萬芳冰室 (富盈門商場) (已結業)

萬芳冰室，好耐之前已經聽過，但今日都係第一次嘗試。我同朋友十二點左右到，唔需要等位。兩個人各自叫左一個餐。我見到餐牌上面嘅推薦，叫左沙丹豬扒飯（$48）。配料有豬扒、菠蘿、煎蛋及厚火腿，而汁醬就係豉油汁。非常足料！原塊豬扒配合菠蘿令胃口大開！值得一試而朋友就叫左手撕清遠雞湯意粉配煎蛋（$45）。雞湯味道足夠，可惜份量有點少。 仲有招牌凍菊花茶！整體食物唔錯，侍應服務態度都好好，店內裝潢又夠特別，充滿懷舊氣息，有時間來放鬆下都唔錯。