籽和蟹柳入饌的沙律菜，醬汁濃香不在話下，沙律吃起來爽口彈牙，且鮮味洋溢，又有香脆的炸軟殼蟹，層次十分豐富。 壽司拼盤，有花之戀、池魚皇、左口魚邊和蔥吞拿魚卷，雖非頂級精品，但視覺效果頗佳，且可讓人一次過品嚐數款刺身

朋友約我去銅鑼灣試新嘢，新開居酒屋蕎道樂，食過lunch 覺得唔錯，所以今晚要去試吓食晚飯，睇完個餐牌，樣樣都想食，最後都點咗二人前季節限定嘅套餐，有沙律，刺身，熱食，壽司同鍋物，覺得好抵食，個餐仲有兩杯香檳送，好豐富。先離香檳同下酒菜，由幾款刺身整成嘅沙律，面頭仲有蟹籽同好爽口嘅青瓜粒，口感唔錯。跟住就有前菜黑松露帶子沙律，好大碟，帶子都唔少，黑松露放咗係帶子上面，味道好夾，而沙律菜就好新鮮，好甜，夾埋D沙律醬汁一齊食，霞酸甜甜，味道好清新。刺身有三文魚，油甘魚，甜蝦，帶子，款款都好新鮮，好有光澤，好鮮甜。熱食有鵝肝多士拼燒，鵝肝煎得少少燶燶地，好有油香，再夾埋脆脆地嘅多士一齊食，真係好邪惡嘅美食。跟住燒汁露筍牛肉卷，薄薄嘅牛肉包住新鮮嘅露筍，再加埋燒汁，新鮮熱辣，特別好食。壽司有花之戀，池魚王，左口角邊，蔥吞拿魚卷，款式都唔少，我就鐘意佢細細地，一口份量，左口角邊最好食，個面火炙咗，油脂好豐富，又香口，忍唔住要食埋朋友個件先夠喉。鍋物雪花牛肉鍋，牛肉又鬆又軟，放埋雞蛋一齊食，清清地，越食越開胃。食完個餐已經好飽，朋友話好想食雞翼，所以追加咗燒物明太子雞翼，一碟有兩隻，雞翼燒得個皮好

位於銅鑼灣的 蕎道樂居酒屋，是一間日本餐廳聽過不少朋友說，餐廳的二人餐十分掋食。時日帶同媽媽來吃日本菜，齊吃壽司刺身。二人季節限定套餐$398，包括: 前菜，沙律，刺身，燒物，壽司，鍋物，甜品。數種刺身拌勻醬汁而成的前菜，冰凍清爽。蟹王蟹子沙律原蟹王蟹子沙律是炸軟殼蟹和蟹籽蟹柳沙律，我還以為是蟹肉沙律呢。軟殼蟹炸得軟脆，內裡充滿肉汁。沙律以大量蟹柳，蟹籽和青瓜組成，絲絲滋味哦。刺身包括: 三文魚，油甘魚，甜蝦，帶子。三文魚和油金魚勻有四片，份量充足，鮮滑美味。甜蝦和帶子則各有兩隻，也屬新鮮哦。一品料理有兩種，包括: 鵝肝多士拼燒和汁露荀牛肉卷。鵝肝多士拼燒，雖然不愛 鵝肝，但套餐包括在內，我又不會不吃啦。 鵝肝入囗溶化，多士酥脆，兩者配合完美。汁露荀牛肉卷，份量很多哦。牛肉捲著露荀，牛肉軟腍，露荀爽脆，汁上燒汁更加美味。壽司包括: 花之戀，池魚王，左囗魚，蔥吞拿魚卷。壽司的味道不俗，但魚生的味道勻不太濃。若果卷物的紫菜新鮮，就更好啦。雪花牛肉鍋這時侯媽媽已經好飽啦，但我還追加數種小吃。雪花牛肉鍋的牛肉份量不少呢，薄切軟腍，內裡有多種娃娃菜，清爽健康。厚燒玉子$38大愛玉子的我，一人吃六

第一次黎呢度食野，係要落地牢既，所以佢地有職員係地面招客。落到去餐廳唔算細，好多張枱。餐牌上花多眼亂，有餐有散叫，最後計過餐抵啲，又唔想煩，就叫佢既二人餐。前菜我地點完菜，就上左一碟小食，本身以為係沙律，心諗，不是嗎？甘細碟？同相差好遠喎。原來係前菜，我地無留意到，哈哈。呢個係唔同既魚生粒撈芝麻醬而成，甜甜地，魚生爽口，唔腥。沙律蟹王蟹子沙律會有成只軟殼蟹！剛炸起，仲熱同脆脆地。沙律係青瓜絲加蟹柳絲加蟹子，好fresh！最最開心係蟹柳勁多！多過啲青瓜甘濟！刺身有三文魚、油甘魚、甜蝦同帶子。幾新鮮，份量二人餐黎講唔少。魚生好爽口，尤其是三文魚腩同帶子，好甜，好味！一品料理鵝肝多士估唔到會係度食鵝肝自己好中意食，但自己煎永遠都煎唔到出面甘好食。呢個煎到外邊好脆，有啲汁，文落好香，夾埋多士一齊食無甘濟！唔錯！燒汁露荀牛肉捲露荀好嫩，完全無渣，燒汁好入味，牛肉唔韌，兩者一齊食好夾。壽司有花之戀、池魚同吞拿魚捲等。每件細細舊，飯唔會好多，一口一件剛剛好！本身已經有味，所以唔洗點醬油。個底用塊剪左花紋既葉墊住，剪得好有心思。煮物磯燒鮑魚海鮮煱有蝦、鮑魚、青口、金菇菜、冬菇等。個湯似壽喜燒，但無甜得

Happy weekend 在銅鑼灣行完街， 3點多肚子餓了， 行出Sogo右手邊不遠， 有這間不起眼的日食店， 走落樓梯，他就位於地庫。 下雨天， 人也不多。 跟朋友坐下看看餐牌， 滿多不同的定食。 價錢80-110元不等。 待餐上來時， 環看周圍，擺設簡單。 一角還有個自助沙律吧， 可以自己配搭喜歡的沙律。 另一邊有熱辣辣的麵鼓湯，也是自助的。 朋友拿了一大碟沙律我們都喜歡吃生菜番茄青瓜嗅得出新鮮，味道很fresh隔一陣子我們的主食就上檯了 想不到東西滿多的就連小食很有意思，一點都不小即時有覺得，好抵 …… 鐵板網燒和牛肩 (98元)配炸豆腐及雙色刺身蕎道樂魚生丼 (88元)配芝麻雞翼芝麻雞翼炸得香脆吃時還是很熱的，是正宗的皮脆肉嫩 連雞翼尖也脆得不得了炸豆腐味道比較淡 外皮一層薄脆，內裏柔滑，小心燙口雙色魚生厚切，夠新鮮牛肩脊燒得很嫩很腍，醬汁亦惹味，配飯一流。魚生丼有5、6樣魚生(三文魚、鰻魚、海老、帶子、墨魚…等等)，非常豐盛。 飯的酸度又剛好，在這又熱又潮濕的天氣，選擇吃魚生丼非常正確，每口都超幸福。

係銅鑼灣周圍行下，見到有間日本餐廳新開張冇耐，佢地個二人套餐都係$398，即刻入去試試。 鋪頭係地下鋪，沿樓梯而下，樓梯旁都係貼晒日本海報，幾特別！ 餐廳用上木系傢俬，每個冷氣口都吊住一支魚旗。 野食方面，單點既話有刺身、壽司、炸物、燒物、串燒、拉麵等…睇過一輪餐牌，我地都係決定叫一個二人餐，感覺划算D！ 二人餐餐牌包括：前菜沙律： 黑松露帶子沙律 / 蟹王蟹子沙律刺身：三文魚、油甘魚、甜蝦、帶子一品料理：鵝肝多士 拼 燒汁露筍牛肉卷壽司：花之戀、池魚王、左口魚邊、蔥吞拿魚卷煮物：磯燒鮑魚海鮮鍋 / 雪花牛肉鍋甜品真係好豐富~~ 先黎一個漬物做前菜，入面仲有D八爪魚粒、魚生粒同青瓜粒等… 沙律就揀左蟹王蟹子沙律，冇諗過份量會有咁多！ 蟹子沙律有勁多，我開頭以前只係兩小碗沙律，原來係咁大份。沙律夠凍，由青瓜絲同甘筍絲整成，爽口清新，再加上D蟹子，口感又豐富D。而蟹王係原隻炸軟殼蟹，香口不油，唔錯呀～ 刺身用一個盆以冰底盛住，上面仲有隻貓頭鷹作擺設~~ 刺身有三文魚、油甘魚、甜蝦、帶子，各2-3片左右~刺身有光澤，冰感唔算太重。三文魚油潤，帶子爽甜。 一品料理有齊2款食物：

銅鑼灣地段發現到有間幾抵食既日本餐！！最正既係有個鰻魚飯超好味長長厚肉既鰻魚看起來超鮮味！肉質香軟綿綿鰻魚汁帶點甜鰻魚燒到幾微微焦香食起來相當開胃下邊既米飯粒粒分明晶瑩剔透十分十分推介又平又好味白色刺身為馬刀貝刺身~當晚做緊優惠只係$38,勁抵食而且又夠鮮甜爽口赤貝刺身色澤鮮明~都夠哂好味燒油甘魚餃~size正常！內層既魚肉白滑加上檸檬汁更令鮮味走出黎。蕎道樂自創卷物"! 非常有heart既擺位and做法有唔同刺身整成既反卷海膽味甘甜綿滑

日本菜一向都很多港人的心水菜系，拉麵、串燒、涮涮鍋、烤肉………真是每個月也有新店開張，早前，跟着友人就來了銅鑼灣的「蕎道樂居酒屋」，由於還有下場節目，又見時間尚早，就來淺嚐日本菜，故到達時仍未見有客人光顧。清新一下味蕾，故先點了一道「蟹王蟹子沙律」（$68），炸軟殼蟹配蟹柳絲、青瓜絲、甘筍絲所做的沙律底，還下了很多蟹籽，味道清爽，炸軟殼蟹也很好吃。「露筍牛肉卷」（$48）十分抵吃，嫩滑的牛肉捲上爽脆的露筍，還下了香濃惹味燒汁，有點天作之合的感覺，更難得露筍很有鮮甜味。炸物還是大家最喜愛的東西，一客「野菜天婦羅」（$38）有齊茄子、秋葵、蕃薯及南瓜，炸功手城不俗，粉漿薄而不膩，最好吃還是蕃薯跟南瓜，甚粉甜。雖然短聚淺嚐，所試的東西不多，但對「蕎道樂」感覺不錯！

本來約了寶寶到銅鑼灣逛，但臨時被甩底，正在崇光附近走著走著，剛好蕎道樂的店員在門口推介餐廳，便入內一試。餐廳位於地庫，店面看上去不算太大，大約可容納50個食客左右。以木為主的簡單裝修，空間不算大但坐落都幾舒服。點了午市的黑松露北海丼定食(附上日式餃子)($88)。定食少不了的沙律和味噌湯，是自助形式的。沙律配料有粟米粒、生菜、蕃茄仔等，而味噌湯則可加昆布、豆腐粒、豆卜等。雖然都是常見的配料，但可以自助添食，算是挺化算的。日式餃子有4隻，外皮不會太厚，全隻都煎得金黃香脆。餡料是白菜豬肉，加上餃子醬油，味道還不錯的。黑松露北海丼份量很大，帶子，油甘魚、甜蝦各3件。每種刺身都好新鮮，再用黑松露加以提味，更其更豐富。醋飯甜酸度剛好，只是飯粒稍嫌不夠煙韌。不過刺身的鮮味和軟嫩可彌補一點。帶子挺厚身，肉軟味甜。油甘魚也很大塊，味道偏淡。甜蝦肉質Creamy，沒有腥味。飲品方面，隨定食附上比較少餐廳會提供的波子汽水。味道當然跟一般的沒有分別，但跟餐送波子汽水勝在比較少見。都值得一選。本來還打算點幾件刺身或壽司的，因為魚生質素挺不錯，但因為定食份量真的太大了，食完丼後根本沒有空間了。下次要帶同樣喜歡食

很久沒有開懷大擦過日本菜了，這晚來到了銅鑼灣走過滿街金鋪的軒尼詩道。 看到易拉架覺得挺吸引，不過我不喜歡鵝肝，但這個2人餐的價錢好像挺抵食，單點應該也不會是天價吧？ 沿著樓梯走到地牢，裝修以木系設計為主。 Menu上的食物選擇也很充足，前菜、刺身、壽司、拉麵、串燒，但連意粉也有確實有點古怪，一於試試。 柚子海葡萄沙律 $58 先來一個前菜沙律，賣相其實與一般沙律無異，最特別的就是上面那些海葡萄。 我是第一次食到海葡萄，小粒夥帶來很獨特的口感，咬下去會散發出海水的味道，夾著沙律菜一起吃有種清新的感覺，比平日的沙律醬汁更健康味美。 厚燒玉子 $38 超厚的玉子上檯了，質感實在，味道甜甜的，由於是即點即整的關係所以溫熱幼滑，不會凍冰冰。 我最期待的刺身出現了，由於喜歡自由配搭所以我沒有點刺身拼盤。 帶子$50有兩件，味道鮮甜肉厚，而且肉身有光澤證明夠新鮮。 赤貝同樣都是$50，質感方面當然比帶子爽口。 $100有一板海膽當然不要錯過，新鮮度可以接受，當然不能與即開即食的海膽相比。 以紫菜夾在一起吃夠和味的，外脆內軟又甘香。 蒲燒鰻魚飯 $88 這個鰻魚飯是繼刺身之後的另一個亮點，這

早前係銅鑼灣地鐵口收過張傳單, 得知近SOGO附近開左間日本料理餐廳地庫, 今日同媽咪去完Sogo掃完貨, 順便行過隔離新開既蕎道樂食返餐dinner。店內環境裝修很有日系風格, 店面唔大。呢度有燒海鮮、沙律、刺身、壽司、卷物、煮物、拉麵、揚物、燒物、天婦羅等等...種類都幾多, 不過刺身、壽司既價錢都偏貴。【三文魚刺身(二切)】HK$30雖然一客只有兩片刺身, 但三文魚刺身為厚切, 而且很新鮮肥美。【鐵板牛油帆立貝】HK$68鐵板熱辣辣沙沙聲上檯, 帆立貝份量都幾多, 但牛油味唔太出【青芥末忌廉軟殼蟹意粉】HK$68賣相很吸引, 原隻軟殼蟹伴碟。不過呢個意粉出奇的甘, 完全沒有青芥末、忌廉味, 苦得吃不下去, 結果要求餐廳更換另一款意粉。【海膽忌廉海鮮意粉】HK$88換左呢個意粉, 反而呢款意粉很有驚喜, 忌廉味好重, 好creamy~ 材料豐富, 有兩大隻好爽既大蝦, 煙三文魚、少少既海膽、兩隻大既青口、蟹棒, 值得一試!【雞軟骨粒】HK$38炸完表面乾身, 內裡軟骨爽脆【軟殼蟹天婦羅】HK$48原隻軟殼蟹炸後都唔會太乾, 帶少少濕潤, 軟殼間帶點脆~【明太子雞翼】HK$48表面燒

有時說話真係唔好亂講　　前排先話好日都唔過海食飯講完之後　　數數下呢餐係我今個月第5定第6餐過海食飯今晚同個老朋友去左試一間新開既日式居酒屋  位處銅鑼灣中心地帶  一出地鐵站行幾步就到睇睇餐牌  發現左個二人餐  諗都唔洗諗我就9秒9落左Order喇  (冇計  個晚太肚餓)一齊睇下我地今晚食左D咩喇套餐奉送前菜   我會定義為一個魚生沙律 唔錯嫁  造得非常精緻食落仲非常開胃正當我地食得津津有味既時候  店員走過黎問我地要唔要飲杯香檳唔講唔知 原來叫呢個二人餐就會送每人一杯香檳  店員話岩岩新加落去  所以未寫落餐牌度魚生配香檳  你都咪話唔棧鬼黑松露帶子沙津每次見倒黑松露都繼續令我心入面聯想起一個問題就係究竟有D咩菜係同黑松露唔MATCH嫁呢?  我暫時仲未搵倒今晚呢個沙津   帶子唔同你慳 每啖配合埋黑松露同蟹籽  真係不得了不個非常不錯既沙津!魚生盛宴 (三文魚。油甘魚。甜蝦。帶子）如果要用兩個字黎形容   我會用"肥美"黎形容!!每一樣野都非常新鮮　絕無雪藏味　　我地都唔捨得一次過好快食哂慢慢一件件享受鵝肝多士人到左咁上下年紀　食鵝肝真係要一件起兩件止而今晚一人食一舊  都

朋友喺港島人，亦喺晌銅鑼灣經常出沒嘅常客，食過唔少大大細細嘅餐廳，早前被佢發現一家新店，所做嘅二人前套餐，未計加一，都唔使四嚿水，已經有8道菜，非常划算。餐廳名字叫「蕎道樂」，位處「永光商業大廈」，友人更刻意提醒咪去錯另一知名食廈「永光中心」，前者仲好，就晌港鐵嘅B出口側邊，更近。餐廳晌大廈地庫位，不過，門口掛上印有店名嘅紅幡，所以，非常易認。而落餐廳嘅樓梯，貼上好多浮世繪海報。再推門進入餐廳，裝修比較簡單，餐廳以居酒屋定位，你話喺咪好有居酒屋氣氛，老實講，就一般般，除牆上掛有印上菜名嘅木牌之外，可以提升有居酒屋氣氛嘅裝飾就欠奉。最搞鬼，餐廳尾嘅大電視播放日本一啲綜藝節目，但餐廳音響就播緊廣東歌。翻開餐牌，未講個二人前套餐之先，順便介紹吓有咩散點選擇，包括一系列前菜、沙律、刺身、壽司、魚生丼、卷物、西日料理煮物、拉麵、食事、揚物、天婦羅、燒物、串燒……等等，而當中刺身、壽司分別推出刺身盛、壽司盛，即喺拼盤，可以一次過優惠少少試多啲嘢。故此，選擇非常之多。此外，時下甚流行嘅浜燒，佢哋亦一樣有做，仲賣到$238一人前，從餐牌所見，已有6款靚海鮮，單睇牌前就真喺好平，但抵唔抵食就要講埋海鮮啲