蔡瀾越南粉 (已結業)

放工滂沱大雨都無阻今晚要試蔡瀾Pho既決心，因為難得有時間，點都要試下呢間蔡瀾押上自己名字既越南粉。地點高檔，裝修新潮，所以普通一碗粉都$68。場內仲見到不少香料香草，同埋媒體都有介紹既自家製粉機。平日7pm已開始排隊，想食就要早啲黎啦。Menu 簡單直接，我同太太都直接落筆，佢一碗生牛河，我就黎個金錢腱牛筋河，不忘叫返個香茅豬頸肉同埋蝦醬炒通菜。提提越南粉是可以refill的。越南粉少不了伴隨的香草同芽菜，墊檯紙上亦有一一介紹，唔怕牛𡁻牡丹。粉一到，咩都未落就先試一口湯，牛味香、偏甜，絕對唔係味精湯，如九層塔香味強多少少仲正。落香草有一種叫鵝芥，都係今日先識，會添上一點青草味，𡁻多兩啖味道更出，青新解膩。芽菜肥嘟嘟有咬口，爽甜。牛肉、牛腱、牛筋都試左，排名同我寫既次序一樣。牛肉味香肉稔，牛腱紋理漂亮肉質軟稔，牛筋走爽口路線不過可以再入味啲。越南粉自家製，米味突出咬口都唔錯，可能因無加添加劑，整體較細碎，自己造麵呢個心機值得欣賞。豬頸肉多汁，切得較薄，有種入口即化感覺，可惜太太更喜歡厚切。伴碟的醃菜可以稍稍清一清味蕾。香港好粉一碗難求，環境又舒服，不枉一試。

蔡瀾越南粉，以＂一生難忘的牛肉粉＂為口號，可見自信心爆棚，但卻又成功吸引了好奇的我們光顧，口號雖然有點誇張，事實上真的有水準，成功做到湯清味醇厚，生牛肉香嫩，最出色的是河粉，自家新鮮即日製造，順滑味美，令我回味至今，回頭意欲強！ 環境光猛簡潔，中午12點開始已經有長龍，中環區少不免，難得餐廳派發冰水給等候的客人，真窩心！ 據說這店是與墨爾本一間著名越南牛肉河粉店勇記合作，沿用秘方，每日用50斤澳洲牛骨頭、肉及香料炮製高湯，半開放式廚房外刻意展示各款香料。 特設河粉機，玻璃廚房內可見，河粉新鮮製造，保持靱度。 有趣的卡通紙枱墊，蔡瀾的樣子畫得可愛！等待期間亦可了解香料的用途，增進知識。 一般越南河粉$68起有得食，包兩款肉，有七款牛肉部位及九款香料可以選擇，我們貪心一點，一次過試齊多款肉。 特別牛肉湯河粉 $128 半透明的湯頭可見材料，一點油光也沒有，喝一口湯，果然清甜，牛肉味香，湯是靈魂，已經成功了一半。 金錢腱、生牛肉、切片牛腩皆肥美香嫩，脂肪比例理想。 牛筋、半殼牛肉丸同樣有質素。 幼身的河粉掛汁力強，有適當靱性，並不太容易斷，口感非常好。 越式法棍三文治 $

要數香港出名的食家，相信蔡瀾應該無人不識，以他名義開的食店必然質素有保證，最近「蔡瀾pho」聲名大噪，不論本地人及遊客都慕名而來，據說店前常常有人龍，趁著今天下大雨，人龍應該沒那麼長便來試試大約六時三十分，下著大雨，果然不用排隊！一入門口便能欣賞一碗又一碗的牛肉河製作中，店家的賣點是店內鮮製，而且可無限添加；至於湯底更講究，以帶筋的牛骨配以多款香料淆成，不帶味精，餐桌的墊紙圖文並茂地介紹各款製作湯底的香料，包括鵝芥、蝶豆花、香茜、香茅等等。既然如此，不得不試生牛肉湯河$88要試越南河功架如何，就由最基本的生肉肉湯河，可自行加入青檸、紅/青辣椒、鵝芥、九層塔、芽菜。未加入香料前試試湯頭，稍稍帶甜，卻不失鮮味，加入香料後味道更豐富，值得一提是我第一次嘗鵝芥，口感raw得黎帶獨特青香；湯中有洋蔥，洋蔥甜而沒有辛辣味。河粉份量很多，較軟身，畢竟是鮮製無添加，基本上吃完全碗已經橕著，不能再添了！牛肉很軟稔卻很有牛肉香，不會很肥，而且切得有一點點厚令口感更好。香茅烤豬頸肉$58這個賣相很好！豬頸肉烤得金黃，整齊的鋪在碟上，伴上生菜及紅蘿蔔絲，灑上炸蒜及蔥，豬頸肉軟稔香口，沾上酸辣醬汁更加添風味蝦醬

放工同女友去開中環行下街覓食, 醒起蔡瀾最近好似有間越南粉開係附近~打左個電話confirm真係開左業就去排隊襯下墟先menu 選擇可謂麻雀雖小，五臟俱全不過有幾多樣都好，每次試新越南野我都獨孤一味只叫生牛河~價錢係中環黎講真係唔算貴, 最驚喜係竟然有河粉refill 終於唔洗驚食越南河食唔飽肚標準既越南醬料一應俱全~檸水真係好夠檸檬味~值得一讚落左一陣就黎到~ 生牛粉同埋一堆我唔識分既香料先飲一啖湯, 清得黎帶甜, 牛味唔錯~之後就習慣性每樣都加少少落去咁, 效果都幾好~牛肉數量唔少, 而且唔韌又重牛味, 河粉較窄身同短, 不過口感幾好整體黎講完全對得住個價女友叫左個撈檬~外觀非常好呢~燒豬頸肉燒得好好, 邊位脆脆地咁, 香茅味十足春卷就冇出面其它鋪咁鹹, 香脆方面更好檬粉同汁女友都滿意~由於叫果陣眼盲見唔到撈檬有春卷, 我地又單叫左份炸春卷不過都完全食得晒, 因為佢唔會太鹹, 入面材料都幾清新~食越南野就當然要叫特色飲品~由於檸水已經好夠我飲, 我就pass比女友揀佢要左杯珍多冰~黎到果陣我都呆一呆好少見完全未攪既珍多冰~咁樣仲凸顯到呢杯野有幾足料味道唔錯, 唔會太甜, 重點係好多

知道蔡san 係中環開左新店，約左同事一齊去拜訪去到人龍超長，不過等左大約20分鐘已經有位，時間都仲接受到一係吾試，一試當然係招牌特級牛肉越南粉$128/碗招牌一到，看似好普通但原來有好多款牛，有牛丸，牛肉，牛展，牛筋，牛柏葉牛肉超鮮味，又嫩又滑，牛丸十分彈牙牛筋好晶瑩剔透，好爽口彈牙，奶白色而且好滑每碗粉都有一份配菜，青檸加辣椒重點提示，青椒比紅椒辣10倍完全說不出話來米紙卷，我最愛，包得好札實，米紙皮又滑又吾爛越式春卷，皮脆又吾油整體真係吾錯，不愧係食家推介

今日同朋友去左中環食飯，剛剛放工即刻就肚餓，肚皮最準時！六點準時放工，即刻走去中環食個晚餐！朋友早早就睇定左一間餐廳，正正就係最近人氣餐廳，蔡瀾越南粉。蔡瀾開新餐廳，當然要走去試一試啦！朋友好彩早早去左等位，因為我去到已經見到好長長既人龍啦！我地一人叫左一碗越南粉，特別牛河$128，價錢略貴但係味道超正！有牛丸、牛栢葉、牛腩、牛根、牛肉，好足料！越南粉最重要就係湯底，入口好香牛骨湯味，夠哂清甜清香，完全唔會油膩！清清一碗牛骨湯，即刻比我地喝光光。河粉幼細，牛肉和牛腩都好鬆軟，牛味頗濃郁，半熟牛肉入口好軟腍！牛筋超驚喜，入口極是爽口彈牙，膠質超豐富！朋友都大讚！招牌牛河就無特別牛河咁多料，但係都有基本牛肉。我同朋友加埋香料和青檸，味道好滋味架！不過想食就要早啲排隊啦！

最近人氣餐廳莫過於蔡瀾越南粉，朋友聚會個個都話搵日得閒去食，個個都心思思想試下！今晚難得有時間，我就約左一個朋友去食個晚餐啦！朋友太好人，一早就去左排隊，我去到七點幾已經見到好長長既人龍啦！有朋友等位果然最好！我地見到餐牌，決定一人叫一碗牛肉粉試下啦！蔡瀾出品，都有信心保證啦！我叫左一碗特別牛河！有牛丸、牛栢葉、牛筋、牛腩和牛肉，牛丸超彈牙，牛腩最岩我口味，因為入口超級鬆軟，帶點油膏，好香口！牛筋好彈牙，膠質極重！湯底我地兩個最欣賞！牛骨湯，牛味好清甜好清香，完全唔會見到油脂，我地可以飲哂一碗湯！河粉偏幼，掛上清湯超滋味！朋友叫左招牌牛肉河，無特別牛河咁多料，但係味道都係高水準！我地加左青檸和辣椒，味道又是另一番味啦！下次約埋一大班朋友再黎試！

近來新開餐廳大熱之選，非蔡瀾牛肉粉莫屬，出名日日都排長龍，中午午飯時間差不多要等成兩小時！認真誇張！我大約3:30來到，依然人頭湧湧！餐紙嘅設計都好得意！坐下後，收到一張兩面嘅點菜單，選擇貴精不貴多！貪心的我選擇了特別牛肉粉，因為樣樣配菜有齊唔需要諗！牛丸，牛腱，牛肉，牛栢葉也有，而喝一口湯底好香甜！而且牛也很多！河粉很薄很滑！吸盡湯底精華！好香！牛腱晶瑩剔透，刀工好，味道濃！令牛河錦上添花！配菜有一杯肥嘟嘟芽菜！好脆口，新鮮！另外仲叫咗春卷，好香脆！上枱時好熱！旁邊嘅配菜蘿蔔都好好，又甜又爽！好配搭！中間嘅豬肉同粉絲都好平均！外脆，入面又香。個椰青勁清甜！可惜無開口，所以食唔到椰肉！坦白講響香港未飲過咁清甜。一定係好新鮮先有呢個效果！

在中環四處找食物久了，也沒什麼好吃，看到蔡瀾開了這間越南粉麵決定來這裏一試。一個人叫了一個粉麵再加一個小食，相對粉麵，本人更推介這個小食，芒果魚肉米卷，芒果魚肉米卷有很香的芒果味，魚肉比較淡，檬粉分量不多，不會像平常越南店一樣只吃到厚厚的檬粉。牛肉麵可以自選兩種餸，本人叫了一定要叫的生牛肉及牛展。來到的時候生牛肉比較少，但是還是生生紅紅的，牛展分量也可以，在中環以這個價錢吃不算太平也不算太貴。 牛肉湯側挺濃郁，不知道有沒有加入味精。河粉滑身，質地吸湯一流。 如果大食的朋友更可以任食河粉，對於男士這個任食真是少不了。走的時候看到餐廳廚有一些材料在廚房前，應該是用來製作牛肉湯。裏面則有一部機器製作河粉，難怪河粉的質素也挺好，應該是即整即食吧。

蔡瀾於上月初新開的越南河，不僅各傳媒踴躍報告，每次經過都看到好大的一條人龍，真的是連不是foodie的親戚好友都知道這家新餐廳了。聽聞有人排了兩個小時，也聽聞各種評價，這天終於下午來這邊試一下。下午避開了lunch hour的人龍比較短一點。點餐紙是一人一張。欣賞他們河粉可以免費續加，而孕婦可以優先排隊，算是照顧了不同顧客的需要。越式炸春卷 ＄48春卷外皮炸得非常香脆，裡面餡料則很豐富。雖然說炸春卷是蠻普通的一道小吃，但要弄得好吃也不容易，這個真的十分有驚喜。越南牛肉粉 （牛筋、牛柏葉） ＄68越南牛肉粉可以自選兩份肉，有生牛肉、金錢腱、牛腩、牛筋、貝殼牛肉丸、銅錢牛鞭花及牛柏葉可以選擇。配料也可以自由圈上要還是不要。不細看還不知道原來有9種配料呢，感覺非常正宗。湯底真的很清甜，雖然桌上還有醬汁調味料，但我覺得只加九層塔那些就最正宗了。河粉是場內現造的，口感也非常細滑。個人偏好吃金邊粉而不愛吃河粉，但也把這碗全吃完。對女生來說這碗份量就很足夠了，真的不夠則可以再添河粉吧！特別牛肉湯河粉 ＄128特別牛肉湯河粉有什麼特別呢？畢竟貴接近一倍。這個其實就是剛剛七種牛的部位都有了，材料是豐富多

中環食午飯搵食難，新食店就更多人。 十二點已經人頭湧湧，等咗大概十五分鐘。 當日天氣炎熱，等候期間店員窩心，攞咗廿幾杯清水比店外等待客人。店鋪環境簡單乾淨，前面部分係高檯高櫈,後面部分還有卡座。食物款式選擇足夠，湯河、撈檬、春卷、粉卷、越南三文治、甜品、食品都有。牛肉湯河 $88豬頸肉撈檬 $68三文治$28甜品（忘記咗名字）另外試咗柚子沙律、米紙卷。其實我唔知佢味道夠唔夠正宗，但我就覺得味道唔錯！而且價合理，讚！（提提大家：試業期間，只收現金）

Recently, there are news that Chua Lam have opened a Pho restaurant in Central, and that there were long queues forming outside every day. Upon hearing this, my wife and I were excited to try on it. Chualam's PHO was located at Wellington street, just opposite the famous Yung Kee restaurant.  They specialized on beef pho and besides that, they served vermicelli, appetizers, desserts and drinks etc. Despite being a mainly pho restaurant, it must be one of the largest pho restaurants in Hong Kong.

大排長龍， 究竟係個個無名而來還是真材實料?鋪路牆上 寫住 一生難忘的越南粉柚子沙律同 春捲 都不錯吖叫咗一碗 牛丸牛筋麵， 碗湯非常清甜 ， 再落埋啲配料 簡直覺得好似置身於係越南甘。河粉好滑， 牛丸彈牙 不過牛筋口感唔錯就冇味。呢杯 青檸梳打 綠綠地色飲落有啲薄荷味 但都幾清新朋友叫咗背滴漏咖啡 但就評語一般 而我就叫咗一個香茅青檸啫喱果凍 味道有點特別 如果鍾意香茅的話 可以一試蔡澖公仔畫得幾似同可愛。總括而言 為咗個湯同粉都值得再去排隊。

星期六經開附近，幕名而來試下有幾好食位置都好找，一轉彎就見到間野去到有幾個排緊，但排左幾分鐘就有位了入邊位置都大，有前居再入仲有好多位置不過枱同枱之間都幾迫，員工仲要係中間穿越而非走較闊的位置😢枱位十分正，222真係好好記😏枱上亦有越南最常食的醬汁--魚露, 辣醬, 海鮮醬餐牌選擇不多，湯河或撈檬, 幾款小食, 甜品同飲品，2頁紙話哂你知見到有個招牌生牛肉湯河同雙併越南牛肉粉就好奇到底有乜分別，但價錢差20蚊問完個員工，無論材料份量都話係冇分別😰咁叫個平d，雙併生牛肉牛丸越式牛肉河可以自由選擇要唔要個d配菜(如蔥,芽菜...)👍個粉係較幼身同幾滑 (個粉可以免費refill不過份量本身都足夠)而生牛肉黎到都係未完全熟哂，慢慢浸熟，唔會太“鞋”牛丸亦彈牙，不過就唔太有牛味最唔掂就係個湯底，味道較甜且重味精味，食完好口渴飲左3杯水😳個菜都幾香馬拉盞，不過唔夠辣同埋菜較老，唔嫩口，亦唔係十分熱見到隔離枱食個樣好似幾好咁但點知係完全唔凍😢(p.s佢叫果凍)入口係較重香茅味但完全食唔到青檸味而且十分甜，2個人share一個，食到一半都唔想食😳總括黎講: 價錢係中環區唔算貴但食物質素中下，實在名過

摸了三次門釘，今次終於吃到了.....點了生牛肉河粉，但河粉很碎很碎；越南法包口味是特別的，但是不好吃；只有春卷不錯；總結，和朋友一致覺得試過一次便可以了。另外，結帳時服務員在風口下噴玻璃水清潔旁邊的玻璃門，一噴，玻璃水即轉向好像直噴我塊面一樣，弄得我整塊面成個身都係，仲要入眼，穿黑色服的領班/經理看見只叫服務員停一停，便立刻繼續在收銀處和收銀員談天說地，反而收銀員雖然一邊聊天也一邊說幾次對不起，真心希望尊重顧客。總結，有期望所以失望。