萬發海鮮菜館

营业中

休息中

難得女友過海黎九龍 就帶左佢去食好想食好耐嘅萬發 食最想食嘅薯仔牛柳粒雖然夜晚九點幾到 但附近嘅車位都唔易搵 搭地鐵人士可以係深水埗站行過黎 大概15分鐘左右裝修幾好 除左小菜 都有類似茶餐廳晚餐牌一坐低先點左個牛柳粒 先再睇餐牌好多小菜都想食 奈何兩個人食量有限 最後點多個砵酒桶蠔再加碗白飯同一支生力清啤兩碟嘅份量係非常足夠先講牛柳粒 薯皮炒得啱啱好 皮微脆 牛柳粒夠林 擺左陣都冇硬 醬汁鹹度恰到好處桶蠔6隻 好大好肥好creamy 有啲驚喜 調味微甜 食完三隻已經四五成飽Overall 幾滿意 係價錢上略嫌貴盛惠33x 計埋茶錢推薦俾中意食大排檔小菜嘅人黎食 最好愈人多愈好 食多幾味餸

事隔一個月 又係一個週末晚上, 兩個人的晚餐, 由於時間已經過了九點又來了呢度, 今晚只叫兩個餸一碗飯, 金沙九肚魚$98 用上大量咸蛋黃沾滿每一條九肚魚, 充滿邪惡嘅念頭, 而九肚魚本身並沒有什麼魚味, 外面嘅炸衣什麼味佢就係什麼味, 而這魚似乎係南中國海特有, 好似在外地或者內陸都唔覺有, 肉質滑但完全唔覺有纖維, 好奇怪的海中生物, 另一個菜係翠塘滑豆腐 $98這菜內有相當多嘅蝦仁, 豆腐加上獻汁那有不滑的道理? 兩個菜都同樣是大份量, 每碟都足夠4人份量, 所以又係相當滿足的一頓晚餐,

朋友等位所以唔知等佐幾耐, 大約有30分鐘,入到去勁迫, 地下好多水, 叫佐6碟餸5個男人食,份量可以, 味道唔算難食反正都係味精, 最差就係上湯油墨菜, 佢做法竟然係炒完碟菜再掉落的味精湯度, 世人仔第一次見咁做上湯浸菜,服務方面都算正常, 上菜時間都唔算慢, 人均消費$150, 總共食佐750蚊, 5個白飯, 一支啤酒,如果有心食小菜冇乜必要來呢間食, 因為以佢質素係非常之唔抵食, 行過2條街有間茶記平佢2倍都好食過佢

萬發海鮮菜館 - 好耐無黎喇！上星期五同同事有機會再黎試下係咪保持水準～ 😏地點黎講又真係唔太近地鐵站嘅。。。🙈😅 我地3位亦無訂位，所以要等一陣啦，等左10-15分鐘倒啦😄 安排左坐樓上位置。。。雖然位置麻麻，但總算有位吖😆 而且好有地道大排檔feel~😏我地叫左4個餸 + 3支啤酒 + 1罐可樂😍😌 都好豐富架！😃石頭啫啫生菜👍🏻👍🏻 - 又熱又香，啲香氣遠遠咁飄過黎，搞到更加肚餓呀！🙈🤣 薯仔牛柳粒👍🏻👍🏻👍🏻👍🏻👍🏻 - 薯仔表層煎香加些黑椒粒，仲好似有層蜜糖處理過咁甜甜地黏黏地辣辣地，好獨特！😋我覺得薯仔仲好食過牛柳粒呀！😍😍😍腰果珍肝👍🏻👍🏻👍🏻 - 睇圖以為係乾身，原來濕濕地🙄，但腰果又唔會整到「林」晒，而係脆口架喎😲，啲內臟亦爽口，唔錯！唔錯！😃椒鹽鮮魷👌🏻 - 呢個比較一般，我覺得有進步嘅空間，而價錢都唔平架。。。 所以下次等多啲空間俾自己試多啲新菜式🙈🤣我地每人平均一百六十蚊左右👏🏻👏🏻👏🏻

一向都好鍾意大排檔風味嘅野食。突然癮起就去試下呢一間都幾出名嘅店。見呢間即日訂到位就黎左呢間分店。呢間分店環境都算鬆動。可能因為坐咗係卡位。胡椒豬肚粉腸湯。叫嘅時候侍應有講明係滾湯。不過湯口比想像中濃。當然豬肚粉腸就不太入味。但黑椒成功辟咗內臟嘅怪味。薯仔牛柳粒。老實講薯仔比牛柳出色。薯仔炸完之後外脆內軟。再俾蜜糖重重包圍。加埋黑椒。又辣又甜又香口。想唔好食都好難。不過牛柳粒淋到冇咩咬口。牛味亦久奉。大隻避風塘賴尿蝦。二百幾蚊隻。講真一隻唔平。次次食賴尿蝦都要好睇彩數。因為質素可以好參差。可惜今次就真係比較失望。炸到有啲過咗龍。有膏但係唔多。當中有一隻仲要偏少。肉質本身偏淋。味道冇乜鮮甜味。想同朋有飲下啤酒吹下水都可以再黎。不過就食物味道睇就性價比就一般啦。

一個平日的晚上, 兩支公入去有位即坐低, 大概有7-8成滿所以比較嘈吵, 但大牌檔菜館應該係咁, 新簇簇過膠餐牌, 果然係加咗價, 最容易見到嘅係黑椒薯仔粒炒牛柳粒, 今晚升至$118 , 按百分比是加了9.25%, 其他的菜式也有些是沒有加的, 而今晚我們也試了炒牛柳粒, 的確輕輕走過油的薯仔粒粒再以些少糖類炒至徹焦糖效果係有心思, 牛柳粒其實也相當多, 牛柳肉粒同樣輕走油肉內仍然保持剛剛熟的嫩口感, 惜食材本身質量所限, 牛肉的肉味好薄,  還好是廚師沒有刻意加大量調味料去補貼肉味的先天不足, 第二個菜式係魚唇掌翼煲$98 魚唇同我們意會的很不一樣, 如果看英文名字可能會更難理解??? Braised Shark Tail Skin w/ Goose Web & Wings in Pot ! 鯊魚尾層皮?? Sorry 恕我們見識少, 從未食過鯊魚皮亦唔知邊度有得賣? 不過呢晚食到嘅唔講會以為係"魚肚"囉! 講返掌翼啦, 呢個做法有點"借屍還魂"的手法, 將原來的鹵水掌翼煮多一次變成另一個菜式係頗聰明的做法, 首先掌翼唔使用好多, 只須大概各二已經足夠做一大煲, 因為掌翼點烹調都唔

好耐之前響長沙灣九江街幫襯過萬發，當時嘅食物質素都叫ok。分店開得越嚟越多嘅話，要保持水準有一定嘅難度，可能係咁，所以早兩日再次光顧， 感覺是名大於實， 價錢亦略嫌貴。

好友婚前飯局點揀地方聚會? 我的好友係男人, 佢想食中菜, 話想去瀝源大牌檔, 對我女仔來說在熱熱地的天氣, 真的唔想去呀！唔想熱到個妝溶左, 仲有預要傾得耐, 更加要搵個舒適少少的飯館啦！去大牌檔食嘢都要$80左右一碟小菜價錢, 不如試下一些新飯館啦！ 我在Openrice 搵深水埗及太子地方, 相信地區性都唔會收好貴6至8張大圓枱，再有6至8張6人枱，椅子有背的坐得舒服！ 之後睇食評幾多好評及易有位, 環境幾大大約有及食物相片, 地點近近哋地鐵站, 揀左呢間! (行左6分鐘睇下 google map搵到福華街就好易搵到了！)俾分最高5分唔太記得菜名!先叫了: 南乳炸排骨及椒鹽九肚魚用來送酒及等齊人. 呢排南乳排骨算係全晚最唔好食的一味 (食到有點雪藏味), 椒鹽九肚魚: 4.5分, 脆得來條魚滑滑哋， 味道香口唔會太濃味!薑蔥覇王雞 4分雪裡紅石窩芥菜 4.5分 (一上枱時朋友們嘩嘩聲.......已俾賣相吸引左! 好快手搶住試)薯仔炒中柳粒 4.8分 (朋友們及我都覺好正!牛柳粒有口, 唔會落勁多疏打粉搞到無肉質口感及肉味， 薯仔硬度恰好, 碟餸細細粒好易夾及入口,好開胃!)砂

早年帶移民嘅親友食過萬發，難得啱佢地口味，於是今年佢地回港都同佢地黎一次。招牌一定係薯仔牛柳粒啦，幾乎成為大眾評價嘅基準。so far真係冇食過更加正嘅薯仔牛粒，其他小菜都過得去，最重要價錢合理，一行七人人均消費都係百二蚊左右。今次訂左福華街分店，週五晚非常多人，環境係超嘈，椅背貼椅背，唔多舒適。同隔離位講野都要whatsapp嘅程度，所以我地都係專心用餐，食完即撇，哈。薯仔牛柳粒 $108雖然好多人話薯仔先係主角，但我都好重視牛柳粒嘅份量，今次好彩喎，唔會太少。牛柳粒煮得入味，唔會覺得老或者韌，亦都唔係乸到鬆哂， 加啲黑椒，正。薯仔依然冇得輸，夠大粒，存在感高炒到外層微脆，裡頭保持到好粉。可惜蜜糖味唔夠，冇左食落甜滋滋嘅感覺。炸子雞 $110/半隻親友好鐘意食煎炸野，雞皮薄脆，雞肉唔鞋。椒鹽鮮魷 $108鮮魷好脆口，可惜魷魚似有還無，椒鹽味唔夠。滑蛋蝦仁 $108沙拉骨 $98不過不失，點知親友唔鐘意，早知我點番咕嚕肉啦。煎蠔餅 $88蒜蓉炒豆苗 $88石頭啫啫生菜 $68埋單900蚊有找，唔算食左好多野，以牛柳粒最出色，大家讚好不絕，其他小菜ok啦。

之前香港有好多這類大排擋風味餐廳，但係好像執了好多間，所剩無幾。 所以每次有朋友來香港，我一定帶她們來感受一下這間帶有香港大排擋風味菜。 每次嚟到我也指定要吃它的皇牌。 薯仔牛肉粒，薯仔及牛肉粒外層超香脆，份量多味道夠大大碟，就算吃剩打包回到家仍是脆的。炸至雞皮脆，雞肉嫩滑。椒鹽鮮魷，魷魚新鮮外層也脆，不過味道略淡了一些。今次這個梅菜扣肉就差一些，扣肉炇得唔夠稔肥肉又唔化，有點失望。夠火喉菜永遠合格好味的。

幾個朋友一齊食大排檔好開心～ 聽講呢度個薯仔牛柳粒好好食，所以我地就一齊黎試。萬發有兩間分店，我地去左新D嗰間。食大排檔點少得啤酒！朋友話好少地方有右邊枝黑啤，佢好開心即刻嗌左😂通菜幾新鮮，唔會太油，但略嫌唔夠香口。小編喺度諗薯仔牛柳粒可以有幾好食，咁出名，即管試下！薯仔一食落口就明白了 真係好好食！外面好脆，甜甜地，應該用左糖同蜜糖一齊炒，但又唔會太甜，加埋其他香料一齊好香口，亦都唔會搶左薯仔本身D味。 但有朋友試過食係炒到好燶，所以可能唔太穩定，都要睇彩數。牛柳都幾入味，唔太冧但唔會韌，同啲薯仔一齊食好正雞就冇咩特別，偏瘦，味道過得去，唔咸但唔係好好食。九肚魚有驚喜，好新鮮，炸得啱啱好，個炸漿好薄，成舊好鬆脆，好正！但啲魚麟未清得走哂。嗰晚冇哂細聖子，局住食大，味道還好，可能小編唔太鍾意呢種煮法，但個聖子本身都新鮮嘅。小編好鍾意同一班朋友飲啤酒食小炒，好正～

今日同成班中同聚舊，緊係去返我地最鐘意既大排檔食野啦。今次去左ssp既萬發！萬發一直最好食既係黑椒薯仔牛柳粒，我地8個人，叫左份中size，一黎到，估唔到薯仔比人清既速度仲快過牛，佢既薯仔整到外趣內淋😍而且勁入味！牛都唔差，好juicy🤤🤤🤤🤤

今日專登約左約位朋友去左深水埗 "萬發海鮮菜館" 食晚飯, 因為之前係網上見到有 D 人介紹 "萬發" li 間餐廳, 話佢既招牌菜 "黑椒薯仔牛柳粒" 好出色. 所以就專登過黎品嘗下係咪真係咁好味先~ 講下佢個餐牌, 有成 8 頁紙, 選擇真係唔少, 有小炒, 燒味, 滷水等等, 總有一樣岩你食. 再睇下價錢, 太部份菜式都要100蚊一碟. 今日我地4個人, 叫左4 個餸. 分別係 "黑椒薯仔牛柳粒" , "萬發小炒王", "薑蔥生蠔煲", 同埋 "生炒骨". 首先講下招牌菜 "黑椒薯仔牛柳粒" , 佢個薯仔真係做得好出色, 外脆內軟, 表面有蜜糖既味道. 而牛柳粒我就覺得一般般喇, 所以總結係招牌菜既主角係薯仔. 如果鍾意食薯仔既朋友係值得一試既~~ 至於其餘三碟餸, "萬發小炒王", "薑蔥生蠔煲", 同埋 "生炒骨", 我就係覺得一般般, 未見特出. 如果要比, "生炒骨" 係三碟之中最好的. 不過有一樣野一定要讚既係, 雖然每碟餸都接近100蚊或以上, 但佢既份量真係唔少, 相對出面D小炒, 可能收你 70-80蚊一碟, 但份量少一半, 咁我會覺得 "萬發海鮮菜館" 較為抵食

萬發一直都係我家大飯堂，雖然唔係住九龍，但因為佢真係值得我地一家由港島過黎九龍食晚飯🤤咁岩老豆上星期贏左幾千，就去萬發食下海鮮同埋好掛住佢既牛柳粒呀🤙🏼一行五個人，叫左五個餸+一個炒面 三個白飯呀媽一早落order 話要食瀨尿蝦,叫啦🤣椒鹽瀨尿蝦（巨型瀨尿蝦，一隻～$248）五個人叫左三隻，每隻一開二，一上檯，好靚又好香！不過食落我覺得唔夠味，淡左少少，隻隻蝦都有膏、肉質都彈牙☺️招牌霸王雞（半隻 $110）呢個做招牌菜不錯！好有雞味，又煮得好滑。味道好夠，唔會太油太鹹！！老豆食得好開心😄😄薯仔牛柳粒 （$108）每次黎都要叫既「招牌菜」黎到又真係檯檯都叫咖喎！牛柳粒比較濃味、但整得非常淋！薯仔先係精粹！炸過既薯仔外脆內軟，勁正！石鍋通菜其實係啫啫通菜煲，麻麻地，因為太濕又太鹹最後都食唔哂😢小炒王呢個小炒王係冇銀魚仔既、不過佢既韮菜花係嫩既，所以冇渣有蝦乾就基本既，不過不失。👌🏻豉油王炒面炒得乾身，不過味道比較淡口好彩有洋蔥韮王既味道補數碟碟都大大碟、味道又正咁多樣野、仲叫左三個飯同一枝生力埋單都係$1400有找，點可以唔keep住黎幫趁？

深水埗萬發海鮮菜館是我和家人經常幫襯的地方，由聖芳濟各堂對面搬到現址已有一段時間，地方大咗，裝修靚咗，價錢也相對貴咗，但味道keep 到。蠔仔粥是必叫菜式，一窝够哂5、6人吃，材料足，蠔仔新鮮，正