蓮香樓 (已易手) 新餐厅

今日7點去到已經好多人啦! 不過又未至於要等位. 兩條友, 當然要搭枱啦! 好多人一個人去呢到飲茶, 所以一張枱可能有4~5個party.待應問要茶壺定茶盎, 當然要茶盎啦! 平時煮開飯既我, 有信心控制到個茶盎, 果然考唔到我, 哈哈! 茶盎的唔好是太細, 得一杯茶, 所以成日要加水, 唔好唸住有人成日幫你沖水, 自己做啦! 個個客都係自己來!樣樣都想食, 但唔知係未太早, 點心款式不多:1)牛肉粉卷2)馬蹄條3)蓮蓉包4)馬拉榚5)豬潤燒賣6)燒賣7)蝦餃牛肉粉卷–我麻麻地鐘意酒樓的牛肉, 果皮味太重, 男友話好正! 不過個皮真係唔錯馬蹄條–不是炸+蒸的那種, 是凍食, 有椰絲的, 好味! 好香! 個甜品正!蓮蓉包–包有點實, 是舊茶樓的風味, 蓮蓉真係唔錯!馬拉榚–普通啦! 沒什麼特別.豬潤燒賣–賣相真的麻麻, 豬潤好硬, 下面d肉又唔好食, 各位可以唔試燒賣–普通啦!蝦餃–幾好喎!兩個人食7碟真係好飽! 但我重未試蛋散、大包、鴨腿泡飯、臘腸卷、南乳豬手....還有我最期待的蓮葉飯下次午飯時候去先得!

之前食過好懷念......遊行後諗住同屋企人去食, 六點幾去到諗住有位啦!同個waiter講完4位, 佢再同個senior講(我估係經理掛), 個senior望都冇望我地一眼, 知道我地冇book位之後好悔氣咁答左句"冇呀"就走開左!!! 但係後面仲有好多"吉"檯架喎, 真係......幾鬼死咁串......雖然d野係好食生意唔憂做, 但態度唔駛咁惡劣掛??!!

約左一大班舊同事去食飯....因多種原因..最終去這間食....因為本身在這裡看左好多評價....當然我不會盡信...因為這裡都有好多是吹水成分....但都好期待...去去.....比準時早了小小時間去到...都要等半個鐘....我倒覺得冇所謂...因為我知出名的都是這樣....又冇人肯早d去...就係甘啦....11個人叫左8樣菜....當有的大斑2味...真的太細...霸王鴨就像前2個評價的人兄一樣...雖不至好特出...不過我覺值得一試....我反而最愛的是佢的香x軟殼蟹.....好香好脆..但唔覺好熱氣.....可惜今次冇食到甜品....我覺得下次再去一定要先訂定菜....因為我星期3去都可以d order full晒...有d好期待想食的...例如蚊斑翅,炸子雞...都叫唔到....詳細可參考: http://hk.myblog.yahoo.com/littleblackonion/article?mid=358&new=1

星期六係呀爸生日，做乖女一早起身過海0黎呢度搵位飲茶.未到十點0黎到已經人頭湧湧，有人開始等檯。不過我好好彩，唔使五分鐘就有位，開埋茶無耐呀爸呀媽就到0左魚雲–比爸媽食，佢地話唔好食，無味，好淡馬蹄糕–好好味，甜甜地，豬油好香，爸媽都話好！麻蓉飽–無我想象中0甘好味。好乾，麻蓉唔夠香，麵飽好厚，失望！麻蓉飽係我地屋企所有人0既最愛，以前好細個屋企附近茶樓有得食，好好味。但係執0左之後未搵到一間0既麻蓉飽係得0既。以為蓮香樓會比到，但都係唔得！尖咀翠園好味過佢！雞飽–有雞味，有飽味，得！糯米雞–唔難食，一般水準!因為D0野食比人搶得好快，所以佢地會收埋一D留比熟客。好奸矛，不過理解0既!另外有好多0野想食但係食唔到。馬拉糕，蛋散，腩飽同鴨泡飯，實在太飽啦，下次會再去！唔使加一小費，一共100蚊!ok la~指定動作- 買0左打半老婆餅！

霸皇鴨--- 不至於非常好吃,但值得一試!冬瓜盅--- 不够材料和火喉。斑球炒西蘭花--- 正!其他菜式都煮得幾好, 用料老實!

是日假期，要一次過走幾間在中環的酒樓，要數最旺場的，一定是這裡：中日台海外遊客，加上不少的本地人，相比起附近午市門庭冷落的食肆，對比實在強烈。當然，對於我們這輩自幼在屋村酒樓蒲大，從來也要一眼關七去找位子的，在這裡找幾個位，誠易事。任他幾多人，不消一刻鐘，已安坐埋邊的位子，開好茶等吃。星期天，這裡的「點心攻略」比平日有點不同，因為大部份「識途老馬」也都會不安於份，受歡迎的點心，很多都會被「攔途截刧」，所以要吃，也都要主動出擊，拿張點心紙去廚房等。是日有點特別，要了不少點心，但只吃其中的幾款。這裡的蓮蓉包，餡是一流頂，但包卻是不夠鬆軟，亦甚「立口」，蒸得不夠時侯，明顯的要急著出爐；麻蓉包敢說是本地試過的最好的了，麻蓉餡又香又甜，也有不少白芝麻在內，非常出色。要注意，吃此品要早，周日就要更早，因為會很快售罄；馬蹄糕是另一味個人推介，與坊間見到的不同，這裡的馬蹄糕，是切長條，先四面煎過，再蒸熱，有煎香的口感，也有軟滑的質感，相當出色。當然，應記一功的還有豬油，吃落自然是又香又滑又甜。這一味師傅不齊人是做不到的，來吃這麼多年，也只碰過幾次，是日又遇上了，有食神；馬拉糕是另一味出色的點心，發得鬆

第一次去古式茶樓，今次約左舊同學來飲茶。星期日中午１時來到，都幾多人wor，要自己搵位。o個度位置幾迫，多數要同人搭枱坐。而且，仍然沿用點心車，其實感覺唔錯，鐘意有點心車行過叫賣ｏ既方式，不過就因為地方窄，坐在路附近，就成日要避車，同就閃避侍應添茶。o個度用古或o既嘆茶方式，一人一個茶杯裝茶同茶葉，再倒入另一個杯飲，幾得意。ｏ個度ｄ點心真係幾好食，其中，有一隻出面唔多見的點心，叫豬潤燒賣，因為我唔鐘意食豬潤，我冇食，不過鐘意食豬潤的朋友就覺得呢個點心好好味。仲有就係叫左個鴨腿湯飯，我覺得好好味，ｄ湯好鮮甜，撈飯真係好正，而且個鴨腿都好入味。除左食物，覺得呢度ｄ老伙記好好，佢見到你坐張冇椅背的椅，如果有椅多出來的時候，佢會主動幫你換，等你坐得舒服ｄ，你冇茶，應好快會幫你添水，態度好殷勤，唔怪之得舖頭做到咁耐，其中一個原因是有待客之道吧!!!

由於阿Ｍａｉｄ今天放假，為了省下午飯後洗碗的工夫，我們一家五口決定到外飲茶這一次我們不再貪方便到附近的茶樓，所以選擇了香港老牌的蓮香樓全家都是第一次來．．．我簡直被這裡的人流嚇死．．．　生意真好．．．　大部分是街坊熟客基本上阿姐推什麼糕點來，我們就要什麼．．．　其實也不外乎是腸粉﹑鳳爪﹑鮮竹卷﹑馬拉糕﹑臘腸卷﹑牛柏葉這幾種　（不過沒有蝦餃燒賣，因為車太晚來）．．．味道都很不錯，最喜歡臘腸卷姐姐另外點了一碗什麼鴨肉泡飯．．．我沒有太大興趣，只吃了一口鴨肉．．．但她卻吃得津津樂道．．．今天可謂是見識到香港傳統的飲茶文化．．．

蝦碌大大隻,蝦殼脆卜卜,蝦肉鲜甜惹味,食過番尋味。最緊要就係大件抵食。正!

野食味道一般，不過個風味真係好正，自助茶葉、搭桌搭嘴、茶盎、舊式時鐘、詩詞、點心車，好似返左幾十年前，食客和侍應的關係很好，有說有笑，富有人情味

我從未想到連香樓是一家茶樓,因爲從樓下看上去,好像沒有什麽空間似的,不過以上去,還真的是另一回事十一點多了,望過去還一層樓的人在那兒享茶,讀報...還真有五六十年代的味道....蓮葉飯真是好吃,不能錯過...我覺得可惜的是其他點心種類不多,不過好吃的一兩種就夠了....

8 個人一齊去o左蓮香食晚飯，霸王鴨果然名不虛傳，餡料足之餘，最靚係隻鹹蛋。縱然有少少似食糉o既感覺，但配合「淋」滑又綿o既鴨肉，整體感覺好美味。同檯o既椒鹽脆鱔，炸得香脆之餘冇掩蓋\鱔o既味道，另一碟蝦球o既腰果亦好有咬口，過足癮！埋尾o既蓮蓉包同西米布甸，令同檯各人都一次過試均白同黃蓮蓉，傳統風味絕非新派或規模大o既酒樓可比。雖然有少少油膩，但以平均每人約$80- 100 埋單，仲想點？

我們一眾7男女，到了中環的蓮香樓，即使我們定了檯，雖然仍要等了大約半個小時，但還是值得的！我們點了幾樣馳名的美食：霸王鴨、紅燒班翅、醬燒骨等等：紅燒班翅真的很大很大碟，真的是啖啖鮮魚肉，值得一讚！霸王鴨：釀滿了鴨肉、蓮子等等，非常好味！有機會的話一定要再試一次！遼參扒時蔬- 遼參很"林"，很入味霸王鴨出場了！好正呀！茄汁大蝦- 特價$68 四大隻，好爽口，茄汁又唔酸，好味！最大碟的紅燒班翅！！！一定要試呀！更多相片請參考：http://hk.myblog.yahoo.com/samuel-cheung/article?mid=714&fid=21

帶外國老閣們見識傳統香港茶樓可已, 常來食一定不會. 佢地對傳統香港茶樓好感興趣, 如掛鳥籠的位置, 早上飲茶的香港人, 我都係大開眼界.但食物普通得很, 環境嘈得很, 台上擺放食物差和茶水四濺,我香港人都怕, 只見老閣趕忘而走人.雖然阿姐好好人, 但食物和差的環境比唔到高份~

從來無食過連香，最一家6口半來到連香！叫左八寶鴨- 味道好似稯，但係好好味同用心制作！南瓜排骨- 好味道，又有益，排骨味道適中！軟殼蟹- 都不錯！煎蛋- 住家feel！仲有其它送，不過已經唔記得！