萬鎔少館 (已結業)

萬鎔少館 @wanrongshaoguan📍銅鑼灣霎東街33號智選假日酒店2樓.銅鑼灣最近新開左一間新派粵菜——萬鎔少館，走高質私房菜路線，粵菜菜式糅合藝術；地理位置亦非常方便，對面就係時代廣場；店內環境寬敞舒適，裝修雅緻～.🦜 雀籠點心薈（2位用）: 好有食high tea嘅感覺！有翡翠蝦餃、鮑魚燒賣皇、懷舊芝麻卷、東瀛鰻魚酥、和牛天鵝酥、水晶菜苗餃，款款點心都好精美～最特別係東瀛鰻魚酥，第一次見用鰻魚做點心；和牛天鵝酥好鬆化；仲有懷舊「菲林」卷，芝麻味香濃～💚 菊花上素石榴球: 賣相非常精緻，素餃餡料十足，內有木耳、紅蘿蔔、香茹、粟米，非常有口感，配上南瓜蓉湯底，味道鮮甜～🥟 胡椒雞湯灌湯餃: 灌湯餃大大粒，皮薄餡料足，有鮮蝦、胡椒雞湯味道濃郁，更加入蟲草花、杞子、鮮雞肉熬製，雞肉嫩滑，仲有小蠟燭保暖，每一啖都熱辣辣，冬天食一流～🟩 翡翠斑蘭糕: 帶淡淡斑蘭香，唔會太甜，夠煙韌，外層煎得香脆～🍜 鮑汁豬手撈粗: 豬手炆得軟腍，豬皮爽滑，鮑汁撈埋粗麵一齊食無得頂～🥬 紅柿蒜子娃娃菜: 娃娃菜清甜，加入番茄味道更昇華～

最鍾意食特色中菜仲要係銅鑼灣， 食完可以拍拖行街🐣雀籠點心薈 ＄288翡翠蝦餃鮑魚燒賣皇懷舊芝麻卷東瀛鰻魚酥和牛天鵝酥水晶菜苗餃咁特別嘅 中式TEA SET 等外國朋友嚟香港一定要帶佢TRY TRY點心造型有花心思的 雀鳥籠亦非常IG-ABLE當中仲有好耐無見過嘅菲林 黑芝麻味夠又唔會太甜 曝露年齡都要話好懷念呢款童年回憶㗎喇另一推薦係 胡椒雞湯灌湯餃 ＄68湯底亦有 蟲草花、杞子、雞肉 等補身食材雞湯濃稠胡椒驅寒食完好暖身， 啱晒寒底嘅我佢有埋蠟燭烘熱， 飲到最後一啖都係暖笠笠的同平時食開嘅灌湯餃差不多價錢 但呢度食材比較足料菊花上素石榴球用蛋皮包住竹笙、木耳、胡蘿蔔、粟米、冬菇等淋上南瓜芡汁， 又靚又好味道亦係潮州意寓喜慶嘅傳統手工菜萬蓉班蘭糕煙韌得嚟有好香嘅班蘭味食甜品係另一個胃， 半諜我食晒😌餐廳新開張 地方乾淨企理銅鑼灣近TIMES SQUARE 非常方便過年應該會再去多次我見佢哋午市套餐都好抵食附近返工嘅朋友要試吓啦！

因為朋友話好鍾意食中菜，就同佢黎左酒店入面呢間新開嘅中菜廳，環境又夠寬敞，二人套餐有七款食物，咁岩今晚呢個menu有雀籠點心，岩晒我哋打卡🤣·1️⃣雀籠點心薈非常igable嘅鳥籠😆總共有六款點心，有鹹有甜，最鍾意鰻魚酥同埋鮑魚燒賣😎鰻魚好厚肉，將中式點心mix日式鰻魚，味道意外地夾😍·2️⃣胡椒雞湯灌湯餃香濃胡椒雞湯湯底，底層仲有蠟燭保持住雞湯同灌湯餃嘅熱度，即使放到最後先食都仍然夠熱😂灌湯餃非常大隻，餡料都非常多～·3️⃣菊花上素石榴球造型很精緻，石榴球入面都好香菇菌味，大廚仲將南瓜打成蓉做湯底，飲落幾清甜，為左令石榴球唔痴底，仲加左一塊蘿蔔墊底，好聰明嘅做法🤣🤣·4️⃣紅杮蒜子娃娃菜出街食飯點都要叫返碟菜，娃娃菜很爽口和清甜😚5️⃣豬手撈粗充滿骨膠原嘅豬手😍炆得好入味，非常軟腍·7️⃣萬鎔班蘭糕一上枱已經聞到好香班蘭味，每件都煎得金黃，口感非常煙韌，我一個人都食左四件😂😂

平時比較少同🧸去食中菜 都係偏向食西式日式既野多🤔聖誕節兩個都要閉關 出關之後都想搞啲新意思 有啲新鮮感🫢估唔到🧸又覺得ok 唔通真係好返食乜都係好既😆今次揀呢間中菜館係位置假日酒店入面 仲要揀咗間新開既🎊抱住一個冒險既精神 因為新到上網都未見到有餐牌🧐不過有時我地真係鍾意呢種感覺 會份外有種期待🤪食店望落同一般既中菜館都差不多 環境闊落 乾淨企理👍🏼始終都仲係好新既階段 未算太多人知道 所以人流唔會太多➷🪐 雀籠點心薈▸ 翡翠蝦餃▸ 鮑魚燒賣皇▸ 懷舊芝麻卷▸ 東瀛鰻魚酥▸ 和牛天鵝酥▸ 水晶菜苗餃連中菜館都要跟上時代既進步 用咗下午茶常見既鳥籠設計🤩去呈現呢一個點心拼盤組合 可以話係有得睇又有得食😋拼盤有多款我地熟悉既點心 經食店重新升級去演繹返出黎😍好欣賞佢當中有芝麻卷既出現😲近呢幾年都比較少見到濃香既芝麻味道散發係口中😶‍🌫️帶有煙韌感同微微既甜香蝦餃燒賣亦都可以話係必須 粒粒飽滿非常滋味🤤§🪐 胡椒雞湯灌湯餃以前細個成日唔敢叫 因為係最貴既點心🫣而家見到個濃湯灌湯餃 點都要俾自己食一次😂胡椒湯好暖胃🥰雞湯煲得好出味 連舊雞肉都入晒味🐓灌湯餃令我搵返細個時候既感覺 手掌咁大隻 餡

聖誕假有晚食左中菜，就係銅鑼灣智選假日酒店2樓新開的中菜「萬鎔少館」，食新派粵式中菜。整體質素都好好，食下啲新式既野，唔洗下下都去普通酒樓咁悶👍🏻🔸雀籠點心薈🦜呢個點心拼盤放左上雀籠，擺盤滿分，好似食afternoon tea咁成件事好高級。一共有6款點心，分別係翡翠蝦餃、鮑魚燒賣皇、懷舊芝麻卷、東瀛鰻魚酥、和牛天鵝酥、水晶菜苗餃。比較特別係東瀛鰻魚酥，將鰻魚整成點心都係第一次見，好有創意！和牛天鵝酥都幾好食，外層既酥好有層次又鬆化，餡料都好豐富。🔸胡椒雞湯灌湯餃🐥呢個必點，全晚最愛。原盅上仲有蠟燭熱住保持到熱辣辣🔥雞湯好濃郁面頭有啲雞油，胡椒味都幾重，所以飲落都辣辣地，冬天飲到個人非常暖粒粒。🥰灌湯餃餡料都好飽滿，有蝦肉、豬肉和冬菇。🔸菊花上素石榴球石榴球脹卜卜，整得好精緻👍🏻餡料其實係類似羅漢齌，有粟米、甘荀、冬菇、 木耳粒。底下係南瓜蓉，甜甜地，都俾我飲晒😋🔸蘿蔔春菜煲🥬點都要叫返個菜健康D，芥蘭好淋，加左蘿蔔好清甜！🔸鮑汁豬手撈粗🐷豬手好入味，而且肉質好淋，充滿膠質，啲汁撈埋粗麵一齊食，味道好夠好正😍🔸萬鎔班蘭糕💚呢個好食呀，第一次食煎既班蘭糕，熱熱地好煙煙，班蘭味都好香，好好

襯聖誕🎄假期，去左新店開業既🌟萬鎔少館， 這個二人套餐做得很出色， 味道適中， 好有驚喜呀🥰這個餐館提供小青柑陳皮普洱茶， 我真的超喜歡。小青柑普洱茶可解膩、潤喉舒心、幫助消化、化痰止咳、疏肝潤肺等功效。✨胡椒雞湯灌湯餃 這個灌湯餃份量十足， 湯味濃郁， 胡椒味剛剛好。✨四喜盒子萬鎔蝦棗：好有蝦味啖啖肉💕萬鎔蟹棗： 真係很貼心不用拆肉 就可以吃到蟹肉🤩帶子： 非常鮮嫩大大粒😊梅羔骨： 外脆內嫩肉質多，醬汁是酸酸甜甜很開胃👍✨菊花金湯石榴球 這個是素食， 做得很精緻， 味道適中✨方魚炒芥蘭 很惹味的一道菜， 方塊魚好入味✨糖醋黃金煎麵 我很喜歡吃糖醋麵的， 所以這個我好喜歡✨翡翠斑蘭糕 外脆內軟， 份量十足

平日去咗銅鑼灣假日智選酒店2樓嘅萬鎔少館食晚餐。餐廳新開無耐，裝修帶有中國風且華麗，坐位寬敞舒服，另外仲有幾間獨立vip房，方便約埋一班朋友。.餐廳提供咗各色各樣嘅特色粵菜，而今次我哋品嘗咗餐廳用心烹調嘅幾道美味菜式：.◽️萬鎔四喜拼盤梅羔骨、蝦棗、蟹棗同油泡帶子四種食物放咗係一個精美嘅餐碟拼盤上，幾精緻；梅羔骨食落味道酸甜，肉質肥中帶瘦。帶子肉質肥厚，幾鮮甜。而蟹棗同蝦棗都炸得幾脆口，入面啖啖肉，真材實料.◽️胡椒雞湯灌湯餃胡椒湯味道偏濃，飲落十分暖身！湯中材料豐富，有雞肉、紅棗等，當然仲有主角-鮮蝦灌湯餃，皮簿餡靚，入面有鮮蝦同蟹柳絲。餐廳仲好細心用白蠟坐熱住個燉湯，唔會好快涼❤️.◽️菊花上素石榴球石榴球入面係素食嘅材料，有香菇、腐皮、 粟米同木耳等，味道唔錯.◽️方魚芥蘭芥蘭新鮮，餐廳仲用上咗方魚乾同芥蘭一齊爆香，食落香口得黎幾爽口😆.◽️黃金糖醋煎麵第一次嘗試到正宗中式煎麵，面層煎得黃金香脆，食落麵質就綿滑。食之前記住要要落啲砂糖同醋，除咗可以消除油膩感，更可令味道會更有層次.◽️萬蓉班蘭糕味道幾香班蘭味，食落質感好似年糕，面層煎得幾香脆而幾煙韌，我覺得好似新年食嘅年糕，男朋友覺得好食.如

聖誕節食下中菜都不錯，呢日同屋企人去了這間位於銅鑼灣智選假日酒店的新開中菜館食私房菜。這間中菜館主打新派中菜，將傳統菜式加入新元素。而餐廳環境都舒適，裝修充滿氣派✨.🫖小青柑普洱茶茶味濃厚，加上🍊柑皮果香，飲落帶點甘甜，幫助消滯解膩。.🌸萬鎔四喜拼盆擺盤好精美，入面有蝦棗、蟹棗、油泡帶子、梅羔骨4️⃣款小食。🦐蝦棗、🦀蟹棗新鮮炸起外皮好香口，食落入面夠彈牙，而且不油膩；油泡帶子大大粒，幾入味；🐖梅羔骨食落酸酸甜甜，肉質鬆化。.🥟胡椒雞湯灌湯餃胡椒雞湯好香濃惹味，飲完即時暖笠笠，店家還好貼心附上♨️熱爐烘住，保持溫度。灌湯餃皮薄餡靚，入面重有些雞肉，肉質都好嫩滑。.🌼菊花上素石榴球賣相好精緻，素石榴球包成一個布袋，入面重有多款素菜，包：🌽粟米、🍄冬菇、🥕紅蘿蔔等，下面還有滿滿南瓜蓉和🥦西蘭花，感覺好清新。.🥬方魚芥蘭食個菜感覺健康點，芥蘭很新鮮，加上方魚一起炒，口感清爽更美味。.✨黃金糖醋煎麵個麵煎得剛剛好，外層金黃色，食落外脆內軟，再點上陳醋、砂糖一齊食，味道更加提升👍🏻.🌿萬鎔斑斕糕這個有驚喜，斑斕味好香，食落口感煙韌，甜度適中，甜而不膩。

我們2人來幫襯，有特色鳥籠特式點心，有鰻魚配搭，有天鵝湖造型，非常適合打咭。重點灌湯餃，份量十足，貼心安排有明火伴上枱，暖暖口感配上十度低温，令這味加上20分。價錢不高，灌湯餃才收$68, 足夠2人份量。下次我想試12位過來，食食他們的鮑參翅肚。

細細聲講，其實屋企籍貫係潮州，所以由細到大成日食潮州菜，今日做冬就同屋企人一齊過嚟食呢間係銅鑼灣新開嘅私房粵菜館🥢潮州四喜拼盤 ($188/2人份)包括蝦棗、蟹棗、油包帶子同埋梅羔骨，蝦棗同蟹棗其實就係加入蝦膠、花枝舆蟹肉，外面微微炸到金黃，食落去外面夠香脆，入面夠爽口彈牙，蘸埋潮州甜醬更加正☺️ 梅羔骨呢個係有少少似糖醋骨，但係師傅將包住排骨外面嘅醬煎做一層薄薄嘅皮，超香口🥰 油包帶子都夠鮮，呢個抵讚🤑冬天自己特別鍾意嗌胡椒雞湯灌湯餃 ($68/1)，一上菜就見到成大個盅裝住，底下有蠟燭🕯️熱住夠晒暖笠笠😚湯底用咗蟲草花、杞子、鮮雞肉等熬製，飲落去胡椒香好凸出😝 灌湯餃做到皮薄餡靚，外皮唔會太厚亦都唔會穿，內餡塞滿魚膠、鮮蝦同蟹柳，成份食落去都幾舒服😌菊花上素石榴球 ($78/1) 呢碟其實係潮州一道手工菜，一上枱就見到好精緻🤩 望落去好似一個餃子造型，外皮係用蛋白皮，包住竹笙、木耳、胡蘿蔔、粟米、冬菇等素菜餡料，加埋底嘅南瓜芡汁食用，成個餃食落去好舒服冇負擔🥳黃金糖醋煎麵 ($168) 係另一道必食嘅潮州菜，呢到師傅煎得好靚，外面夠薄脆，麵身仲保持到軟熟嘅口感，加埋醋同砂糖食唔會太油膩

最開心就係食中菜今次黎左充滿藝術品既萬鎔少館菜式以fusion設計希望帶俾每位食客創新高質粵菜用料新鮮之餘 佢哋好多細節都好有特色其中佢哋既陳皮茶 亦都好少有四喜拼盤以帶子、蝦球、燒骨、蝦卷帶子鮮甜 調味好惹味 灌湯餃大大隻灌湯餃 配上胡椒雞湯有暖爐熱住 呢個時候飲好暖身新開張每位都都會送一碗翡翠斑蘭糕 淡淡斑蘭香 冇諗過食完一件又一件 西蘭花石榴球功夫傳統菜 寓意喜慶、吉祥、和氣糖醋麵香脆得黎保留 蛋麵爽口彈性萬鎔少館 📍銅鑼灣霎東街33號智選假日酒店2樓

銅鑼灣智選假日酒店2樓新開左間高質私房中菜，店內環境寬敞，裝修雅緻舒適，窗邊位置設有屏簾，私隱度高小青柑普洱茶店員先奉上小青柑普洱茶，茶味香濃而不澀口，帶陣陣柑桔清香四式拼盤拼盤包含四款小食前菜：梅膏骨、油泡帶子、蝦棗及蟹棗，每款都有兩件。油泡帶子嫩滑鮮甜；潮州梅膏骨酸酸甜甜，好開胃👍🏻炸蝦棗及蟹棗外脆內軟，邪惡滋味，無論係搭配新鮮魚露或潮州辣椒油，味道都好夾菊花石榴球此乃潮州傳統手工菜✨廚師將蛋白煎成薄皮，包住雲耳、蘿蔔、沙葛、冬菇等等素菜粒餡料，口感豐富，清新健康，再配上以南瓜蓉打成的高湯芡汁，將味道更昇華胡椒濃雞湯灌湯餃湯鍋用蠟燭保溫，非常貼心❤️胡椒雞湯以蟲草花及雞肉等等配料熬製，用料上乘，火候十足，入口頗濃厚且濃郁，帶胡椒香氣，好暖身！灌湯餃內餡係鮮蝦粒、豬肉及蟹柳，吸收晒濃湯精華方魚芥蘭新鮮翠綠的芥蘭切成細條狀，加入鹹香鮮味的方魚粒及冬菇一齊爆炒，口感爽脆，色香味俱全糖醋煎麵麵條煎得金黃香脆，沾上黑醋及砂糖粒，酸甜開胃斑蘭年糕年糕口感軟糯煙靭，甜而不膩，入口帶淡淡斑蘭幽香

位置銅鑼灣新開張既高質私房菜 主打潮式粵菜賣相同味道都好不錯 地點鄰近times square 好方便之餘環境亦好寬敞舒適🙌🏻🌟小青柑普洱茶茶葉吸取左柑皮既果香 飲落帶果香味 醇厚甘甜 🫖🌟萬鎔四喜拼盆有潮洲名菜 炸得好酥脆既蝦棗,蟹棗,非常彈牙爽口仲完全不油膩鮮嫩既油泡帶子,同酸甜適中既梅羔骨肉質肥瘦均 口感亦好鬆化💯🌟胡椒雞湯灌湯餃胡椒雞湯好適合而家飲 仲加左虫草夠哂暖胃灌湯餃皮薄又餡料十足 仲有嫩滑雞件而且有個小蠟燭保溫 好細心👍🏻🌟菊花上素石榴球屬於頂級既潮州手工菜素餃好足料 有芹菜,粟米,冬菇等再配上南瓜蓉 清新好味🌟方魚芥蘭芥蘭爽脆鮮甜 加埋方魚炒更加美味🌟黃金糖醋煎麵把蛋麵兩面都煎到金黃色再蘸陳醋同砂糖一齊食酸酸甜甜 好開胃🌟萬鎔斑斕糕口感煙煙韌韌 帶淡淡既斑斕香氣

📸萬鎔少館今日做節當然要帶屋企人食好啲📍銅鑼灣智選假日酒店2樓中菜廳➡️新開業 主打中式私房菜部分圓枱設竹簾 提升私隱度🫖小青柑普洱茶 平時比較少見既茶 飲落帶少少陳皮味🍴四式拼盤·油泡帶子食落似蒜蓉粉絲蒸帶子 帶子鮮甜彈牙雖然係油泡 但食落唔會成口油·蝦棗｜蟹棗以蟹滑蝦滑製成球狀再炸海鮮味非常濃郁而且彈口·高梅骨食落幾似鎮江骨 細細舊易入口但食落就係鎮江骨咁酸🍴斑蘭年糕年糕微微煎至外脆內軟整體感覺同過年年糕差不多但多咗淡淡既斑蘭香氣🍴菊花石榴球南瓜蓉放上素餃 餃皮十分特色 以煎蛋白製成內餡係甘荀 粟米 冬菇 木耳🍴胡椒雞蓉濃湯餃飲落微微辣 胡椒暖身 冬天飲啱啱好😌平日飲茶既灌湯餃放入燉雞湯擺入爐上面 一直用蠟燭加熱唔怕因為天氣凍攤到凍曬🍴方魚炒芥蘭方魚食落咸香又脆芥蘭切成細細塊 一啖一口🍴黃金沾麵潮洲打冷鋪必食菜式將幼麵煎脆 搭配黑醋/白砂糖食係懷舊既味道🥹🥹💛8.5/10酒店中菜廳既水準果然有保證位置仲非常方便 係正時代廣場後面帶屋企人做節慶生 一啲都唔失禮

潮州菜四大粵菜代表之一享譽中外✨於港島區銅鑼灣黃金地段 — 萬鎔少館 — 新開張高質中菜私房菜，精緻菜式糅合粵菜與藝術，廳內可見古典AI合成畫像，餐廳地理位置方便鄰近地鐵站🤩 潮州四喜拼盤先來一個潮式頭盤，四喜拼盤當中包括：🦐蝦棗、🦀蟹棗、帶子、鎮江骨，四全其美，其中潮州炸雙棗嘅蟹棗，加入蝦膠、花枝與蟹肉搓成寶盒形狀炸至金黃，口感彈牙入口鮮甜，再蘸上潮州甜醬更為可口，完美組合👍🏻胡椒雞湯灌湯餃特選高級食材去熬煮湯底：蟲草花、杞子、🐓鮮雞肉等，胡椒香氣四溢，金黃色雞湯濃稠而味道香濃，入口鮮甜無比！🌟灌湯餃分量十足🥟內餡滿滿是魚膠(花膠)、鮮蝦與蟹柳，充滿源源膠原蛋白，同時滋潤養顏，補益身體菊花上素石榴球潮州頂級手工菜之一☝🏻以蛋白皮包裹餡料蒸製，外型有如石榴而得名⭐️石榴球嘅蛋白皮皮薄而細滑，餡料以全素入饌：竹笙、木耳、胡蘿蔔、粟米、冬菇等，石榴球上綴以髮菜再淋上南瓜芡汁，入口味道清甜，餡料爽口🤤班蘭年糕油綠色嘅斑蘭年糕非常IGable📸入口煙韌，味道香甜而不膩，椰汁甜香更是增加風味😋年糕兩面煎至金黃香脆，外脆內軟口感豐富，直叫人一試難忘潮式糖醋麵傳統潮州菜式糖醋麵🧡煎烘麵條單面至香脆金黃