蓮香樓 (已易手) 新餐厅

8 個人一齊去o左蓮香食晚飯，霸王鴨果然名不虛傳，餡料足之餘，最靚係隻鹹蛋。縱然有少少似食糉o既感覺，但配合「淋」滑又綿o既鴨肉，整體感覺好美味。同檯o既椒鹽脆鱔，炸得香脆之餘冇掩蓋\鱔o既味道，另一碟蝦球o既腰果亦好有咬口，過足癮！埋尾o既蓮蓉包同西米布甸，令同檯各人都一次過試均白同黃蓮蓉，傳統風味絕非新派或規模大o既酒樓可比。雖然有少少油膩，但以平均每人約$80- 100 埋單，仲想點？