萬芳冰室 (富盈門商場) (已結業)

未開張先鋪張，一大個花牌放在寶鄉橋仲著晒燈。所以點都黎試吓。裝潢是懷舊風，但座位不多，有點窄，午飯時間來大多要等位。但要企出面的路很窄，時常阻塞其他行人。今次食常餐，即係茶餐廳必有選項。新鮮牛肉米，煎雙蛋腸仔加多士($42)，配紅豆冰 (加$15)。價錢其實頗貴，至於食品方面則一般，而且米粉份量偏少，鮮牛肉有點硬，湯底亦一般。食完唔覺好飽，大食的朋友可能要選其他喇。至於紅豆冰則不錯，唔太甜，紅豆都是軟綿綿的。係貴咗啲，跟餐都要加$15。

終於有時間一試這間懷舊茶餐廳，開頭新開張好多人排隊，但一兩個月後，外面排隊等的人明顯少了很多，可能跟這裡的食物的質素和服務態度有關我同老婆分別點了：手撕雞湯米和新鮮牛肉米粉；配炒滑蛋，熱奶茶手撕雞湯米：還好，但你話好好食又未算新鮮牛肉米粉：牛肉味同肉質都普通炒蛋：鞋身，一點都不滑，M記還比它好吃多了！奶茶：唔滑同唔好飲茶餐廳整嘅奶茶唔好飲，好大獲囉！另外，餐廳坐位擺位好有問題，張台菱形擺法，浪費了不少周圍剩餘空間。。坐得唔舒服又會撞到格離台食客。。。要吃茶記大埔有好多選擇，民華、生龍。。等等想睇明星，Sorry喎，這裡比華星茶記裝修更差，相都無張這裡來一次已足夠！以後唔使再嚟，完

環境十分迫，搭枱就實會。粉麵全部冇餐叫，飲品正價散叫。就試下佢個星洲炒米，$45份量算夠飽，賣相也合格蝦數量有五隻，全部連尾上。睇又幾精緻，食都係唔係特別鮮。炒米味道都係一般總括而言，大可不試。

之前在元朗吃完萬芳，不久就聽到要在大埔開店的消息。店和元朗店一樣，牆上都是用海報和壁畫來作主題，十分特別。叫了一個常餐，選了火腿炒蛋，大約等了十分鐘左右就來了。先看看炒蛋火腿，說實話弄得並不太滿意，炒蛋炒得半白半黃。店家炒至半熟，炒蛋尚有少許蛋汁，但和想像中的好炒蛋差得有點遠。而叉燒米粉則是不錯，叉燒的份量很多，不過沒有什麼味道。果然叉燒是不應該放在湯內裡吧哈熱奶茶就茶味比較濃味，不過未夠滑，仍有進步的空間！

大埔分店於2017年1月６日開張，當日並未幫襯。有懷舊食品，裝修就平實。紅豆刨冰：真係刨冰，甜度適中，紅豆有咬口，只係紅豆份量略為少咗啲。原隻蝦多士：蝦和多士都細咗啲。

開張兩星期已經幫襯第二次，今次專程食佢地嘅炸雞髀。事緣有個住大埔嘅同事食過之後讚不絕口，話佢地個雞髀好食過“三多”。嘩，隻雞髀有8吋長，皮脆肉嫩，真係大埔區最正。