萬芳冰室 (富盈門商場) (已結業)

依家既冰室多的是，要突圍而出真係好難，這間萬芳冰室裝修已主打舊香港，已經吸睛，而見到餐牌，食物算是普通，大路簡單野為主，見唔係太多人，是但搵間入！我叫左碟生炸雞脾煎蛋飯，需時15分鐘，炸雞脾確係大件，肉亦好豐滿，系略嫌炸得太勁，邊位太硬，好難咬，整體都食到好飽，算是良心冰室。雞肉肉質鮮嫩多汁，而且本身雞脾之前已醃了味，鹹鹹香香，實在是百吃不厭。不過這次光顧時發覺又加了價，本身去開屯門果間，明明記得生炸雞髀配沙律和薯條是一樣價錢的，但呢次如果配沙律要另外再加多兩蚊，如果配薯條就價錢不變。另外佢既自家製菊花茶係我每次都好想試，但又逃唔過凍檸茶既魔掌，今次試下，味道不太甜，但菊花味很突出，非常好飲！

懷舊冰室好多時都係旅客會想到訪的地方，有否想過也是香港人的平民飯堂。冰室裝修行複古路線，牆身有不同設計的海報。如果無咁多人，都會系一個打卡好地方～手撕雞湯米 配 煎蛋套餐 $48手撕雞肉多而幼，幾香。配上新竹米粉，口感Q彈。蛋仲可以揀炒蛋/ 煎蛋/ 烚蛋。瑞士汁豬扒撈丁 $32豬扒超大塊蓋住公仔麵，夠juicy得黎又唔太肥膩。瑞士汁甜甜地，撈丁麵食夠哂港式。熱唂咕 (跟餐）熱唂咕未必所有茶餐廳都有，見到時覺得幾特別。同一般熱朱古力外貌相近，但唂咕少了一份香甜濃滑，反而濃郁苦澀，仲帶啲回甘。熱麥精 $16雖然無得跟餐要單點，但冬天飲返枝熱麥精，真係好old school既動作啊！岩哂冰室主題夠復古～

大埔寶湖道開一間特色冰室，萬芳冰室，餐廳設計很有特色，令人覺得回到60年代嘅茶餐廳， 裝修古色古香 ，天花的吊扇，牆上的舊唱片和一幅西部牛仔嘅壁畫，令人有回到過去嘅感覺。萬芳星洲炒米（鳳尾蝦）54蚊 材料有米粉，火腿， 叉燒， 蛋絲 ，蔥段 ，紅椒絲。咖哩香氣噗鼻，有爽口彈身的米粉和豐富的材料，這個下油的份量適當，是一個健康的炒粉麵食。櫻花蝦沙茶餐肉炒飯 還加了紅黃青椒粒點綴色彩。 簡單用香酥的櫻花蝦，加點餐肉和紅黃青椒粒，再以沙茶醬調味，15分鐘就可炒一盤香味四溢的櫻花蝦沙茶炒飯，味道的確惹味無窮。

之前係元朗食過一次之後 一直念念不忘的萬芳冰室… 係大埔都開左分店了~ 終於 有機會黎試試大埔店喇! 店面裝修同其他店一樣係走返舊式茶記路線, 格仔地板, 摺枱卡位 但最吸睛既應該係一邊牆上一大片”亂世佳人”海報牆~ (一見到呢片牆, 我呀媽就開始講佢地以前有幾鐘意睇呢套戲 XD) 食物方面都係好懷舊既茶記食物啊~ 我同媽媽就叫左幾樣野一齊share食🥰 小食:: 原隻鳳尾蝦多士 $38(配薯條) 轉配沙律+$3 話說當日落單之後無耐, 員工就過黎通知薯條賣晒.. 問轉沙律得唔得 雖然真係好想食薯條但佢賣晒都無辦法, 唯有OK啦 最後埋單先發現 因為*被迫*轉左沙律 所以都要+$3 @_@???? 呢個做法好似唔太合理~ 講返份蝦多士, 的確係炸得唔錯既, 脆口得黎係乾身架, 完全唔會油淋淋~ 值得一讚!! 蝦味亦都夠突出, 係幾好味既 不過呢款舊式沙律就真係唔係我杯茶… 食左一啖就無再食.. 唔係太鐘意呢種沙律醬既味道 瑞士汁雞翼撈丁 $34 雞中翼連翼尖, 2隻都好大隻 好好肉, 同埋佢真係醃得夠入味同埋夠淋身~ 撈丁同瑞士汁既份量都好適中啊~~ 整體黎講係好食 什扒

今天是情人節，但是我們沒有去高級的西餐廳，反而來到了這裏的萬芳冰室，其實能看到大家已經十分開心了，我們一向認為節日是商人賺錢的契機，我相信：只要找對了人，天天都是情人節～而且我們很喜歡吃茶餐廳啊，所以看到這裡的港式餐廳裝潢就進來了！餐廳佈置得像以前的冰室一樣，讓你置身於舊時代中～瑞士汁豬扒撈丁 $34很久沒吃過撈丁了，突然回味那種味道，所以點了瑞士汁豬扒撈丁一向覺得瑞士汁應該是配雞翼的，今次是首次試瑞士汁豬扒的，也不錯啊！臘腸鮮雞煲仔飯 $58十分適合這種凍凍的天氣，吃完暖心暖胃凍阿華田 $12凍奶茶 $20

-萬芳位於大埔富盈門，店舖走懷舊冰室的設計，無論是 餐廳裝修餐牌 食物飲品等等， 都打正懷舊之風。 餐廳環境「扮」古舊，以至燈光不太光猛，但重點係用餐衛生環境十分好，完全不是舊冰室所達到的。-既然來到懷舊冰室就當然要叫懷舊的食物焗雞扒飯先要讚的是落order後，即叫即做，大概等了10數分鐘，誠意十足。配料慷慨，有洋蔥，蕃茄肉，芝士和西蘭花。醬汁濃稠適中，蕃茄味酸得黎也香濃。炒飯蛋絲也挺多，飯粒也炒得夠乾身。雞扒煎得香口。總括來說，5x蚊的價錢性價比高。-凍菊花茶飲品叫了菊花茶， 以玻璃樽送上， 堅持自家製造， 冰涼暢快消暑解渴， 比喝汽水更健康呢。

餐廳：萬芳冰室 (大埔)地址：大埔寶湖道1號富盈門商場地下2號舖大埔近住林村河有一個富盈門商場，商場地下有一間萬芳冰室，由大埔墟火車站A出口行過去大概15分鐘左右。原來萬芳冰室已經有60年歷史，由屯門開到元朗，再由元朗開至大埔，唔單止充斥住五、六十年代嘅懷舊港式冰室味道，甚至乎連台灣都有加盟分店，一間懷舊冰室開到有六間店，仲衝出香港，可見呢間老字號冰室嘅影響力至今依舊不變🤓所以就算再遠都好都一定要來試一試呢間冰室嘅美食。沙丹豬扒飯$54椒鹽豬扒飯、茄汁豬扒飯就聽得多，究竟「沙丹」呢個詞點解呢？有人認為沙丹係一個地方，有人認為沙丹係近音詞「沙灘」嘅意思，亦都有人講係以前香港人英文唔係咁好，講standard就講咗「沙丹」，反正我自己最buy嘅講法係standard，即係碟飯係一定要有太陽蛋同厚切火腿嘅，但隨着年代嘅變化，萬芳冰室嘅沙丹豬扒飯除咗有太陽蛋同火腿之外，仲加入咗原塊菠蘿🤓再淋上豉油汁，就成為咗簡單得來但係又有傳統地道嘅豬扒飯。菠蘿好甜，唔會起渣，鮮味十足🤤豬扒可以切得好俐落，軟腍得黎又無咩筋，煎嘅火候控制得啱啱好👍🏾萬芳招牌紅豆冰$26(跟餐加$15)話明招牌紅豆冰，梗係有同出

近年愈來愈多冰室，但有質素既唔多，萬芳都係其中一間高質既。裝修有心思，懷舊得嚟又乾淨企理。食物方面都唔差，今日叫左個常餐同西多士。茄牛通，湯底有粒粒鮮茄，酸甜開胃，牛肉爽口唔 韌，好食！炒蛋嫩滑有蛋味，餐肉好厚切，煎得香口。多士普通。西多士炸得岩岩好，花生醬夠多，好快KO。加埋$70埋單，價錢都對得住質素既。

身為大埔友都無理由未食過萬芳特別係佢既太陽蛋炸雞脾，街知巷聞-今日兩點幾三點落樓食個下午茶餐先叉燒滑蛋飯-滑蛋份量好多呀！鋪滿成個飯面😍😍仲要好滑，滑得黎加埋豉油撈飯簡直係perfect叉燒份量都好多，厚厚地食落絕對唔係好乾身唔好食既叉燒係一件有肉地又香口既叉燒-+$18 配大茶糕+菜+熱飲大菜糕剝開前：剝開後個樣好可愛，好似出奇蛋咁樣食落清甜，味道又唔太似平日食既大菜糕係幾特別～-餐廳牆上既畫都好多色彩萬芳平日都好多人食，睇黎不乏捧場客員工都好熱情，茶餐廳比人一種溫馨既感覺

今晚想食港式茶餐廳，咁岩經過「萬芳冰室」，被門口的裝潢所吸引！門口真的很復古啊，看到這白鐵鋁門窗真是懷念，有種時光到退的感覺，小時候都是這種鋁門窗呢~ 裡面的桌椅配置、墨綠的大理時地板，很港式的原汁原味， 配許多老香港情懷裝置及古董，讓食客尋回昔日點滴。 茶餐廳特色之一：菜單都是印在桌面上啦!! 主廚推介： 櫻花蝦沙茶餐肉炒飯一盤炒飯的份量不小，每顆都炒得晶瑩透亮，裹上一層油亮剛好。仲要勁多餐肉粒！椒鹽豬扒飯色、 香、味都俱全！豬扒又夠淋， 醃得夠入味 ，很重椒鹽味！正!雖然今次不是試冰室的招牌菜，但原來晚上小菜也值得推介！

住附近，曾經食過嘅呢間嘅下午茶，記得公司三文治同炸雞脾味道唔錯，今日晚飯唔知食乜嘢好就同女朋友去返呢間冰室食。其實呢間冰室環境幾有特色，懷舊裝修，坐得舒服。今晚簡簡單單自己要個鹹魚雞粒炒飯，女朋友就要左椒鹽豬扒飯。鹹魚雞粒炒飯有驚喜，越簡單嘅嘢食火候要求越高。飯炒得粒粒分明，絕對有金鑲銀嘅感覺！生菜爽口，雞肉嫩滑冇雪味，鹹魚有咬口，鹹香，絕對唔係又梅又淋個一種。呢個炒飯茶記來講真係一百分。女朋友嘅椒鹽豬扒飯，雖然同平時嘅椒鹽豬扒有啲分別，豉油汁比較多，但個汁又確係出色！估計係自家製甜豉油，送飯一流。豬扒唔係鬆肉粉貨色，有咬口，而且夠大件，味道都唔錯。其實佢仲有好多特色飲品，好似支裝菊花茶等，不過我哋就叫返正正常常嘅。總括嚟講呢間冰室食物質素相當唔錯，下次去試埋個早餐先！

今日在大埔做完 part-time 後，麻腦有什麼吃，剛好在盈門商場，所以入了萬芳冰室了。 環境很懷舊，由佈置、桌、椅都有風味。 職員駕輕就熟的落單、上菜、收碟，有禮貌之如更不會趕人走。 椒鹽豬扒飯 HKD 52 很多配料 有小量辣椒，送飯一流 ！ 煎得乾身，咬落晤鞋之如仲好入味添～ 價錢來說都好抵，平時中午時份返工都要7字頭！ 後來發現，這裡的檸樂煲疆更是出名，除了用原樽可樂更用明火爐即煲取代微波爐，享愛回70年代原味道！ 另外，細個喜愛的菊花茶，呢到更是自家製造！

曾經在此吃過瑞士雞翼，甜美入味，印象深刻，今日跟友人到大埔吃午飯，想起這家始創於屯門蔡意橋的冰室，藍綠色主調的佈置滿有懷舊氣氛，入門口便見到牆上電影亂世佳人海報，原來是當年為邵氏片場畫海報的老師傅徒手的作品，也真夠經典。 先來沙丹豬扒飯 $54，豬扒煎得靚，份量大，而且還配上太陽蛋、厚切火腿及菠蘿。豬扒軟熟嫩滑，燶邊太陽蛋加甜豉油配飯一流，厚切火腿跟菠蘿也是絕配，而且近期坊間茶記比較少供應了。 生炸招牌雞髀太陽蛋飯 $50，店子溫馨提示：需時15分鐘。這15分鐘十分值得等，店員送上來已感香脆熱辣辣，香味四溢，隻髀大隻到可以遮住我整塊面，一口咬下雞皮酥脆作響，雞肉嫩滑厚肉有肉汁，而且入口不油膩，簡直啖啖滿足，生炸果然不同，好邪惡喔。 今天落了一整天雨，望見 poster介紹薑煲檸檬可樂 $23，驅寒暖胃又能紓緩感冒不適，而且店子有堅持，用樽裝可樂，明爐即煲，立即點了兩杯，果然加了大量薑絲，喜歡薑的朋友一定要試試。

萬芳冰室😚鍾意懷舊野既我 又點會唔去食下呢一入到去好乾淨，座位亦都好寬闊👍👍價錢亦不貴，食物款式亦都好多員工態度亦都好友善🥳👍我地叫左個洋蔥豬扒飯...鹹魚肉片煲仔飯🍴——————————————————————洋蔥豬扒飯-有兩塊大豬扒，豬扒好好食，平夾好味😋——————————————————————鹹魚肉片煲仔飯-即叫即煲，熱辣辣香噴噴🥰鹹魚一大片，好足料 值得一試🤩🤩👍👍

假期前已經聽同事講過大埔有一間懷舊冰室，內裏有一幅頗有特色以電影海報為題的壁畫，於是今日就約埋同事去看一看！冰室始於一九五九年，裝潢以藍綠色和白色為主色調。店內懷舊大壁畫非常搶眼，上網查知原來是老闆請了兩位專畫邵氏年代電影海報的老師傅繪製，而亂世佳人更是當年賣座經典電影之一。餐牌都幾多選擇，款式多樣化，屬茶餐廳大路菜式，適合各口味人士。看見很多食評都推介這裏的懷舊美食，我地就決定跟隊試試吧！『生炸招牌大雞髀配薯條 』（$40）大大隻有手掌咁大嘅雞髀，新鮮炸起，外皮金黃色，脆卜卜，同事話食落完全唔覺油膩，而且外脆內嫩，雞髀炸前已調味，味道醃得剛好，吃到少許鹹香味，肥美厚肉，嫩滑多汁，一點雪味都沒有，非常好吃！配埋沾上茄汁嘅香脆薯條，簡直就係大滿足！『生煎洋蔥大豬扒飯』（$52）見到碟飯真係要「嘩」一聲，因為飯面嗰兩件大大嘅豬扒，係完全遮蓋晒啲白飯。有骨嘅豬扒，厚薄適中，帶少許肥膏，肉質軟腍，非常惹味，洋蔥絲炒得夠熟，沒有生澀味，又香又鮮甜，再配上沾有豬扒油香嘅白飯，又係一上佳美食，食到唔停口。至於飲品方面，我哋叫咗凍檸檬茶（$20）和萬芳招牌紅豆冰（$26）。『萬芳招牌紅豆冰』講得係招牌