萬芳冰室 (建德街) (已搬遷) 新店位置

一早就聽過呢間啲野食好好食，好想試好耐，就相約朋友一齊去試下。我個日就早左到，兩點半入到去就自己叫左份生炸雞翼湯公仔麵同叫左杯凍咖啡食住先等我兩個朋友首先值得一讚既係杯凍啡，又唔會好甜又好香咖啡味又滑好好飲，仲有份麵好大份好多，麵又唔會太淋，雞翼放凍左都好香口！當我食緊既時候，我朋友都仲未到，就不停有姐姐問我幾多位，係咪一位，經過3-4次我話唔好意思有3位。佢地都係咁俾說話我聽話:人地有3位，唔好叫人去座。我都覺得唔好意思食到一半就叫多份炸雞脾沙律俾我朋友諗住可以放啲野食係到令佢地唔好再問我。直到朋友3點就到左，就無啲目光望住呢份雞脾炸得好脆但入面好有肉汁，好好食又大份，正呢杯紅豆冰都好出名，又叫左兩杯試下，真係無叫錯，唔似出面個啲得個甜字，呢杯既紅豆真係好大粒，好好飲我地亦叫左份西多士，如果可以加埋煉奶仲食到差唔多飽又見到人地食撈麵，我地又叫左份瑞士雞家翼撈麵撈麵就無咁特別，特別係隻雞翼，好入味我覺得可以有下次再食既機會，不過應該會去另一間分店去試下

住係天水圍既人表示，要靠一個住大埔既人先識萬芳冰室實在慚愧。但食過一次之後念念不忘，雞脾尼講，佢係贏過三多既。男性朋友一坐低就好佬咁叫左炸脾飯，聽落好dry，但碟飯尼到，炸脾加埋隻靚靚太陽蛋，食慾出哂尼。而我本身就係mc記食左盒麥甩吉，見佢講到隻脾咁正都叫左炸脾公仔面，諗住食面無咁飽。隻脾真係大過我隻手，有圖有真相。塊雞皮好香好好味呀媽呀我食哂。聽日先減肥囉食到尾阿姐過尼執野，倒瀉左水落我隻差唔多食完既雞脾度，佢話唔好意思，炸過隻比我。唔係喇掛，比雞翼我算啦，我食唔到咁多脾hahaha佢度閘都好靚喎。

萬芳冰室其實一直都想去，但每次週末下午都很多人，門口的人都在等叫號。今天休年假，就早點去碰下運氣，真的不用等位。點了他們最邪惡的紅豆冰及大塊雞扒丁！雞扒真的超大，炸得香口乾身，紅豆冰也不錯，但本人覺得淡奶太多。餐廳有供應蝦多士及一些懷舊小食，但見同枱的人點了蝦多士，看上去很油，炸得一般，賣相麻麻，所以沒叫。另外，可能由於生意太好吧，服務真的麻麻，有啲去澳牛既feel, 刀义一放低就收走，搭枱是肯定的，小圓枱坐4/5個人，夏天嘛，真心覺得唔舒服，如果同枱係幾位有汗味既男士.........入黎食個lunch連飲野一人埋單60/70走唔甩，再試既話真係要諗諗同度下時間段。

既然揸車入元朗覓食，就決定黎試試久抑大名的萬芳冰室，打著懷舊冰室的賣點，新潮的粉藍色外牆與內裏舊冰室的格局形成強烈對比。由於冰室人多座位有限，所以侍應都安排我地搭枱，要讚下侍應姐姐反應快又有效率，入單迅速👍👍其實冰室的食物選擇五花八門，想食咩都盡量可以滿足到😎沙丹豬扒飯其實只係豬扒，火腿加半熟蛋配醬汁,再把蛋打爛混進飯裏再送入口，仿如一切都變得合理，美味。其實簡單的食物只要花心思都可以變成冰室獨有的特色菜。手撕清遠雞湯米雞肉略嫌'鞋'了點，不夠嫩滑，再配埋爽口的芽菜，一口湯一口米，清清地幾開胃。簡單滿足的午餐，下次會再黎幫襯試下炸雞脾！哈哈！

之前從未聽過萬芳冰室，不過有一日有人問路問萬芳冰室在哪裡，但身為元朗人竟不知道。事後上網一查，原來萬芳冰室始於1959年蔡意橋，並且已衝出香港，台北也有分店。冰室以懷舊主題打造，用了舊式親切實際設計元素，加上牆身上的手繪電影海報、舊式鐵閘等，可以令不少人回味70、80年代的冰室風情。還有吊在天花板的小飛俠（阿童木），感覺真的有置身於博物館去用餐一樣。萬芳冰室餐牌選擇也很多，率先叫了生炸無敵大雞髀（需時15分鐘）以及焗黑椒蜜汁特大豬扒飯。生炸無敵大雞髀比想像中還要大，除了大之外與平時吃到的雞髀分別不太大。而焗黑椒蜜汁特大豬扒飯的汁非常有驚喜，在其他地方從未吃過，黑椒惹味得來蜜汁又帶有一些甜味。吃完還未飽再叫了星洲炒米，萬芳冰室選用的米粉與平時吃到的星洲炒米不同，食過返尋味！

返工午餐，呢度唔使等位，坐低落單，食物全散叫無套餐，因為食咗幾次，揀啲未試過嘅！食物好快到！牛扒薯條（$28）賣相一般，塊牛扒好細，又乾又柴，肉質完全唔得！調味得黑椒味！微辣，但肉質太差！薯條又炸得太乾，拌碟蔬菜青瓜片同蕃茄已經放咗太耐！講真無一樣好味凍菊花（$13）清甜帶菊花甘味，好味同事食：沙丹牛扒飯（$50）粟米肉粒飯（$40）薯條炸髀（$34）好奇怪係最早上菜（通常即炸要15分鐘），同事話雞髀好乾同老！應該係翻炸！失望凍咖啡（$15）凍檸茶（$15）講真味道係失望嘅，唔止我！店員豪爽勤快，我哋原先搭枱，見有4人枱想轉都無問題！態度幾好！味道keep唔到水準！失望廁所幾乾淨

We got here and asked for a table for six. They only have two or three tables that are avaliable for parties for 6 or more. However the staff did not communicate with each other and we had to wait 20 minutes for a table. It was absolutely ridiculous the way they kept letting 2,3,4 people in to sit on those tables and completely forgot about us.

一直都聽聞元朗呢一間冰室出名炸雞脾（大埔三多還未有機會試）但由於元朗對我黎講都算路途遙遠😅，所以一直等緊一個會去試佢個下午茶啲契機～咁啱今日去完元朗飲茶（留意：不是早茶）.但難得咁遠入得元朗，搵唔到理由唔去試呢間冰室啦～黎到嘅時候門口已經有一班人係喺度等緊位，拎左飛，好彩唔係等左好耐就有位啦～好多嘢都想試，但考慮到其實都仲未係好肚餓，叫左瑞士雞翼出前一丁同埋招牌炸雞脾薯條～見到好冷門嘅菊花茶，當然要一試啦！朋友就要左凍奶茶瑞士雞翼出前一丁，驚喜有條菜雖然好多人，但都有跟我地要求煮淋啲個麵係兒時嘅波浪薯條呀炸雞脾果然名不虛傳真係生炸，上枱時熱辣辣～好味.圖後面就係用舊式汔水樽裝嘅菊花茶啦～ 不太甜，感覺又可以清熱氣，（畢竟都係食左超熱氣嘅炸雞脾嘛）凍奶茶都係超水準唯一不足/又或者是好的地方係冇茶餐的組合，可以任意跟自己嘅意願點餐啦～

從評語中講到炸雞肶如何天上有，地下無，一試之下完全失望，成隻肶淡而無味，大隻只因為將肉翻開感覺大隻，只有落鹽才勉強食哂，第九！另外叫了通粉亦非常一般，唔會再有下次，連我個仔都唔食！

食完夏捌月，入南生圍行左轉，因為行左冤枉路，所以返出市中心都已經5點幾，又攰又餓，就去懷舊feel的「萬芳冰室」坐下。知道佢最出名係生炸大雞脾（$34），可以配薯條或沙律，我唔想要咁多炸嘢，就選左沙律。我唔敢講佢係咪真生炸，因為點菜冇耐就好快上枱，仲快過我份三文治，仲要咁大隻添。不過算啦，最緊要好食。一上枱已忍唔住嘩左一下，足足有我一隻半手掌咁大，炸到金黃色的雞脾外皮又薄又脆，裡面雞肉仲好滑好juicy，亦醃得入味。即使係伴碟的沙律材料多醬汁多，唔係用罐頭hea整，好味。另點了一份洋蔥雞絲三文治（$22），可以選普通方包或長餐包（即係甜包），雖然係餐廳推薦，但感覺一般，雞絲味道唔夠，紫洋蔥可以再炒腍d，如果可以加些少醬汁會好d。

我一心來到元朗萬芳， 緊係要叫佢嘅招牌菜 生炸無敵大雞脾， 雞脾醃得好入味， 不會太鹹， 咸味適中，炸雞脆卜卜， 特別個外皮炸得好香囗， 咬吓去索索聲， 雞脾嫩滑而有肉汁， 份量太得驚人， 真係又大脆！ 我叫大雞脾飯還配上太陽蛋！ 美味配搭. 而太陽蛋亦有蛋味 ！招牌輝哥沙茶小鳳蝦炒飯也是不錯的選擇， 抄飯有穫氣又乾身， 份量十足， 蝦仁爽口彈牙， 有好特別的沙茶香味，配上蔥花，蛋， 又燒粒， 等等. 食物有質素， 價錢偏貴， 但值得一試再試 👍👍

都一段時間沒有來萬方冰室，難得友人專程駕車入來元朗，帶他們去試試吧！今次試吃一直想試的沙丹豬扒飯，友人第一次來，當然要介紹他吃無敵大雞髀啦！豬扒味道不錯，肉質新鮮，不過不太夠熱，看來不是即叫即煎。除了不夠熱，這碟沙丹豬扒飯實在好味！有人的無敵大雞髀飯，雞髀確實夠大塊！而且即叫即炸，保持一貫水準萬芳冰室價錢雖不便宜，又不設午餐，但食物有水準，質素高，雖然是貴一點，但總算值得！順帶一提，由於是下雨天，不用等位

星期日入左元朗，地膽朋友話不如去冰室午餐啦，佢d 瑞士汁雞翼撈公仔麵幾唔錯架去到萬芳冰室，一拎飛仔唔洗排隊就有位，同朋友一致睇中左食沙丹豬扒飯，因為見佢係menu 有打兩個啦碟飯有一扒大豬排，煎蛋，兩片火腿仲有一片大菠蘿都幾開心架，雖然我食完都唔知咩叫沙丹豬排不過講香口吸引，就真係唔及另一朋點既生炸大雞髀勁啦大大件炸到香脆既雞髀，入面d 肉夠晒juicy 嫩滑淨係睇樣都已經覺得流口水 (同肥仔）呀下次可以再返黎食 唔揀咁heavy 既生炸雞髀飯都要整隻炸脾做tea 啦！

今日入元朗食好西，梗係要試下元朗出名既萬芳冰室啦呢度出名大大隻生炸雞脾，其實都15/16到底去萬芳定係三多好🤔結果都係揀左萬芳，因為只有元朗先有😏兩個人叫左個生炸雞脾配薯條同埋西多士西多士新鮮炸出，炸得金黃，有驚喜😋原來裡面有唔少既花生醬，所以有好濃厚既花生味，埋哂中意花生製品既我終於生炸雞脾上枱啦，等到頸都長埋生炸雞脾配薯條外形真係大得好驚人!! 😱長過把刀急不及待即刻試左啖先。UM...外層好乾好硬本以為只係外面既問題，點知...連內面好係咁..😭😭乾到要點茄醬食先得，而且雞脾無醃過，無味😵最期望既食物居然係最失望就連薯條都唔店。炸得唔夠乾身，水氣仍然存在浪費左我個Quota..唔會有下次

去到元朗想食下有懷舊feel冰室，我同朋友行去元朗建德街轉角位有間萬芳冰室，門口寫始於1959年，原來都有半個世紀啦！萬芳冰室推介生炸雞脾、沙丹豬扒飯、自家製菊花茶、薑煲檸檬可樂，紅豆冰等。今次我食手撕清遠雞湯米套餐，配自家製菊花茶，朋友飲薑煲檸檬可樂, share 雞絲洋蔥包。下次要試下自家製老火湯先！ 手撕清遠雞湯米套餐HK$45－這個套餐全日都有，可配雞蛋和自家製菊花茶。 清遠雞湯米上檯馬上放雞絲入口細味一返，果然雞味濃郁，不過肉質老了點，再呷一口湯，有點雞味後段帶辣，米粉爽滑。 配農場鮮雞蛋 好少冰室自家製菊花茶，呷一口有濃郁菊花味道，小小甜味，很段回甘！ 自家製菊花茶HK$13-清熱明目，清暑解渴, 又唔算貴丫！ 雞絲洋蔥包HK$30 －咬一口包外層鬆軟，而且內裡香脆，中間夾雜了洋蔥和雞絲, 好野味！ 這個包令我諗起小時候在美國街頭食熱狗, 小販先打開長麵包，用爐煎香裡面令麵包香軟， 而且內脆，份量是這個包的兩至三倍，我可以一口吃兩個大熱狗，不過香港吃不到， 往事只能回味。 薑煲檸檬可樂－飲落有氣，而且真係好夠薑！ 元朗建德街35-55號時景花園地下10號舖