萬發海鮮菜館

营业中

休息中

一向都好鍾意大排檔風味嘅野食。突然癮起就去試下呢一間都幾出名嘅店。見呢間即日訂到位就黎左呢間分店。呢間分店環境都算鬆動。可能因為坐咗係卡位。胡椒豬肚粉腸湯。叫嘅時候侍應有講明係滾湯。不過湯口比想像中濃。當然豬肚粉腸就不太入味。但黑椒成功辟咗內臟嘅怪味。薯仔牛柳粒。老實講薯仔比牛柳出色。薯仔炸完之後外脆內軟。再俾蜜糖重重包圍。加埋黑椒。又辣又甜又香口。想唔好食都好難。不過牛柳粒淋到冇咩咬口。牛味亦久奉。大隻避風塘賴尿蝦。二百幾蚊隻。講真一隻唔平。次次食賴尿蝦都要好睇彩數。因為質素可以好參差。可惜今次就真係比較失望。炸到有啲過咗龍。有膏但係唔多。當中有一隻仲要偏少。肉質本身偏淋。味道冇乜鮮甜味。想同朋有飲下啤酒吹下水都可以再黎。不過就食物味道睇就性價比就一般啦。