蓮香樓 (已易手) 新餐厅

的確很失望, 除了八寶鴨尚算美味外, 其餘的餸菜皆非常一般, 南瓜排骨沒什麼特別, 亦沒什麼味道, 鬼馬牛肉可能係鬼同馬做主角, 所以牛肉又鞋又冇味, 雞亦不滑, 亦是不入味, 幸好還算做有雞味, 不過這是雞隻本身的功勞, 與烹調者關係不大.....其他餸菜都不外如是, 不一一細述了, 倒是那個焗西米布甸可能期望太大, 於是令到在坐12人都大失其望, 幾乎同聲一XY#@&%Z........自家製的也比它好味得多.....唉, 最後附送的糖水咋喳, 更恐怖. 是的, 的確是恐怖, 是災難, 我不懂形容, 因為生平未試過食到一碗咁"特別"味道的咋喳, 找不到形容詞, 我只可說以我的觀察似乎沒有人能吃得完那一小碗, 而我身邊的幾個朋友都似乎只吃了一口便面露好像肚痛了三個小時都找不到廁所似的表情, 然後便把碗放回轉盤上, 唉....阿香, 你個名又蓮又香咁高興, 大家對你期望又咁高, 你何苦咁樣來對待我地呢? 如果係假日人流多, 咁水準稍為飄忽我都可以原諒, 但昨晚只是閒日, why???????

i go there nearly every sunday and we found a piece of mouse 'shit' in the 腸粉,which is totally unacceptable.we called for those old men carrying water pots,and he said that was not his business.we were frustrated and leave immediately.by the way,it is always difficult to find a seat there.moreover,the hygiene is totally unacceptable.

有超過八十年歷史，衰極有限。

晨早跑完馬拉松同老豆充饑!!一直聽講好好食,點知一試難忘,老牌酒家只會想他們的伙計態度一定唔好,不過都唔係啊,不過搵位真係要靠自己,但加水及執野都反應快!而最正係焗盎飲茶,水滾茶靚,仲有好有人情味的食客教下我地d後生仔要反轉茶蓋\\\來等伙計執野,食物方面一個字:正!!好食到爆~不可不試,不過搵位要快~

初七約了成班朋友仔去蓮香樓慶祝人日，除我和P外，其餘都未幫襯過呢間懷舊酒家，眾人都格外期待。點知….- 海蔕煲大山地，清唔清熱我唔知，淨係知味道超普通- 炆斑翅，魚皮夠厚夠膠，但肉就韌了點，輕微失準- 八寶鴨軟淋入味，stuffings鬆化唔油膩，水準保持- 煎釀鯪魚，彈牙香口，唔錯- 白飯魚煎蛋，第一碟好鹹，第二碟回復正常- 荔芋牛肉，太漿口，麻麻- 脆炸小棠菜(見圖)，蝦膠無味唔彈牙，脆漿太厚，劣- 糖酷肉排，肥得好離普，全枱只有符碌之鬼欣賞- 蟹肉扒豆苗，份量少得可憐，蟹肉少到食唔到成晚唯一好少少係八寶鴨和斑翅，其餘都頗無誠意和水準。Service差到卑，可能因為我地成枱都係後生仔女，擺明無利是派的原固吧！

光顧過兩次，都有不愉快經驗，佢聲明不收加一，我一次簽咭，剛簽夠數目，都未及拿紙幣作小費，個部長即刻拉長了臉話就係咁呀？我話係，佢就黑著臉說我地唔收加一，暗示要畀貼士，我即時氣憤，堅持唔畀貼士，你講明唔收加一，但就強逼客人畀貼士？有無攪錯！第二次，剛好四百元，我就拿出四百元，又係呢個部長，又即刻話唔收加一，我地話就係貪你無加一，佢就黑口面同另一個員工講又係呢班人！這算甚麽服務態度，想要貼士就收加一，講明不收加一，客人就有權唔畀貼士！況且此店食物水準普通，唔係超好食，地方又逼又污糟！絕不推薦！如果大家要去，就記住要畀貼士，免得遭人黑面對待！因為

中午時份到達, 人山人海, 等位既人都好多, 地方窄且唔乾淨, 但山長水遠黎到, 無理由就咁走, 於是老公提議好似上次係大榮華咁買件我至愛既- 馬拉糕, 買既過程都幾麻煩, 亞姐要我去睇下有無, 有先買, 我行到去見有, 但再買既時候拎翻張單去已剩一件了! 走出門口即刻打開黎食, 講真我食過咁多間唔同既馬拉糕, 佢唔係最好食, 鬆軟唔夠! 可能其他點心好, 下次有緣再試吧!

好耐都冇去過一D要自己搵位嘅茶樓,好彩D伙計都幾好人,見你搵唔到位會幫吓你。蓮香樓提供每人一個茶盅,自己叫咩茶葉都得,唔洗就人。無論食物同環境都好懷舊,不過當有新點心出爐時,人人都搶住攞,完全冇秩序可言,幾恐佈。鴨腿湯飯–湯味濃,鴨腿夠稔,配上略乾身嘅白飯,必食方魚肉碎湯飯–湯清甜,配料夠多,啱晒想食清淡d嘅人臘腸卷–臘腸唔會太肥,食落甘香,正牛肉球–幾滑，配喼汁更好食雞/鴨腳+柚皮–份量少味道不過不失,柚皮有驚喜咸肉稯–糯米太多,餡料唔夠糯米雞–大大隻但中間只有一層薄薄嘅餡，唔掂魚翅餃–用上鮮黃色餃皮，味道一般排骨–不試也可

香港冇乜幾多間咁懷舊的茶樓. . 食物係唔差既. . 鴨腿湯飯, 蓮蓉包, 千層糕等等~一句講晒~好好味~不過好多人~

為好友興祝生日, 原來要試的\\\"鏞記酒家\\\"實在熱門, 早於前一天的早上電話預約亦告客滿, 不得不信香港經濟正在好轉.如各位食家見議, 預訂了\\\"靇王鴨\\\" 和\\\"蚊班翅\\\", 果然名不虛傳, 鴨肉香且欶滑, 唯略帶甘味, 不喜苦味的朋友可能有點不習慣. 石斑肉欶有口感, 不像有些食評家說的太諗. 另外點了\\\"紅燒班翅\\\", 味道不過不失. \\\"西蘭花帶子\\\"的帶子非常有咬口, 亦見新鮮. 總括而言很滿意整個飯局, 有機會一定會再光臨.四人共$706, 個人認為價錢合理, \\\"大叔\\\"侍應亦不見得沒禮貎, 相反很風趣~~

星期六打完波相約到此飲茶, 已經一點幾鐘仍然人山人海要等位, 人多千萬不要來, 因為好難有成張臺比你.全部要搭臺. 最後可以坐下來但所有點心都要去搶,手快有, 點心車一推出來人群便飛撲埋去, 斯文d就無得食.最好味係鳳爪, 因為不是炸過好好味, 馬拉糕, 臘腸卷,棉花雞好多魚肚, 鴨腿湯飯好回味....如果可以坐得舒服d更好, 可以再來,

今日去左蓮香樓飲茶. 去到都差不多三時. 所以點心所剩不多. 一入去, 個環境有d似六七十年代. 沒有茶壺, 是杯加個蓋沖茶的, 沖完開蓋, 侍應會幫你加水, 很滾的水. 我常常倒瀉. 在有限的點心, 我們點了蓮蓉包, 干蒸燒賣, 牛肉. 樣子普通, 味道亦普通. 炒了一碟牛肉炒麵, 不過不失啦. 如果想懷舊一下, 蓮香樓是不錯選擇, 但不要對食物抱太大期望了.

五週年其實都過左兩個月不過要慶祝的話十月也是拜年時蓮香大壽特價當然不能錯過訂了檯也得等了半句鐘霸王鴨不太油膩加上因為有夠靚夠香的蓮子整道菜可以用酥軟來形容豉油/茄汁大蝦蝦夠大隻夠爽應該係先泡再加汁煮一碟茄汁唔夠要再加一碟豉油口味唔同但係一樣好食伴水芹香事隔太耐當日掛住抄得菜名但係宜家已經唔記得材料係乜添不過大家都讚呢個齋好食架喎蒜香大鱔缹火腩好好肉大鱔夠爽脆鬼馬牛肉唔知點解呢班人咁鬼鐘意食油炸鬼淨係食晒油炸鬼另外仲有好難唔好食既草菇豆苗見到隔離檯食緊聞到都香既西米布甸不過我地無訂無得食攪笑伙計阿叔搶答「蓮蓉飽啦」「咁有無壽包呀?」「蓮蓉飽咪即係壽包囉」話晒都係招牌貨就算飽都試下啦真係好食架喎呢一餐無論環境食物服務以至價錢都有傳統水準食到成檯都係都唔駛一百蚊嘈就嘈左少少不過勝在好氣氛所以我地都嘈埋一份中環已經無左天星但千祈唔好無埋蓮香唔該

味道一般,及在我們食甜品-蓮蓉飽時,看見廚房好多老鼠四圍爬,地上, 天花及旁邊的水喉管上, 嚇到我們全部即刻走落街... (那時我們已找數)

前陣子專程來吃，但差不多四點，茶市便收，無點心。今日再來，又係差不多時間，但好彩，仲有得食。更好彩是，點心所餘無幾，但比我們取得最後的馬拉糕，食落，都幾好，但有點不像一眾食家說成那麼的好。牛肉粒，都可以。再叫一碗燒味瀨，都係可以。整體來說，無咩驚喜。只是因為今天是周末，心情不錯。價錢偏貴。我們沒有用茶壺，用了茶碗，我們不懂控制，倒茶時很論盡，一檯都濕晒。茶錢其實是多少？