蓮香樓 (已易手) 新餐厅

中秋將到,趁著人在上環,多走幾步到蓮香買月餅應應節。地下外賣處己變為月餅售賣處,多款老式月餅在玻璃櫃中展示出來,為免大人吃得太多,只買一個淨白蓮蓉給她過過癮算了;單買一個月餅好像不太好,另外多買一個蓮蓉雞蛋糕吧。雞蛋糕體積不小,蛋糕頗有蛋香及鬆軟,味道偏甜是舊式餅家傳統,所以也沒所謂了!只是那蓮蓉份量就真的少得可憐,只在餅底有一小茶匙而已,下次買純雞蛋糕更好。服務方面有位靚姨真的不錯,見另一位阿姨店員將月餅及蛋糕放入塑膠袋後,即時拿出一個圖中那設計古色古香的靚紙袋給我,還跟我說:"比個靚靚袋你裝住!"多謝晒!!

１．冬瓜盅- 要一日預訂，味道稍淡但蝦好正～　７個人分都有淨２．八寶霸皇鴨　- 都係讚! 呢個真係睇落肥味~ 食落好味~ 　要我包底清晒... V_V'３．金銀蛋莧菜- 同出面無咩分別~ 不過料幾多~４．鬼馬炒牛肉- 反炸既油炸鬼+ 牛肉~ 幾好味既送菜~ 又係我清晒.......５．瑤柱香菇炒西蘭花- 瑤柱都幾多~ 幾清既一碟送~６．鮮蝦腐皮卷- 呢樣都幾受歡迎好快就清晒~ 不過我就嫌佢食落好似肉同外面脆皮唔夾~７．窩貼小棠菜- 哈....呢樣都好快清晒~ 而且都係我至愛~ 外脆內軟~ 正!7個人埋單547 有綠豆沙送~~~~ 服務都唔差~ 上菜幾快... 沖茶都幾密~仲幫我地計埋每人幾錢添.......... 不過佢係想我地俾多D TIPS.... (叫我地一人八十有13 TIPS)衰收尾當然我地唔會俾啦HAHAHAAAAAAA

夜晚落中環搵食，經濟又好食既選擇其實唔太多，有d又好早收舖。一向對老字號既酒家特別鍾情，覺得可以多年屹立不倒，有眾多捧場客，總有其可取之處。環境衞生不在話下，但食物質素卻不容置疑。昨晚七點九到達，要等位大約十五分鐘，其實一早預咗。安排我倆坐喺一張細檯，上面有一台收銀機，附近有幾張大檯，坐滿晒人，非常熱鬧。叫咗西檸煎軟雞半隻$70 + 伴水芹香$48 + 冬瓜粒湯飯$30先嚟煎軟雞，西檸汁酸酸甜甜，很醒胃，煎軟雞雖然味道一般，但蘸上西檸汁食寧舍夾。伴水芹香用上西芹、藕片、百合、紅蘿蔔、冬菇、馬蹄及雲耳等材料一齊炒，加上甜合桃一齊食，清清哋唔太油膩。冬瓜粒湯飯大大碗，冬瓜煮得腍，加埋大大隻既蝦、冬菇及瘦肉等，好好味。唯一不足既係，上菜速度較慢，冷氣太凍，食完要急急腳走人。

蓮香樓,一間十分有風味,風格十分道地的懷舊茶樓.她之所以能夠稱為茶樓,無容致疑,水滾茶靚;用自家logo的焗盅沖茶,雖然你好難找到一個完美無爛的茶盅,但沖出來的茶味濃旭,是令你會有心機飲的.這兒很多顧客,非常擠擁,如果你不喜歡好舊式地等位,又或你絕對不同人家搭,又根本不喜歡統茶市的嘈吵,我想你還是不要來好了.那麼食物呢?蝦餃燒賣魚翅餃蒸大鱔魚頭牛肉全部過骨;你話勁好食就唔得,至于最出名的豬肚燒賣,豬燒賣,就大件挾抵食,咁當然冇陸羽這麼細緻啦!價錢極抵,不用擔心.蓮香樓,是集體回憶,也是道地歷史的一部份,值得捧埸!

無乜特別, 好陳舊, 杯碟有缺角. 食物真係一般.

整體水準好好，而且便宜，難怪這麼多人！海皇翅：＄６８算是足料而且好味黑椒牛仔骨：味道惹味，牛肉不轫蝦醬通菜鮮魷：味道也好，恰到好處每味菜也有水準，最後奉送的咋咋糖水卻有點過甜

晚餐:1.炸子雞, 也是很有水準; 很多人都忽略了.2.嚕嗜肉: 是用新鮮豬肉,即時用脆漿去炸.再上汁

黎明前的維多利亞城,依然烏燈黑火,唯獨中環的蓮香樓,已經燈火香盛....平日的早上茶客不多,無須搭檯,每個人也有自己的天地.大多也是叔伯之輩,好像我輩的已是全場最年輕.來到當然要用茶盅,才能對得住這老字號.時下年青人,可能聽都未聽過.如果用茶壺的話,那就失色不少了.六點之前全部自己來,茶葉自己落幾多就幾多,隨個人口味而定.愛濃如墨汁的我,焗多幾焗,茶葉也變成梅菜.六點一到,點心紛紛出籠.話說大包是限量之物,每天只做幾十個.想起也有道理,如果每個人也來吃大包的話,隨時吃不下其他點心.因為份量真的重量級.有雞肉,腿絲,蝦仁,甚至原隻鵪春蛋,如果食量不大的話,一個大包隨時KO.對我來講,整多兩籠都不怕滯.棉花雞混合著蝦仁,多份彈牙之口感,當然底下的魚肚,不可能會錯過.粉包外皮厚實,餡料有雞絲,韭黃,蝦米等等.份量十足.在這個對舊物毫不珍惜的地方,蓮香樓竟然活到今天的八十歲.實在是異數.先前有傳說年內會拆樓,蓮香樓亦不會做下去...希望同和興白花油一樣,可以愛多八十年.雖然八十年之後,你同我都已經不在......但總相信八十歲後,仍然能在此分向好戲.如果我有八十歲命的話.

聽佐好耐個名，都想試下會係點，不過有的失望。講真好似都好普通，又唔覺好特別，我地試佢地的小菜，最普通好似土尤蒸肉餅，同個特別訂的霸王鴨都似乎未見得特別，如果想懷舊就可以用氣氛搭夠啦！

上星期一下晝1點幾，接近lunch hour 尾，但係依然多人，我同友人實在太耐冇黎過，樣樣野都好想食。當然唔少得蓮蓉包，仲有叉燒包，豬肚燒買，魚翅餃，可能冀望蓮蓉包好好味，先食完蓮蓉包，再食叉燒包，發覺叉燒比蓮蓉包好味，叉燒包咸甜合適中, 反而，蓮蓉包就唔夠香滑，唔通expect 大高！.....

星期日十點半，等位唔係好耐，因為細個係小茶樓霸位霸得多同兩個人都算易找，三四個會幾有難度... 點心出來好多人擁，食到乜睇彩數，想食既麻蓉包同燒腊卷都無...食左:牛肉豬"擁'腸(一般唔特別)凌魚球燒賣(幾彈牙... 幾好)鮮竹卷(唔多料但層衣有咬口)魚肚紮(料足，唔似平時D茶樓得好少... 好食!)牛肉球(有肉味，唔錯)鴨腿湯麵(同桌既老茶客話好食，但我就覺好一般，麵唔得，鴨都係同平時老火湯既差唔多... 但肉唔老，下午飯食都尚可既)環境係有味道但試一次就OKAY，太多人同唔好EXPECT有SERVICES

同屋企人六個去食晚飯，訂左八寶鴨＆炆班翅八寶鴨：果然無令我失望，夠淋又好香，但最後食剩半隻打包炆班翅：水準之作，ｄ魚皮索晒ｄ汁勁好味，又夠大碟，三百蚊都算值。茄汁蝦：ｄ茄汁好好味，可惜ｄ蝦唔得炸鱔：幾脆．．．唔錯醬燒骨：頗肥膩，但味道都ｏｋ推介試八寶鴨＆炆班翅～～

第二次來了, 上次飲早茶吃不到荷葉飯, 心有不甘, 於是午市再去. 11:30去到, 多人等位, 不過都幾快有位(自己搵位的!). 試了荷葉飯、豬手、鳳爪, 三樣都好味.下次要試义燒飯及鴨腿湯飯, 我見到勁多人叫

有朋自日本來，說想到蓮香樓，於是就訂定檯訂定八寶鴨。因為一行九人，中日菲大聯盟，中文日文廣東話國語齊飛，七嘴八舌的叫咗好多餸:•冬瓜盅- 好足料，湯好清甜，d冬瓜肉吸咗上湯同d料嘅味道，好香。•菜圃煎蛋- 簡單餸，蛋煎得好薄好香口，好好味。•茄汁煎大蝦- 蝦應該係羅氏蝦，係好大隻，但肉質軟‘un’，但個茄汁好好味。下次想要豉油皇煎。•蘿白牛腩煲- 好‘林’，好香口，汁同d肉都煮得剛好•漁香茄子- 本人冇試，但見到d茄子係一條條，夾得起的。•菠蘿咕嚕肉- 唔好。肉有d乾•清炒菜芯•枇杷豆腐- 好滑，個汁唔大濃，個魚腐本身又香蛋味，好香口。•八寶鴨- 等咗成晚，伙計已經想上糖水，但隻鴨都未來。不過來到我哋都冇失望。隻鴨好‘林’，d鴨香去唒d 餡度。餡有蓮子蛋黃冬菇……口感香滑有咬口層次豐富，味道濃郁，絕無欺場。•陽州炒飯食完之後嘅感想係不愧係大師傅，手藝好，最家常嘅菜都燒得極好，唔係嘩眾取寵。下次想試佢嘅紅炆班尾，見到個樣好靚，好想試。

今晚1行6人,來陪我1償心願,叫咗:1)醬燒骨-第1道菜,看落d肉好似幾腍吓,同時亦幾油吓,浸滿醬汁-濃味,肉跟住d半分解的脂肪(入口唔油膩)就好嫩,否則有小小"un"2)冬瓜盅(小)-份量絶不少,每人可分到3碗以上-有夜香花,蝦,鴨肉絲,肉片....-清清的湯水,味道帶鮮甜,其1友人嫌鹹咗d,但幾個友人都唔覺3)魚唇扒芥胆-魚唇有質感,有有鮮味-芥胆ok-全晚比較欣賞因最清,最健康(沒有成斤油同獻汁)4)蝦子柚皮-其1友人好此道菜,加上我想同別家做的比較1吓,所以贊同-做得好入味,柚皮好綿亦無渣,確實比之前那家好-分別食過2次,不過証實唔多喜歡食這味菜5)霸王鴨-主角來了,差唔多枱枱都叫-濃杰的獻汁蓋滿全鴨,鴨肉好腍,內裡stuff滿好多配料,有蓮子,蛋黃,...,好足料,絶對貨真價實,好似食緊糉咁,幾"漏"吓-意見好壞參半,我就覺得可以試吓因幾香,不過1定要多人食6)焗魚腸-用砵仔上-內放有油炸鬼,果皮絲,完整魚腸,焗得幾乾身-較大榮X做得好-本來想糖水,不過知道是喳喳後,友人不感興趣,自動放棄-另碗碟唔多乾淨,換了2件-裝修仲保持住70-80年代,極之懷舊-好多人,提早到,用了大