萬發海鮮菜館

营业中

休息中

this place is almost like a dai pai dong but everything indoor.ive been back for over 10 times now!beef and potatoes are STILL SO GOODsalt and pepper will not disappointchicken is always tender (whole chicken dishes)i always take my friends who are visiting hong kong wanted something authentic and local.THIS IS THE PLACE!!

疫情以來一直想去深水埗吃小炒，不過之前怕人多 不敢去。現在疫情差不多過了，於是約埋一班朋友去 深水埗萬發，福華街嘅一間店比較多位，所以去這一間。星期日晚好在訂了位不否則都幾難搵到枱。我哋八個人叫咗八個小菜。當中黑椒薯仔牛柳粒仍然係最好食，小炒王，雞蛋焗魚腸和大蝦粉絲煲保持水準，薑蔥魚鮫有驚喜，大家都覺得好食，雪裏紅芥蘭窩比較鹹，潮式炸豆腐就冇乜特別。我個人覺得乾炒牛河畀酒樓嘅做得好。我哋叫咗黑可樂係樽裝好細支，反而正常可樂係罐裝，一樣價錢就覺得好唔抵。唯一覺得美中不足係坐得太迫，亦因為樓底矮所以好嘈，就算我哋成班大男人大大聲都未必聽得到對方講嘢。埋單每人都係$160非常抵食。

話說夜晚10點幾，全家6個人就去食萬發，入去嘅時候，就話有得食….坐底落單，佢地就話要等至少半個中先可以，話成班員工一齊食飯，食飯大過天，咁你一開波就講清楚啦！個伙記仲要串我地話揀佢食飯嘅時候先黎，態度差到令人想打佢

門口個女人由叫我Scan安心出行嗰刻態度已經唔好，唔係朋友已經坐咗入去我實轉頭走！坐低食，嘢食味道都係咁啦，大把餐廳好食過佢。唯一食咗會嘩一聲嘅，就係嗰碟「薯仔牛柳粒」喇！薯仔同牛柳粒個比例都差幾遠，改名做「牛柳薯仔粒」會啱數啲！我哋人多，嗌咗8、9個餸，又飯又啤酒，食完咁濟時想話加餸， 叫我Scan安心出行嗰個女人已經走嚟用好差嘅語氣問我哋食完未，我都已經嗱住張菜單，我咪同佢講：「我依家唔夠食想加餸，得唔得？」， 佢又問返我想加乜，咁我咪同佢講俾我諗多一陣，跟住佢就行開咗。我等到佢返嚟，我就同佢講加乜餸啦， 佢就用鬧交嘅語氣同態度同我講：「唔比加呀！出面好多人等緊呀！」，佢用鬧交嘅Tone 嚟同我講嘢， 我都準備拍枱起身X佢， 但即刻比朋友拉住咗......啲咁嘅垃圾餐廳， 嘢食又唔係食咗識飛，入去食飯根本係貼錢買難受！

最近返工真係好忙，正宗香港機械打工仔，朝九晚6半，真係好攰，收工都係想食餐好，今晚去約左兩個fd,一行三人去左食「萬發海鮮菜館」，去到見到好多間萬發，我諗係同一個老細掛…8點去到，都多人要排隊呀，排左20分鐘左右，叫左4樣野「椒鹽九肚魚」$108 ，外脆內弱，正「豉汁蒸白鱔」$148 ，今次係網上睇到衝住依碟野過黎，鐘意食鱔既又真係好正，脆滑新鮮，，個fd 叫左碟「C 奄」，我第一次試C奄，以前無咩特別會點依樣野，今次試一試，原來好鮮甜，唔係血水味，值得試wo , 「蒜蓉粉絲蒸聖子」大大隻果款$68 /隻，一人一隻，粉絲都入味，聖子都好新鮮。今餐整體款款都好好。係要排隊，我前兩枱仲要搭檯食。味道：環境：衛生：回頭：價錢：雖然唔係咁好，但我又覺得黎得依d地方係預左，所以我覺得ok,呢啲地方食物最緊要😂😂

今日四條友行完獅子山，大約8:00pm食飯時間，朋友介紹打的去附近深水埗萬發。有經驗食過嘅朋友一坐底就已經發板叫左薯仔牛肉粒，椒鹽鮮魷，蜜餞欖香一字骨呢三樣，我地只不過是旦叫多個炒豆苗同小炒王。四個人，五個小菜，分量啱啱好！薯仔牛肉粒果然名不虛傳，係好好好味！第一次覺得薯仔原來係可以咁好味！！！牛肉粒當然都好味，但好味嘅牛，有好多地方都食到，但好味嘅薯仔🥔，唔係到到食到，薯仔因為用蜜糖焗過，表層好香蜜味而且好脆，裡面texture亦好有咬口，完全明白點解每一枱都order呢碟小菜椒鹽鮮魷，魷魚彈牙，食得出係新鮮魷魚🦑，個表面粉漿粉量都適中，夾啤酒一流🍺！蜜餞欖香一字骨味道有少少似薯仔牛肉粒，但因為係一字骨，炒得好香口，美中不足係條骨真係比較大條，肉比較少，如果可以多d肉就更正！另外小炒王同炒豆苗亦都唔錯，但比之前三個小菜搶左風頭，但齋食肉有d heavy, 所以都係必須要order. 小炒王同炒豆苗同一般大排檔差唔多，唔會失望，亦唔會有太大驚喜。Overall黎講，每碟小菜都好食，薯仔牛肉粒更係必食嘅招牌菜，值得一試！

成日都聽人讚佢嘅薯仔牛柳粒 今晚終於到我試食小炒一定要配可樂基本上乜小菜都有😂款款都幾大份 同埋好吸引薯仔牛柳粒 $138不愧咁多人盛讚真係好好好好好食🥔薯仔炸一炸過 外面脆口 而入面就好淋薯味好香好重🥹再加埋蜜糖係面 甜甜哋口感同味道都好正但完全唔覺得濟/膩 係咁食係咁食🦦牛柳粒係配角嚟 中規中矩啦沙爹粉絲牛肉煲 $118沙爹好濃郁 粉絲又入晒味超級多牛肉 都算淋同入味不過如果係肥牛就更加正椒鹽鮮魷 $138炸得好香脆 椒鹽又夠惹味黄金豆腐 $88最失望係依個炸得唔算好香脆 仲要係…無味嘅🥲埋單每人百幾蚊環境同服務都無乜 但無想像中咁惡劣

8人一枱食飯就可以叫多幾樣餸😎當然要叫佢地既招牌薯仔牛肉粒🤩1. 薯仔牛肉粒x2 ⭐️⭐️⭐️⭐️⭐️薯仔牛肉粒既薯仔係呢碟餸既靈魂 就算我唔食牛肉都必定會食佢哋嘅薯仔🫰🏼煮得夠淋夠入味識 值得五星2. 菜圃蛋⭐️⭐️⭐️菜圃蛋就好一般 唔算特別 可以唔試 留肚食其他3.黃金豆腐⭐️俾個名欺騙左我地既感情 完全係鹹蛋味 普通椒鹽豆腐 但係又唔夠鹹4. 金銀蛋莧菜⭐️⭐️⭐️⭐️基本大排檔都唔會煮得差既一味餸 合格5. 啫啫煲通菜⭐️⭐️⭐️本身諗住叫呢樣餸係以為佢只係素菜 點知佢就落啲細嘅豬肉碎 令到食素菜嘅朋友完全食唔到6. 炸子雞⭐️⭐️⭐️⭐️正 大牌檔必食7 . 豬大腸我無食到 所以唔評分 不過眼見朋友們食剩好多8. 紅燒豆腐⭐️⭐️⭐️一般 無特別除翻一人大約$150 合格 一枝大Asahi $25環境夠大 有冷氣可以打電話預約訂枱唔收蛋糕費

招牌菜唔似招牌菜，全部餸都非常有份量，質量就唔知去咗邊。招牌菜嘅薯仔牛柳粒，係外硬內軟，真係好有口感；蒜蓉蒸勝瓜，食咗咁多次都冇一次試過呢碟餸可以加薑都算，啲蒜蓉重要完全冇味完全係食到勝瓜嘅瓜味，加埋啲薑可以再淡化啲味道，真心健康；另一碟咕嚕肉就完全唔同，加咗勁多糖，舊菠蘿食倒甜嘅，成碟都用油浸過，真係平衡返個勝瓜嘅味道，出色嘅鋪排！

好耐之前食過一次 覺得還可以今次就book咗食dinner黎到幾多人排隊等枱Menu選擇甚多 基本上咩菜式都有六個人叫咗六個菜 三個白飯🍚▶️ 風沙雞 ($110）炸子雞咁樣 肉質還可以 唔可以話鞋 不過唔夠滑嫩🐔味道遍鹹 比較一般▶️ 椒鹽鮮魷 ($118)幾大碟 望落金黃色咁 然後上面有啲’金沙’咁 另外仲有醬食落都脆口嘅 可惜椒鹽味唔夠🦑魷魚亦唔算好新鮮▶️ 黑椒薯仔牛柳粒 ($128)呢個係招牌菜 好多牛柳粒 咬落幾腍嘅🐂牛有牛味另外仲有啲焦糖化咗嘅薯仔粒🥔餸飯都唔錯▶️ 西蘭花炒斑塊 ($168)斑塊都幾好食 用咗蒜蓉炒幾香斑塊肉質彈牙唔易散🐟同埋完全冇骨 啖啖肉西蘭花遍硬 咬落爽口🥦還可以▶️ 腐乳通菜 ($78）呢個賣相… 有啲嚇親通菜就幾清脆嘅 可惜腐乳味唔太香 但係又鹹🤥 同埋比較單調 冇其他配菜另外就係太油 呢個菜唔得▶️ 鹵水拼盆 ($168)好大盆 又紅腸又炸豆腐 仲有好多內臟不過我唔食內臟🫢屋企人話食到有啲酒味 味道正常-食物其實還可以 全部幾大份 同埋有鑊氣價錢一般 $8xx 六個人不過！態度勁差❗️好似唔想做咁一入去明明我哋6個人 佢俾將大枱我哋 咁我哋咪問吓可唔可以轉

之前聞說依度乾炒牛河唔錯，今日下午茶去試，結果。。。一上檯，牛河唔熱，唔可以話凍，但就係唔熱，冇煙出。炒粉麵冇煙出，已經打晒折扣。味道偏淡，牛肉冇乜特別，唯一可讚係碟底冇乜油，同埋杯熱檸水檸檬有四大片冇苦澀味。係一碟非常普通既牛河，$42係區內可以食到其他更好食既野🤔可能而家主要做晚市小菜，下午茶時段求其咗，失望！

適逢假期 最岩一大班人聚下食一餐呢間小炒菜式好唔錯 地方大 岩晒一大班人圍埋一齊開心傾計黎到既時候 出面好多人排隊等左一陣 先入得去食叫左好幾款餸椒鹽膳球 炒得好香脆 所以好快食晒呢款值得推介炸子雞都好唔錯 外皮好脆 好香雞味聖子都好鮮甜 食完一件想再食多件仲叫左個瑤柱蛋白炒飯 好夠鍋氣當然唔少得招牌菜薯仔牛柳粒 好入味 每個薯仔都入晒味添岩晒送白飯😋😋😋食緊既時候見隔離叫啫啫雞煲都好吸引一直飄住浸好香既味道呢間值得再encore

人多西餐廳食唔方便 咁就去附近搵間小菜食啦第一次食呢間 食完會好想再去食 😋⭐️椒鹽鮮魷鮮甜 皮薄 魷魚唔靭 好味👍🏻⭐️蟹肉豆苗唔會好咸 豆苗好新鮮⭐️薯仔牛柳粒呢個菜真係必點 我朋友講咗十萬次要食⭐️豉汁鵝腸落咗老抽 啲色好夠 但食落口唔夠味 一般⭐️醬燒白鱔呢個我想比佢滿分 食極都唔厭一樣炸粉好薄 外皮香脆 肉好爽脆脆脆脆 全部都好脆 好好食呀💯⭐️黃金蝦啲咸蛋黃醬真係好出色 可惜在我懶得剝殼 唔係就滿分㗎啦😂⭐️蝦醬鮮魷炒西蘭花不過不失 呢間啲魷魚真係煮得剛剛好👍🏻

我地叫左黑椒牛柳薯仔粒 炸小棠菜 同埋豉椒炒蜆豉椒炒蜆個汁都幾好食 蜆肉都算正常 唔會話甩晒得返啲殼 同埋都唔算多沙 可能食十幾廿隻先會有一隻有炸小棠菜我就覺得一般般 好厚粉 又冇咩特別嘅味 淨係食到啲炸粉咁 有個汁點嘅左點完都係酸酸地咁 同埋真係好飽肚最後壓軸嘅係黑椒薯仔牛柳粒 呢個真係好正嘅 啲人都冇介紹錯 個薯仔係外脆內軟 味道都好夠黑椒同蜜糖 牛都幾淋都有牛味 同埋幾大碟 食到好飽🤤野食就唔錯嘅不過環境就好一般啦 不過大排檔都預左 同埋有啲人會喺附近食煙 可能要有心理準備會食埋二手煙

屋企人成日話要食萬發，今日終於去，結果好令人失望，嘢食好快到，不過味道普通，重點係好油。豉油王炒麵：好油，炒過龍煎蠔餅：太多粉，好油脆魚皮：唔夠脆，有點太“銀”薯仔牛柳粒：好油連食過幾次的老公都話失望，大失水準重要價錢唔算平，但size同岀面比較算大碟唔會有下次環境算迫，等左7-9分鐘位