萬芳冰室 (建德街)

营业中

休息中

萬芳冰室嘅位置有少少偏 有少少難搵系一間學校嘅對面12:00去到 都幾滿坐嫁 兩個人去 就要share一邊卡位叫左個鮮牛肉通粉 配 火腿太陽蛋 牛油多士賣相正 火腿勁厚!!!!!!! 有兩隻太陽蛋 幾靚牛肉通粉 有薑絲啦 有生菜啦 好香個味道好夾 牛肉鬆軟 幾好食!!!!!!之後仲叫左一個原隻雞手撕湯米粉加熟蛋 $46佢嘅米粉同出面茶餐廳嘅有少少唔同系透明嘅 有少少似超力米粉嘅 好好食手撕雞都唔少 有少少雞皮連住食 幾香 杏霜幾濃 檸檬水有三塊厚檸檬 👍🏻

其實一直都好鐘意食茶餐廳，不過食黎食去都係常餐同埋d例牌菜，你唔厭我都厭。趁今日去開元朗，就一於搵下依頭有咩出名茶餐廳好食，之後就俾我搵到依間-萬芳冰室。萬芳冰室ge位置都幾偏僻，如果唔係特登去相信都唔會經過個頭，咁言歸正傳，佢又有咩特別呢？萬芳冰室最岀名就係佢ge生炸無敵大雞脾-無錯，聽落你未必覺有幾特別，但係食落你就知有幾正！首先一去到，即刻嗌左個招牌ge生炸大雞脾太陽蛋飯，同埋叫左一杯熱奶茶。由於雞脾應該係即叫即炸ge關係，佢都要等十分鐘左右先上到，不過佢都好貼心咁送左碗湯俾我飲住先。咁湯方面佢有中湯，羅宋湯同南瓜忌廉湯俾我揀，我就揀左中湯，咁其實就係粉葛赤小豆煲豬骨湯，飲落雖然少不免會有d味精味，但都算足料而且入味，都算唔錯la. 好la終於入正題-究竟依到ge雞脾飯有咩咁特別？我唔講咁多，俾你睇左相先:一個字:大！就你所見，佢隻雞脾係有半隻碟咁大，都差唔多大過我塊面咁濟。而且佢唔單只大，而且脆，同埋滑。佢ge外皮炸到脆卜卜，但係入面ge肉卻難得保持滑嫩，唔會好似其他餐廳d雞脾咁炸到d肉老曬,值得一讚！豉油方面用左甜豉油，配埋靚仔ge太陽蛋，撈飯一流，真係無得輸。最後佢ge奶茶

食完蠔餅再坐低飲完杯咖啡，老爸話想試下完朗出名既炸脾，聽講出名炸到金黃又大大件，難得佢仲食得落當然順下佢意喇!五點幾去到唔洗排隊就有位，充滿六、七十年代既擺設，左右兩傍擺放卡位，中間係方型枱及挨pan櫈，天花板吊住小飛俠亦都係爸爸年代時興既漫畫人物，連門口通花大閘都鑄上萬芳冰室字樣，盡顯店主心思除咗老公想叫個常餐（$40），味道普通勝在材料豐富蝦多士拼沙律（$36）蝦膠係大件既，不過多士就好油豬扒拼沙律（$27）大大塊薄豬扒，茶餐廳水準炸雞脾薯條（$36）得個大字，炸得過火，雞肉乾身瑞士雞翼（$36）雞翼入味又夠稔滑，成餐最啱口味就係呢個材料十足，質數都唔算差，但唔值山長水遠入嚟食，更何況係要排隊

小編對冰室 茶餐廳 情有獨鍾😍😍😍😍今次就山長水遠去左元朗嘅萬芳冰室🤩🤩聽講大埔而家都有新分店😎手撕雞米粉 聽講呢度咁米粉同其他茶餐廳系唔同^_^高級少少 好食少少 個湯清清地 手撕雞唔算少 好味!!!!!!!!!!!!個餐仲跑隻boiled egg! 正蝦多士 正丫喂 蝦好脆 但又唔系燶加上薯條 就真系等唔到手 讚！下次要try try 焗豬 聽講好出名😆

我有位朋友很少來元朗的，但他喺youtxxe上見到元朗必食推介有呢間萬芳冰室，於是他很想我帶他來 。其實我已不是第一次來了，既然朋友叫到，即管帶他試試吧！當然叫了招牌巨型炸雞脾，瑞士雞翼及蝦多士沙律等……巨型炸雞脾賣相吸引，但食落去比起一般生炸雞髀嘅茶餐廳還要比下去沒有鬆脆感覺 唯一賣點是夠大 薯條亦都不夠熱及脆！蝦多士更為失望，很油膩不脆口！今次試下，瑞士雞翼，反而這個味道有水準不算太甜，雞翼夠入味！整體而言……今次已經係第三次嚟，食物不算太差，但並未去到元朗必食推介嘅水準！感覺上還有些走下坡了

終於食到啦， 成日都聽到萬芳冰室嘅雞髀好似塊面咁大！ 隻雞畀黎到陣時我都嚇咗一跳， 隔離張枱啲人都嘩嘩聲。講返隻雞髀先， 食落去外面真係好脆好香口 ， 入便仲係好juicy! 可能我係平日去，所以唔使等位。一定有下次。

住喺元朗間中都有光顧萬方，之前覺得價格稍貴，但食物質數高，都認為一分錢一分貨，但現在見到隻炸脾炸到又黑又乾，明顯過火…啲員工除收錢嗰位會講句多謝之外，全部都黑口黑臉，可能老闆無比休息時間，總括都係質數倒進，名過於實......

又係元朗！今次特登就係為咗呢間冰室入嚟🤤你都話成間野全部都係Tiffany blue色 坦白講 我就覺得唔係好夾 😂為咗炸脾而黎 兩條友又食唔到啲乜就叫咗一隻炸脾 一碟瑞士雞翼 同埋蝦多士坦白講隻炸脾就夠晒大啦 仲大過塊面添但係食落就..... 咁我都去借咗俾醃得太耐 有少少鹹 感覺生粉落咗太多可以落返少啲保留佢原味瑞士雞翼就淨好多啦有驚喜 入邊啲肉好林 非常入味 個擺盤又靚仲有幾件薯仔添哈多士OK嘅唔係好油囉紅豆冰都唔錯 粒粒紅豆分明 起沙 飲落係有回憶嘅

成日見到Facebook啲朋友post 萬芳冰室嘅炸雞髀，又成日見到門口好多人等，所以今次10月2日國慶假期特來一試，好好彩嗰日唔使等位就直入！馬上叫咗個炸雞髀出前一丁試吓！呢個炸雞比出前一丁冇套餐，$36散叫，個炸雞比一上枱，嘩！果然係好大隻，好似好吸引，一睇原來係因為中間界左一刀，所以雞髀睇落攤平左會大隻左好多。但食落發現，雞髀炸得過乾，味道也有點過喊，完全食唔到雞髀原本嘅嫩滑口感⋯有d 位仲好鞋，比起平時喺粉嶺聯和墟食到嘅炸雞脾，呢度真係比唔上，真係有啲失望也。幸好叫咗兩杯紅豆冰，呢兩杯紅豆冰就真係唔錯啦！$20/杯，好飲！But I will not be back.... 🤣🤣

都好有一段時間冇入過去元朗了，入去搵下有咩食，之前雜誌有介紹過d間炸脾有幾出名，同埋我老婆又好想食炸野，咁就入去行下去試下間野喇，去到間舖原來都幾多人等緊位。一坐低叫左個【招牌雞脾出前一丁】【沙茶炒飯】【自家制凍菊花茶】，但所謂招牌炸大雞脾可能用左高温長時間的油炸令外皮又硬又乾唔香脆令雞肉肉汁過份流失，真係好失望。另一個沙茶炒飯都是不錯的選擇，炒飯又有獲氣又乾身， 份量十足， 蝦仁爽口彈牙， 有好特別的沙茶香味，配上蔥花，蛋， 又燒粒， 等等，d個仲出色過炸脾。到個菊花茶，夠哂清甜菊花味，但比較偏淡。希望有代改善，尤其事個炸雞

講到炸脾, 一直都想去萬芳冰室試下冰室位置其實有D 唔就腳, 簡單D 講就係新B 仔涼份O個邊賽馬會後面唔就腳還唔就腳, 都一樣要等位好在人流去得快人多搭枱是必然的冰室位置未去到好逼, 地方亦乾淨清爽 (有TIFFANY BLUE 的格調 坐底其實唔使睇, 實擇2隻大拇指推介ga 生炸無敵大雞脾+沙律 ($32)1隻大拇指推介ga 好多, 但聽聞味道一般大雞脾O黎到真係好震撼除左勁熱, 好多汁, 最最重要係無雪味可能佢D 雞脾去得快, 所以好早就解曬凍呢隻脾係用左美極腌~所以好香美極味 沙律味道都好好有觧果有青瓜, 多樣蔬果出O黎一般都好食同時仲叫左1隻大拇指推介的公司治 ($38)睇到餡非常多有豬肉夾豬肉: 餐肉夾豬扒都幾好味, 但唔係只得呢度有同行友人O黎兩次都遇見落錯單情況呢度落錯單都幾麻煩, 食品唔會退返廚房好似有人落錯揚州炒飯, 個侍應即刻問我對面O岩O岩坐底未叫野食ga 夫婦要唔要點呢樣咁人地又未諗到食咩, 就要左佢啦碟飯好大碟下, 足夠2個人食, 眼見其他叫揚州炒飯的人都係2個人share好似幾好味, 而且先$43,  雖然無野飲呢度除左常餐就無其他餐, 幾乎全散叫

每次去萬芳基本食佢的常餐為主,  42蚊 (凍飲再加兩蚊)算係合理收費.牛肉通粉, 湯底加了薑絲, 係細心的表現, 火腿雙蛋, 火腿好厚身的, 可以叫火腿扒了, 跟餐仲有牛油多士, 烘得都香脆的, 凍奶茶OK啦, 無乜特別, 環境 : 裝修好有懷舊FEEL, 但座位偏窄, 唔係坐低傾計的好地方, 都係食了即走個隻.招呼 : 熟客招呼還好, 例如我呢款一個月幫襯一兩次的, 就唔好期望了, 通常入到去, 就算卡座有吉都好, 都係點你去逼4人方枱的, 一張麻雀台放4人份量的食物, 超有壓迫感的, 所以如果係門口望到7,8成滿, 我基本上都寧願去其他餐廳好過.

成隻碟咁大隻，一見到都有d嚇親，無諗過咁大隻一切落去已經聽到脆卜卜嘅聲音，見好厚身，食落口又滑，d肉剛剛好，雞皮又唔厚粉，同埋都好乾身，唔會咬落去成口油跟餐有埋蟹皇麵加左薑絲特別香

一早就聽過呢間啲野食好好食，好想試好耐，就相約朋友一齊去試下。我個日就早左到，兩點半入到去就自己叫左份生炸雞翼湯公仔麵同叫左杯凍咖啡食住先等我兩個朋友首先值得一讚既係杯凍啡，又唔會好甜又好香咖啡味又滑好好飲，仲有份麵好大份好多，麵又唔會太淋，雞翼放凍左都好香口！當我食緊既時候，我朋友都仲未到，就不停有姐姐問我幾多位，係咪一位，經過3-4次我話唔好意思有3位。佢地都係咁俾說話我聽話:人地有3位，唔好叫人去座。我都覺得唔好意思食到一半就叫多份炸雞脾沙律俾我朋友諗住可以放啲野食係到令佢地唔好再問我。直到朋友3點就到左，就無啲目光望住呢份雞脾炸得好脆但入面好有肉汁，好好食又大份，正呢杯紅豆冰都好出名，又叫左兩杯試下，真係無叫錯，唔似出面個啲得個甜字，呢杯既紅豆真係好大粒，好好飲我地亦叫左份西多士，如果可以加埋煉奶仲食到差唔多飽又見到人地食撈麵，我地又叫左份瑞士雞家翼撈麵撈麵就無咁特別，特別係隻雞翼，好入味我覺得可以有下次再食既機會，不過應該會去另一間分店去試下

住係天水圍既人表示，要靠一個住大埔既人先識萬芳冰室實在慚愧。但食過一次之後念念不忘，雞脾尼講，佢係贏過三多既。男性朋友一坐低就好佬咁叫左炸脾飯，聽落好dry，但碟飯尼到，炸脾加埋隻靚靚太陽蛋，食慾出哂尼。而我本身就係mc記食左盒麥甩吉，見佢講到隻脾咁正都叫左炸脾公仔面，諗住食面無咁飽。隻脾真係大過我隻手，有圖有真相。塊雞皮好香好好味呀媽呀我食哂。聽日先減肥囉食到尾阿姐過尼執野，倒瀉左水落我隻差唔多食完既雞脾度，佢話唔好意思，炸過隻比我。唔係喇掛，比雞翼我算啦，我食唔到咁多脾hahaha佢度閘都好靚喎。