萬芳冰室 (建德街) (已搬遷) 新店位置

是日經過元朗便去機場出名的萬芳茶餐廳。當天是下午三時， 還有二十多人在等候， 等了約半小時才能入去。 這裡最出名的士雞髀薯條當然要試試。 等候的期間當然看看別人對這間餐廳的評價， 大部分人也讚賞這裏的 雞髀薯條， 還有紅豆冰，可樂煲薑。雞髀薯條 非常大隻打得香脆看起來很好吃, 薯條好吃，香脆內軟, 雞比香脆蛋雞肉味道很淡，有點失望，因為我等了半小時， 與我的期望有點落差。奶茶奶茶的味道比較好， 奶味香茶味濃。食物質素好像是一般。

懷舊裝修，感覺不錯。一班人岩岩可以坐到圓台好似包房的感覺，舒服！平日lunch time遲少少都要等架！真的好罪惡，各款炸雞都好大份！有好多選擇不過都係炸雞比較吸引。結果好飽好飽好飽。建議同一些會包底的朋友仔一齊黎食就比較好，開心又不浪費！ 炸得透，有少少鹹，怕熱氣可以加茄汁，一定要送飯，肉都比較實，沒有加粉黎炸又沒有周圍係油的感覺，較乾身所以不太膩。 可惜的是一點菜類都無，差少少平衡的感覺，不過這是香港餐的常態，有係bonus，無係預左。

惨住地鐵每月僅有的半假日，當然有咁遠去咁遠，一於再去元朗搵食。今次目標係留意咗好耐的萬芳生炸雞批。沙丹豬排飯（配豉油汁），豬排份量不少，再配上太陽蛋，菠蘿同有點厚度的火腿。豬排味道好，可是因沒套餐，所以價格是有點偏貴。生炸無敵大雞脾（配沙律），主角終於登場喇！！嘩！嘩！嘩！隻雞脾真係大到呢！！雞脾炸得香脆，不過雞肉炸得有啲老，雞肉不入味，有啲失望。家味菊花茶，全餐最正的，絕對自家製，不會太甜，菊花味好出，推！

又係一間走懷舊feel 既茶餐廳! 餐廳就係b仔附近，但因為轉左入去細街，所以比較唔顯眼！但都唔係太難搵，係間車行隔離。餐廳始於1959年，跨越半個世紀，認真耐歷史。上網反查，原來有段故。話說1959年，店主的爸爸於屯門蔡意橋一帶，開左一間以嫲嫲為名的「萬芳士多」，專賣茶記食物，例如公仔麵、奶茶、多士、汽水。後來，因政府收地所以結業。萬芳士多既太子爺為左重拾當年回憶，決定係元朗開冰室。所以裝修都依照70年代冰室作藍圖。門外貼滿不少60、70年代，香港的舊照片牆身掛滿手繪電影海報，以藍綠色為主，睇得出係有心思既設計！入面仲有包廂房十足酒樓裏面d貴賓廳依家除左係屯門開分店外，係台北都開首間海外分店，好似搞得有聲有色!雖然我去既時候係星期六既五點幾，但都唔使排隊，有九成滿，睇黎好多人都特登黎食！環顧四週，佢最多人光顧既超巨型炸髀同紅豆冰！但都係得散叫，套餐得早餐同常餐可揀散叫野食連飲品加埋都要40-50蚊，作為一個下午茶，未免太貴？原本茶餐廳應該係庶民食飯飯堂，如果食裝修我唔會揀去茶餐廳!，有d失望唯有試下佢個豬扒，見佢餐牌上面生煎特大豬扒有，唸住無死啦! 等了15分鐘，終於黎到。特大？正常

每次嚟到萬芳 當然係要會一會特大炸雞𩨨👍🏻雖然坊間而家有好多食炸雞𩨨嘅舖頭但係萬芳算係咁多間之中 水準算唔錯就算三x而家開咗好多分店但隻𩨨有層炸粉包住感覺唔夠港式另外仲叫咗雞絲米同一碗米粉配雞𩨨雖然大家都係米粉 不過配唔同食材都會配唔同米粉雞絲米個碗米粉就偏透明色 好煙韌而雞𩨨米個米粉就係普通貨色另外仲叫咗兩杯熱奶茶埋單共$94 價錢都合理嘅

元朗，具有特色的茶餐廳豈止「華嫂」一間，還有開了過半世紀的「萬芳」！內裏的裝修格局，保留住舊有情懷，一幅《亂世佳人》海報，柯德莉夏萍《珠光寶氣》的造型插畫，加上假閣樓鐵窗花、水磨石地板等，令人不禁回到六、七十年代.....甫坐下，P先生二話不說，先點了老火湯！每天不同口味的老火湯，主打不含味精，自家主理，今日精選是「雪梨雙耳南北杏煲唐排」。深棕色的湯身，用了雪耳、雲耳、紅蘿蔔、南北杏、肉排去煲，湯身夠熱，用料十足，味道濃且甜，好一碗簡單家常老火湯，盛惠13大元正，夫復何求！原隻蝦多士配薯條這即叫即炸的港式地道小吃，絶不欺場，這裏原用了鳳尾蝦，塗上麵包糠再炸。蝦多士外層酥脆，蝦肉爽口彈牙，入口乾身，不油膩，可見火候拿捏的準繩，整體味道不錯！手撕清遠雞湯米呷一口湯頭，很有雞湯味道，這裏原用了清遠雞去餚製，肉質比較嫩滑，將原隻雞肉手撕成絲，比較費時，足見用心。再者，我個人比較喜歡這米粉，粉身夠幼，吸收了雞湯精華，每口很是雞的味道！很少茶餐廳會有菊花茶點選，這裏的自家製菊花茶，很有家的味道，而且甜度適宜，有降火、清熱解毒的作用呢！這冰室賣的豈止是對食物的執著，店內保留了原有的懷舊裝飾，這足見還

傳說中的世紀大雞髀就在萬芳因為一隻世紀嘅大雞髀二令到街知巷聞真係令本人覺得1食 香脆得來炸得5肉質唔太老價錢方面唔係太記得 但見到又大又好食已值回票價 加配凍檸茶加薯條 1個字正不是吹牛已是真係好食 元朗有咁多好西食不1定要食萬芳 排得隊既都5會太錯仲有炒蛋加午餐肉五餐肉厚度啱啱好炒蛋唔太老又夠牛油味真係好想又再去

大大份生炸雞脾配薯仔沙律😋❤️ 勁耐無食過呢個配搭，兒時最愛💕 雖然好邪惡，但偶爾放肆一下也不為過吧🙆🏻 呢到既炸雞脾真係非常巨大，炸得又香脆，不過老實說雞肉稱不上很滑，也不是十分入味，純粹過過口癮食不錯的。沙律我嫌沙律醬太多，感覺有啲肥膩，但我的確好鍾意食薯仔，所以私心加咗啲分。整體$32無飲品，我覺得都抵食嘅。

年幾前佢啱啱開張食過一次，覺得貴啲之餘又感覺唔到值响邊度就一直無再理會呢間野，直到近排有周刊竟然話佢嘅炸雞髀係必食，仲同埋三多乸埋一齊講，又見咁耐冇嚟過，就嚟做下水魚先。呢間咁嘅粉條嘢竟然要排隊，等咗兩三個字之後卒之入到去，嗌咗個炸脾麵，隻炸脾無疑係炸得好香脆嘅，啲肉亦都好嫩滑兼夾夠曬入味，不過呢個價錢黎講就未必會經常番兜喇，再加上店員都唔多耐煩，落單全程唔志在咁，無謂貼錢受氣丫。另外啲冷氣真係好貴喎，差唔多食完佢先捨得開番大少少。

見到Facebook有人po條片出嚟，介紹佢招牌大炸雞比，好似好正咁，點知真係唔好比張相呃到😢兩個人去，叫咗一個（常餐）連埋杯嘢飲好似＄47（豬扒火腿飯）連一杯凍檸茶$63再加多（一隻大嘅炸雞比）$36連下單個阿姐都驚我食唔晒😅但冇辦法啦，係為左佢個招牌雞髀去既，冇可能叫架嘛，但我真係食唔晒囉，唔係因為多得滯，而係因為今本唔好食，☹️失望，雞髀又硬.唔入味.所以有時真係唔可以淨係睇張相本身都對佢個常餐冇乜期望，諗住一隻雞比唔夠飽咪帶多一個粉面，點知，又係失望😟最好食都要講返塊豬扒啦，夠入味，容易切，起碼唔會好似隻雞比咁切到我手都軟埋硬骨骨，同埋個豬扒飯份量都幾夠，但連埋一杯凍檸茶都要＄63，普通茶餐廳冰室來講重要喺元朗抵唔抵你哋自己諗啦⋯⋯分享係咁多，拜拜Ps::又證明左一樣野，相係信唔過架😂特別係食方面

今日去左元朗嘅萬芳冰室食午餐， 一去到，已經見到外面大排人龍。 一直喺facebook上面都見到有人話呢間冰室有幾好味， 雞髀有幾大隻， 每次見到都係大排長龍 ，今日就試下有幾堅。舖頭嘅裝修用咗好特別嘅 tiffany blue, 牆上面都畫咗一啲復古嘅圖案， 感覺有啲似懷舊冰室。今日叫咗無敵生炸大雞髀配出前一丁，$34。 由於係生炸， 都要等一段長時間先有得食。 呢度嘅出前一丁，可以揀麵質軟硬度，幾貼心。 我就揀咗最考功夫嘅正常硬度。 出前一丁上枱時好香， 充滿麻油味， 麵質食落口都唔錯， 唔會太過硬， 亦唔會糊口。 至於生炸大雞髀， 面積真係好大， cover曬成隻碟， 外面睇落炸得幾香脆， 但係食落就認真麻麻， 可能因為太大隻， 根本就唔入味。 老實說， 撇除體積之外，同大X樂質素差唔多。 要麻煩侍應攞啲茄汁嚟點先夠味。總括而言， 呢間餐廳有點名過於實， 不過如果食下早餐， 都應該ok。

今日專登入元朗食炸脾，見好多人推介去萬芳冰室，咁就搭車入去食下先.去到都多人等緊位，大約等咗半個鐘左右終於有位，我地叫個炸脾出前一丁加炒飯，仲加支自家製菊花茶，炸脾好大隻不過唔夠脆而且好多油，不過4x蚊有咁大隻炸脾加出前一丁都真係幾抵食嘅，見對面嘅雞翼撈丁好似幾好食咁，等我下次試下先

安排入座混亂，是管理問題。到入座後，其冷氣的強度明顯不想客人留待多一秒。同桌的食客表示已反映但侍應一個表情都冇，當冇聽過。侍應人手不足，搵人落單要有耐性。食物方面：炸脾丁麵 - 脾的份量很大，很香口；丁麵可選軟硬度，選了要硬身的確做到效果，但可惜湯底很淡，連麻油味都沒有。鮮牛肉蛋包 -包被煎過很香口；牛肉及雞蛋都很滑菊花茶 （冷及熱）- 正常，但略嫌份量太細

最近炸雞髀好Hit 。放假好心情去食好西。幫襯一間開咗幾十年嘅冰室。萬芳冰室。名物「生炸無敵大雞髀」名過於實雞肉鞋囗無味道。睇相以為好大隻。其實只係張底面嘅肉切開咗反出黎先拎去炸。掩眼法幾曰前見人地post 話$32 。今日已經賣緊$34。好貴丫

久仰萬芳冰室炸雞脾的大名，這次終於有機會一試。位置不算易找，但淺藍色的招牌相當搶眼。我們五人佔領角落的一張圓桌，自成一角。每人點了一份生炸大雞脾配薯條 $32，無懼身型變改，還是愈肥愈愛。因為即點即炸的關係要等一會兒，到店員端上雞脾時大家都興奮莫名！五隻巨型炸雞脾放在一起相當壯觀！保守估計跟我的臉差不多大。本人見識淺薄，除了火雞從未見過那麼大的雞腿，忍不住多角度瘋狂拍照。新鮮生炸的雞脾果然不同凡響，雞皮又香又脆，入口啖啖肉，肉質嫩滑，鹹度適中；配我最愛的粗薯條，炸得剛好，不會過乾。大家都極速鯨吞了整份下午茶，超級滿足。除了薯條還可選擇配沙律，算是相對健康之選，但正所謂人生得意須盡歡，可以吃的話不會哭！想吃便吃吧～如果想更果腹可以配出前一丁、蟹皇麵或通粉等。秋風起，吃完這個超邪惡雞脾餐後，是時候去行一行山了…