萬芳冰室 (富盈門商場) (已結業)

身為元朗人嘅我 一早已經食過萬芳冰室嘅元朗店 今日就去到大埔嘅萬芳冰室 睇下有咩分別 晚餐時間黎到 冇元朗店咁旺場 相對坐得舒服裝修貫徹懷舊風格 同樣用上湖水綠色去營造氣氛 晚餐多咗冬天必食嘅煲仔飯 梗係要試下我選擇咗臘腸滑雞飯 我喺廚房附近見到煲仔飯並唔係用明火製作 但係都有飯焦 而且火候控制得啱啱好 餐牌講到明用咗榮華臘腸 係本地製作 夠曬風味 臘腸嘅肥油同香氣同埋飯完美混合 加上煲仔飯豉油超級好食 滑雞件大大嚿啖啖肉 肉質嫩滑 不過冇乜雞味應該係用上雪雞肉飲品叫咗我至愛嘅茶走 同樣茶味香濃 非常幼滑 超愛萬芳冰室嘅茶走

本來來到呢間懷舊冰室，見到裝修都感覺算幾懷舊，就坐低叫野食。我和同事各自點了個午餐，叫了杯普通飲品，點知收到帳單睇到先知，原來所謂午餐，是要加$12先有包飲品，如果是要加咁多錢，餐牌就唔好寫“送”啦，根本就是“賣”，就更加唔好寫是餐，根本就是單點，最離譜的是，餐牌底部是寫明套餐是送價值$16熱飲，凍飲加$2，咁樣的餐牌和實際收費，根本就是誤導食客，就算食物有幾好，裝修有幾好，我都唔會再來，絕對無下次！！！😡😡😡

吃飯除了找同口味的朋友夾之外，我對環境也有要求。 今日特意找一間帶有懷舊風味的《萬芳冰室》。地點位於大埔墟火車話再步行十多分鐘而已！ 環境有掛了一幅60年代的萬芳冰室，也有懷舊唱片，盡顯其歷史！ 價錢其實都好抵，早餐廿多元起，午/晚餐五十多元己經有套餐仲有懷舊甜品！ 臘腸鮮雞煲飯 HKD 48 好耐冇食煲仔飯，用了砂煲煮所以又香又有飯蕉。 雞嫩脂肪少。仲用左上榮華臘腸，好香又好咬口。米飯軟硬度剛好，不會糊搬煲仔飯仲可以招積到用 「豪華花膠北菇」、「黑毛豬腩肉」等上剩材料！ 下次可以再嚟返啅😌

今日去左大埔搵friendss同佢地去咗食下午茶佢哋揀咗間勁有feel嘅香港懷舊風嘅餐廳餐廳裝修真係有懷舊風味同埋我好鍾意佢隻藍色好特別下午茶時間叫咗第12&13號餐黎laaa... 紅豆冰同凍咖啡杯凍咖啡甜到剛好而且香濃得來又唔會苦澀紅豆冰係有座碎冰山唔似出邊啲餐廳俾一嚿嚿冰你紅豆又夠大大粒炸招牌大雞髀啲雞皮好脆同埋真係好大隻之後就係咖喱三寶撈麵咖喱三寶原來就係蘿蔔豬皮同埋魚蛋個咖喱汁有少少辣但係辣得來有好野味

大埔街坊又一介紹我去一家街坊們支持的茶餐廳「萬芳冰室」，朋友話個個街坊都會識，而且仲成日會幫襯。今日大埔街坊帶我去萬芳冰室食下午茶，我叫了6號餐，是萬芳超厚餐旦治配杯熱鴛鴦。嘩~佢完全係足十両份量，非常重手，大大份， 餡料竟然多過塊麵包，而且午餐肉炒蛋唔係分開整既，煎埋一齊，味道炒到好香，食落係啖啖肉及有少少蛋汁，幾好食喎。至於杯熱鴛鴦就不過不失，夠熱飲到咖啡同奶茶味。街坊就叫了8號餐五香肉丁午餐肉炒通粉，配搭怪怪咁食落係好味既， 通粉大大粒，煙韌彈牙，午餐肉又係先煎過先再炒，所以寧舍香午餐肉蓋過五香肉丁味少少，加上配菜有青紅椒，十分惹味。佢飲咗係凍奶茶，茶味都夠濃，味道都合格。餐廳裝修設計都有特色， 坐位都算很舒適，空間感都好足，食物價錢都不算太貴。

本身諗住同媽媽出去飲個茶,但去到又想改下口味, 所以就轉去酒樓樓下既呢間冰室喇!呢道拉閘好有特色! Menu有好多野揀常餐 (牛通配餐肉煎蛋多士)簡單日常既食材就最有親切感~常餐都算幾大份~餐肉好厚切, 多士仲好香脆~牛通d牛肉感覺夠新鮮, 亦夠味~沙丹豬扒飯碟飯好豐富! 塊豬扒好大塊! D肉唔會好un好鞋, 亦煎得好香口.最特別係有塊菠蘿, 個人覺得幾得意~紅豆冰黎到D冰室總想飲下紅豆冰, 呢度既紅豆冰好夠奶味, 而且有好多紅豆, 飲完勁飽XD凍菜蜜

星期六同個女去公園玩，玩完梗係要搵嘢食啦。我我哋去咗公園附近嘅一間餐室食晏，但暢述叫萬方冰室，裝修幾骨子，成間冰室咁！坐低之後，見到個menu 係好夠冰室嘅特色,有啲好特別嘅甜品，6、70年代咁款，好想試。我哋叫咗個豬扒撈丁同埋招牌炸雞髀飯。個炸雞髀超級大隻，炸得非常之脆，而且賣相一流，見到影流晒口水。然後，個豬扒撈丁，塊豬扒大件夾抵食呀，又淋又好食。我哋叫咗兩杯凍飲，值得一讚嘅係個凍奶茶非常之好飲，好有茶味。係我鍾意嗰隻味道！我呢間冰室食物性價比高，又坐得舒服，樓面又Nice，下次要再嚟！

今日放假，又去大埔街市買D靚料凖備今晚食餐好既，勞動之前，當然要醫醫肚先啦，街巿熟食市場粉麵食到悶，家姐話行遠少少，朋友介紹左一間茶餐室好好食㗎喎，萬芳冰室，內𥚃裝修有些懷舊風，牆壁上畫了一幅如電影海報的壁畫，好正，未坐下已被鄰枱枱上的一碟炸雞肶飯吸引，好大隻炸雞肶呀！，亞媽已話要食炸肶，不過佢唔想食飯，所以叫左炸雞肶丁麵，家姐就叫左輝哥沙茶小鳳蝦炒飯，而我～！今個星期工作咁辛苦，哈哈哈～！當然要補充吓，所以要左個生炸無啇大雞肶煎蛋飯再加杯忌廉溝鮮奶～！絶配～！😋😋😋😋炸雞肶要等十多分鐘，返而炒飯先到，個性炒飯好香，帶點點沙茶香，飯粒粒粒分明，乾爽香囗，小鳯蝦彈牙但冇乜蝦味，總括來說好好食！炸雞肶好大隻，大過我塊面，炸得香硊非常，內𥚃充滿肉汁，配豉油帶點蛋汁白飯，非常正～！忌廉溝鮮奶，帶來不少兒時記憶～！

質素一般呢間其實之前已經食過一次, 覺得麻麻地, 不過早餐諗唔起食乜, 再俾多次機會佢, 感覺依然係麻麻哋! 😐😐😐裝修係花過心思, 不過食物質素先至係最重要!! 沙嗲牛肉麵個麵煮過龍, 好稔, 直頭好似有少少發脹, 已經令人唔想食, 跟餐嘅奄列, 薄到好似張紙咁! 雞扒有雪味! 老實講好似求其一間茶餐廳都好過佢, 其實我係想食嘢, 唔係食裝修, 我覺得呢間餐廳係名過於實! 😶😶 應該無下次了😶😶😶😶😶😶😶😶

今天下大雨不用等位，我叫了個豬扒端士汁撈麵和檸檬薑煲可樂，～豬扒都大塊架，冇梳打粉拿過嗰啲味，麵底雖然唔係一丁，但撈麵個端士汁亦唔太咸，所以都係好襯～檸檬薑煲可樂，推介：好夠薑，好正氣，唔係間間冰室都有男人叫了個特歺（冇影相：都係牛肉通、煎蛋、歺肉）牛肉通份量比正常少，歺肉就仍厚切～男人份量一定唔夠飽；見佢攞我d豬扒和麵食⋯不其然叫了姐姐幫我加個炸肶薯條炸肶係大和薯條係新鮮熱熱辣辣炸起，味道也很好～總括而言：係個牛通可以濶佬少少外，其他都很好，不用排長龍的話其實都係好選擇

🙄🤑😩👎名過其實裝修的確很有心機，像把舊式冰室keep住到宜家……似但食物……麻麻地😕我+老公+朋友，叫了泱走，奶茶，菠蘿油炸🐔比+沙律，西多士……可以一般茶記都好多了！🤦朋友不繼話佢個菠蘿油是凍😰

今次難得無睇食評就入左間餐廳食~結果....梗係叫雞啦>.<最鐘意叫常餐類>.<叫左個手撕雞湯米~嘩.....點解可以咁hea....同我食烚冰鮮雞扒既味一樣!!加粒蛋....加杯熱飲就$46痴線..............................一路食一路有人就叫常餐~鮮牛米~腸蛋~正常好多....但鮮牛米都係無乜味道可言~$44 已經比 雞米好好好好好多了!!總結:千奇唔好叫雞米！！！其他都可以比次機會試~但唔好預我了^.^

禮拜放假好自然瞓晏左😓，成日都趕唔到落街食早餐。放假湊著隻馬騮去食早餐，老爸樓下開左呢間冰室早餐時間去到11:30，剛剛好趕得上。A餐。火腿通配炒蛋多士平凡好味，重點在細節！炒蛋滑溜唔老，多士軟脆剛好！咖啡香滑無酸苦味，感覺咖啡新鮮，豆靚。好like 個環境！大幅英雄救美電影手繪畫在牆壁上，似是80/90年代電影Casablanca 。最like最like ,另一天花放著90年代黑膠唱片！我地呢啲60/70/80後好有feel . 短短一餐好似時光倒流。

萬芳冰室環境：👣👣👣食物：😋😋😋😋態度：😊😊😊性價比：👍👍👍乾炒牛河：46蚊豉椒排骨河：46蚊凍奶茶：10蚊環境以舊式港式冰室裝修為主，收銀到放左迷你花牌仔，好得意，好靚，抬頭見到幾張黑膠唱片，窗有舊式窗花，切合餐廳主題格調。食物方面：乾炒牛河難得可以炒得乾身，唔會每條都反光，而且佢有穫氣，夠味，真係好野黎👍佢旁邊既辣醬鹹多過辣，加左落牛河到反而令牛河得辣醬味，無曬牛河味。豉椒排骨河，排骨醃過再炒，好食既，汁同河粉比例調得幾好，汁唔會過分油膩，撈埋食岩岩好。奶茶，正常茶記奶茶咁，夠味，有茶同奶味，唔淡，幾好。態度方面，依然不過不失，無乜特別。上次食過佢既自家菜，一試難忘，但炸雞鎚同星州炒米就唔太推薦，所以今次入去都有保留，好彩無失望。

之前有些雜誌介紹的時候，萬芳冰室人頭湧湧，但是介紹完了一輪，人流就少了很多。之前已經在元朗萬芳吃過，今天路過大埔店，坐下吃小小東西。上次在元朗，因為午餐時間，因此吃了個豬扒飯。這是接近晚餐時段，友人點個常餐，是牛肉通粉、腸仔炒蛋，及茶走。由於不算太肚餓，我就點了一個萬芳冰室最出名的生炸雞脾，配沙律。常餐普普通通，看來牛肉不太吸引，而且湯底很多薑，辣味較濃。腸仔炒蛋，炒蛋看起來都覺得非常碎，不夠嫩滑，而且碎濕濕，有點兒像麥當勞一般的質素。腸仔輕輕煎，也不會難吃。生炸雞脾，端來的時候非常吸引眼球，大大件炸雞脾，除了底下的骨棒部份，上面的雞脾肉非常大件，解開了中間那去炸，張開就更加大塊。雖然聽起上來，生炸雞脾好像不太健康，但是味道不會太鹹太濃。上面的雞皮，也不覺得很鹹，反而內裏雞肉有點兒鹹香，應該內裏雞腿肉又醃過。茶走，味道不差，獨欠濃厚，火喉不足，只覺有外表。與元朗分店也差不多，店內裝修非常舊式，還有一張舊式電影的壁畫。以大埔的餐廳來說，這間萬芳冰室算是態度比較傲慢的，而且味道又不特別過人🤭，應該不會再去。