蓮香樓 (已易手) 新餐厅

因為之前0係斗記食過分開汁0既粟米石斑塊會好食d...所以0係呢到都繼續特別要求要分開汁...咁樣食0既話會脆d...自己鐘意點幾多汁就幾多...呢晚食呢個粟米石斑塊...脆就係脆喇...不過略嫌塊魚太厚...如果薄番少少會好食d...呢晚0既釀鯪魚...完全係失敗之作...之前幾次食都覺得d魚肉整得好彈牙...但係呢一次...咬落去完全係"淋"0既...真係唔好食...懷舊小菜之一0既七味牛仔骨...係另一個失敗之作...牛仔骨用粉醃到好難食...糯米飯就唔錯...不過好明顯唔係生炒0既...如果冇估錯應該係蒸0既...所以食落去都唔覺得油膩...雖然唔係生炒...但係都整得幾好味...係全晚最好食0既一樣0野...環境就係人都知道0架啦...古老茶樓就一定唔乾淨0架喇...服務態度就預0左係唔好0架喇...不過整體0黎講都算係ok啦...

10/12(三) 11amLane Crawford年度清貨的消息不幸被組長打聽到,即使犧牲睡眠亦不足為怪.先上"蓮香"來個早茶.意料之內的鼎沸人氣,唯始料未及是鬧了一場點心荒.點心一出籠,群情洶湧,斯文點得空手而回!搶回來的點心如下:豉汁蒸鱔,棉花雞,鮮蝦粉果,鳳爪排骨飯$35,蝦腸及椰汁年糕棉花雞--軟滑魚肚及冬菇汁液充沛,雞件則肉地厚,雞味不遜!豉汁蒸鱔--白膳肥碩味鮮,而墊底的豆卜盡索其豉汁,不錯不錯!鮮蝦粉果--呈半月的粉果皮並沒彈性;勝在飽滿的粉果吃落爽甜,內裏的甘筍,馬蹄,冬菇,雲耳及鮮蝦粒等,口感尚算細緻.鳳爪排骨飯--一大煲熱騰騰冒煙的煲仔飯合二人之力也沒法峻工;鳳爪排骨皆入味兼惹味,排骨肉嫩,其肉汁透徹地滲進底層的香軟飯粒中,即使沒飯焦也不打緊!蝦腸--腸粉厚度溫和,帶些滑度,蝦粒爽口,還送蝦尾殼呢!椰汁年糕--即時翻蒸的年糕軟綿不過甜,更不黏牙!花消$125的早茶,太豐富了...飽足極...

除了逼地鐵外，現在也難與別人有貼身的距離。在蓮香樓，像進了時光隧道，人與人的關係也好像拉近了。互不相識的人也圍在一起談笑，這是你難以在香港的其他餐廳找到的。話說回來，食物也滿載心思的，起碼也嘗得出沒有人造的味精在裡面。蓮容包真的有內涵得沒話說，一咬下去，滿口都是甜膩膩的蓮容，喜甜的不妨一試。豬肚燒賣真的，豬肚很有豬肉味，也沒有異味，對現在冰鮮為主的市場很難得。粽子這個反沒有什麼特別，不過吃著吃著，驚覺有瑤柱在裡頭叉燒飯叉燒很大，每碗飯有兩塊，沒有肥肉，頗有嚼頭。

十二月五日 (星期五)老公仔由我相識講到現在,足足一年多,最後終於如願以嘗,終於今晚可以一試聽說食晚餐要訂位,我們很有盛意,早於兩星期前就親自來訂位...上星期還草擬好菜單,親自交往蓮香樓樓面!!!今次前來一行七人,由我倆帶隊...有錢秘書兩名,有總理,有"法國人"和滔滔八寶鴨去骨後釀入蓮子,冬菇,糯米,蝦仁,瑤柱,蛋黃等材料全滲出鴨肉香;鴨肉炆至剛好,有些少鴨羶味,吃下來是鬆化嫩滑的,不可不提是那原鴨汁,是炆了很久滲出來的精華醬燒骨是驚喜的一道菜,是巨型版東坡肉,用肥豬腩肉炸了後再用糖醋汁炆味醋甜,肉嫩滑得很,帶少少甜而有肉鮮香味肥膏更是入口即溶,是食日本魚生中的拖羅感覺,瘦肉亦非常鬆化配上糖醋汁,夾得異常出色炆斑翅點菜時己知道這道菜價錢不菲,但仍堅持要點,無他,因它值!是用石斑兩側的鰭,先炸然後再炆,魚肉厚很厚身,但仍然很嫩滑,口感滑溜,而魚皮脆身而且膠質豐厚家鄉煎釀鯪魚是老公仔鄉下順德的名菜之一,是鯪魚起肉加粉打成魚餅餡,釀回再煎,鯪魚味保留得很好,魚皮部份煎至乾脆,不過,可能是晚的鯪魚可能不夠新鮮,但已經不錯...滑蛋蝦仁無得頂!蝦仁是大大隻的,食得出的新鮮,而炒蛋亦錯,蝦與蛋

大哥遠從台灣來跟我說蓮香樓很出名,於是下午2點多前去.舊式茶樓,環境又逼又唔衛生,真係知道咩叫「如坐針氈」.先講D茶,好溶同埋澀口...真係唔多得...而家好多大型酒樓D茶都冇咁樣...D點心又唔係好食過人,又要同人搶,都唔知有乜為.好似蝦餃咁~個皮好厚...差D山竹牛肉又冇咩味...D點心真係好一般,我寧願去番D現代酒樓算數!

幾個月前的星期日曾到這裡一遊 但當時實在太多人 只好失望而回今次星期二來 一樣人滿為患 等了一會 終於坐了下來 原來同桌的都是這兒的熟客一張小桌子擠了六個人 五張單 大家卻熟絡地有說有笑椅子還沒坐暖 便見識到這裡的一大傳統——搶點心多久沒看見這樣的場面呢？吃了幾籠點心 用料老實 款式懷舊但味道 還是不外如是值得推薦的只有及馬拉「高」( 真的很高 不過發現蛋殼-3- )總括來說 來這裡 是吃環境的味道 對食物的味道勿抱太高的期望

只講唐餅 .... 之前同大舊提起過念念不忘蓮香樓既蓮蓉飽, 點知今日佢放工後走去買比我食, 點知晏左乜都無晒無奈只有”求其”係樓下買點其他野 蓮蓉蛋糕: 中式蛋糕係做得比較實, 質感也比較粗, 蛋糕本身不太甜就算加埋一小粒蓮蓉都無改變, 而蓮蓉明顯過小, 無驚喜 。紅綾酥 : 一切開塊皮已經很有問題, 皮厚到無倫, 仲要碎晒出黎, 用黃蓮蓉所以很干身, 真失望。

這天因為大晚才決定在蓮香訂檯，所以霸王鴨跟古法冬瓜盅都巳沒有了，幸好仍能預留了這裹的招牌菜炆斑翅，炆斑翅的份量很大，今天有七個人否則都都很難把它幹掉，味道真的不俗，大家的效率真的很高，就在影相瞬間那條斑翅已遭肢解了； 另外較滿意的菜是蝦膠釀海蔘和白切鷄，雞有鮮雞肉味不是用冰鮮雞，還叫了一煲海鮮什菜煲及肉絲炒麵，就算是普通的一碟炒麵也煮得很有水準，難怪蓮香巳成老粵菜中之經典。我今天用相機拍下那些有幾十年歷史的老式卓椅作紀錄，假以時日多年之後這種經典而實用的老傢俱可能己再不復見了。

茶, 用杯, 定係應該叫碗, 即刻濃晒, 因為周街酒樓用茶壺多數沖幾次便勁淡.正, 飲成壺都係淡ge, 不如黎呢度飲兩杯濃ge原裝ge.冇晒豬潤燒賣, 食普通燒賣, 都可以.咩蛋黃千層糕.平時不太喜蛋黃的我也覺ok喎, 可能熱熱地, d味甜甜地幾好味.雞紮都同出面唔同, d味感覺又係濃d唔知點解, 好似真材實料d.係唔太乾淨囉, 冇計, 冇枱布. 成枱都係垃圾.同桌其他搭枱人士還會亙相聊天, 現今社會難以一見的人情味. 正!舊式茶樓所剩冇幾. 多多珍惜.

4-11-08 (二)上次只試了部份點心，今天專程再訪。茶：水滾茶靚。但經常用熱燙的大茶壺加茶，也有些危機。雞扎：內裏有滑雞一件，其他材料也很好吃。大飽：有很多內容，很容易吃飽了。馬拉糕：一點也不油膩，清淡味美。馬蹄糕：馬蹄糕與馬拉糕一字之差，已是天淵之別。非常非常多的油，很小很小的馬蹄味。大量的油，浸透了吃不完帶走用的兩個紙袋。

蓮香樓是著名老牌茶樓之一，因歷史悠久關係，店內的格局及侍應都比較有古舊氣息！當然，在廚房把關的師傅技術都相當老練及有保證，加上價錢相宜，實屬是我喜愛的餐廳之一。 滑蛋蝦球：滑蛋略為overcook咗少少，蝦球很新鮮及爽口雞蛋焗鵝腸：因本人不吃鵝腸，所以no comment。不過家人朋友次次都點這菜，我想味道應該不錯瑤柱豆苗：或許豆苗未當造，所以不夠細嫩炸鱔片：味道ok大斑兩味：炒西籣花斑球，魚肉新鮮結實，口感豐富，good！/ 蒸斑頭腩，只屬「撘單」之選，可能本人喜歡「啖啖肉」吧！貴妃雞：味道ok，肉質尚算嫩滑八寶鴨：招牌菜之一，鴨身內饟滿各式材料，味道香濃，加上鴨骨已除，材料用來撈飯吃也不錯喳喳糖水(免費)：味道略為甜了一甜，屬一般質素如要前來光顧，最好提早預訂枱子，否則要站於樓梯輪侯了！

好耐冇去飲茶, 本想好好緬懷一番去到都好開心立即有位, 雖然好窄好迫.但這就是他們的特色1點多D點心車一架都不見, 當見到已見D人一群湧上2分鐘已全冇. 只好飲茶頂住..... 雖則個阿叔好勤力好快手添水但次次都滿過水, 好景不到5分鐘全桌都是水.叫部長取毛巾圍一圍, 竟然話尼到冇毛巾呀......結果全木台都是紙巾, 朋友一見點心車便去都好有2碟 “點心超一般”<如此景況,好辛苦啦>決定order鴨腿湯飯後快快走人, 又想不到好好味但食的過程, 隔離有班打呔恤衫50多歲的4人叔幫高談闊論由 xyz 到不斷地 x女呀 x媽呀又大聲哈哈真的不能忍, 走走走以上全屬事實, 食物雖好(某一些). 但有如此伙記、如此環境食客大家如能接受, 便去吧!!!!!!最後 : 蓮香非第一次去, 十多年情今天實在太傷心

水夠滾, 加水加得快, 八蚊一位茶錢物有所值點心夠新鮮, 蒸起唔駛幾分鐘就派晒Ｄ呀姐好似明星咁受歡迎腸粉算滑蒸鱔就泥味重左Ｄ其他點心就以腐皮卷同千層糕比較好食蓮蓉包...要夾時間, 否則等兩個鐘先有幾籠出馬拉糕...今次食唔到整體點心除左包類都之外, 再熱Ｄ會食好Ｄ期望下次會有知客安排坐位就好啦

上次重陽節去飲茶,俾個師奶客鬧走左,過左幾個禮拜心情平復番先敢再去今次叫左5碟點心:叉燒腸:一般,叉燒好瘦好鞋,彩福都好味過佢鵪春蛋燒賣K,食黎懷舊下姐...千層糕:又係千層糕同馬拉糕之間猶疑,最後都係揀千層糕,因為少見,同埋佢D奶黃好多,又滑,好好味!蓮蓉包:唔駛我講,招牌啦,蓮蓉好香滑,配成大半個蛋黃,味道一流!椰絲年糕:呢個少有要,不過真係好好味,年糕係蒸0既,唔會油,好煙韌好有口感,有"綿綿一盡"0既感覺,酒上椰絲,好好味!總括黎講,我覺得蓮香0既甜點好過鹹點囉...不過淨食甜會漏咁解姐...同埋建議平日10點幾去,當時員工食飯少點心出,但係人少,佢又唔會趕客,可以慢慢坐等11點幾出蓮蓉包同埋D阿姐對外國人特別好,會逐籠介紹係咩...對亞洲口面的人就...唔公平呀!

沖茶時真係聞到陣陣茶香, 酒樓真係好少有!講真, d 點心質素真係麻麻, 蝦餃四粒d 皮痴埋一舊, 腸粉d 皮好厚, 燒賣正路, 煲仔飯就幾好味, 隻蛋煎得靚, d 飯亦夠飯香. 山竹牛肉同馬拉糕都唔錯!