萬芳冰室 (富盈門商場) (已結業)

剛剛行經附近，想起這間生炸雞脾，食飯時間，但唔見有人排隊，所以選擇在這食午餐。店內不大，只有數十座位，我們叫了一個鮮茄肉片飯及一個生炸雞脾煎蛋飯。附送不含味精老火湯，是日中湯是粉葛湯。湯先上，夠熱，而且非常足料，不錯鮮茄肉片飯，賣相唔錯，普普通通。至於生炸雞脾煎蛋飯配豉油汁，隻雞脾好大隻，雞皮炸得好脆，其實不錯的，只是食過其他的炸雞脾，有比較的話，這又不是最好呢。不過一試無妨。另外，我見有好幾個人都食星洲炒米，賣相好吸引，而且好香，下次如果再黎要試下！

一行四人係兩點黎食飯，叫左個素菜粒炒飯，鳳尾蝦星州炒米，椒鹽雞鎚太陽蛋飯同果占多，埋單$138包羅宋或白湯或老火湯。素菜既選擇唔多，素菜粒炒飯同星州炒米份量雖然唔多但都岩岩好夠飽。星州炒米有幾粒冰鮮蝦，都ok既，不過就油左少少，韮菜反差哂光。。。最推薦係椒鹽雞鎚太陽蛋飯，賣相靚，隻太陽蛋放係工整既白飯上面，唔係平時茶餐廳一埋散收收咁上碟，所以計埋賣相都值呢個價錢既（有個腿蛋飯就唔抵啦成40蚊）。要講下既係呢個果占多，好甜甜到爆，甜到食左半份要狂飲水，仲要個面包係濕既仲要叫左烘底但凍哂先拎上黎失望，希望佢係一次半次先係咁啦，不過價錢就唔係貴既$12.

今日好似秋季旅行。。咁。大清早入大埔。(當然係工作啦！）放飯時間，同事推介去懷舊冰室。我一向都有點抗拒。一般得個名，掛兩幅陳年舊相就算係，服務又差，地方又窄，人多。。。。(乜乜牛奶咁樣諗多陣都有罪一樣)但順德人的我，就一齊去食個lunch啦。有點意外，裝修簡樸整潔，當然有舊物擺設啦，樓底較一般高，冇乜壓迫感。真係有種舊味道。侍應全女班，口袋冇鉛子筆::::。態度良好。正題，食乜先~四人，叫左咖喱牛腩飯多飯，星洲炒米，沙爹鳳尾炒飯，無敵生炸雞脾飯。個紅湯都好羅宋湯冇話溝水等，夠味。]星米條條米有咖喱味。蔥，叉燒都好炒得香，好平衡，啖啖有料，個米粉冇一叠叠。有鍋氣唔油。炒飯，有鍋氣，沙茶可濃d添。咖哩有睇頭。]呢碟炸雞脾，真係幾無歒，成個M記漢堡包咁厚身:同張相一:，隻蛋蛋都好吸引。:有胃量至好叫。(見到鄰枱叫基本常餐，個炒:，超橙黄色:，仲有個紅豆::期待下次“旅行“)]

茶餐廳下午餐通常都有炸脾、沙律、薯條，今次特登黎試出名既大炸脾，滿心期待點解咁出名呢～同朋友都叫左炸脾沙律，等左十幾分鐘，真係好大隻呀熱辣辣好新鮮，味道其實同平時係其他餐廳食既差不多，個皮好脆，肉有點乾另一個朋友叫左蝦多士薯條，好少茶餐廳會食到蝦多士，同樣都係熱辣辣，外脆內軟飲品叫左紅豆冰，真係一大舊冰，幾特別，不過就甜左啲！價錢都唔平，我諗雞脾咁出名都係因為夠大隻，總算試一試，聚一聚，不往此行

今日咁岩行過，想試呢間野好耐，咪入去試下，佢有我太太至愛的叉燒湯意，價錢好合理，最重要就係佢懷舊的裝修，彷如去返細細過先去到的冰室食環境多於食物價錢好合理，$30 可以有個早餐日

佢新開張嗰時，第一次食隻雞髀覺得好juice。之後真係一次比一次差，最近2次都係咁，雞髀炸到乾爭爭，中間冇味側邊就喊到死，出前一丁麵無麻油，唔講都唔知係出前一丁。你買貴咁多俾啲咁嘅嘢人食唔係呀？！仲話最出名炸雞髀，唔好講其他地方，只係大埔都好多地方好食過佢嗰兩個門神，黑口黑面黑衫，唔怪得原本排晒到而家一個人都冇。價錢貴丶質素差丶服務差，真係無下次不過算啦，我諗下次黎都食唔到嫁啦，真係要睇吓佢仲做到幾耐。

近排間中都有去大埔呢間萬方冰室食早餐 食物質素環境服務都算可以 特別喜歡佢放薑牛湯意粉 味道不錯 大家不妨一試 門口街道泊車非常方便 對面就是工程也十分方便 食完野可到隔離商場購物 也有超級市場 十分方便

依間冰室已經開咗幾個月，仲記得開張嘅時候佢有一個好誇張嘅大花牌，好似戲棚果一種！男朋友一直都話好想試，今日行開去附近租單車踩，咁就還佢一個心願。入邊嘅裝飾好懷舊，連地磚都用返紙皮石嗰啲款！上邊仲有以前中/小學嘅吊風扇，不過應該係裝飾來，因為鋪頭係有冷氣嘅haha。睇返佢入邊嘅相，原來60年代萬芳已經喺元朗營業，歷史悠久。最得意應該係呢個牌，唔知係乜嘢年代嘅呢？上網翻查資料，原來係70年代嘅警告牌，同男朋友都未出世，難怪冇乜點見過。都有幾多特別嘅嘢食第一次來食，唔知食乜嘢好就叫左兩個公司，分別係公司出前一丁撈麵，同埋公司三文治。公司出前一丁撈麵入面有咖喱魷魚、魚蛋、紅腸、太陽蛋、鮮牛肉佢唔係一早已經撈勻味粉果種，而係要自己將咖喱汁撈勻。咖喱汁好古早味，係細細個食咖喱魚蛋嗰一種咖喱汁，唔辣但係好有層次，香口惹味。魚蛋係陳皮魚蛋，魚味重。魷魚爽身入味，鮮牛肉就夠滑，太陽蛋燶邊！正叫公司三文治，其實係因為見到隔離嗰個好大份好吸引所以就叫！材料好豐富，我撐到個口勁大都咬唔晒！最特別佢有豬扒，豬扒係好淋身唔靭，但有留脂肪邊位，煎完好香！另外佢嘅炒蛋好出色，蛋味香濃，炒得好滑，依然有蛋汁！有圖有真相

話說依間冰室十分隆重地開張，超級亮眼嘅花牌四處擺放，長時間照亮了附近居民，令佢地夜晚唔洗開燈。由於新s3日香，所以我都係過左熱潮先去試。聽講雞脾好食，我就叫咗雞脾加杯凍檸樂。生炸雞脾係將原隻脾拎去炸，而事前冇經過蒸煮程序整熟隻脾。油淋淋嘅雞脾好油好油，啲油係不停出，果然新鮮。味道冇用咩特別秘方整過 (我覺得)，雪藏味強，肉質普通。薯條夠熱但0咸味，要自己加鹽...

萬芳冰室，好耐之前已經聽過，但今日都係第一次嘗試。我同朋友十二點左右到，唔需要等位。兩個人各自叫左一個餐。我見到餐牌上面嘅推薦，叫左沙丹豬扒飯（$48）。配料有豬扒、菠蘿、煎蛋及厚火腿，而汁醬就係豉油汁。非常足料！原塊豬扒配合菠蘿令胃口大開！值得一試而朋友就叫左手撕清遠雞湯意粉配煎蛋（$45）。雞湯味道足夠，可惜份量有點少。 仲有招牌凍菊花茶！整體食物唔錯，侍應服務態度都好好，店內裝潢又夠特別，充滿懷舊氣息，有時間來放鬆下都唔錯。

呢間冰室開咗幾個月， 今日終於嚟試下。 好鍾意佢嗰個湖水綠招牌， 同埋個懷舊鐵閘， 細心睇， 原來舖頭始於1959， 屯門蔡意橋， 有咁耐歷史主打懷舊， 牆上一大幅畫又好有夢斷城西風 。另一邊牆放上一代樂壇代表嘅黑膠碟，有 The Beatles, ABBA, 鄧麗君，譚詠麟。 喺呢度食嘢好有feel😊早餐嘅選擇唔多， 今日叫咗早餐A, 新鮮牛肉湯意粉， 炒滑蛋多士，熱檸水 。牛肉湯意嘅賣相麻麻，啲牛肉亂放喺個湯意上面， 不過啲牛肉唔錯， 唔係好似畀啲粉醃到鬆曬嗰隻 ，個炒滑蛋真係好食， 好有蛋味同埋好香又係一個食早餐嘅新蒲點

又工作中去到大埔，又係萬芳冰室，無唸到今日要一日食三餐萬芳🙈懷舊風味食到盡！😅店員落單食物陸續到早餐：手撕清遠雞湯米（$45）湯底好清甜，真係淆出來嘅湯，好清甜，雞絲唔嚡，米粉幼身爽口，索晒湯好味！菜榚蛋：嘩嘩嘩！細個嘅感覺返晒來，膠蛋殻打開一隻蛋花榚！熱菊花：同事食：天天新鮮牛肉米粉/通粉/公仔麵（$33）凍咖啡：奶茶：熱檸茶：午餐：薯條豬扒（$26）豬扒大塊幾油，肉質鬆唔嚡，有啲肉汁，醃得唔過火，波浪薯條香脆，夠薯味，點茄汁好味！好味薑檸樂（$20）今日有啲作應感冒，即刻叫杯熱檸樂食療，夠熱，勁多切得幼細薑絲，所以出晒味，飲落都幾辣，有可樂甜味平衡少許！飲完暖晒！同事食：咖哩牛筋腩飯（$50）洋蔥豬扒飯（$45）同事食凍菊花（$13）下午茶：西多：金黃色好靚仔，啲蛋漿包裹得好均勻，麵包好鬆軟，入面嘅花生醬好香！加邪惡嘅牛油同糖漿，美味！瑞士汁雞翼：同事食，醬汁好濃！雞翼有油光！忌廉：支裝汽水！其實3餐都食唔同嘢，味道都唔錯！不過下次都係分開日子食好啲😆店員都係豪邁型，唔廢話好爽手！價錢唔便宜，不過水準唔錯！

工作中去到大埔，見到新開嘅萬芳冰室，接近3點去到，店面一貫粉藍色，好喜歡門邊一扇懷舊鐵閘，入內懷舊冰室格局，粉藍色牆身，加啲懷舊唱片同油畫裝飾！我哋坐到冰室一間小房，雖然狹窄啲，有啲風味！店員落單食物陸續到沙律蝦多士（$36）好靚仔，炸到金黃色乾身，蝦膠彈牙，加上多士好鬆脆，點少少沙律醬已經好好味！蔬菜沙律爽脆，沙律夠凍，好開胃！好味！凍菊花（$13）玻璃樽裝，夠凍好冰涼，好濃濃嘅菊花味，唔太甜，仲有微甘味！好飲！大菜榚（$13）玻璃碗好經典，榚身夾雜絲絲蛋絲，好爽口，味道微甜！懷舊味道！以下同事食：輝哥沙茶小鳳蝦炒飯（$45）賣相幾靚！沙律炸髀（$34）要等耐少少，雞髀真係好大隻！黑椒豬扒飯（$45）沙丹豬扒飯（$45）凍啡（$15）凍檸茶（$15）店員都係豪邁型，唔廢話好爽手！價錢唔便宜，不過水準唔錯！

餐廳外廣告賣呢個龍崗雞係什麼新鮮雞，結果炸到硬一硬，無曬水份，無雞味。咖哩毫無香味，得個咸。唯獨主打的豬扒水準保持水平自製菊花茶都唔錯，好足料，味道濃。但價錢較貴

一行三人。兩大一小。先在餐廳外排籌號，唔亂有秩序👍🏻。等了半個鐘。終可以入場喇🤤🤤 入坐好點迫，不過食野，除左坐得舒服與否，重要既係既野好無食。因為唔係好肚餓，只點三份餐，每人一份😝😝 整體賣相平凡，不過所有野都熱騰騰入口，唔會放涼放凍才上枱👍🏻沙茶炒飯，仲有人一路食一路讚💪🏻 埋單唔貴，招呼唔錯！